VA ROMA 13
13
1Omanu vosi, omunu, omunu, va pokole kolombiali, momo ka kuli uviali te wa tunda ku Suku, la-a a kasi a kapiwa la Suku. 2Oco, u o patãla ombiali, o patãla eci ca kapiwa la Suku. Ava va patãla va likokela episo. 3Momo olombiali ka vi lingi usumba ku vakuavilinga viwa, te ku vakuavilinga vĩvi. Ove hẽ, o yongola okuti ku yokokela ombiali? Nda oco, linga eci ciwa kuenje o sivayiwa laye, 4momo eye ukuenje wa Suku wa kapiwila oku ku kuatisa. Puãi, nda o linga eci cĩvi, yokoka, momo omoko yoku viala a kasi layo hayesandako. Eye ukuenje wa Suku, haeye o kasilili oku muisa u wa linga cĩvi onyeño ya Suku. 5Oco, ca sesamela omunu oku pokola, ha mekonda lioku yuvulako lika onyeño, te mekonda liutima u livela oku linga esunga. 6Haicovo vu fetela alisimu momo ovo akuenje va Suku kuenje owo upange wavo. 7Eci komanu vosi eci ca va sesamela, ulambu ku wa sesamela ulambu; ocivanda ku wa sesamela ocivanda; usumba ku wa sesamela usumba; esumbilo ku wa sesamela esumbilo.
8Ko ka kali lolofuka, te ofuka yoku lisola pokati, momo u o sole ukuavo wa tẽlisa ovihandeleko. 9Ovihandeleko viokuti, Ku ka pekelise, Ku ka linge omondi, Ku ka ive, Ku ka livele, kuenda ovihandeleko vikuavo, viosi vi likongela vondaka yimosi yokuti, Sola ukuẽle ndeci o lisole ove muẽle. 10Ocisola ka ci lingi cĩvi ukuavo, oco ocisola ci tẽlisa ovihandeleko.
11Kuenda vali, wa kũlĩhi otembo, okuti yilo oyo ola yoku pasuka kotulo. Momo epopelo lietu cilo li kasi ocipepi, cina tua tava ci sule. 12Uteke wa pita kuenje utanya u kasi ocipepi. Oco tu si ovilinga viowelema, tu wali ovimaleho viocinyi. 13Tu endaendi lesunga nda vutanya, ha lonjuela ko loku kolua, ha loku pekela ko lakãi, pamue lusavili, pamue lovama lesuvu. 14Puãi wali Ñala Yesu Kristu. Ko ka eci ketimba evelo lioku linga oloñeyi vialio.
ទើបបានជ្រើសរើសហើយ៖
VA ROMA 13: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
VA ROMA 13
13
1Omanu vosi, omunu, omunu, va pokole kolombiali, momo ka kuli uviali te wa tunda ku Suku, la-a a kasi a kapiwa la Suku. 2Oco, u o patãla ombiali, o patãla eci ca kapiwa la Suku. Ava va patãla va likokela episo. 3Momo olombiali ka vi lingi usumba ku vakuavilinga viwa, te ku vakuavilinga vĩvi. Ove hẽ, o yongola okuti ku yokokela ombiali? Nda oco, linga eci ciwa kuenje o sivayiwa laye, 4momo eye ukuenje wa Suku wa kapiwila oku ku kuatisa. Puãi, nda o linga eci cĩvi, yokoka, momo omoko yoku viala a kasi layo hayesandako. Eye ukuenje wa Suku, haeye o kasilili oku muisa u wa linga cĩvi onyeño ya Suku. 5Oco, ca sesamela omunu oku pokola, ha mekonda lioku yuvulako lika onyeño, te mekonda liutima u livela oku linga esunga. 6Haicovo vu fetela alisimu momo ovo akuenje va Suku kuenje owo upange wavo. 7Eci komanu vosi eci ca va sesamela, ulambu ku wa sesamela ulambu; ocivanda ku wa sesamela ocivanda; usumba ku wa sesamela usumba; esumbilo ku wa sesamela esumbilo.
8Ko ka kali lolofuka, te ofuka yoku lisola pokati, momo u o sole ukuavo wa tẽlisa ovihandeleko. 9Ovihandeleko viokuti, Ku ka pekelise, Ku ka linge omondi, Ku ka ive, Ku ka livele, kuenda ovihandeleko vikuavo, viosi vi likongela vondaka yimosi yokuti, Sola ukuẽle ndeci o lisole ove muẽle. 10Ocisola ka ci lingi cĩvi ukuavo, oco ocisola ci tẽlisa ovihandeleko.
11Kuenda vali, wa kũlĩhi otembo, okuti yilo oyo ola yoku pasuka kotulo. Momo epopelo lietu cilo li kasi ocipepi, cina tua tava ci sule. 12Uteke wa pita kuenje utanya u kasi ocipepi. Oco tu si ovilinga viowelema, tu wali ovimaleho viocinyi. 13Tu endaendi lesunga nda vutanya, ha lonjuela ko loku kolua, ha loku pekela ko lakãi, pamue lusavili, pamue lovama lesuvu. 14Puãi wali Ñala Yesu Kristu. Ko ka eci ketimba evelo lioku linga oloñeyi vialio.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.