VA ROMA 12
12
1A vamanji, ndu pingi lohenda ya Suku okuti weci atimba ene ndocilumba ci kasi lomuenyo, haico ci kola, kuenje ci sanjuisa Suku. Oco efendelo liene liocili. 2Kuenje ko ka lisetahaisi loluali lulo, puãi kuati ovitima viokaliye okuti ovimuenyo vi pongoluiwa, kuenje vu limbuka ndeci ci kasi ocipango ca Suku, okuti ciwa, ca sunguluka, ca pua eko.
3Momo, locali ca nyihiwa, ndu lunguli omunu omunu, siti, Ko ka lisokololi ene muẽle loku lituna ka kua sungulukile, puãi omunu omunu a likũlĩhise lolondunge vi tunda kekolelo Suku a wiha. 4Momo, ndeci tu kasi lovimatamata via lua vetimba limuamue, lovimatamata viaco ka vi kuete upange umuamue, 5haico, ndaño tu va lua, haimo tutimba limuamue vu Kristu, kuenje tuvimatamata vi likuatisa pokati. 6Olongavelo via tu ihiwa omunu omunu via litepa, ndeci ocali ca eciwa komunu omunu ca litepa, oco tu talavayi longavelo tu kuete. Nda uloño wetu oku imba owanji, tu imbi muẽle owanji ndeci ca soka lekolelo lietu. 7Nda uloño wetu oku kuatisa, tu kuatisi. Nda uloño womunu oku longisa, a longise, 8nda oku lungula, a lungule, nda oku lumba vombango, ka ka lumbe ndofufi, nda oku songuila vakuavo, a songuile lombili, nda oku linga ohenda, a yi linge lesanju.
9Ocisola ci kale cocili. Nyehuli eci cĩvi. Kakateli eci ciwa. 10Lisoli pokati ndomunu la manjaye. Koku sumbila, velisipo vakuẽle. 11Kombili ko ka lendi. Kuati owuya we Espiritu. Vumbi Ñala. 12Osimbu vu lavoka sanjuki. Pandikisi vohali. Tuwi oku likutilila. 13Lumbi vombango yoku kuatisa olosandu. Poki akombe.
14Likutilili ava vo siliñinya, ko ka va siñali, te oku va likutilila. 15Yoleli lava va yolela, lili lava va lila. 16Lisimili cimuamue. Ko ka simi ovina viunene, puãi loñi koku vumba. Ko ka lipandi. 17Ko ka fetuluinyi umue cĩvi leci cĩvi. Sandi ovina viwa kovaso omanu vosi. 18Ndeci ca soka locikele cene, kali lombembua lomanu vosi nda ci tẽliwa. 19Akuetu wa soliwi, ko ka lifetuluinyi. Efetuluinyo li kale konyeño ya Suku, momo ca sonehiwa citi, Efetuluinyo, liange. Ame fetuluinya. Oco ca popia Ñala. 20Puãi nda unyali wove o kasi lonjala, u lisa, nda o kasi lenyona, u nyuisa, momo oku linga ndoco o lundika akãla ondalu ponumbutue yaye. 21Ku ka yuliwe leci cĩvi, puãi eci cĩvi ci yula leci ciwa.
ទើបបានជ្រើសរើសហើយ៖
VA ROMA 12: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
VA ROMA 12
12
1A vamanji, ndu pingi lohenda ya Suku okuti weci atimba ene ndocilumba ci kasi lomuenyo, haico ci kola, kuenje ci sanjuisa Suku. Oco efendelo liene liocili. 2Kuenje ko ka lisetahaisi loluali lulo, puãi kuati ovitima viokaliye okuti ovimuenyo vi pongoluiwa, kuenje vu limbuka ndeci ci kasi ocipango ca Suku, okuti ciwa, ca sunguluka, ca pua eko.
3Momo, locali ca nyihiwa, ndu lunguli omunu omunu, siti, Ko ka lisokololi ene muẽle loku lituna ka kua sungulukile, puãi omunu omunu a likũlĩhise lolondunge vi tunda kekolelo Suku a wiha. 4Momo, ndeci tu kasi lovimatamata via lua vetimba limuamue, lovimatamata viaco ka vi kuete upange umuamue, 5haico, ndaño tu va lua, haimo tutimba limuamue vu Kristu, kuenje tuvimatamata vi likuatisa pokati. 6Olongavelo via tu ihiwa omunu omunu via litepa, ndeci ocali ca eciwa komunu omunu ca litepa, oco tu talavayi longavelo tu kuete. Nda uloño wetu oku imba owanji, tu imbi muẽle owanji ndeci ca soka lekolelo lietu. 7Nda uloño wetu oku kuatisa, tu kuatisi. Nda uloño womunu oku longisa, a longise, 8nda oku lungula, a lungule, nda oku lumba vombango, ka ka lumbe ndofufi, nda oku songuila vakuavo, a songuile lombili, nda oku linga ohenda, a yi linge lesanju.
9Ocisola ci kale cocili. Nyehuli eci cĩvi. Kakateli eci ciwa. 10Lisoli pokati ndomunu la manjaye. Koku sumbila, velisipo vakuẽle. 11Kombili ko ka lendi. Kuati owuya we Espiritu. Vumbi Ñala. 12Osimbu vu lavoka sanjuki. Pandikisi vohali. Tuwi oku likutilila. 13Lumbi vombango yoku kuatisa olosandu. Poki akombe.
14Likutilili ava vo siliñinya, ko ka va siñali, te oku va likutilila. 15Yoleli lava va yolela, lili lava va lila. 16Lisimili cimuamue. Ko ka simi ovina viunene, puãi loñi koku vumba. Ko ka lipandi. 17Ko ka fetuluinyi umue cĩvi leci cĩvi. Sandi ovina viwa kovaso omanu vosi. 18Ndeci ca soka locikele cene, kali lombembua lomanu vosi nda ci tẽliwa. 19Akuetu wa soliwi, ko ka lifetuluinyi. Efetuluinyo li kale konyeño ya Suku, momo ca sonehiwa citi, Efetuluinyo, liange. Ame fetuluinya. Oco ca popia Ñala. 20Puãi nda unyali wove o kasi lonjala, u lisa, nda o kasi lenyona, u nyuisa, momo oku linga ndoco o lundika akãla ondalu ponumbutue yaye. 21Ku ka yuliwe leci cĩvi, puãi eci cĩvi ci yula leci ciwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.