LUKA 5
5
1Osimbu omanu vo lisindiliya oku yeva ondaka ya Suku, eye wa kala kohulo yociva ca Genesarete. 2Kuenje kohulo yociva wa mola awato avali, vakuakupipa vaco puãi va tundamo, kuenje va kala loku sukula awanda avo. 3Yu wa wila vowato umue okuti wa Simono, kuenje wo pinga oku u seyisa naito kongongo. Oco Yesu wa tumala vowato kuenje wa longisa owiñi. 4Eci a mala oku longisa oco wa popia la Simono hati, U seyisila apa pa longa. Lowisi awanda ene oku kuata olosi. 5Simono wa kumbulula hati, A cime cange, uteke wosi tua likavisa ño, lacimue tua kuata, puãi londaka yove ndowisa awanda. 6Oku ci linga va kuata ocitundo ca lua colosi. Kuenje omo awanda avo a soka oku tepa, 7oco va payula vakuavo vowato ukuavo okuti veya oku va kuatisa. Oku iya va yukisa awato avali toke a sokele oku vomba. 8Puãi Simono Petulu, oku ci mola, wa kekama kolongolo kovaso a Yesu, kuenje hati, A Ñala, nunde, momo ndukuakandu. 9Momo ndaño eye, ndaño ava va kala kumue laye, vosi va komoha ocitundo colosi va kuata. 10Tiago la Yoano, omãla va Sebedeo, haivo vakuekuta lia Simono, va ci komohavo. Yesu wa popia la Simono hati, Ku ka yokoke. Tunde opo o linga enyanga liomanu. 11Eci veya kongongo lawato avo, va sia ovina viosi kuenje vo kuama.
12Eci a kala vimbo limue kueya umue we yuka ovilundu. Eci a mola Yesu oco wa lituvika posi kuenje wo pinga, hati, A Ñala, nda o ci panga, o tẽla oku ñayisa. 13Oco Yesu, oku olõla okuokuo kuaye, wo lamba, hati, Nda panga, kaya. Haico ovilundu vio tunda. 14Kuenje wo handeleka hati, Ku ka ci sapuile omunu, puãi kuende, ka lilekise kocitunda, kuenje lumbila uvangi woku yelisua kuove ndeci Mose a handeleka. 15Puãi oluhimo luaye lua sandoka vali enene, kuenje owiñi wakahandangala wa liongoluila oku u yeva loku sakuiwa ovovei avo. 16Eye puãi wa litepa lowiñi, wa enda kekalasoko oku ka likutilila.
17Oco eteke limue, osimbu a kala loku longisa, va Fariseo lalongisi vovihandeleko va tunda kovaimbo osi o ko Galilea lo ko Yudea lo ko Yerusalãi va tumala ocipepi laye. Kuenje unene wa Yehova woku sakula wa kala laye. 18Kuenje alume vamue va ambatela vociyalo omunu umue wa fa ovolu, kuenje va seteka oku u wiñisa loku u langeka kovaso a Yesu. 19Puãi ka va sangele ndomo vo wiñisa, momo omanu va lua, oco va londa kilu lionjo yu vo pitisa pokati kateya. Vo lowisa lociyalo caye pokati komanu toke a pitila kovaso a Yesu. 20Eci Yesu a mola ekolelo liavo, wa popia hati, Amunu, akandu ove a ecelua. 21Oco vakuavisonehua la va Fariseo va fetika oku ñuñula vati, Helie u o popia ndeti etonãi? Helie o tẽla oku ecela akandu, nda ha Sukuko lika? 22Eci Yesu a limbuka ndeci va kala loku lipula pokati oco wa va kumbulula, hati, Nye vu patãlẽla vovitima viene? 23Ca lelukapo oku ci popia ci pi, Akandu ove a ecelua, ale, ele oku popia siti, Votoka, enda? 24Puãi oku vu limbukisa okuti Mõlomanu o kasi lomoko yoku ecela akandu kilu lieve,— wa popia lu wa fa ovolu hati,— Mopia love siti, Votoka. Tikula ula wove. Kuende konjo yove. 25Haico a votokela kovaso avo, kuenje oku tikula ociyalo a pekelele, wa enda konjo yaye loku tumbangiya Suku. 26Vosi va komoha kuenje va tumbangiya Suku, yu ve yuka usumba vati, Etaili tua mola ovikomo.
27Kovaso yovina evi Yesu wa tunda kuenje wa mola umue ukuakutambula elisimu, onduko yaye Lewi, wa tumala powombo. Yu wa popia laye hati, Ñuame. 28Kuenje oku votoka wa sia cosi, wo kuama.
29Kuenje Lewi wo lingila ofesta yinene vonjo yaye. Mua kala owiñi wa lua wa vakuakutambula elisimu lomanu vakuavo va tumala komesa kumue lavo. 30Kuenje va Fariseo la vakuavisonehua vavo va mumuila olondonge viaye vati, Nye vu lila loku nyuila kumue la vakuakutambula elisimu lolondingakandu? 31Kuenje Yesu wa va kumbulula hati, Ava va vela ovo va posokela ondotolo, ava va ñuai havoko. 32Sieyilile oku kovongela vakuesunga koku likekembela akandu, te vakuakandu.
33Kuenje va popia laye vati, Olondonge via Yoano vi likandangaiya okulia, kuenda vi likutalaila, haicovo olondonge via va Fariseo, viove puãi vi lia lia loku nyua. 34Kuenje Yesu wa popia lavo hati, Vu tẽla oku pangisa vakuasandombua okuti va likandangiya okulia osimbu sandombua a kasi lavo kumue? 35Kuiya oloneke eci sandombua a vopiwa, oco va likandangiya okulia voloneke viaco. 36Kuenje eye wa va tela olusapo hati, Lomue o towila uwalo wokaliye ocitetele ha ci tongela emañe kuwalo wa kuka. Nda o ci linga, o tola uwalo wokaliye, kuenda ocitetele ci tunda kuwalo wokaliye ka ci soki luwalo wale. 37Kuenda vali lomue o longela ovinyu viokaliye volonjeke viovipa via kuka. Nda o ci linga ovinyu viokaliye vi tuiya olonjeke kuenje vi peseka, kuenda olonjeke viaco vi nyõleha. 38Puãi ovinyu viokaliye vi longelua volonjeke viovipa viokaliye. 39Kuenje lomue, eci a nyua ovinyu viale, o yongola vali viokaliye, momo o linga hati, Viale ovio viwa.
ទើបបានជ្រើសរើសហើយ៖
LUKA 5: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
LUKA 5
5
1Osimbu omanu vo lisindiliya oku yeva ondaka ya Suku, eye wa kala kohulo yociva ca Genesarete. 2Kuenje kohulo yociva wa mola awato avali, vakuakupipa vaco puãi va tundamo, kuenje va kala loku sukula awanda avo. 3Yu wa wila vowato umue okuti wa Simono, kuenje wo pinga oku u seyisa naito kongongo. Oco Yesu wa tumala vowato kuenje wa longisa owiñi. 4Eci a mala oku longisa oco wa popia la Simono hati, U seyisila apa pa longa. Lowisi awanda ene oku kuata olosi. 5Simono wa kumbulula hati, A cime cange, uteke wosi tua likavisa ño, lacimue tua kuata, puãi londaka yove ndowisa awanda. 6Oku ci linga va kuata ocitundo ca lua colosi. Kuenje omo awanda avo a soka oku tepa, 7oco va payula vakuavo vowato ukuavo okuti veya oku va kuatisa. Oku iya va yukisa awato avali toke a sokele oku vomba. 8Puãi Simono Petulu, oku ci mola, wa kekama kolongolo kovaso a Yesu, kuenje hati, A Ñala, nunde, momo ndukuakandu. 9Momo ndaño eye, ndaño ava va kala kumue laye, vosi va komoha ocitundo colosi va kuata. 10Tiago la Yoano, omãla va Sebedeo, haivo vakuekuta lia Simono, va ci komohavo. Yesu wa popia la Simono hati, Ku ka yokoke. Tunde opo o linga enyanga liomanu. 11Eci veya kongongo lawato avo, va sia ovina viosi kuenje vo kuama.
12Eci a kala vimbo limue kueya umue we yuka ovilundu. Eci a mola Yesu oco wa lituvika posi kuenje wo pinga, hati, A Ñala, nda o ci panga, o tẽla oku ñayisa. 13Oco Yesu, oku olõla okuokuo kuaye, wo lamba, hati, Nda panga, kaya. Haico ovilundu vio tunda. 14Kuenje wo handeleka hati, Ku ka ci sapuile omunu, puãi kuende, ka lilekise kocitunda, kuenje lumbila uvangi woku yelisua kuove ndeci Mose a handeleka. 15Puãi oluhimo luaye lua sandoka vali enene, kuenje owiñi wakahandangala wa liongoluila oku u yeva loku sakuiwa ovovei avo. 16Eye puãi wa litepa lowiñi, wa enda kekalasoko oku ka likutilila.
17Oco eteke limue, osimbu a kala loku longisa, va Fariseo lalongisi vovihandeleko va tunda kovaimbo osi o ko Galilea lo ko Yudea lo ko Yerusalãi va tumala ocipepi laye. Kuenje unene wa Yehova woku sakula wa kala laye. 18Kuenje alume vamue va ambatela vociyalo omunu umue wa fa ovolu, kuenje va seteka oku u wiñisa loku u langeka kovaso a Yesu. 19Puãi ka va sangele ndomo vo wiñisa, momo omanu va lua, oco va londa kilu lionjo yu vo pitisa pokati kateya. Vo lowisa lociyalo caye pokati komanu toke a pitila kovaso a Yesu. 20Eci Yesu a mola ekolelo liavo, wa popia hati, Amunu, akandu ove a ecelua. 21Oco vakuavisonehua la va Fariseo va fetika oku ñuñula vati, Helie u o popia ndeti etonãi? Helie o tẽla oku ecela akandu, nda ha Sukuko lika? 22Eci Yesu a limbuka ndeci va kala loku lipula pokati oco wa va kumbulula, hati, Nye vu patãlẽla vovitima viene? 23Ca lelukapo oku ci popia ci pi, Akandu ove a ecelua, ale, ele oku popia siti, Votoka, enda? 24Puãi oku vu limbukisa okuti Mõlomanu o kasi lomoko yoku ecela akandu kilu lieve,— wa popia lu wa fa ovolu hati,— Mopia love siti, Votoka. Tikula ula wove. Kuende konjo yove. 25Haico a votokela kovaso avo, kuenje oku tikula ociyalo a pekelele, wa enda konjo yaye loku tumbangiya Suku. 26Vosi va komoha kuenje va tumbangiya Suku, yu ve yuka usumba vati, Etaili tua mola ovikomo.
27Kovaso yovina evi Yesu wa tunda kuenje wa mola umue ukuakutambula elisimu, onduko yaye Lewi, wa tumala powombo. Yu wa popia laye hati, Ñuame. 28Kuenje oku votoka wa sia cosi, wo kuama.
29Kuenje Lewi wo lingila ofesta yinene vonjo yaye. Mua kala owiñi wa lua wa vakuakutambula elisimu lomanu vakuavo va tumala komesa kumue lavo. 30Kuenje va Fariseo la vakuavisonehua vavo va mumuila olondonge viaye vati, Nye vu lila loku nyuila kumue la vakuakutambula elisimu lolondingakandu? 31Kuenje Yesu wa va kumbulula hati, Ava va vela ovo va posokela ondotolo, ava va ñuai havoko. 32Sieyilile oku kovongela vakuesunga koku likekembela akandu, te vakuakandu.
33Kuenje va popia laye vati, Olondonge via Yoano vi likandangaiya okulia, kuenda vi likutalaila, haicovo olondonge via va Fariseo, viove puãi vi lia lia loku nyua. 34Kuenje Yesu wa popia lavo hati, Vu tẽla oku pangisa vakuasandombua okuti va likandangiya okulia osimbu sandombua a kasi lavo kumue? 35Kuiya oloneke eci sandombua a vopiwa, oco va likandangiya okulia voloneke viaco. 36Kuenje eye wa va tela olusapo hati, Lomue o towila uwalo wokaliye ocitetele ha ci tongela emañe kuwalo wa kuka. Nda o ci linga, o tola uwalo wokaliye, kuenda ocitetele ci tunda kuwalo wokaliye ka ci soki luwalo wale. 37Kuenda vali lomue o longela ovinyu viokaliye volonjeke viovipa via kuka. Nda o ci linga ovinyu viokaliye vi tuiya olonjeke kuenje vi peseka, kuenda olonjeke viaco vi nyõleha. 38Puãi ovinyu viokaliye vi longelua volonjeke viovipa viokaliye. 39Kuenje lomue, eci a nyua ovinyu viale, o yongola vali viokaliye, momo o linga hati, Viale ovio viwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.