LUKA 4
4
1Oco Yesu we yuka Espiritu Sandu, wa tunda ko Yordão kuenje wa songuilua kekalasoko le Espiritu. 2Oko a kala akui akuãla koloneke oku yonjiwa leliapu. Oloneke viaco ka lile cimue, leci via pua wa kala lonjala. 3Eliapu lia popia laye liti, Nda vumõla a Suku popia lewe eli, huti, Linga ombolo. 4Yesu wa li kumbulula hati, Ca sonehiwa okuti omunu ka muila omuenyo kokulia lika. 5Eliapu lio tuala konumbuko kuenje ndokupakula kuiso haico lio wilikila ovosoma osi o kilu lieve. 6Eliapu lia popia laye liti, Hu iha uviali owo wosi lulamba wawo, momo wa ñundikiwa ame, kuenje ndu weca ku wosi manga. 7Oco nda ove o fendela, cosi ci linga cove. 8Yesu wa li kumbulula hati, Ca sonehiwa citi,
Fendela Ñala Suku yove,
eye lika o vumba.
9Noke lio tuala ko Yerusalãi, kuenje lio talamisa kolusoka luonembele, lia popia laye liti, Nda vumõla a Suku likupuila posi, 10momo ca sonehiwa citi,
O ku kundika kovangelo vaye ha va ku lavi.
11Kuenda vali ca sonehiwavo, citi,
Va ku yelula lovaka avo,
sanga o lilondoka kewe.
12Kuenje Yesu wa li kumbulula hati, Ca popiwa citi, Ku ka seteke Ñala Suku yove. 13Eci eliapu lia mala ayonjo osi, oco lio sia toke kevelo lia sunguluka.
14Yesu wa tiukila ko Galilea we yuka unene w'Espiritu kuenje oluhimo luaye lua sandokaila kofeka yosi yi sungueko. 15Eye wa longisa volosunangonga viavo, kuenje wa sumbiwa lomanu vosi.
16Noke weya ko Nasara kuna a tekuiwila, kuenje, ndeci a tuwa, kesambata wa iñila vosunangonga. Yu wa votoka oku tanga, 17kuenje vo wiha elivulu liuprofeto Isaya. Eye wa tuvula elivulu kuenje wa tanga oko kua sonehiwa hati,
18Espiritu lia Yehova lia mbuila,
momo lia mbuaveka. Lia numa oku kundila olosuke ondaka yiwa,
loku sakula ava va teka kovitima.
Lia numa oku sapula eyovo kolohute,
kuenda eletuluko kolomeke.
Lia numa oku pandulula ava va pandekua
19loku sapula unyamo wocali ca Yehova.
20Oco, oku tuvika elivulu, wa li eca kukulu waco, yu wa tumala, kuenje ovaso a vosi vosunangonga o tunguila. 21Oco a fetika oku popia lavo hati, Etaili muẽle, osimbu wa yeveleli, ocisonehua caco ca lemuluiwa. 22Kuenje vosi vo wimbila uvangi uwa, kuenje va komoha olondaka via posoka via tunda vomẽla waye. Va linga vati, Heyeko omõla a Yosefe? 23Oco wa popia lavo hati, Ocili, vu laika oku nela olusapo olu, hoti, Osakuisi, lisakula ove muẽle. Linga mulo, voluse luove, ovina viosi tua yeva okuti wa vi lingila vo Kafarinau. 24Kuenje eye wa linga hati, Mopia lene locili, siti, Lomue uprofeto o panduiwa voluse luaye. 25Puãi, ndu sapuili cimue cocili. Koloneke viuprofeto Eliya, vi Isareli mua kala ovimbumba via lua, cina ilu lia sitikile anyamo atatu kolosãi epandu, kuenje kueya onjala ya lua kofeka yosi. 26Haimo Eliya ka tumiwile kocimbumba cimue pokati kavio te kukãi ocimbumba wa kala ko Sarepata vofeka ya Sidono. 27Kuenda vali koloneke viuprofeto Eliya, vi Isareli mua kala vakuavilundu va lua kuenje lomue pokati kavo wa yelisua te Namana u Suria. 28Eci va ci yeva, vosi vosunangonga ve kuta onyeño. 29Kuenje oku votoka vo tundisa vimbo, kuenda vo tuala keñueñueñue liomunda oko kua tungiwa imbo liavo, ha vo kunyuilamo. 30Puãi eye oku livendiliya pokati kavo, wa enda.
31Kuenje wa lokila vo Kafarinau, hailio imbo lio ko Galilea. Kesambata wa kala oku va longisa. 32Yu va komoha okulongisa kuaye, momo ondaka yaye ya kala lomoko. 33Vosunangonga yaco mua kala omunu o kuetiwe locilũlu ca vĩha, yu wa vilikiya londaka ya lua hati, 34Ya, tu likuetele nye love, a Yesu u Nasara? Weyilila oku tu nyõla? Ndu kui, ove u o kola wa Suku. 35Kuenje Yesu wa ci tulumula, hati, Uha, weca. Kuenje, eci ocilũlu co kupuila pokati kavo, co weca, puãi ka co lingile cĩvi. 36Vosi va komoha, kuenje va livangula vati, Ondaka eyi yi kasi ndati? Momo o handeleka ilũlu vĩvi lomoko lunene, kuenje vi tunda. 37Kuenje oluhimo luaye lua sandokaila kofeka yosi yi sungueko.
38Oco oku votoka wa tunda vosunangonga, yu wa iñila vonjo ya Simono. Ina yukãi wa Simono ombambi ya lua yu kuete, kuenje vo pingilako. 39Kuenje Yesu, oku u petamela, wo sakula ombambi kuenje yo weca. Haico a pasuka, yu wa va poka.
40Eci ekumbi lia kala loku iñila, vosi va kala lava va vela ovovei aiñi aiñi vo va nenela. Kuenje Yesu wa va imba ovaka vosi yavo, kuenje wa va sakula. 41Va lua ovilũlu via va tunda yu via vilikiya viti, Ove vumõla a Suku. Yesu puãi wa vi lemela, ka tavele okuti vi popia omo via kũlĩha okuti eye o Mesiya.
42Kuenje eci kua ca, wa tundamo, wa enda kekalasoko. Omanu vo sanda, kuenje veya oko a kala. Eci vo sanga va seteka oku u tateka okuti ka va tundi. 43Puãi eye wa popia lavo hati, Ñuete ocikundi coku kundila ondaka yiwa yusoma wa Suku vovaimbo akuavo, momo eci oco nda tumilua. 44Kuenje wa kala loku kundila volosunangonga vio vo Yudea.
ទើបបានជ្រើសរើសហើយ៖
LUKA 4: EMB63
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
LUKA 4
4
1Oco Yesu we yuka Espiritu Sandu, wa tunda ko Yordão kuenje wa songuilua kekalasoko le Espiritu. 2Oko a kala akui akuãla koloneke oku yonjiwa leliapu. Oloneke viaco ka lile cimue, leci via pua wa kala lonjala. 3Eliapu lia popia laye liti, Nda vumõla a Suku popia lewe eli, huti, Linga ombolo. 4Yesu wa li kumbulula hati, Ca sonehiwa okuti omunu ka muila omuenyo kokulia lika. 5Eliapu lio tuala konumbuko kuenje ndokupakula kuiso haico lio wilikila ovosoma osi o kilu lieve. 6Eliapu lia popia laye liti, Hu iha uviali owo wosi lulamba wawo, momo wa ñundikiwa ame, kuenje ndu weca ku wosi manga. 7Oco nda ove o fendela, cosi ci linga cove. 8Yesu wa li kumbulula hati, Ca sonehiwa citi,
Fendela Ñala Suku yove,
eye lika o vumba.
9Noke lio tuala ko Yerusalãi, kuenje lio talamisa kolusoka luonembele, lia popia laye liti, Nda vumõla a Suku likupuila posi, 10momo ca sonehiwa citi,
O ku kundika kovangelo vaye ha va ku lavi.
11Kuenda vali ca sonehiwavo, citi,
Va ku yelula lovaka avo,
sanga o lilondoka kewe.
12Kuenje Yesu wa li kumbulula hati, Ca popiwa citi, Ku ka seteke Ñala Suku yove. 13Eci eliapu lia mala ayonjo osi, oco lio sia toke kevelo lia sunguluka.
14Yesu wa tiukila ko Galilea we yuka unene w'Espiritu kuenje oluhimo luaye lua sandokaila kofeka yosi yi sungueko. 15Eye wa longisa volosunangonga viavo, kuenje wa sumbiwa lomanu vosi.
16Noke weya ko Nasara kuna a tekuiwila, kuenje, ndeci a tuwa, kesambata wa iñila vosunangonga. Yu wa votoka oku tanga, 17kuenje vo wiha elivulu liuprofeto Isaya. Eye wa tuvula elivulu kuenje wa tanga oko kua sonehiwa hati,
18Espiritu lia Yehova lia mbuila,
momo lia mbuaveka. Lia numa oku kundila olosuke ondaka yiwa,
loku sakula ava va teka kovitima.
Lia numa oku sapula eyovo kolohute,
kuenda eletuluko kolomeke.
Lia numa oku pandulula ava va pandekua
19loku sapula unyamo wocali ca Yehova.
20Oco, oku tuvika elivulu, wa li eca kukulu waco, yu wa tumala, kuenje ovaso a vosi vosunangonga o tunguila. 21Oco a fetika oku popia lavo hati, Etaili muẽle, osimbu wa yeveleli, ocisonehua caco ca lemuluiwa. 22Kuenje vosi vo wimbila uvangi uwa, kuenje va komoha olondaka via posoka via tunda vomẽla waye. Va linga vati, Heyeko omõla a Yosefe? 23Oco wa popia lavo hati, Ocili, vu laika oku nela olusapo olu, hoti, Osakuisi, lisakula ove muẽle. Linga mulo, voluse luove, ovina viosi tua yeva okuti wa vi lingila vo Kafarinau. 24Kuenje eye wa linga hati, Mopia lene locili, siti, Lomue uprofeto o panduiwa voluse luaye. 25Puãi, ndu sapuili cimue cocili. Koloneke viuprofeto Eliya, vi Isareli mua kala ovimbumba via lua, cina ilu lia sitikile anyamo atatu kolosãi epandu, kuenje kueya onjala ya lua kofeka yosi. 26Haimo Eliya ka tumiwile kocimbumba cimue pokati kavio te kukãi ocimbumba wa kala ko Sarepata vofeka ya Sidono. 27Kuenda vali koloneke viuprofeto Eliya, vi Isareli mua kala vakuavilundu va lua kuenje lomue pokati kavo wa yelisua te Namana u Suria. 28Eci va ci yeva, vosi vosunangonga ve kuta onyeño. 29Kuenje oku votoka vo tundisa vimbo, kuenda vo tuala keñueñueñue liomunda oko kua tungiwa imbo liavo, ha vo kunyuilamo. 30Puãi eye oku livendiliya pokati kavo, wa enda.
31Kuenje wa lokila vo Kafarinau, hailio imbo lio ko Galilea. Kesambata wa kala oku va longisa. 32Yu va komoha okulongisa kuaye, momo ondaka yaye ya kala lomoko. 33Vosunangonga yaco mua kala omunu o kuetiwe locilũlu ca vĩha, yu wa vilikiya londaka ya lua hati, 34Ya, tu likuetele nye love, a Yesu u Nasara? Weyilila oku tu nyõla? Ndu kui, ove u o kola wa Suku. 35Kuenje Yesu wa ci tulumula, hati, Uha, weca. Kuenje, eci ocilũlu co kupuila pokati kavo, co weca, puãi ka co lingile cĩvi. 36Vosi va komoha, kuenje va livangula vati, Ondaka eyi yi kasi ndati? Momo o handeleka ilũlu vĩvi lomoko lunene, kuenje vi tunda. 37Kuenje oluhimo luaye lua sandokaila kofeka yosi yi sungueko.
38Oco oku votoka wa tunda vosunangonga, yu wa iñila vonjo ya Simono. Ina yukãi wa Simono ombambi ya lua yu kuete, kuenje vo pingilako. 39Kuenje Yesu, oku u petamela, wo sakula ombambi kuenje yo weca. Haico a pasuka, yu wa va poka.
40Eci ekumbi lia kala loku iñila, vosi va kala lava va vela ovovei aiñi aiñi vo va nenela. Kuenje Yesu wa va imba ovaka vosi yavo, kuenje wa va sakula. 41Va lua ovilũlu via va tunda yu via vilikiya viti, Ove vumõla a Suku. Yesu puãi wa vi lemela, ka tavele okuti vi popia omo via kũlĩha okuti eye o Mesiya.
42Kuenje eci kua ca, wa tundamo, wa enda kekalasoko. Omanu vo sanda, kuenje veya oko a kala. Eci vo sanga va seteka oku u tateka okuti ka va tundi. 43Puãi eye wa popia lavo hati, Ñuete ocikundi coku kundila ondaka yiwa yusoma wa Suku vovaimbo akuavo, momo eci oco nda tumilua. 44Kuenje wa kala loku kundila volosunangonga vio vo Yudea.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.