OVILINGA 7
7
1Oco, ocitunda cinene co pula citi, Ovina evi hẽ, viocili ale? 2Stefano wa kumbulula, hati,
Ene akuetu, lene alosekulu, njeveleli, Suku ukuolamba wa tukulukilile ku kukululu yetu, Avirahama, cina a kaile vo Mesopotamia, osimbu ka tungile handi vo Harana. 3Wa popia laye hati, Tunda vofeka yene lo koluse luove, kuende vofeka hu lekisa. 4Oco wa tunda vofeka ya va Kaldea, kuenje wa tunga vo Harana. Eci isiaye a fa oco Suku wo wupa vo Harana, kuenje wo sondoluila vofeka yilo wa tungi ndeti cilo. 5Haimo lumue, ka wihililemo ocipiñalo, ndaño ociliatelo ca soka lomãi yaye, puãi wa likuminya oku yeca kokuaye kuenda kombuto yaye, ndaño ka kaile lomõla. 6Suku wo lomboluila hati, Omãla vove va ka tunga vofeka yamãle ndakombe. Vakuafeka va va lingisa apika loku va talisa ohali ovita vikuãla kanyamo. 7Suku wa popia hati, Puãi ame muẽle, ame netuluila ofeka yi va vumbisa, kuenje noke va tundamo, veya, va fendela vocitumalo cilo. 8Kuenje wa wiha ocisila cevamba. Oco, eci Avirahama a cita Isake, wo seva evamba eteke liecelãla. Isake wa cita Yakoba, kuenje Yakoba wa cita vakukululu ekui la vavali.
9Vakukululu, omo va kuatela Yosefe onya, oco vo landisa ke Egito. Puãi Suku wa kala laye, 10kuenje wo popela kohali yaye yosi, wo muisa esunguluko lolondunge kovaso a Fareo, Soma ye Egito. Oco Fareo wo lingisa epalanga ve Egito, kuenda vonjo yaye yosi. 11Noke kueya onjala kofeka yosi ye Egito lo ko Kanana, ohali yaco ya lua. Olosekulu vietu ka via sangele eteku. 12Puãi, eci Yakoba a yeva okuti ve Egito muli okulia, oco wa tuma olosekulu vietu ungende wa tete. 13Kungende wavali Yosefe wa lisituluila ku vahuvaye, kuenje epata lia Yosefe lia limbukiwa la Fareo. 14Oco Yosefe wa tuma oku upilila isiaye Yakoba kuenda vakuositue waye vosi, okuti akui epanduvali komanu komanu vatãlo. 15Oco Yakoba wa lokila ve Egito. Eci a fa, eye lolosekulu vietu, 16oco va tualiwa ko Sekeme ha va kendiwa veleva lina Avirahama a landele londando yopalata komãla va Hamore vo Sekeme.
17Puãi, eci oloneke viohuminyo yina Suku a likuminya la Avirahama via kamba naito oku tẽla, oco omanu vaco va luila ve Egito omo va licita. 18Noke ve Egito mua viala osoma yikuavo ka ya kũlĩhile Yosefe. 19Eye wa kala latutu oku linga cĩvi lepata lietu. Wa handeleka olosekulu vietu oku inasi oloñaña viavio okuti ka vi kala vali lomuenyo. 20Koloneke viaco haiko Mose a citiwa. Eye wa piãla keposo, ndaño ku Suku. Wa tekuiwila vonjo ya isiaye olosãi vitatu. 21Eci inasiwa, oco omõla a Fareo ukãi wo yelula kuenje wo tekula ndomõlaye muẽle. 22Mose wa longiwa uloño wosi wa ve Egito, haeye wa loñoloha, ci kale kueci a popia, ci kale kueci a linga.
23Eci a tẽla akui akuãla kanyamo oco vutima waye mueya ocisimilo coku pasula vakuavo va Isareli. 24Oku mola umue pokati kavo wa kala loku lingiwa lãvi, eye wo tundila olunda, kuenje, oku fetuluinyila u wa lingiwa lãvi, wa ipa u Egito. 25Eye wa soka hati, Vakuetu ci va lomboloka okuti Suku o va muisa epopelo leka liange, puãi ka ca va lombolokele. 26Hẽla yaco wa tukulukila kokuavo osimbu va kala loku liyenja. Eye wa yonguile oku va inalisa oco wa popia hati, Ene alume, vusitue, nye vu livaluila? 27U wa kala loku valula ukuavo wo pañula hati, Wa ku kapa okuti o linga ombiali yetu, pamue onganji yetu, helie? 28O yongola he oku njipa ndeci wa ipaile hẽla u Egito? 29Mose, oku yeva ondaka eyi, wa tila, yu wa linga ocingendelei vofeka ya Midiane omo a citila omãla vavali valume.
30Eci pa pita akui akuãla kanyamo, oco ungelo wo tukulukila vekalasoko liomunda ya Sinai, vulienge wondalu vocisapa. 31Eci Mose a ci mola wa komoha owima waco, kuenje, eci eya ocipepi oku ci tala, oco kua yevala ondaka ya Ñala yiti, 32Ame Suku yolosekulu viove, ndi Suku ya Avirahama la Isake kuenda Yakoba. Mose wa luluma kuenje ka lukutile vali oku talako. 33Oco Ñala wa popia laye hati, Lula olohaku polomãi viove, momo apa o tãi osi yaco yi kola. 34Nda mola ohali yomanu vange va kasi ve Egito, nda yeva okuleñaleña kuavo kuenje nda lokila oku va popela. Kaliye, enju hu tume ke Egito.
35Oco, Mose una va pañuile cina vo pula vati, Wa ku kapa okuti o linga ombiali yetu pamue onganji yetu elie? eye Suku a tuma okuti o linga ombiali kuenda upopeli. Suku wo tuma lungelo una wo tukulukila vocisapa. 36Oco Mose wa vopa, kuenje wa va songuila eci va tunda. Wa linga ovikomo lovilimbu ve Egito, lo ko Kalunga Kakusuka, kuenda vekalasoko, akui akuãla kanyamo. 37Mose u, eye una wa popia la va Isareli, hati, Suku o katuila pokati kene uprofeto ndame. 38Mose u, eye una wa linga kapitiya pokati kungelo a vangula laye vomunda Sinai kuenda olosekulu vietu eci va kala pamosi vekalasoko. Eye wa tambula olondaka viomuenyo ha vi eci kokuetu. 39Olosekulu vietu puãi, ka via tavele oku pokola kokuaye, vo pañula, kuenje vovitima viavo va tiukila ke Egito. 40Va popia la Arone vati, Tu sowile olosuku ha vi tu songuila, momo Mose u wa tu upa ve Egito, eci cu kuete ka tu ci. 41Oco, voloneke viaco, va luvikiya onale kuenje va lumbila ociñumañuma caco ocilumba, yu va nyamuila upange wovaka avo. 42Suku puãi, wa va tinduka kuenje wa va eca koku fendela olohoka viovailu, ndeci ca sonehiwa velivulu liovaprofeto, citi,
Apata lia Isareli, ame wa ndumbili ovinyama via ipaiwa, lovilumba,
akui akuãla kanyamo vekalasoko?
43Kotoko! Wambati ombalaka ya Moloki,
kuenda olumbungululu lua suku yene Rafane,
haivio oviñumañuma wa lulikili oku fendela.
Oco cilo ndu sondoluili kupãla,
okuti ko Bavulono ocipepi.
44Olosekulu vietu via kala lombalaka yocisila vekalasoko. U wa vangula la Mose wo lomboluila ndeci a yi tunga, kuenje wo lekisa oseteko yaco. 45Olosekulu vietu via yi tambula kuenje via enda layo eci via iñila kumue la Yehosua volofeka viomanu Suku a tundisila kovaso olosekulu vietu. Haimo ya kala toke koloneke via Daviti. 46Eye wa sanga esumũlũho ku Suku kuenje wa pinga oku tungila Suku ya Yakoba onjo. 47Puãi u wo tungila onjo, Salomone. 48Haimo lumue, Suku Fu ka kala kala volonjo via tungiwa lovaka, ndeci ca popia uprofeto hati,
49Ñala wa popia hati,
Ilu ocalo cange,
losi ociliatelo colomãi viange,
oco onjo ye vu nungila?
Ocitumalo cange coku puyukila ci kasi pi?
50Heka liangeko hẽ lia lulika ovina evi viosi?
51A vakuapasingo a kevela, haene vuviyamba viovutima lovovatui, vu litamalala ño-o le Espiritu Sandu. Ndeci olosekulu viene via linga haico ene vu linga. 52Uprofeto upi hẽ olosekulu viene ka vio kangisile? Kuenje va ipa ava va imba owanji wokuti Ukuesunga iya. Ukuesunga waco, eye una ene wa pakuli ndopo, kuenje wo wipayi, 53haene wa tambuli ovihandeleko via eciwa lovangelo kuenje ka wa vi pokuili.
54Oco, eci va yeva olondaka evi, va fungula vovitima, kuenje vo litakilila ovayo. 55Puãi eye we yuka Espiritu Sandu, kuenje, oku tunguila ovaso kilu, wa mola ulamba wa Suku, la Yesu yo, o tãi kondio ya Suku. 56Oco wa linga hati, Tali! Ndete ilu lia yuluka kuenje Mõlomanu yo, o tãi kondio ya Suku. 57Ovo puãi, va vilikiya lolukandi, va sitika ovatui avo, kuenje va vulumũhĩla vosi kumuamue. 58Vo tundisa vimbo kuenje vo sosola lovawe. Olombangi viaco via kapa olonanga viavo polomãi viocikuenjepombo Saulu. 59Osimbu va kala loku u sosola, Stefano wa likutilila hati. A Ñala Yesu, tambula omuenyo wange. 60Oco wa kekama kuenje wa vilikiya lolukandi, hati, A Ñala, ku ka va tendele ekandu eli. Eci a ci popia wa pekela olufa.
ទើបបានជ្រើសរើសហើយ៖
OVILINGA 7: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
