II VA KORINDO 9
9
1Si sukila oku u soneheli oku u lomboluili ocilumba coku kuatisa olosandu. 2Momo nda kũlĩha ndomo vu kuete utima waco. Ndo pandiyili ale ku va Makedonia, siti, Va Akaia va pongiya ale tunde kenyamuãli, kuenje ombili yene ya tutuminya valua. 3Puãi ñasi loku tuma vakuetu okuti, kondaka yilo, oku vu pandiya kuetu ka ku lingi kuesanda. Ndavoka okuti vo sangi tupu wa pongiyi ale, ndeci nda va sapuila, 4sanga, nda va Makedonia veya lame, kuenje vo sangi ka wa lipongiyili, ci tu linga etu osõi kuenda ene ca piãla, omo tuo koleleli. 5Oco, nda soka siti, Ca sunguluka oku pañinya vakuetu okuti va livanga oku iya kokuene loku sokiya ombango ndomo wa likuminyi, okuti tu yi sanga yi kasi ale, hambangoko yoku kisika puãi ocilumba cocisola.
6Onimbu yeyi, U o kũla citito, ungulavo citito; u o kũla calua, ungulavo ca lua. 7Omunu omunu a ece ndeci a panga kutima waye; ha locikukuiko pamue omo a kisikiwa, momo Suku o sole u eca lesanju. 8Kuenje Suku o tẽla oku u salalisi lasumũlũho osi, okuti olonjanja viosi vu kuete eci cu tẽli, kuenje vu tẽla oku eca ovilumba viovopange osi awa. 9Ndeci ca sonehiwa okuti,
O sandula, eca eca kolosuke.
Esunga liaye li kala oloneke ka vi pui.
10U eca ombuto ku o kũla kuenda ombolo yokulia, eye u muisi ombuto yi kũliwa vutima loku yi luisa okuti wimi epako liesunga liene. 11Vu sanga ombuwe kovina viosi okuti wecaeci kocilumba lesanju. Etu tu linga vakalei vaco, kuenje ava va tambula va pandula Suku. 12Momo okulumba kocilumba caco cocisola ocili ku kuatisa olosandu, puãi hacoko lika, ci koka oku imba ku Suku olopandu via supoka. 13Okunyikiwa kuaco ku lekisa ocili cene, kuenje ovo va tumbangiyila Suku epokolo liene kondaka yiwa ya Kristu, kuenda olombanjaile via eciwa kokuavo kuenda ku vosi vakuavo locisola cene. 14Kuenda vali, vo kuateli ongeva loku vu likutilila mekonda liocali ca Suku ca piãla ci kasi lene. 15Pandu pandu ku Suku mekonda liocali caye ka ci popaiwa.
ទើបបានជ្រើសរើសហើយ៖
II VA KORINDO 9: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.