II VA KORINDO 2
2
1Ame muẽle nda ci lipangela okuti siya vali kokuene lesumuo. 2Momo nda ndu sumuisi, u o sanjuisa ame elie, hateko u nda sumuisa? 3Kuenje, eci nda sonehele nda ci sonehelele okuti, eci njiya, si sumuisua lava va sesamela oku sanjuisa. Momo ene vosi ndo koleli okuti esanju liange hailio esanju liene vosi. 4Momo ndo soneheli lohali ya lua, locinguva vutima, lasuelela a lua, haku vu valulako, te okuti, oco vu limbuke ocisola ca piãla ndu kueteli.
5Puãi nda umue wa popia popia olondaka vi vala hameko via mbala te ene vosi. Mbi, havosiko te vamue lika, si yongola oku vu lundila. 6Omunu waco, eyambulo lio yambula ale va lua, li tẽla. 7Cilo hise oku u wecela loku u lembeleka, sanga o fa lesumuo lia piãla. 8Oco ndu livondeli okuti vu u winalisa vali locisola cene. 9Momo oco muẽle ndo soneheleli okuti, ndu nyiki kuenje ñulĩhisa nda kovina viosi wa pokoli nda ndati. 10Wosi ene u weceli lamevo ndu wecela. Eci ame nda ecela, nda nda ecela cimue, ndo ceceleli ene kovaso a Kristu. 11Nda ci lingila okuti Satana ka tu yuli, momo ka tu kasi lonumbi yatutu aye.
12Eci ndeya ko Torasi oku kunda ondaka yiwa ya Kristu, nda sanga epito lia njulukila vu Ñala. 13Puãi utima ka wa tulile omo sia sangele manjange Tito. Oco, nda liusika lavo kuenje nda enda ko Makedonia.
14Pandu pandu ku Suku, u o tu songowaila ño-o vu Kristu ndava va yula, haeye o talavaya letu oku sanduila kuosi elemba liwa liukũlĩhiso wa Kristu. 15Momo ku Suku tua linga ndelemba liwa lia Kristu pokati kava va kasi loku popeliwa lava va kasi loku nyelela. 16Kuava va kasi loku nyelela tu linga elemba liokufa ta kokufa, kuava va kasi loku popeliwa tu linga elemba liomuenyo ta komuenyo. Ovina evi helie o vi tẽla? 17Momo etu ka tua sokele la va lua okuti tu fũla fũla londaka ya Suku. Etu, puãi, tu popia vu Kristu lesunguluko, ndakuenje va Suku kovaso a Suku.
ទើបបានជ្រើសរើសហើយ៖
II VA KORINDO 2: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.