I VA KORINDO 11
11
1Lingi muẽle olosetukuli viange ndomo ame ndisetukuli ya Kristu.
2Ndu panduli momo vu njivaloka kovina viosi, kuenje vu lingainga ovisila ndeci ndo vi longisi. 3Haimo njongola okuti vu limbuka okuti utue wulume Kristu; utue wukãi ulume waye; utue wa Kristu Suku. 4Ulume wosi o likutilila, pamue imba owanji wuprofeto, lutue wa futiwa, o sepuisa utue waye. 5Puãi ukãi wosi o likutilila, pamue imba owanji wuprofeto, lo kutue ka futileko, o sepuisa utue waye. Omo ca soka muẽle loku pemuiwa, cimosi muẽle. 6Ukãi nda ka futi a pemuiwe. Puãi nda ci kutisa osõi ukãi oku litetisa ocifuko pamue oku lipemuisa, a fute. 7Omo ulume ka ca posokele oku futa kutue, momo eye wa tungiwa lesetahalo lia Suku, haeye ulamba waye. Ukãi eye ulamba wulume. 8Momo ulume ka lulikiwile poku upiwa kukãi, ukãi puãi wa lulikiwa poku upiwa kulume. 9Kuenda vali, ulume ka lulikiwilile ukãi, ukãi puãi wa lulikiwila ulume. 10Oco, ukãi co sesamela oku futa ndokuti ovangelo va limbukilako omoko ya veyaye. 11Haimo lumue, vu Ñala, ukãi ka likasilili lika waye, te lulume; lulume ka likasilili lika waye, te lukãi. 12Momo, ndeci ukãi a lulikiwa loku upiwa kulume, haico cilo ulume a citiwa lukãi. Ovina viosi puãi via tunda ku Suku. 13Sokololi ene muẽle. Ca posoka hẽ okuti ukãi o likutilila ku Suku nda ka futile? 14Ocituwa comanu hẽ, ka cu longisi okuti ulume nda o kasi locifuko ca lepa, cu sepuisa? 15Puãi ukãi, nda o kasi locifuko ca lepa, cu lingila ulamba. Momo ocifuko co wihiwa okuti oco ci linge ndocifuto. 16Puãi, nda kuli umue o yongola oku tamalala, etu ka tu tava kocituwa ciñi, ndaño akongelo a Suku.
17Puãi, oku vu lungula ndeci fetika ndeti, siu sivayi, momo okuongoloka kuene ka ku kuatisa, puãi ku tatamisa. 18Momo tete njevite okuti, eci ekongelo li ongoloaka, pokati kene pali olonepele, kuenje nẽla oku kolela oloveti viaco, 19momo nda vakuacili pokati kene va limbukiwa, te pali olonepele okuti, ava va sunguluka va moleha. 20Eci wongolokeli pamosi, ondalelo vu lia ha ya Ñalako. 21Momo, kondalelo yaco umue o linyañuila eye muẽle okulia, kuenje umue o lambuka, lukuavo o kolua. 22Ko kuete hẽ olonjo vioku lilamo loku nyuilãmo? Ele wa tombi ekongelo lia Suku loku kutisa osõi ava ka va kuete? Mopia nye lene? Ondaka eyi ndu yi sivayaili nga? Kotoko. Siu sivayi.
23Momo, eci nda tambula ku Ñala oco nda eca kokuene, okuti Ñala Yesu, uteke una vo pakula, wa nyañula ombolo. 24Eci a pandula wa yi timbula, wa linga hati, Eyi etimba liange lio nyõleheli. Oco ci lingaili oku njivaluka. 25Haicovo okopo, eci va lia ondalelo, hati, Okopo eyi oyo ocisila cokaliye cosonde yange. Oco, olonjanja viosi eci wu yi nyua, ci lingaili oku njivaluka. 26Olonjanja viosi wu lia ombolo yilo loku nyua okopo yaco, wu sapula okufa kua Ñala toke iya.
27Oco u o lia ombolo yaco, pamue o nyua okopo ya Ñala losiata, o pia ekandu lioku vĩhisa etimba losonde ya Ñala. 28Omunu omunu a likũlĩhise, oco a lie noke kombolo yaco, loku yua kokopo yaco. 29Momo u o lia loku nyua, nda ka limbuka etimba liaco, o likokela episo. 30Oco ci kasilili okuti va lua pokati kene va leñela, loku litetela, kuenje vamue va fa. 31Puãi, nda tua livangele oku likũlĩhisa, nda tua yuvula oku pisiwa. 32Puãi, eci tu tetuluiwa la Ñala, tu yambuiwa okuti ka tu pisiwila kumuamue la vakualuali.
33Oco, a vamanji, eci wongolokeli okulia kuaco, litalameli. 34Umue nda o kasi lonjala, a lie vonjo, sanga vu pisiwila okuongoloka kuene. Ovina vikuavo, eci njiya, oco ndi vi sokiya.
ទើបបានជ្រើសរើសហើយ៖
I VA KORINDO 11: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
I VA KORINDO 11
11
1Lingi muẽle olosetukuli viange ndomo ame ndisetukuli ya Kristu.
2Ndu panduli momo vu njivaloka kovina viosi, kuenje vu lingainga ovisila ndeci ndo vi longisi. 3Haimo njongola okuti vu limbuka okuti utue wulume Kristu; utue wukãi ulume waye; utue wa Kristu Suku. 4Ulume wosi o likutilila, pamue imba owanji wuprofeto, lutue wa futiwa, o sepuisa utue waye. 5Puãi ukãi wosi o likutilila, pamue imba owanji wuprofeto, lo kutue ka futileko, o sepuisa utue waye. Omo ca soka muẽle loku pemuiwa, cimosi muẽle. 6Ukãi nda ka futi a pemuiwe. Puãi nda ci kutisa osõi ukãi oku litetisa ocifuko pamue oku lipemuisa, a fute. 7Omo ulume ka ca posokele oku futa kutue, momo eye wa tungiwa lesetahalo lia Suku, haeye ulamba waye. Ukãi eye ulamba wulume. 8Momo ulume ka lulikiwile poku upiwa kukãi, ukãi puãi wa lulikiwa poku upiwa kulume. 9Kuenda vali, ulume ka lulikiwilile ukãi, ukãi puãi wa lulikiwila ulume. 10Oco, ukãi co sesamela oku futa ndokuti ovangelo va limbukilako omoko ya veyaye. 11Haimo lumue, vu Ñala, ukãi ka likasilili lika waye, te lulume; lulume ka likasilili lika waye, te lukãi. 12Momo, ndeci ukãi a lulikiwa loku upiwa kulume, haico cilo ulume a citiwa lukãi. Ovina viosi puãi via tunda ku Suku. 13Sokololi ene muẽle. Ca posoka hẽ okuti ukãi o likutilila ku Suku nda ka futile? 14Ocituwa comanu hẽ, ka cu longisi okuti ulume nda o kasi locifuko ca lepa, cu sepuisa? 15Puãi ukãi, nda o kasi locifuko ca lepa, cu lingila ulamba. Momo ocifuko co wihiwa okuti oco ci linge ndocifuto. 16Puãi, nda kuli umue o yongola oku tamalala, etu ka tu tava kocituwa ciñi, ndaño akongelo a Suku.
17Puãi, oku vu lungula ndeci fetika ndeti, siu sivayi, momo okuongoloka kuene ka ku kuatisa, puãi ku tatamisa. 18Momo tete njevite okuti, eci ekongelo li ongoloaka, pokati kene pali olonepele, kuenje nẽla oku kolela oloveti viaco, 19momo nda vakuacili pokati kene va limbukiwa, te pali olonepele okuti, ava va sunguluka va moleha. 20Eci wongolokeli pamosi, ondalelo vu lia ha ya Ñalako. 21Momo, kondalelo yaco umue o linyañuila eye muẽle okulia, kuenje umue o lambuka, lukuavo o kolua. 22Ko kuete hẽ olonjo vioku lilamo loku nyuilãmo? Ele wa tombi ekongelo lia Suku loku kutisa osõi ava ka va kuete? Mopia nye lene? Ondaka eyi ndu yi sivayaili nga? Kotoko. Siu sivayi.
23Momo, eci nda tambula ku Ñala oco nda eca kokuene, okuti Ñala Yesu, uteke una vo pakula, wa nyañula ombolo. 24Eci a pandula wa yi timbula, wa linga hati, Eyi etimba liange lio nyõleheli. Oco ci lingaili oku njivaluka. 25Haicovo okopo, eci va lia ondalelo, hati, Okopo eyi oyo ocisila cokaliye cosonde yange. Oco, olonjanja viosi eci wu yi nyua, ci lingaili oku njivaluka. 26Olonjanja viosi wu lia ombolo yilo loku nyua okopo yaco, wu sapula okufa kua Ñala toke iya.
27Oco u o lia ombolo yaco, pamue o nyua okopo ya Ñala losiata, o pia ekandu lioku vĩhisa etimba losonde ya Ñala. 28Omunu omunu a likũlĩhise, oco a lie noke kombolo yaco, loku yua kokopo yaco. 29Momo u o lia loku nyua, nda ka limbuka etimba liaco, o likokela episo. 30Oco ci kasilili okuti va lua pokati kene va leñela, loku litetela, kuenje vamue va fa. 31Puãi, nda tua livangele oku likũlĩhisa, nda tua yuvula oku pisiwa. 32Puãi, eci tu tetuluiwa la Ñala, tu yambuiwa okuti ka tu pisiwila kumuamue la vakualuali.
33Oco, a vamanji, eci wongolokeli okulia kuaco, litalameli. 34Umue nda o kasi lonjala, a lie vonjo, sanga vu pisiwila okuongoloka kuene. Ovina vikuavo, eci njiya, oco ndi vi sokiya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.