I VA KORINDO 10
10
1A vamanji, njongola oku vu kũlĩhisa okuti olosekulu vietu viosi via endela vemehi lielende, kuenje viosi via pita vokati kokalunga. 2Viosi via papatisiwila vu Mose velende lo vokalunga. 3Vosi va lia okulia kumuamue kue Espiritu. 4Vosi va nyua okunyua kumuamue kue Espiritu momo va nyua nyua k'Esenje Ha va kuama. Esenje liaco olio Kristu. 5Haimo lumue, pa kambele ño naito okuti nda vosi Suku ka va sanjukilile, momo va kupuiwa vekalasoko.
6Ovina evi via tu lingila ndalungulo okuti ka tu liveli evĩho ndeci ovo va livelele. 7Ko ka lingi vakuakufendela oviteka nda vamue pokati kavo, ndeci ca sonehiwa okuti, omanu va tumala oku Ha loku nyua kuenje va katuka oku piluka. 8Ka tu ka lingi ukahonga ndeci vamue pokati kavo va linga, kuenje eteke liongongo kua fa akui avali kolohũlũkãi kolohũlũkãi vitatu. 9Ka tu ka nyiki Ñala ndeci vamue pokati kavo va linga, kuenje va nyõliwa lolonyoha. 10Ka tu ka lisiõsiõli ndeci vamue pokati kavo va linga, yu unyõli wa va nyõla. 11Ovo, ovina evi via va sanga ndelungulo, etu puãi, tu kasi kasukiyo oloneke, via tu sonehiwila oku tu longisa. 12Oco, u wa soka hati, Nãi, a lunguke sanga o kupuka. 13Lalimue eyonjo lio sangi, te eli lia siata pokati komanu. Suku wa kolelua, kuenje ka tava okuti wu yonjiwa te leli wu tẽla, puãi kumuamue leyonjo u muisivo evelo lioku puluka okuti vu soka lalio.
14Oco, akuetu wa soliwi, tili efendelo lioviteka. 15Ñasi loku popia lava huti ño vakualondunge. Sokololi eci mopia. 16Okopo yesumũluho yina tu panduila hayoko hẽ ongongela yosonde ya Kristu? Ombolo yina tu timbola, hayoko hẽ ongongela yetimba lia Kristu? 17Omo kuli ombolo yimosi, oco etu tu va lua tutimba limosi, momo tu liako vosi kombolo yimuamue. 18Sokololi va Isareli. Ava va lia ovilumba hẽ, ka va kuata ongongela yutala? 19Oco, eci ñasi loku popia ca lomboloka ndati? Ca lomboloka nga okuti okulia kua lumbiwa kociteka okuo cimue? pamue ociteka oco cimue? 20Hacoko, eci mopia ceci, okuti, Evi vakualofeka va lumba, va vi lumba kolondele, haku Sukuko, kuenje si yongola okuti ene wu kala ongongela lolondele. 21Ene ko tẽla oku nyua okopo ya Ñala loku nyuavo okopo yolondele. Ko tẽla oku lia komesa ya Ñala kuenda komesa yolondele. 22Ele tu kokela Ñala ukuse? Tuo piãla kongusu nga?
23Ci tava oku linga ovina viosi, haviosiko puãi vi kuatisa. Ci tava oku linga ovina viosi, haviosiko puãi vi kolisa. 24Lomue ka ka sande eci caye, te eci cukuavo. 25Li ño cosi ca landiwa kosoke. Ko ka ci lisusohaili. 26Momo oluali lua Ñala, leci ce yukamo. 27Nda umue hokuetavoko u laleki, lene wa pangi oku enda, cosi vo wihi, li ño, kuenje ko ka ci lisusohaili. 28Puãi nda umue u sapuili, hati, Eci ca lumbiwa, oco sumbili u wa ci popia kuenje ko ka liko. Sumbilivo ohele yovutima. 29Eci nukula ohele yovutima ca lomboloka utima waye, hawoveko. Momo utima wukuetu u pisila nye ocipango cange? 30Nda ndi lia lolupandu nye va misilila eci nda panduila?
31Oco, ndaño wu lia, ndaño wu nyua, cosi wu linga ci lingili ulamba wa Suku. 32Ko ka lingi cimue ci tẽla oku konyuisa, ndaño va Yudea, ndaño va Helasi, ndaño ekongelo lia Suku. 33Setukuli ame, omo ame seteka oku sanjuisa omanu vosi kovina viosi, haku sandako esumũlũho liange muẽle, te eli lia va lua okuti va popelua.
ទើបបានជ្រើសរើសហើយ៖
I VA KORINDO 10: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
I VA KORINDO 10
10
1A vamanji, njongola oku vu kũlĩhisa okuti olosekulu vietu viosi via endela vemehi lielende, kuenje viosi via pita vokati kokalunga. 2Viosi via papatisiwila vu Mose velende lo vokalunga. 3Vosi va lia okulia kumuamue kue Espiritu. 4Vosi va nyua okunyua kumuamue kue Espiritu momo va nyua nyua k'Esenje Ha va kuama. Esenje liaco olio Kristu. 5Haimo lumue, pa kambele ño naito okuti nda vosi Suku ka va sanjukilile, momo va kupuiwa vekalasoko.
6Ovina evi via tu lingila ndalungulo okuti ka tu liveli evĩho ndeci ovo va livelele. 7Ko ka lingi vakuakufendela oviteka nda vamue pokati kavo, ndeci ca sonehiwa okuti, omanu va tumala oku Ha loku nyua kuenje va katuka oku piluka. 8Ka tu ka lingi ukahonga ndeci vamue pokati kavo va linga, kuenje eteke liongongo kua fa akui avali kolohũlũkãi kolohũlũkãi vitatu. 9Ka tu ka nyiki Ñala ndeci vamue pokati kavo va linga, kuenje va nyõliwa lolonyoha. 10Ka tu ka lisiõsiõli ndeci vamue pokati kavo va linga, yu unyõli wa va nyõla. 11Ovo, ovina evi via va sanga ndelungulo, etu puãi, tu kasi kasukiyo oloneke, via tu sonehiwila oku tu longisa. 12Oco, u wa soka hati, Nãi, a lunguke sanga o kupuka. 13Lalimue eyonjo lio sangi, te eli lia siata pokati komanu. Suku wa kolelua, kuenje ka tava okuti wu yonjiwa te leli wu tẽla, puãi kumuamue leyonjo u muisivo evelo lioku puluka okuti vu soka lalio.
14Oco, akuetu wa soliwi, tili efendelo lioviteka. 15Ñasi loku popia lava huti ño vakualondunge. Sokololi eci mopia. 16Okopo yesumũluho yina tu panduila hayoko hẽ ongongela yosonde ya Kristu? Ombolo yina tu timbola, hayoko hẽ ongongela yetimba lia Kristu? 17Omo kuli ombolo yimosi, oco etu tu va lua tutimba limosi, momo tu liako vosi kombolo yimuamue. 18Sokololi va Isareli. Ava va lia ovilumba hẽ, ka va kuata ongongela yutala? 19Oco, eci ñasi loku popia ca lomboloka ndati? Ca lomboloka nga okuti okulia kua lumbiwa kociteka okuo cimue? pamue ociteka oco cimue? 20Hacoko, eci mopia ceci, okuti, Evi vakualofeka va lumba, va vi lumba kolondele, haku Sukuko, kuenje si yongola okuti ene wu kala ongongela lolondele. 21Ene ko tẽla oku nyua okopo ya Ñala loku nyuavo okopo yolondele. Ko tẽla oku lia komesa ya Ñala kuenda komesa yolondele. 22Ele tu kokela Ñala ukuse? Tuo piãla kongusu nga?
23Ci tava oku linga ovina viosi, haviosiko puãi vi kuatisa. Ci tava oku linga ovina viosi, haviosiko puãi vi kolisa. 24Lomue ka ka sande eci caye, te eci cukuavo. 25Li ño cosi ca landiwa kosoke. Ko ka ci lisusohaili. 26Momo oluali lua Ñala, leci ce yukamo. 27Nda umue hokuetavoko u laleki, lene wa pangi oku enda, cosi vo wihi, li ño, kuenje ko ka ci lisusohaili. 28Puãi nda umue u sapuili, hati, Eci ca lumbiwa, oco sumbili u wa ci popia kuenje ko ka liko. Sumbilivo ohele yovutima. 29Eci nukula ohele yovutima ca lomboloka utima waye, hawoveko. Momo utima wukuetu u pisila nye ocipango cange? 30Nda ndi lia lolupandu nye va misilila eci nda panduila?
31Oco, ndaño wu lia, ndaño wu nyua, cosi wu linga ci lingili ulamba wa Suku. 32Ko ka lingi cimue ci tẽla oku konyuisa, ndaño va Yudea, ndaño va Helasi, ndaño ekongelo lia Suku. 33Setukuli ame, omo ame seteka oku sanjuisa omanu vosi kovina viosi, haku sandako esumũlũho liange muẽle, te eli lia va lua okuti va popelua.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.