Ngiroma NAKESIAUNAK
NAKESIAUNAK
Abarua na egirakini Paulo Ngiroma egirio kitenikinere erot kotere alotoru na arekinit Paulo aanyunea ngitunga a ekanisa a Roma. Arekinit ngesi akisub etich Alokiristoi kaina a ngirwa a ngiche, ani erumor toten ngaren jik ingarakinito ngikiristoi lu kaneni, tanang Sipania. Egiri ngesi elimorit eger lo ayenea ngesi anupit a ekiristoonu ka eger lo ejoikinit ibooyoto eraakasi ngikiristoi.
Arumoret a akimalare ngitunga a ekanisa a Roma, ka alimokin eger lo ilipakinitor ngesi kesi, tolim Paulo akiroit nateno a abarua kana na erai “Idodiunito dir Ngakiro Naajokak eger lo imarunea Akuj atamar eraakasi ngitunga lu etenooko kotere epit a anupit napei anakisiakinet tanang losal”. (1:17)
Ani erumor kitooya Paulo akiroit nateno naga, ngitunga daang, Ngiyaudi ka lu nyerai Ngiyaudi, itemokino imarunio atamar etenooko ani a Akuj, kotere ikwaan kesi daang eenit akisech. Imarunio ngitunga atamar etenooko ani a Akuj erai kenupa Yesu Kiristo. Abu Paulo kisisau eboyor lokitetet lo imorikinere aapei ka Kiristo, lo ebunit anakimorikina anakitetet erukitere ka Akuj. Isilito ekanupan ka Akuj nabo elachakini Etau a Akuj ngesi anakisech ka akitu. Alodorin a 5-8, iruoro Paulo ibore ni eyakar Etau a Akuj ka agogongu a Akuj loboyor a ekanupan. Tolim nabo ngakiro a emeanara ka epit lo itemokinotor Ngiyaudi ka ngibukui lu nyerai Ngiyaudi nakiro na ereat Akuj. Tolim nabo ngakiro narumoret ebala, erai akinger a Ngiyaudi Yesu erot lo arekinit Akuj ayuunea ngibukui daang, taanyuneta ajokis a Akuj ani a Yesu Kiristo, nabo enupit ngesi atamar nyepedorete Ngiyaudi akinger Yesu jik. Ani esal kadaang, kigir Paulo eger lo ejoikinit ibooyere a ekiristoonu, tarai noi eger lo ibooyere ka luche anaminatoi.
Ngakiro natenoyek igirit ngesi kesi na ikote akisub etich a Akuj, erukitene a ngikiristoi ka arieng ka ngitunga luche. Igirit tani ngakiro na echamakina esubio ka na nyechamakina esubio. Erumorit Paulo abarua a ngakiro ana alimuni ngesi elope ka ngakiro na ipuror Akuj.
Eger lo erekinitere na eyakasi
Nakesiaunak ka akiroit nateno 1:1-17
Ejok kiyuunio 1:18–3:20
Erot a Akuj ka ayuuno 3:21–4:25
Eboyor lokitetet ani a Kiristo 5:1–8:39
Isirael anarekinet a Akuj 9:1–11:36
Elote a ekiristoonu 12:1–15:13
Ngakiro na a esal ka emalas a elope 15:14–16:27
ទើបបានជ្រើសរើសហើយ៖
Ngiroma NAKESIAUNAK: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999