Apudunet 20
20
Ngitalio lutomon
1Kiruorik Akuj. Ngakiro na alimuni ngesi kesi nugu, 2“yong arai Ekapolon Akuj na arai Akuj kus nakepuduni esi alo Misiri, ani iraakatar esi ngikedalak.
3“Wara nyiilip akuj ache mati ayong bon.
4“Nyiisubak ngakisikwaanet a ibore a idio ani eyei nadis kori nakwap, kori ni eyei tooma nakipi kwap ngalup. 5Wara nyiiriedikok akuj nasubuna kori nyiilip, kainyo ayong Ekapolon Akuj kus, arai Akuj a etereku. Erirae ayong lu karemokino ayong nabo erirae ngalesea kech tanang nalesea na ngauni ka na ngoomwon. 6#Apud 34:17; Lawi 19:4; 26:1; Etal 4:15-18; 27:15 Nakaneni amina ayong ngabunge a ngalesea#20:6 ngabunge a ngalesea; kori ngabunge. ana kaminasi ayong kiwapito ngitalio kang. #Apud 34:6-7; Ekim 14:18; Etal 7:9-10
7 #
Lawi 19:12 “Nyiilim ekiro kang kotere ngakiro naaronok, kainyo ayong Ekapolon Akuj na arai Akuj kus, erirae itwaan daang ni elimit ekiro kang pas. #Apud 16:23-30; 31:12-14
8“Kirichak akolongit a Sabato kitaleu. 9Tosub etich daang a ngirwa a ngikan-kapei, 10nakaneni erai akolongit na ngakan-kaarei na italeunitoe toliwor akang. Emam itwaan esubi etich akolongit ngina napei anikon, tanang lode kon, ka ngikasubak etich kon, ka ngibaren kon, ta ngitunga a akwap anache lu eyakasi nawiyei kon. 11#Apud 23:12; 31:15; 34:21; 35:2; Lawi 23:3 A ngirwa a ngikan-kapei, asubi ayong Ekapolon Akuj akwap, ka adis, ka anam, ta ibore daang ni eyei tooma kech, sodi eanga akolongit na ngakan-kaarei. Ngakiro nguna kesi apiarea ayong Ekapolon Akuj akolongit a Sabato etaleu. #Siak 2:1-3; Apud 31:17
12 #
Etal 27:16; Mat 15:4; 19:19; Mar 7:10; 10:19; Luk 18:20; Ep 6:2-3 “Toker apakon ka itiokon, sodi kibooyo ngirwa lukaalak anakwap ana kainakini ayong esi. #Siak 9:6; Lawi 24:17; Mat 5:21; 19:18; Mar 10:19; Luk 18:20; Rom 3:9; Yak 2:11
13“Nyiar.
14“Nyiilom.
15“Nyiikoko.
16 #
Lawi 20:10; Mat 5:27; 19:18; Mar 10:19; Luk 18:20; Rom 13:9; Yak 2:11 “Nyiitingak itwaan niche ngakiro na eraakasi alioko. #Lawi 19:11; Mat 19:18; Mar 10:19; Luk 18:20; Rom 13:9 #Apud 23:1; Mat 19:18; Mar 10:19; Luk 18:20
17 #
Rom 7:7; 13:9 “Wara nyikiterekuia akai a itwaan aniche, wara nyikiterekuia aberu a itwaan aniche, kori ngikasubak etich keng, kori ngaatuk keng, kori ngisikiria keng, kori ibore cha daang ni etingit itwaan niche.”
Abulit a ngitunga
18Ani irarete ngitunga agiro ka eruye a aburuch, sodi kingolikis akimilea ka emoru epurui, tobul kesi tamaranikis, towaa anikalonan. 19#Ebura 12:18-19 Tolimokis kesi Musa tamasi, “Ani kisuruor iyong sua, kipupokini. Nakaneni kibulit sua esibit ani kisuruor sua Akuj, kitoaki.”
20Tatachak Musa kesi tama, “Nyieam. Abu Akuj akining esi sodi torubakineta esi iwapito ngakiro keng nyiisecheta.” 21Nakaneni torubakis ngitunga ewaasi anikalonan. Musa bon abu taapiya diyete edou loapolon lo ayei Akuj.
Ngitalio a ngikenoi alu ipeyonokinere Akuj
22Todungok Ekapolon Akuj Musa atamar tolimok Ngisirael tama, “Ingolikis esi eger lo eruoror ayong Ekapolon Akuj anadis. 23Warasi nyiisubanakinosi ngakujo a ngasua anakwangae, kori egolit toliworos ipeyonokinete kesi ka ayong aapei. 24Todukokisi ekeno a ngakipeyos kang a echoto, sodi kipeyoto ngamesekin ka ngaatuk kus alokidiama toliworos ngakipeyos na inomio tonomiyasi ka na a ngakipeyos a ekisil. Abuni ayong katopia esi awadaang ani aseuni ayong kepeyonokinere ayong. 25Ani kidukokis esi ekeno loa ngamoru, nyiidukokis a ngamoru ana ekulitae kainyo na ikuleta esi ngamoru a erokon, inyasun nyesubere etich kang. 26#Etal 27:5-7; Yoch 8:31 Nyiidukokis ekeno a ngakipeyos kang eyakasi ngadoket na etenete lokeno. Ani kikokis esi neni, eliwor kiteo esi iwapito ngadoket.
ទើបបានជ្រើសរើសហើយ៖
Apudunet 20: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999