Apostles-Gasgai 17
17
Chapter 17.
1WAIGIEN tlistleuon Amphipolis isgien, Apollonia ishin kālthgūt il istalgi-āwondlu, Thessalonica gu il istlaāwon, gai gu Jews haade gia churchnagai ijan;
2Waigien Paul ijang-an ging-ān, tla kwulth il kudsaian gien, sabbath lth'ōnulth gin lā k'ālung-as alth tla ga il gialthandaian,
3Waigien Christ wauguns gien, housen k'otal sta kālthuē lagan duman unsta il shouon, waigien A Jesus alth dalung geu gu lth gushus ū Christ ijung, hin il shouon.
4Waigien tl tīch yetdaian gien, Paul isgien, Silas ishin ga tl hashgadan; waigien Greek haade las kwon-euon isgien, tl ītilgutsada kwon ishin la ga hashgadāwon.
5Jews haade tlou la un gudung-ai s'olthilāwon gien, tl haada ging-gang-an et t'ich tl isdaian gien, tl shkūl-euon gudā tl isdaian, waigien ilnagai gu tl tukougadaian; waigien Jason gia nai ā tl istalan gien, tl haada ā sta il isdāawē tl isdagudang-an.
6Waigen tlistleuon gum la tl kē-ang-āwondlu, Jason isgien, church haade t'ich ishin ilnagai un ga itladasgai hang-gu tl isdaian, waigien hin tl shouon, Atltas hēt-tligai gūdu-lthdadaian adlun ishin istlang;
7Jason kwultbgang il isdāwon; waigien atltas wautliwon Cæsar gia king-go-gung-ai hanltha ēdung, Jesus ishin nung king-ga āda ising il shū-wong, hin tl shouon.
8Waigien tlistleuon ga shkūlasgai isgien, ilnagai un ga itladasgai ishin ashgai gudang-andlu, tl gudung-ai lthkwīdaian.
9Waigien tlistleuon Jason isgien, tl k'ulat ishin, tl giashoudaiandlu, la tl istīidāwon.
10Waigien church haade hawīdan Paul isgien, Silas ishin, algwau Beræa ā kilistīidan; waigien tlistleuon gu il istla-āwondlu, Jews haade gia church-nagai ai il isdsāwon.
11Waigien althsgai Thessalonica haade t'elg gudungai lagan, gialthing-e gudang-ai lā alth tl isdaian altha, waigien ashgai yenki etgai tl kāng-gai un shantlan wautliwon gin lā k'ālung-as tl līdidagang-an.
12Althji alth-ū tl kwon yetdaian; waigien Greek dsāade ītilgutsadas isgien, tl ilthansida kwon ishin yetdaian.
13Waigien Paul Beræa gu Shanung-itlagadas kil alth tla ga gialthandas tlistleuon Jews haade Thessalonica gu isis un ūnshidalandlu, ā ishin tl istalan gien, ga shkūlasgai un gu tl shūs gien, tl gudung-ai tl kil-lthkwīdistlaian.
14Waigien waudlu hawīdan church haade tung-ai ā Paul sta kil-kaidan; waigien Silas isgien, Timothy ishin, hawun gu ijan.
15Waigien Paul duman ga kāng-an Athens ā il isdaian; waigien Silas isgien, Timothy ishin hawīdan āgang il istalalths alth la il king-go-gung-āwondlu, il istīidāwon.
16Waigien Paul Athens gu la k'eu etawos t'alth, gin k'etda ā singlthgang tl gushus alth ilnagai stah-ūgasi il kāng-andlu, il gudung-ai sti-euonan.
17Althji alth Jews haade isgien, tl haada lā alth ishin, Jews haade gia churchnagai ā il gushugang-an, waigien shantlan wautliwon giā gu tl wahdas gu la un tl istlas gien, tla ā il gushugang-an.
18Waigien Epicuræan haade kutung-as t'īch isgien Stoic haade kutung-as t'īch ishin, la un istlagan. Gushinū a tligwonan nung gushus shū-ashang? waigien hin tl t'īch shouon; Itlagada k'ulat edē il gushou-althing-gung, tl t'īch ishin hin shouon, Jesus edē isgien, k'otal sta kālthuē edē ishin tla geu gu il gushou-on altha.
19Waigien la tl gitsgīlthdas gien, Areopagus ā la tl isdaian, Agin outla dung shkotadas un gu itil ūnshidal-lthing-ā?
20Gin k'ulāga itil ga dung shudas altha; althji alth tliku adshi etgai un ūnshidai da itil gudung-gung, waigien hin tl shouon.
21(Athens haade wautliwon isgien, tliga k'ulat haade gu isis ishin, gin outla unsta shougai isgien, gudung-ai da ishin hing-an gudung-gīgang-an.)
22Waigien Paul Areopagus-gai yakosīa giaāgan gien, hin il shouon: Dalung Athens haadas, gin wautliwon ga lthing-ān dalung lthwaugas lth keng-gung.
23Lth kāwung-gundlu, gin ā singlthgang dalung gūshūs lth keng-gundlu, Shanung-itlagadas un gum ūnshitgāng gia ā ijung, hin altar k'ālung-a lth keng-gun. Althji alth gum un dalung ūnshidans gien, gin ā singlthgang dalung gushus dalung ga lth shudang.
24Shanung-itlagadas hēt-tligai isgien, ai gin isi wautliwon ishin tloulthaian, sha-tligai isgien hēt-tligai ishin un Shalana-gas alth-ū, stlang alth churchnai tloulthia ā gum il nāung-gung;
25Gin da nung k'īas tl isdaguns ging-ān, gum tl haada stlang alth la da tlā-ēdungang-gung, lā-ū hēnung-a isgien, lthgundsang ishin, gin wautliwon ishin, tl wautliwon ga isdias altha.
26Waigien hēt-tligai ashkwau-un gūt tl nā-ang-ai un, gwaigang wautliwon nung swonshung sta il tloulthaian, waigien un-nē isgien, tliku tl nā-ung-ases ishin, tlang-a il ēlthgīdaian;
27Shanung-itlagadas da tl hatsūs gien, ishin il kēiē da tl gudunsdlu, la da tl kāng-gai una, itil wautliwon sta un gum il jīng-ans k'ianan-a;
28La alth itil hēnung-as gien, ishin talung yhilduns gien, ishin itil isis altha; dalung s'ālang-as t'īch ging-ān shouon, Itil ishin il gitalung isis altha, hin tl shouon.
29Shanung-itlagadas gitalung itil isdlu, gūl isgien, dalā ishin, tl haada kutung-a kwau k'ets ishin ging-ān Shanung-itlagadas edung talung gudung-ai gnm lā-ung-gung.
30Althji alth-ū gin da tl k'ētajan nūt Shanung-itlagadas tla kalthshint gudung-gang-an; wēt tlou tl haada wautliwon tlīidan isis gudung-ung stīlthdie alth il tuking-go-gung-gung;
31Nung il isdaian alth hēt-tligai gin lā alth il ging-kilisalung-ases shantlanai il ēlthgīdaian altha; althji un tl haada wautliwon il ūnshidulthdaian, k'otal sta la il kālthūdaian altha, hin Paul shouon.
32Waigien tlistleuon k'otal sta kālthuē edē tl gu-dang-andlu, tl t'īch alth kilthnang-an; tl t'īch tlou, Housen adshi edē dung kil talung gudung-ashang, hin shouon.
33Waudlu Paul tla shu sta kaidan.
34Tl haada t'īch tlou la alth stang-an gien, tl yetdaian; althsgai shū ishin Dionysius nung Areopagus haadas isgien, nung dsada Damaris hin kiā ishin ijan, tl k'ulat ishin tla alth ijan.
ទើបបានជ្រើសរើសហើយ៖
Apostles-Gasgai 17: HAIDA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published by the British and Foreign Bible Society 1891-1899.
