Apostles-Gasgai 15
15
Chapter 15.
1WAIGIEN tl haada t'īch Judæa sta istlat'alan gien, church haade hin gin tl shkotadaian: Tliku Moses shouon ging-ān dalung circumcise-diē-gūsdlu, gum dalung koganlthing-ang-gung, hin tl shouon.
2Waigien tlistleuon Paul isgien Barnabas ishin tla ā gushu-euon-andlu, Paul isgien, Barnabas ishin, tl k'ulat hunisun, Jerusalem ā istīidai da church haade gudang-an, ga apostlesgasgai isgien, ga itladasgai ishin alth adshi da tl kiānung-ai una.
3Althji alth-ū church haade tla ga gin isdaian gien, tl istīidan, waigien Phœnicia ai isgien, Samaria ai ishin, tl istalan, waigien tliga k'ulat haade gudung-ung stīlthdaian unsta tl shouon; waigien church haade wautliwon gudung-ai tl kil-lā-euonan.
4Waigien tlistleuon Jerusalem gu tl istlāgandlu, church haade isgien, ga apostlesgasgai ishin, ga itladasgai ishin tl isdaian, waigien gin wautliwon Shanung-itlagadas tla alth isdaian unsta tl shouon.
5Waigien Pharisee haade t'īch yetdasi tljūgiāagan gien, Tla tl circumcise-das gien, Moses gia king-go-gung-ai ishin duman tla tl keng-alē lāgung, hin tl shouon.
6Waigien ga apostlesgasgai isgien, ga itladasgai ishin, adshi odō kwulthilai un gudā ijan.
7Waigien tlistleuon kwūnan tl gushou-ondlu, Peter giāagan gien, hin tla il shudaian: Di k'wai-alung, awulth dalung shu di helthi sta tliga k'ulat haade gialthang las kil guduns gien, ū yetdie un, Shanung-itlagadas di isdagun un dalung ūnshidung.
8Waigien Shanung-itlagadas, tl gudung-ai un nung ūnshits, tla un witnesgagan, waigien itil ga il waugan ging-ān, Hants Las tla ga il isdaian;
9Waigien itil isgien, tla ishin, gum gūt īlā il edāang-an; yetda alth tl gudung-ai il tlishkwūnaian altha.
10Althji alth gushintlou Shanung-itlagadas dalung ging-kalthi-yilduns gien, church haade ing-gu ishin helth-gu-lthgīlthanū dalung isdagung-gung, itil aung-alung isgien, itil ishin gum isdie un dugwīang-gun altha?
11Waik'ian Shalana Jesus gia gudung-ai ligai alth, tla ging-ān itil kōgunases talung yetdang, hin il shouon.
12Waigien ga shkulasgai wautliwon tlan kīlāgan; waigien gin kāng-ūdsada isgien, gin unk'uldung-a ishin Shanung-itlagadas tliga k'ulat haade shu la alth isdāawon Barnabas isgien Paul ishin unsta shūs ai tl geu-yang-an.
13Waigien tlistleuon il gushu-gīāwondlu, James hin hanglthang shouon: Di tou-alung, di kil lth gudung-ū;
14Tla shu sta tl haada kenung-un isdie un Shanung-itlagadas tliga k'ulat haade agung kendaian unsta Symeon shugun.
15Waigien ga prophetgasgai gin shudaian alth gūt ging-ān edung;
16Ashgai dlā lth stīlthishang, waigien David gia churchnagai ḵōndsaian housen lth tloulthā-ashang; waigien housen kwai lth tloulthā-ashang, waigien lth tl-tī-ou-ashang:
17Hawun ga hēnung-asgai isgien, tliga k'ulat haade wautliwon giagun haadgai hin kias ishin, Shalana gwī stelgai una, hin Shalana shugung,
18Waigien hēt-tligai isīdan sta agin is unsta il shugung, hin k'ālung-agung.
19Althji alth-ū tliga k'ulat haade shu sta Shanung-itlagadas gwī tl stilths gudung-ai talung kil-lthkwīdie gum lā-ung-ung lth gudung-gung;
20Gin k'etda gia gin dā-ung-ie isgien, ging-gang-an gu īna ishin, gūstgang-an gin tīiga k'otulths ishin, ai ishin, ā dalung tlāgagai gum lā-ung-gung, hin tla da talung k'ālung-ai tlou lāgung.
21Tlidlū agwī haade ijan sta, Moses edē lana wautliwon ai tla geu gu tl gushugung, sabbath wautliwon ai Jews haade gia churchnagai ai k'ālung-e lang-a tl līdidasi altha, hin James shouon.
22Shustgang tl haada tl kenstas gien Paul isgien Barnabas ishin alth Antioch ā tl kilis-tīidai lāng ga apostlesgasgai isgien, ga itla-dasgai ishin, church haade wautliwon ishin gudang-an; Judas, Barsabbas hin kiāgan, isgien, Silas hunisun, church haade shu itladāgan, tl kēnstaian;
23Waigien hin la alth kōgin tl k'ālungāwon: Ga apostlesgasgai isgien, church haade itladas ishin, Antioch gu is gien, Syria gu ishin, Cilicia gu ishin, tliga k'ulat haade church haadas isis, ā tl kil-lāgung;
24Tl haada tich itil sta istīidun dalung gudung-ai kil-lthkwīdas gien, dalung gudung-ai tl kil-kwonēlan talung gudung-gun; gum hin tla talung king-go-gung-ung-gun;
25Tl haada talung kenstas gien, Barnabas isgien Paul ishin itil kwoyādas alth dalung ā talung kil-istīidai lāng gudung-althan talung gudung-gun,
26Waigien atltas Jesus Christ itil Shalana kiē agunan hēnung-gang ga gwau-gulgun.
27Althji alth Judas isgien Silas ishin talung kilistīidun, la ishin hin-un helthang alth dalung ga shudawau-ashang.
28Agin la isis telg gin ken-euon dalung tl ūnadīdie gum lā-ung-ung Hants Las isgien, talung ishin, gudung-gun;
29Gin k'etda ga gin tl isdaian isgien, ai sta ishin, gūstgang-an gin tīiga k'otulths ishin, ging-gang-an gū-īnā ishin, sta duman agung dalung kāng-gai lāgung; althji sta duman agung dalung kensdlu, dalung lāashang. Dalung ā talung kil-lāgung, hin k'alung-āgan.
30Althji alth-ū tlistleuon la tl kilistīidāwondlu, Antioch gu il istlatulth-āwon; waigien ga shkūlasgai gudā il isdawos gien, kōgīnē tla ga il isdāawon.
31Waigien tlistleuon tl līdidagīgandlu, gushuē lasi alth tl gudung-ai lāgan.
32Waigien Judas isgien Silas ishin, tla geu gu il gushoulēgāawon, gushou kwon alth church haade geu gu il gushu-āwon gien, tl gudung-ai il kil-tladsgalthāwon.
33Waigien gu il isū-kout, gudung-ai dlaia alth church haade la ga kilistīidāwon ā stagang il kilistīidāwon.
34Hīkwon Silas hawun gu itsgai da gudang-an.
35Waigien Paul isgien Barnabas ishin Antioch gu ijan, waigien gin tla il shkotadūwos gien, tl k'ulat kwon alth ishin Shalana gia gialthing-e alth tla geu gu il gushuāwon.
36Waigien gāwun et lang-gundān, Paul hin Barnabas shudaian, Wēt talung stīlths gien, lana wautliwon ai Shalana gia gialthing-e alth church haade geu gu talung gushu-gīni talung kendsun, waigien tliku tl etgai talung kāng-gai una, hin il shouon.
37Waigien John, Mark hin ishin nung kiāgan, k'otdung isdie da Barnabas gudangan.
38Waigien Pamphylia sta la sta nung kaidāwon gien, gum lthong-gwilie un la alth nung kaidāng-āwon, k'otdung il isdāawe gum lā-ung-ung Paul gudang-an.
39Waigien t'ā gudan il kalthi-yilthdāwon, althji alth gūsta il isāwon, waigien Barnabas Mark k'otdung isdaian gien, Cyprus ā il istlī-āwon;
40Paul tlou Silas isdaian gien, il istīidāwon, waigien Shalana gia gudung-ai ligai church haade la alth king-go-gung-āwon,
41Waigien Syria isgien, Cilicia kalthgūt ishin il kāgan gien, church haade gudung-ai il kil-tladsgālan.
ទើបបានជ្រើសរើសហើយ៖
Apostles-Gasgai 15: HAIDA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published by the British and Foreign Bible Society 1891-1899.
