2 Akolinto 8
8
Unogamwoyo wa Kikilisitu
1Mwaalongo bitu, tupenda kummakiyanga bu'kana na ngu'ngu' ya Nnu'ngu' yabapeyilwe bandu ba makanisa ga ku Makedonia. 2Pamope no panga baabile mumapayilwo makali', uki'ba na tabu yabaaipatike, pulaa yabe yabile ngu'lu' yayaapangite babe anogamwoyo bo piya ili'be yabe. 3Nimmakianga panga baapiyite bu'kana na uweso wabe no pi'ti'li'ki'a, kai' kwo penda bene bai. 4Kabakokotya kutulu'ba muno panga bapate lipala lyo panga kiyangatani mulyengo lya kwayangatia aumini ba ku Yelusalemu. 5Baapiyike kwo pi'ti'li'ki'ya kulikoni mwatupi'kanilyage twenga kwa mwanjaa, wi'ti' baaipiyike kwa Bwana, bu'kapo kwitu twenga kati mwapala Nnu'ngu'. 6Apo ngapatwannu'bite Tito aise annyangatiange yomolya lyengo lyo, lyo piya, kwa mwanjaa ywembe ngaywaatumbwile kasinu. 7Mwenga muyaliwite kila kili'be. Mubile nayo imani, milongelo, ikima, kilu'lu' so panga gagapwaika, na upendo winu kwitu. Bai, mube nyinyonyo na mungu'ngu' yo piya kwa kwayangatia bi'ngi'.
8Nimwamulisali mwenga piya, ila nipala niubone upendo winu panga wa kakape kwo landanisa na bi'ngi' bene kilu'lu' so yangatia. 9Mutangite panga Bwana witu Yesu Kilisitu aampei ngu'ngu' yake. Pamope no panga aabile tayili, lakini aaipangite nki'ba kwa kitumbu sinu, li'nga kwo pi'tya uki'ba wake, mube mwamatayili. 10Bu'kana na liwaso lyo piya, nimmakianga lyalimpwaika panga, mwaka waupite mwabile mwaalongoi kwo baa na kilu'lu' so piya na mwaalongoli tumbwa piya mbanje. 11Kwa nyo muyomoleli kwa kilu'lu' lyengo linu kati pamwaatumbwile. Mupiye, bu'kana na yamubile nayo. 12Kwa mwanjaa, ywapiya si'lu' sabile naso kwa mwoyo wo penda, Nnu'ngu' endapokya. Na kwenda kwa si'lu' sangali baa naso lili. 13Mabinio gangu' kwenda mwenga muku'su'mbu'lwe na igombo ya kwayangatia bi'ngi' lili, ila kila kili'be kibe nsawani. 14Nsimu wu'no mubile na ili'be yambone, kwa nyo mwayangatiye bababile ntu'pu' li'nga nabembe pabaaba na yambone baanyangatiye pamwalu'a baa ntu'pu'. Kwo panga nyo, mwalu'a baa sawasawa. 15Kati mwaiandikilwe mu Maandiko Mapeleteu panga, “Ywaakongwa yambone aapi'ti'li'ki'yali, na wala ywaakongwa njene aapu'ngu'ki'lwali.”
Tito na aine
16Ninsukulu Nnu'ngu' kwa kitumbu ampei Tito mwoyo wo penda kunyangatia mwenga, kati mwanibile nawo nenga kasinu. 17Nilongela nyo kwa mwanjaa twaatikunnu'ba muno aise kasinu, na ayi'ki'tile. Kai' aisa kwo penda mwene na kwa kilu'lu' muno sa kunnyangatia. 18Pamope na ywembe, tunyabuya nnongo witu ywalumbilwa mumakanisa goti kwa lyengo lyo ala Abali Inannoga. 19Kai' makanisa gansawi nnongo ywo alongwane pamope na twenga kwo peleka mapiyo kwa aumini ba ku Yelusalemu. Lyengo lyo lya ngu'ngu', limpanga Bwana akwi'yi'lwe, kai' lilaya mwatubile na mwoyo wa kwayangatia bi'ngi'.
20Tukani bi'ki'lwa lukoolo na mundu ywoywoti bu'kana na uyi'mi'li'ki witu wo peleka ili'be yabaipiyike bandu kwa unogamwoyo wabe. 21Mabinio gitu kwenda panga manogau nnu'ngi' ya Bwana bai lili, ila na kwa bandu.
22Pamope na bo, tuntuma nnongo ywi'ngi' abe na ki Tito. Nnongo ywo ailayite kasitu kwa ndi'la mbali'mbali' panga ai na kilu'lu' muno so panga kasi, na nambi'yambi' ai na kilu'lu' muno kulikoni patumbu kwa mwanjaa endakumwu'bi'lyanga muno. 23Tito, ywembe mumini nnyangu', na apanga kasi pamope na nenga ya kunyangatia mwenga. Abo alongo abi'li' bembe atumilwa bu'ka mumakanisa gi'ngi' na bembe bankwi'ya Kilisitu. 24Kwa nyo, mwalaye bandu bo upendo winu li'nga makanisa gatange panga tubile na kitumbu sa kwilumbiya bu'kana na mwenga.
ទើបបានជ្រើសរើសហើយ៖
2 Akolinto 8: Matumbi
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators