kolinto 2 6
6
1lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni. 2maica isi yainca to hamo:
ta hiesi non'a tiova. te'o talʉi suu;
ta hiesi non'a to'usni. te'o to'usni suu.
talʉi'sio, maitan'e 'acueno hiesi no tiova na mengumi to hamo! maitan'e 'acueno hiesi no to'usni to hamo!
3o'aimza ʉmnʉa hoci ekuzkuzoa no mocmo 'e lamza hia fifiho, ko'koeno maezo o'atemza nomʉmʉtʉ no mocmo. 4nomio no yonta acʉcʉhʉ ci hi'hioa ho epa'teni ho zou soskuskunu to hamo a'mi, lamza buveici tamo mav'ov'o ci 'atutumio, thi'cia, ngoseo. 5momzala noa ti'usna, poekotva, 'afeo'fu'a to yu'papak'i; lamza peisngoseo, o'te m'ov'ohʉ, ho sieo. 6lamza boemi no cofkoya, mau'to'tohʉngʉ, buveici, ma'cocacni, afnaso i'tohungu to seilei. mou'ʉmtʉ ci himngonghi. 7so'emio ci e'e, ho ito meoino tonʉ to hamo, epa'teni zou soskuskunu to hamo a'mi. mimza boemi to mou'lʉlʉ ho teyai soanothʉ, suyumo to hangʉ, yaeza noʉt'ʉci 'e iachi. 8lamza noa einva, maezo noa aokoe'iya; noa koica, lea noa tohmomoengʉi. lahe yainca to mocmo totpiei a'mi. a'ʉmtʉsi mo eʉlʉ 'o lamia e'e; 9la yainca uk'acila bohngʉ a'mi, a'ʉmtʉsi lahe toehunga cohivi ta ehuehungu; yainca mimzacu mcoi, a'ʉmtʉsi mimza yoayokeo ho yaansoua. lamza noa ti'usna, at'inghi o'ala opcoza; 10la nac'o, at'inghi la asngʉcʉ yaa kokaekaebʉ; thi'cia, at'inghi la poa atngaso 'omo botngonʉ ci cou; mais'a mo uk'a, at'inghi mo noemʉhʉ.
11maananghia ta kolinto, la i'mʉs'onʉ ta 'tohʉngʉ ho esansano ya'ei ho lamza mi'usnu muu. 12o'a a'mi namo mhocni na 'tohʉngʉ, ma 'tohʉngʉ muu como mhocni. 13ho mi'o mi'usnu muu ho ya'ei, la mais'a mi'o mi'usnu no iachi'u 'o'oko ho ya'ei: temula poa cocoya na 'tohʉngʉ. boemi ta lamza hia mi'usnu muu ci 'tohʉngʉ ho mi'usni a'mi.
etngoeva hoci uv'oha to h'unasi
14'ote toehungu to ngotohva 'o o'a mo tmaa'uzo ci cou. 'omo emzo ho kuzo teeno ahtu meelʉ tohmʉskʉ? 'o tiskova ho voecʉvcʉ teeno ahtu meelʉ noepohʉ? 15'o kilisto ho 'akuma teeno ahtu yupa toseolʉ? i'omo tmaa'uzo ho o'te tmaa'uzo ci cou cuma namo totiski? 16'o seiten to hamo ho uacoua teeno meelʉ biepohʉ yac'ʉ? zou seiten to no'auesiesi ci hamo a'to. aʉlʉ mais'a 'o e'e to hamo:
te'o no'upu ta 'o'oko'u,
yuavovei ta 'ayumonahe.
tehe hamo ta 'o'oko'u;
te'o ta'okoa na hin'i.
17i'mi tan'e isi yainca to nooe'oca:
temu mongoi ta ihe yoni,
i'mi ta taicohe ho apaevai.
'ote aaso tomo 'oha cofkoya ci macucuma,
te'ocueno tiova muu.
18temu ta'amo a'o;
te'o 'o'oko na muu.
'e e'e eni zou e'e'u - soyaa tonʉa ci nooe'oca.
ទើបបានជ្រើសរើសហើយ៖
kolinto 2 6: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014