Mark 7
7
Tsiatak-haton nateioteriȣasonterakȣen tsini hoiaton ne Roiatatokenti Mark.
1Ethone ne Pharisian oni ne ratiiatons Jerusalem nithonenon ȣahonȣateranentakten.
2Nok neh enskat ȣahontkatho tsi iah teshontsiohares ne Iesos raotiokȣa nationstskaon ne kati ȣasakotiriȣasten.
3Aseken ne Pharisian oni ne Sitaeronon iah nonȣenton nʼiah taonsaontsioharehe ohenton ne taonstskaon, neh enskat ratiriȣenhaȣe noriȣakaion.
4Iah nonȣenton ne iah tahonsahontsioharehe ne tsi iontkerontakȣa natenthonne ohenton ne tahonstskaon. Eso ioriȣake ne ronatatatiaȣenrati, tsiniiot are nʼaietsetohare, aieksohare, aienaktohare oni.
5Neh kati ȣahonni ȣahonȣariȣanontonse, ȣaonniron: ohnihiotieren tsi iah tehatiriȣaierits ne sentiokȣa tsinikaiaton noriȣakaion, iah ȣahi tehontsiohares nonen tehonstskaonne.
6Tontasakoȣennaȣeron, ȣahenron: Akȣa onkeken thoieriton Tsinitsiseȣenni ne Rotokensehakȣe Esai ise ne Seȣakonȣara; ȣaton tsi kaiaton. Ratisene ok ionksennaiens, nok ihnon teiakȣatere tsinonkati ne raoneriane.
7Ok tiioriȣakon tsi ionksennaiens, aseken neok nonkȣesonha akoriȣasonha sakotirihonnienni.
8Aseken ihsi ieseȣation ne Niio raoȣenna, nok neh seȣatienaȣaston nonkȣe akoriȣatatsera; tsiki niiot naietsetohare aieksohare; sekon eso noiasonha tsini seȣaierha.
9Ȣasakaȣenhase oni: Seȣarios ne Niio rahoriȣatatsera, nok neh seȣaskennhen nise Seȣariȣatatsera.
10Aseken raȣon ne Moïs: Shekonnienst ne iesaienha: Toka onka kiok enhoriȣakenron ne roniha ok nehens ne ronistenha, renheih.
11Nok nise seȣaton: Onka kiok enhoriȣakenron neroniha oni ronistenha; Corban tsionni, Seȣentonta atanitenrat, niihne entkaientakȣe ne ensaiatakennha; iahs ens oni tahonnhiseraientane.
12Nok enhtsiseȣatiaȣenratse naonsasakoiotense ne ronȣaienha.
13Eh nitiseȣaieratha tsi seȣarios ne Niio raoȣenna, neh seȣasere tsi niseȣatatsenhenni, sekon eso noiasonha tsiniseȣaierha.
14Ethone onen iahentiokȣatihentho, nok ȣasakaȣenhase, ȣahenron: seȣataonsatat nok seȣanikonraientann tsinahoten enkiron.
15Tsinikon rennekȣanons ne ronkȣe iah othenon takakȣeni nahoiataksate ne ronkȣe; neh tanon tsinikon tkaiakens ne raonhake neh tohiken roiataksata ne ronkȣe.
16Onka tenhionhontakarontakȣen naionronke, ionronk.
17Nonen kanonskon siieshotaȣeiaton raonhaa oni sisken, ȣahonȣariȣanontonse ne raotiokȣa, nahoten kenton nethon tekariȣakentonkȣen.
18ȣahenron: iah oni kenneken oni nise teseȣattokha! iah ken teseȣanikonraientas tsinikon nastste nonkȣati tkaientakȣa tsi rennekȣanons ne ronkȣe, tsi iah othenon takakȣeni nahoiataksate?
19Aseken iah raȣeriane tiieȣataȣeiata, rahonekȣentakon niieheȣes, nok eh nonȣe ienskontiiakenne tsinonȣe tioriȣaien, akȣa ne ok nenhahonnhaseronni tsini hokon.
20Ratonhakȣe kati, neso roiataksata tsinitkaiakens ne raonhake.
21Aseken ne ieiatakon ok ne ens naȣeriane, tkontiiakens ȣanontonniontseraksens, kentesera, onkȣe aiontateriio.
22Kanenskȣen, aiontatkaronni nonkȣe kaserohensera, kanikonrhaton, askennhatsera, atatkenronniatsera, kanaiesera.
23Neh nakȣekon nakon nitkonnes, neh oni iakoiataksatha nʼonkȣe.
24Ethone ehren sarete neh nonȣe, tsi natehontonȣentsiakhenhatie ne Tyr tanon ne Sidon niiahare; kanonskon iahataȣeiate iah tererhakȣe onka aiakotokens; nok iah teiotonhon nahioteriȣaseton.
25Aseken skaiatat ne Tsiothonȣisen enskat ioiatasetseraion nʼotkon iotienni, ȣahosennaronke ne Iesos, eh onȣe rasitakta ontiskȣentaren.
26(Kehiken tsiothonȣisen Grek-Sirophenisian nakanekȣensoten) ronekennihatie naonsahaiatinekenȣe notkon tsi iotienni nakoienha.
27Iesos tontahaȣennaȣeron ȣahenron: niarekȣe iakohtann neksaokonha; iah se ȣahi tatekarensaron neksaokon akonatarok erhar oȣira akonȣatinonte,
28Tontahoȣennaȣeron, ȣakenron: Akȣa neneh tokenske, Saianer! nok ki sane nʼerhar oȣira ȣatons ens natekkȣaratserokon aontakonnoronko tsini iakosense neksaokonha.
29Ethone ȣarenhase: neh ȣakarionni tsini kaȣennoten tasatati, ȣas sasatenti nok tsiakoieȣentaon ne seienha.
30Ionsonȣe tsi tiononsote, eh niiot tsioiakenhon notkon, tsiakoieȣentaon nakoienha kanaktake ieiationni.
31Eh tontahatenti ne Iesos, Kalile kaniatarakta natontare, ȣatronȣentsiiake ne Decapolis.
32Eh ȣahonȣaiatheȣe iah tehatati oni tehaontakȣekon ȣaonȣennitenten nahonisnonsaerhase.
33Niarekȣe ȣahoiatotarho tsi ionkȣene, ethone iahanisnonsata rahontakon; nok ȣahanistskerarho rasnonke tanon rennasake kenh niiahaiere.
34Tanon karonhiake iahatkatto, taronniserenne nok ȣahenron: Epphetah, neneh naiahiron, senonteksi.
35Oksaok ȣatatkakȣeksi, tanon ontnerensi ne rennasake akȣa ki skennen koȣa tahatati.
36Nok tanon ne Iesos ȣasakotiaȣenratse naontrori, ok eken ne rononha Senha tahatiriȣakenniatane ȣathonteriȣareniate.
37Akȣa ihken tsi rotinerakȣenhatonskȣe ronton: akȣekon tkaieri tsini hoieren; sesakotsienta ne teionhontakȣekon tsiontatis niah teiontatiskȣe,
ទើបបានជ្រើសរើសហើយ៖
Mark 7: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.