Mark 4
4
Kaierihaton tehioteriȣasonterakȣen tsini hoiaton Roiatatokenti Mark.
1Sekon are ne Iesos sasakorihonnien kaniatarakta, iotiokȣatsanit eh ȣaonteroroke, ne se ȣaonni kaonȣakon iahatita, nok atsiaktatie eh ȣakakenniotane.
2Eso ioriȣake ȣasakorihonnien tsi ȣatesakoriȣakentonkȣen, ratonhakȣe.
3Seȣataonsatat; Saiatat ne ronkȣe ȣahaienthosera.
4Tsi ronatsiontionhatie, otiake ohaakta ȣakakerontane, otsitenokonha neneh ȣakontekkȣisa.
5Otiake oststenrake ȣakakerontane tsinonȣe nʼiah eso teiokenraere; oksaok takanio aseken iah ki nakon tetkaien;
6Nok tanon ontsa nonen sontakarakoten oni onstathen aseken iah ki eso teioteronte.
7Otiake ohiktokon iakakerontane, takonteiaron neneh nohikta nok ȣahotirio iah kati othenon kasta teiotonhon.
8Otiake tsinonȣe niionȣentsiio nakaientane, ȣakanio nok ȣakanatsioharen akȣa ȣakanorari, otiake asen niȣasen onteiaron nenskat, iaiak niȣasen, enskat oni teȣenniaȣe onteiaron ne skanatsia.
9Ionronk ȣahenron: nonka teionhontakarontakȣen naionronkate.
10Nok nonen rononhaa siionsonton ne ratikȣekonne tanon ne raotiokȣa, ȣahonȣariȣanontonse, oh nahoten kenton tsi nahoten ȣahenron.
11ȣahenron: ietsiiaȣi nise naeseȣatokense tsini hoianerenseroten ne Niio; kenh kaien nakorenson neok neneh ne teiontateriȣakentonkȣenni.
12Nese karionni iah tiiateiekaraientas tsi iontkathos, nok ionronkas iah se sane teiakonikonraientas tsi nahoten ionronkas sotsi onȣa entsiontatreȣate nok aonsaiontiatokeȣe nakoriȣaneraaksera.
13Iah kati kenh ȣahenron teseȣanikonraientas tsi nahoten kenton tsi nahoten ȣatkeriȣakentonȣe? neh kati onte ken akȣa iaeseȣanikonraientane notiake?
14Raienthos: neh ȣahi roton noȣenna raienthos.
15Nok kenh kaien nohahakta iokerontaon, neneh iakoton ne iontataronkatenni! nʼoȣenna; nok ki tanon nonen iakoronken, ok saok nʼotkonseraksen tontahotakȣenhatie tsi niiekaienthonne nʼakaȣeriane.
16Eh oni neh niiot, noststenrake iokerontaon, neh ȣahi iakoton nʼonen iakoronken noȣenna, akȣa oni ȣaontonnharen.
17Nok tanon tsi iah tetiakaȣetakon iah ki tatekaȣishastste; ne ȣaonni kaȣenniioki ȣahakorane ne kanikonraksensera oni kakenronniatsera ahorionniat noȣenna akȣa oksaok tsiontateriȣastani.
18Nok nohiktokon ieiokerontaon, neneh niakotaonsate tsi iothare.
19Nok ki tanon iah teiontennikonranentasions nonȣentsiakeka, tiotkon onȣe atsokoȣatsera ionnontonnionkȣa, neh tsiorios iah oni teȣateiarons.
20Kenh tanon kaien ne tsi nonȣe niionȣentsiio ieiokerontaon, neh iakoton nʼionronkas noȣenna, nok taiakoteȣeientontie, oni ȣateiarons: enskat asen niȣasen, iaiak niȣasen, nok noiah enskat teȣenniaȣe.
21Ratonhakȣe oni: iah ȣahi okȣirokon tiieiehaserotha, ok ne enʼsʼ ne kanaktokon iaionsete naeaseroten? iah kenh naha teiehaserotakȣake teiehniotha nohasera?
22Aseken iah tekaien nʼioteriȣaseton nʼiah taonterihotasionhe.
23Ionronk nonka teionhontakarontakȣen naionronkate.
24Sekon are sasakaȣenhase: ise seȣanikonrarak nonȣa kenh seȣathonte. Ok eh nentsetsiierase tsi nenhietsiierase, nok tanon nise ne seȣathonte ientsetsiioheststen.
25Aseken ne roien sekonki enshonhion, nok nʼiah othenon tehoien Akȣekon enhonȣakȣa tsini hoienha.
26Ratonhakȣe oni: neh testiatieren ne Niio raonakerasera, ne ronkȣe ȣahaientho, nok nonen rothetison neok ne shotas shaieseronne oni tsi ȣentatenion oni ȣasontatenion.
27Nok sane nʼonatsia ȣakateronten oni onteiaron, iah oh nahoten tehotokatahon oh nahaȣenne.
28Aseken aonha nʼonȣentsia taionni ohonte kahente, eh iseȣe nʼorata nok oratakon eh tontenatsionni.
29Nok nonen Sakanorari taionsaroroke ȣaenatsiiake aseken onen ki ioiohe naieienthoko.
30Sekon are ratonhakȣe: oh nahoten taonteteȣatenientenste, ok ne enʼsʼ taeteȣariȣakentonkȣate ne Niio raonakerasera?
31Akȣa neh sateiot naieientho otsinekȣar nikanenhoten ionthontoseratha, nehonte tiaonhaha kennikanenhaa tsinikon ne kanensonha ieienthota.
32Nok tanon nonen kaienthon ȣakanio onteiaron akȣekon oni ionsaiakokȣeni tsinikon ne ieienthosʼ, nok tsi nateionenroȣanen tsi ȣationenronten, akȣa iah othenon teken eh ȣakontsinakonni notsitenhokonha.
33Eh nithatastskȣe tsi tesakoriȣakentonkȣennis oni tsi sakorionniennis tsiniiore nahotinikonraientane ne Niio raoriȣasonha.
34Akȣa neok ne tehariȣakentonkȣakȣe, nok onakenke tentesakoriȣatheton ne raotiokȣa.
35Nok nonen sontenniserokten, ȣahenron: teteȣaiaiak.
36Ok kati eh iekanenraien, iathatiiaiake toka nikaonȣake ronȣatinonteratie.
37Nok tsi natkaȣeratase kenok nontakariȣestste ok naha akȣa ȣatnekitahas.
38Nok sane ne Iesos ohenton iehenteron atkonserane rakonhen akȣa ok skennen tihotas; ȣahonȣaiete, ȣahonniron: Saianer! iah kenh ne kenh othenon tesanontonnion ok oni ken tiiaȣeronhatiehak ne kentho enteȣaȣentane?
39Sahaie, nok ȣahatteten noȣeron, ȣahenron: Tastotek, tatesatotat oni, nok tonsakaȣeriiake ionȣesenhonȣe ok tiskanekaien.
40Ethone ȣasakaȣenhase: oh niiotieren tsi eh niiore tsi seȣateronni? Areko kennekenh tetiseȣetakȣen?
41Akȣekon ok ronateronhientenni nok rontonhakȣe: oh nah onte akȣa nahaiatoten akȣekon noȣeron oni tsi kaniatare ronȣaȣennarakȣa.
ទើបបានជ្រើសរើសហើយ៖
Mark 4: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.