Mark 2
2
Tekenihaton Teioteriȣasonterakȣen Tsini hoiaton ne Roiatatokenti Mark.
1TOKARA nonta ohnakenke eh saraȣe Kafarnaimke, tsiniiore iahakotokense tsi nonȣe nihotaȣeiaton.
2Iotiokȣatsanit ȣahonteroroke, ȣationonsaȣenren, sekon oni nʼaste aheren natekakennia, nok neh sakororihakȣe nʼoȣenna.
3Kaieri nihati eli ȣahonneȣe, roiatakenheion tehonȣaskȣenhaȣi.
4Nok tanon tsi iah othenon taonton nʼakta ahonnete tsi nateiaontaniron onkȣe, ȣahatinonsoroksi nok eh nonkȣati tahatinaktente tsi raiationni ne roiatakenheion.
5Sahonikonraientane ne Iesos tsi tokenske koȣanen ne thonetakȣen, ȣahaȣenhase ne roiatakenheion: kien sonterakeȣe ne sariȣaneraaksera.
6Oksaok tahonniron ne rahotinikonrakon tsinihati eh ratiiatare ne ratiiatons.
7Oriȣiio tsi ioriȣatsanit tsi nahoten raton? Onka nakoren iakokȣeniatseraien naonsaiontaterakeȣase tsi iakoriȣaneren, neok ȣahi ne Niio?
8Ok shihoterientaratsihon ne Iesos tsini hotinikonraȣens, ȣasakaȣenhase: nahoten seȣaton ne seȣeriane?
9Kahnikaien senha ȣatiesen: nahiienhase ne kenh roiatakenheion, sonterakeȣe ne sariȣaneraaksera, ok neneh akiron: testann, tesek ne sanakta nok sasatenti.
10Neki ok oni naeseȣariȣaienterihake tsi rokȣeniatseraien nʼOnkȣe Roienha onȣentsiake aonsaharakeȣe ne kariȣaneren; ȣahaȣenhase ne roiatakenheion.
11Ȣakonrori: satkestsko, tesek ne sanakta, nok sasatenti tsi tisanonsote.
12Nok tontahatane ȣatrakȣe ne rahonakta, kanenrakonson eh sahatohestste. Akȣekon ok ȣahakonerakȣenhaton nok ȣathonȣanonȣeronnion ne Niio, ion tonnionskȣe; iah nonȣenton teionkȣatkaton neh nikarihoten.
13Nok ne Iesos tontahaiakenne kaniatarakta niionsare, akȣekon ok ronȣaiatorenskȣe, nok neraonha Sakorionnienniskȣe.
14Tsiniiohaes eh ȣahoken Levi Alphe roienha, tsi iekarotasiata eh rentskȣahere, ȣahaȣenhase; Taknonteratie. Tontahatane ne Levi nok ȣahosere.
15Nok nonen siiahonneȣe tsi thononsote ne Levi eh ȣathonstskaon, ronentiokoȣanen ne ratikarotasions tanon nʼionkȣetaksenskȣeokonha ȣathontonte ne Iesos oni ne raotiokȣa.
16Shahontkatho ne ratiiatons oni ne Pharisian, tsi ohseronni tehonastskaon ne ratiiatons oni nʼion-kȣetaksenskȣe okonha; ȣahonȣennenhase ne raotiokȣa: ohniiotieren tsi tohontonsts ne ionkȣetaksen?
17Ȣasakoriȣaronkase ne Iesos, nok tasakaȣenhase; iah ȣahi tatehonȣatonȣentsioni ne ratetsiensts ne skennen tiiakonnhe, neh ȣahi naha ne iakohnonȣaktani: iah kati oni nii neh tesekheiahaharatane ne tiakoriȣaieri tsi nonkati ne tkariȣaieri neh tanon nʼiakoriȣaneraakskon.
18Onen nonȣa neh sahonȣaiatorenne ne ʼSaȣatis raotiokȣa tanon ne neh Pharisian, ratiriȣakohe ohniiotieren tsi ronentontietha; ȣahonnironkati: oh neneh niiotieren, ne Saȣatis raotiokȣa, oni ne Pharisian ronentontietha, nok ne sentiokȣa iah neneh tehonentontietha?
19Tontahenron ne Iesos: enȣaton ken enhonentontiete tsinihati sakohonkaraȣi ne roniakon? iah ȣahi tahonton ahonentontiete tsinikariȣes ȣatenniote, ratikȣekon oni ne roniakon.
20Nok tanon ienȣatenniseriheȣe nʼienhonȣaiaten-haȣe ne roniakon, ethone tanon onen enhonentontiete.
21Neh oni sateiot tsi iah okenhase tetsienikhonkȣa nʼonen iokȣenniakaionhon, aseken enhionehare, nok senha entsiosonhioȣanen tsi tenskarine.
22Neh oni sekon shakat tsi iah katsetakaionne teiehnekarha notsitsiase; aseken tenȣatetsotanekare nok enkaiesha; katsetasetsihke tanon ienekarha nʼonekase.
23Tiotokentkoȣa Aȣentatokentike ȣathatihetiiake onatsia kaienthon, ȣahatirataniiontonko kati ne raotiokȣa.
24Nensok are tahonniron ne Pharisian: Satkatho! iah kenh naha teȣatiaȣenre neh naieiere nʼAȣen-tatokentike?
25Tontasakoȣennaȣeron ȣahenron: iah kenh nonȣenton teseȣaȣennanote tsi nihoieren ne David sahotoktase oni sahatonkariake, rahonha oni ne ronnehne?
26Toh nahaiere siiahataȣeiate Niio raononskon, Abiatar sihatsihenstatsi, iah kenh tehonatarakon, iah oni ken tesakohnataranonten ne ronnehne ne kanataranoron ne oni neok ne ratitsihenstatsi ȣatonskȣe nahonneke.
27Sekon tontasakaȣenhase, Sahenron: Ronȣenniserisenhonni ne ronkȣe niaȣentatokenton, iah tanon ronkȣe tehotatsenhenni.
28Neh kati ȣaonni nʼOnkȣe Roienha raiatakȣeniio tsi iaȣentatokenton.
ទើបបានជ្រើសរើសហើយ៖
Mark 2: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.