Matthew 11
11
Enskat haton iaȣenre teioteriȣasonterakȣen.
1NONEN sahaȣeiennentane ne Iesos ȣasakoianerenseron ne raotiokȣa, akte niionsare, nasakorihonnien asakotati oni tsi ronatenataienton,
2Ethone oni ne Saȣatis ȣaharonke tsini hatieranions ne Iesos, teniiase ne raotiokȣa iasakotori ahonȣariȣanontonse aniron:
3Ise ken ne kariȣataton onȣentsiake entre, katen ohia enshakȣarhareke?
4Tontasakoȣennaȣeron ne Iesos, ȣahenron: ȣasene nok satsisenirori ne Saȣatis tsinaoten tsiatkathos onitsiaronkas.
5Tsiekens ne teioronȣekonne, tsiontenties ne iesinaksen, tsiontons nʼiakoststaȣis, tsionronkas ne teionhontakȣekon, Tsiontonnhests niakaȣenheion, nok iontataronkatenti oriȣatokenti ne iakotent.
6Iakotaska ne iah tenhiontateriȣaientatennire nii akeriȣake.
7Nok nonen sonsaiatenti, Iesos Kanenrakon iahatati, ȣahenron; nahoten seȣatkenseronnonne karhakon? Okȣire kenh ne teȣatkarenrons tsi iahote?
8Oh kati nekenhen nahoten seȣatkenseronnonne? rokȣenniatsanit kenh ne etsiseȣakon? tsiniiot ne rotinontiioson.
9Oh kati nekonh akȣa nahoten? Rotokense onteken? enh, kȣarori tsi sakotoheststenni ne Rotitokense.
10Aseken raonha roton tsi ȣaton nʼoiatonserato-kenti: ienhiiatori nenhiahaaseronnien tsini ienhense.
11Oriȣiio tsi kȣarori, tsi iah sekon noiah tehonakeraton neh senha hahaiatanoronke tsiniiot ne Saȣatis; nok sane neh nakȣa nitraha ne Karonhiake sekon neneh senha ieshaiatanoron,
12Tsinahe thonakeraton ne Saȣatis, othonahe siteȣaskonnhen ne Karonhiake, nok neki ne ratisaste rontkȣenies.
13Aseken ne Thotitokenseakȣe oni ne kaiatonseratokenti ok iarennakerate tehonȣarensaronnions.
14Nok naeseȣatontatseke tsihenkiron; nese ȣahi ne Eli tontarene.
15Ionronk ne tenhionhontakarontake.
16Ohnahoten taontakheiatenientenste neh niionkȣetoten? neʼsʼ teshontieren ne ratiksaokonha tsi iontkerontakȣa ratistskȣaronnion nok iesakotinonks ne rontenrookon.
17Ronton: ionkȣaonraȣaton nok iah tateseȣanonniakȣen; ioterennatatitenrat ionkȣaterennote nok iah teseȣatatitenranion.
18Aseken ne saȣatis iah tohonekirenhaties iah oni tatehostskaonties; nok sane sekon ronȣenni: Rotkonseraien.
19Nok ne Niio Roienha tehastskaons ranekirha oni; nok ronton: Shakoȣane, tsionekakaȣe, rontenro oni ne ratikarotasions oni nʼonakȣaiesentasonha. Nok ki tanon ȣene iotonhon natoriȣakȣarisionsera tsinonkȣati ne sakoienhokenha.
20Ethone onen tahatasaȣen ȣasakoriȣasten tsinonȣe eso natehoieronnionhaton nok iah toshonatatreȣaton, ȣahenron:
21Sententasere Korasin, ise oni Betsaïta! Aseken, Tirne ok neʼsʼenʼsʼ Sidonne etho naioriȣanerakȣatenionke tsi naonkieren, katkaron ahontahonatakenroserhon tsinahonsahonatatreȣaton.
22Nese karionni katon, tsi kȣarori: Tikenha tsi nensakoteȣeiennatsaniten ne Tirronon, oni ne Sitonronon, nʼonen tontesakoiatoretane tsinise niiot.
23Nok nise Capernaiim, ise enskat ne iatosaketotakȣe tsi teiesarensaronskȣe, tentesenonkȣihse nʼones-son. Aseken tsinikon satkathon nʼioriȣakerakȣate-nion, aiotkathon ne Sodome sekon nah neh nonȣa nakanataientake.
24Nese ȣaonni kȣarori katon, tikenha tsi nenthonȣanakȣisronhase ne Sodomronon nʼonen tentesakoiatoretana.
25Ethone ne Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣontsiate, ne tsi sheriȣasetenni neh nikarihotens ne iontokhas oni ne ienikonrasson, nok neh ne kenniiakasa shetokatenni.
26Eh niiot, O Rakeni, nehkitsi eh nitisanikonriiohon.
27Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.
28Kasene ise ne teseȣaȣishenheion oni seȣaȣishenne, nok ii enkȣasnienon.
29Seȣatketat nakȣatientaniakt, seȣariȣaienterhann oni tsi teȣakeriȣaieri oni keriasiio, oni enseȣatsenri aotorisensera ne seȣatonnhests.
30Aseken iah teȣateriȣatore nakeriȣasonha, iah oni teiokste nakriena.
ទើបបានជ្រើសរើសហើយ៖
Matthew 11: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
