Matthew 10
10
Oieri-haton nateioteriȣasonterakȣen.
1Ethone ne Iesos iasakononke ne tekeni iaȣenre nihati raotiokȣa, ȣasakokȣeniatseron, naonsasakohnatekȣate nʼotkon aiakohnatienni, oni aonsasakotitsiente tsiok naiakohiataȣenseke.
2Kentho ratisennare ne tekeni iaȣenre nihati: Simon tonȣakoȣanen, tier shonȣanatonkȣen; tanon nʼiatatekenha San.
3Philippe, Barthelemi, Atonȣa, Ȣatio rakarotasionskȣe; Sak Alphé roienha; Lebbé Tadé ronȣanatonkȣen.
4Simon kanaenronon; tanonne rotenninon, Sitas Iskariot.
5Ȣasakaȣenhase ne raotiokȣa tsi iasakotori; ȣahenron: tosa tanon eh niiahaseȣe tsi ratinakerenion ne kaiatonni ratisennaiens, iah oni tsi rohnatenataien ton ne Samaritanronon.
6Israerrononke ok tanon teseȣaststekafa saietsiiahaharat ne iakohiatatonhon.
7Enseȣatonheke nʼonen enhietsiiatatisheke: Onen akta taȣe ne Niio raonakerasera.
8Saietsitsient nʼiakononȣak tanionni oni ne iakoststaȣis, Saietsiionnhet nʼiakaȣenheion; iesentenraton, Sasetenrat ki.
9Tosa seȣarorok noȣistanoron, oȣista oni aontake ne sanatatserakon.
10Tosat iaseȣaiarenhaf ne kaneka niienhenseȣe, tekeni oni taheseȣatiataȣitseraientake, ahta, nok oni natennists; aseken tehotentson nahonȣanonte ne raiotenseriio.
11Nok ne kakiok nonȣe tkanataien ienseȣatenatorenne, Seȣariȣisak onka iakorihonte naiesateȣeienton, etho oni tsiterontak tsi niiore onsesatenti neh nonȣe.
12Tesatenonȣeraton kakiok nonȣe iensataȣeiate: ensiron: Skennen kenhak ne kenh kanonskon.
13Tokat entiakoriȣaierike ne iakohnonsote enhiakorane ne skennen, nok ne iah, iseke tenteȣe.
14Kakiok nonȣe, tsiok oni nonȣe iah tenhietsinaktotanire iah oni taiontaonsatate ne saȣenna, ensesarasitokeȣe nonen tentesiakenne neh nonȣe.
15Oriȣiio tsi kȣarori tsi senha enhioteseroȣanaten neh nonȣe, tsiniiot ne Gomor oni ne Sodome nonen tontesakoiatoretane tsi nenseȣatonȣentsiarisi.
16Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.
17Seȣatatenikonrarak kati nonkȣene nonkȣati; aseken enhietsiiatinionte tsi rontkonnisahata, enhontennhane oni aiotsisokȣaȣeson tsi ronterennaientakȣa.
18Oni ii akerihonniat enhietsiiatenhaȣison rahotihenton ratikorason noriȣiio ahonnonni tsiki niiot nonkȣeokon.
19Nok tanon nonen enhietsiiena, tosa teseȣatatenikonrharon tsi nahoten aeseȣenron, tsi oni naeseȣaiere tsi aoseȣatati: aseken enkȣaȣennon neh nonȣe nenkahaȣi.
20Aseken iah ise taeseȣatati, Ehtsiseȣanihase raonikonra enseȣatatiate nethone.
21Ienkaheȣe nʼok ne neh teiatennontere enhoriȣente kenheiatne, Roniha ne roienha, ratiksaokonha ensesakohnatkarhateni ne ronȣatiienha nok ensakotirio.
22Ii aksenna enhietsisȣate nonkȣeokon; neok tanon enhatsennonni ne iatenrokten.
23Kakiok nonȣe tkanataien entietsikenrenseronni, neh noia tetkanataien niionsaseȣe: aseken oriȣiio tsi kȣarori areko ok onȣentsiakȣekon tentiseȣenonton tsiniiore tentre ne Niio Roienha.
24Iah senha tethanontons ne ronȣarionnienni tsiniiot ne sakorihonnienni, nok oni ne rannhatsera tsi-niiot nakȣa raiatakȣeniio.
25Ethose ok nithotte ne ronȣarihonnienni tsiniiot tsi rateȣeiensta, oni ne rannhatsera tsiniiot tsi ronȣannhas. Tokat nonȣa otkon ronȣanatonkȣen ne Raniserakȣeniio, toh kati onte akȣa senha niienshonȣatinatonkȣake ne sakoienhokonha.
26Tosa kati othenon seȣatsanisek. Aseken akȣekon niienȣatotasi ne iotaseton, oni niienȣaterihotasi tsinikon ne ioteriȣaseton.
27Teseȣariȣathet tsinahoten asatakon kȣarori, nok kanonsakeson tateseȣahenret tsinikon tekȣatsiaonni.
28Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.
29Iah kennah tekatsitenserake tiiatekehnes nʼens-kat kȣenis? Akȣekon sane etsiseȣaniha sakoȣenniio tsi konnes.
30Ieiohe oni akȣekon ȣasheton tsinikon seȣanonkȣiserote.
31Tosa kati seȣateronsek senhase ise seȣaiatanoron tsiniiot notsitenhokonha.
32Onka iah tenhakatehasere nonkȣene, iahki oni nii taontahiiatehase raohenton ne Rakeniha Karonhiake thenteron.
33Nok tanon nenhakatonnhiiase nonkȣene, tenthiiatonnhiiase ki oni nii tsi thenteron ne Rakeniha.
34Tosat seȣerhek skennen ken kienne nonȣentsiake; iah neh tekienne ne skennen, asharekoȣa tanon.
35Aseken tekhekhasionhe ne iatatienha, tiatatien. ha oni ne tiatatsafa.
36Neh oni enshonȣasȣenseron nakȣa rahonnhatseraokon.
37Onkakiok senha roniha, ok neʼsʼ ne ronistenha senha sakonoronkȣa tsiniiot nii iah tatehakeriȣatson; ok neh sakat ne senha roienha ok neʼsʼ ne raienha senha sakonoronkȣa tsiniiot nii iah othenon tatehakeriȣatson.
38Oni ne iah tenhatketathe ne raoronhiakensera nok ahakianenhaȣe iah othenon tatehakeriȣatson.
39Oni nenhononstaton tsi ronnhe, enhotonse; neh tanon enshatsenri nenhakateȣentetase.
40Onka tenhiahrhoton, tenhakarhoton; nok ne tenhakarhoton tenhorton ki ne takatennieton.
41Onka rotokense tenhorhoton tsiniiot tsi rotokense; eh ki niiot tsi tenhonȣariȣaserakȣase tsiniiot ne rotokense, nok ne thoriȣaieri enhokonnienste, eh ki nenhonȣatonraseronse tsiniiot ne thoriȣaieri.
42Nok oni ne skaȣisa ok onekanos aonȣanekanonten saiatat nakitiokȣa; oriȣiio tsi kȣarori tsi iatekakonte tenhoteriȣaserakȣase.
ទើបបានជ្រើសរើសហើយ៖
Matthew 10: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Matthew 10
10
Oieri-haton nateioteriȣasonterakȣen.
1Ethone ne Iesos iasakononke ne tekeni iaȣenre nihati raotiokȣa, ȣasakokȣeniatseron, naonsasakohnatekȣate nʼotkon aiakohnatienni, oni aonsasakotitsiente tsiok naiakohiataȣenseke.
2Kentho ratisennare ne tekeni iaȣenre nihati: Simon tonȣakoȣanen, tier shonȣanatonkȣen; tanon nʼiatatekenha San.
3Philippe, Barthelemi, Atonȣa, Ȣatio rakarotasionskȣe; Sak Alphé roienha; Lebbé Tadé ronȣanatonkȣen.
4Simon kanaenronon; tanonne rotenninon, Sitas Iskariot.
5Ȣasakaȣenhase ne raotiokȣa tsi iasakotori; ȣahenron: tosa tanon eh niiahaseȣe tsi ratinakerenion ne kaiatonni ratisennaiens, iah oni tsi rohnatenataien ton ne Samaritanronon.
6Israerrononke ok tanon teseȣaststekafa saietsiiahaharat ne iakohiatatonhon.
7Enseȣatonheke nʼonen enhietsiiatatisheke: Onen akta taȣe ne Niio raonakerasera.
8Saietsitsient nʼiakononȣak tanionni oni ne iakoststaȣis, Saietsiionnhet nʼiakaȣenheion; iesentenraton, Sasetenrat ki.
9Tosa seȣarorok noȣistanoron, oȣista oni aontake ne sanatatserakon.
10Tosat iaseȣaiarenhaf ne kaneka niienhenseȣe, tekeni oni taheseȣatiataȣitseraientake, ahta, nok oni natennists; aseken tehotentson nahonȣanonte ne raiotenseriio.
11Nok ne kakiok nonȣe tkanataien ienseȣatenatorenne, Seȣariȣisak onka iakorihonte naiesateȣeienton, etho oni tsiterontak tsi niiore onsesatenti neh nonȣe.
12Tesatenonȣeraton kakiok nonȣe iensataȣeiate: ensiron: Skennen kenhak ne kenh kanonskon.
13Tokat entiakoriȣaierike ne iakohnonsote enhiakorane ne skennen, nok ne iah, iseke tenteȣe.
14Kakiok nonȣe, tsiok oni nonȣe iah tenhietsinaktotanire iah oni taiontaonsatate ne saȣenna, ensesarasitokeȣe nonen tentesiakenne neh nonȣe.
15Oriȣiio tsi kȣarori tsi senha enhioteseroȣanaten neh nonȣe, tsiniiot ne Gomor oni ne Sodome nonen tontesakoiatoretane tsi nenseȣatonȣentsiarisi.
16Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.
17Seȣatatenikonrarak kati nonkȣene nonkȣati; aseken enhietsiiatinionte tsi rontkonnisahata, enhontennhane oni aiotsisokȣaȣeson tsi ronterennaientakȣa.
18Oni ii akerihonniat enhietsiiatenhaȣison rahotihenton ratikorason noriȣiio ahonnonni tsiki niiot nonkȣeokon.
19Nok tanon nonen enhietsiiena, tosa teseȣatatenikonrharon tsi nahoten aeseȣenron, tsi oni naeseȣaiere tsi aoseȣatati: aseken enkȣaȣennon neh nonȣe nenkahaȣi.
20Aseken iah ise taeseȣatati, Ehtsiseȣanihase raonikonra enseȣatatiate nethone.
21Ienkaheȣe nʼok ne neh teiatennontere enhoriȣente kenheiatne, Roniha ne roienha, ratiksaokonha ensesakohnatkarhateni ne ronȣatiienha nok ensakotirio.
22Ii aksenna enhietsisȣate nonkȣeokon; neok tanon enhatsennonni ne iatenrokten.
23Kakiok nonȣe tkanataien entietsikenrenseronni, neh noia tetkanataien niionsaseȣe: aseken oriȣiio tsi kȣarori areko ok onȣentsiakȣekon tentiseȣenonton tsiniiore tentre ne Niio Roienha.
24Iah senha tethanontons ne ronȣarionnienni tsiniiot ne sakorihonnienni, nok oni ne rannhatsera tsi-niiot nakȣa raiatakȣeniio.
25Ethose ok nithotte ne ronȣarihonnienni tsiniiot tsi rateȣeiensta, oni ne rannhatsera tsiniiot tsi ronȣannhas. Tokat nonȣa otkon ronȣanatonkȣen ne Raniserakȣeniio, toh kati onte akȣa senha niienshonȣatinatonkȣake ne sakoienhokonha.
26Tosa kati othenon seȣatsanisek. Aseken akȣekon niienȣatotasi ne iotaseton, oni niienȣaterihotasi tsinikon ne ioteriȣaseton.
27Teseȣariȣathet tsinahoten asatakon kȣarori, nok kanonsakeson tateseȣahenret tsinikon tekȣatsiaonni.
28Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.
29Iah kennah tekatsitenserake tiiatekehnes nʼens-kat kȣenis? Akȣekon sane etsiseȣaniha sakoȣenniio tsi konnes.
30Ieiohe oni akȣekon ȣasheton tsinikon seȣanonkȣiserote.
31Tosa kati seȣateronsek senhase ise seȣaiatanoron tsiniiot notsitenhokonha.
32Onka iah tenhakatehasere nonkȣene, iahki oni nii taontahiiatehase raohenton ne Rakeniha Karonhiake thenteron.
33Nok tanon nenhakatonnhiiase nonkȣene, tenthiiatonnhiiase ki oni nii tsi thenteron ne Rakeniha.
34Tosat seȣerhek skennen ken kienne nonȣentsiake; iah neh tekienne ne skennen, asharekoȣa tanon.
35Aseken tekhekhasionhe ne iatatienha, tiatatien. ha oni ne tiatatsafa.
36Neh oni enshonȣasȣenseron nakȣa rahonnhatseraokon.
37Onkakiok senha roniha, ok neʼsʼ ne ronistenha senha sakonoronkȣa tsiniiot nii iah tatehakeriȣatson; ok neh sakat ne senha roienha ok neʼsʼ ne raienha senha sakonoronkȣa tsiniiot nii iah othenon tatehakeriȣatson.
38Oni ne iah tenhatketathe ne raoronhiakensera nok ahakianenhaȣe iah othenon tatehakeriȣatson.
39Oni nenhononstaton tsi ronnhe, enhotonse; neh tanon enshatsenri nenhakateȣentetase.
40Onka tenhiahrhoton, tenhakarhoton; nok ne tenhakarhoton tenhorton ki ne takatennieton.
41Onka rotokense tenhorhoton tsiniiot tsi rotokense; eh ki niiot tsi tenhonȣariȣaserakȣase tsiniiot ne rotokense, nok ne thoriȣaieri enhokonnienste, eh ki nenhonȣatonraseronse tsiniiot ne thoriȣaieri.
42Nok oni ne skaȣisa ok onekanos aonȣanekanonten saiatat nakitiokȣa; oriȣiio tsi kȣarori tsi iatekakonte tenhoteriȣaserakȣase.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.