Matio 3
3
Capatis otipatcimowin
(Natawapata kaie Mark 1.1-8; Luc 3.1-18; Jean 1.19-28)
1Ani apitc Capatis pa tacikepan neta askik Judée ka icinikaterik, ka ici cipewatawokarik. Ki kakeskwew e aitetc: 2“Kweskatisikw! Aci peconakoniw Kice Manito Okimawin!”#3.2 Kice Manito Okimawin: Mia itemakan: Okimawin, wakwek e takonik. Pot wi itemakanotake: Aci peconakoniw Kice Manito kitci pe nta tiperimitokw, kitci pe nta okimawitc ota askik. Pot wetci ki icinikatek, aka ni mitcetwaw kitci wirakaniwitc Kice Manito. Mitcetwaw icinikatcikatew “Okimawin, wakwek e takonik” ota Matio Omasinahikanik. 3Capatis, enko anahwe weckatc ka ki tipatcimakaniwispan, ka ki arimomikotc anihi ka ki pe nikan tipatcimoritci, Ésaïe e icinikasorispana, e ki tipatcimoritci:
“Petakosiw iriniw e tepitepwetc
neta ka ici cipewatawokarik, e itetc:
Oracimotawakw meskanariw kitci kowiskocimonik
taci ke pimotetc Teperitciketc!” Ésaïe 40.3
4Aniheriw tepirak owikasimipan atikowana anahwe Capatis, kaie pakekini pakotehona apatcihekopan. Kwackwackotcihimanakecica mowekopan ko, kaie amo namanasiriw mitcikopan ka ki miskakipan neta askik ka ici cipewatawokarik. 5Mitcet iriniwok ka taciketcik Jérusalem otenak kirika kaskina wiec Judée askik ki pe ototewok e pe natawapamatcik Capatisa, peikon kaie mitcet ka taciketcik aitowikam aniheriw Jourdain sipiriw e ki pe ototetcik. 6Ka ickwa petawatcik Capatisa e kakeskweritci, ekoni ka ici wawitakik tapwe e cikeritakik e ki patahakik. Ki tca sikahatakowok Capatisa neta Jourdain sipik.
7Ka wapatak Capatis e pe natawapamikotc mitcet Pharisien iriniwa kaie Sadducéen iriniwa kitci ki sikahatowatc, aci itew: “Kirawaw ka micta matci iriniwiekw, mia tapickotc kinepikok ka itatisiekw! Awin ka ki kiskinohamatakw kitci otci ocimohitisoekw otipaskonikewin Kice Manito. 8Ki ta miro totenawaw, kitci ki wapatahiweiekw tapwe e ki kweskatisiekw. 9Aka iteritamokw kitci tipiparik aka kitci ki tipaskonikoiekw, e ititisoekw: ‘Abraham nitaniskotape nimocominan.’ Ki witamatinawaw meka, Kice Manito kata kackihepan, asiniwa e totawatc, kitci ocihatc Abraham otaniskotape osimiriw! 10Aci ickwa micipotakaniwon ositaskw ke apatak kitci ki kickikohwakaniwitcik mictikok, neta e asko otapiwitcik. Kaskina mictikw aka ka nitawikihatc miro wapimina kata kickikohwakaniwiw kirika kata wepinakaniwiw ickotek.”
11“Nin anotc ki sikahatatinawaw, nipi e apatcitaian, kitci ki wapatahiweiekw e wi kweskatisiekw. Aric anahwe nanake ke pe takocik, ki ka sikahatakowaw ickoteriw kitci apatcitatc kirika Miro Manitowa kitci miritakw. Kirawe mackaweritakosiw patok nin. Nin nama ni tipi kicteritakosin wawatc kitci ki maninamowak omaskisiniapi. 12Kata itotiskew tarasak mitowi kitike iriniw e takonak omakaripakan kitci tatipan actatc kitikaniw kirika ka maratanik. Kaskina kata mawotcitaw aniheriw okitikan e nahikak otactasokiwamik. Aric aniheriw ka maratanik kata ickwasam neta ickotek aka wiskat ka actweparinik.”
Ka sikahatasotc Cecoc
(Natawapata kaie Mark 1.9-11; Luc 3.21-22)
13Aci nete Galilée askik ki pe ototew Cecoc, nac nete Jourdain sipik e icatc. Ekoni ka ici natawapamatc Capatisa kitci ki sikahatakotc. 14Aric Capatis nama mireritamokopan. Itekopan: “Kir ni, ki ta sikahatowin! Kekwan tca wetci pe natawapamiin kitci sikahatatan!”
15Aci itew Cecoc: “Mirerita patama kitci icinakok. Ekoni meka e actek kitci aitotiskeikw kaskina e ici nataweritak Kice Manito.” Ki tca ici naheritam Capatis kitci sikahatowatc. 16Kotc ka ickwa sikahatasotc Cecoc, ki akowatakasiw neta sipik. Mia apitc ki cepariniw wakwek wir otci. Ki wapamew Kice Manitowa Omiro Manitomiriw e pe racireritci mia omemew e icinakosiritci, e pe poneritci. 17Kirika ki petam e itakaniwitc, wakwek e otewetcikaterik: “Enko anahwe nikosis ka sakihak. Ni micta mirerimaw!”
ទើបបានជ្រើសរើសហើយ៖
Matio 3: ATMK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Canadian Bible Society, 2014