លូកា 3
3
អ្នកនាំពាក្យរបស់ព្រះមែស៊ី
1នៅឆ្នាំទីដប់ប្រាំនៃរជ្ជកាលសេសារទីប៊ើរ កាលប៉ុនទាសពីឡាត់ធ្វើជាអភិបាលនៃយូឌា ហេរ៉ូឌធ្វើជាស្ដេចត្រាញ់នៃកាលីឡេ ភីលីពអនុជ#3:1 អនុជ―ន័យត្រង់គឺ “បងប្អូនប្រុស”។របស់ហេរ៉ូឌធ្វើជាស្ដេចត្រាញ់នៃតំបន់អ៊ីទូរេ និងត្រាខូនីត ហើយលីសានាសធ្វើជាស្ដេចត្រាញ់នៃអាប៊ីលេន 2គឺពេលដែលអាន់ណាស និងកៃផាសជាមហាបូជាចារ្យ នោះព្រះបន្ទូលរបស់ព្រះបានមកដល់យ៉ូហានកូនសាការី នៅទីរហោស្ថាន។ 3គាត់ក៏ទៅតាមតំបន់ទាំងអស់ជុំវិញទន្លេយ័រដាន់ ទាំងប្រកាសអំពីពិធីជ្រមុជទឹកនៃការកែប្រែចិត្តសម្រាប់ការលើកលែងទោសបាប 4ដូចដែលមានសរសេរទុកមកក្នុងគម្ពីរព្យាការីអេសាយ#3:4 គម្ពីរព្យាការីអេសាយ―ន័យត្រង់គឺ “សៀវភៅអំពីពាក្យរបស់អេសាយ”។ថា:
“មានសំឡេងមួយស្រែកនៅទីរហោស្ថានថា:
‘ចូររៀបចំផ្លូវរបស់ព្រះអម្ចាស់
ចូរតម្រង់ផ្លូវលំរបស់ព្រះអង្គ!
5 ជ្រលងភ្នំទាំងអស់នឹងត្រូវបានលុបបំពេញ
ហើយអស់ទាំងភ្នំ និងទីទួលនឹងត្រូវបានពង្រាប;
រីឯផ្លូវវៀចនឹងត្រូវបានតម្រង់
ហើយផ្លូវរដិបរដុបនឹងត្រូវបានធ្វើឲ្យរាបស្មើ
6 នោះមនុស្ស # 3:6 មនុស្ស―ន័យត្រង់គឺ “សាច់”។ ទាំងអស់នឹងឃើញសេចក្ដីសង្គ្រោះរបស់ព្រះ’”។ # 3:4-6 《អេសាយ》 40:3-5។
7យ៉ូហាននិយាយនឹងហ្វូងមនុស្សដែលចេញមកដើម្បីទទួលពិធីជ្រមុជទឹកពីគាត់ថា៖ “ពូជពស់វែកអើយ! តើនរណាបានប្រាប់អ្នករាល់គ្នាឲ្យរត់គេចពីព្រះពិរោធដែលរៀបនឹងមក? 8បើដូច្នេះ ចូរបង្កើតផលឲ្យសមនឹងការកែប្រែចិត្តចុះ! កុំឲ្យចាប់ផ្ដើមនិយាយក្នុងចិត្តថា: ‘យើងមានអ័ប្រាហាំជាដូនតា’ នោះឡើយ ដ្បិតខ្ញុំប្រាប់អ្នករាល់គ្នាថា ព្រះអាចបង្កើតកូនចៅឲ្យអ័ប្រាហាំពីដុំថ្មទាំងនេះបាន។ 9សូម្បីតែឥឡូវនេះ ពូថៅដាក់នៅនឹងគល់ដើមឈើរួចហើយ ដូច្នេះអស់ទាំងដើមឈើដែលមិនបង្កើតផលល្អ នឹងត្រូវបានកាប់ចោល ហើយបោះទៅក្នុងភ្លើង”។
10ហ្វូងមនុស្សក៏សួរគាត់ថា៖ “បើដូច្នេះ តើយើងខ្ញុំគួរធ្វើដូចម្ដេច?”។
11យ៉ូហានឆ្លើយនឹងពួកគេថា៖ “អ្នកណាដែលមានអាវ#3:11 អាវ―ឬ “អាវខាងក្នុង”។ពីរ ត្រូវចែកឲ្យអ្នកដែលគ្មាន ហើយអ្នកណាដែលមានអាហារ ក៏ត្រូវធ្វើដូចគ្នាដែរ”។
12មានពួកអ្នកទារពន្ធមកទទួលពិធីជ្រមុជទឹកដែរ ពួកគេក៏សួរយ៉ូហានថា៖ “លោកគ្រូ តើយើងខ្ញុំគួរធ្វើដូចម្ដេច?”។
13យ៉ូហានប្រាប់ពួកគេថា៖ “កុំទារពន្ធហួសកម្រិតដែលបានកំណត់ឲ្យអ្នករាល់គ្នានោះឡើយ”។
14ពួកទាហានក៏សួរគាត់ដែរថា៖ “ចុះយើងខ្ញុំវិញ តើគួរធ្វើដូចម្ដេចដែរ?”។
យ៉ូហាននិយាយថា៖ “កុំគំរាមយកលុយ ឬចេះតែចោទយកលុយ#3:14 ចេះតែចោទយកលុយ―ឬ “មួលបង្កាច់”។ពីអ្នកណាឡើយ តែចូរស្កប់ចិត្តនឹងប្រាក់ឈ្នួលរបស់ខ្លួនវិញ”។
15នៅគ្រាដែលប្រជាជនកំពុងរង់ចាំ នោះពួកគេទាំងអស់គ្នាក៏នឹកស្មានក្នុងចិត្តអំពីយ៉ូហានថា ប្រហែលគាត់ជាព្រះគ្រីស្ទ។ 16យ៉ូហានតបនឹងពួកគេទាំងអស់គ្នាថា៖ “ខ្ញុំធ្វើពិធីជ្រមុជឲ្យអ្នករាល់គ្នាដោយទឹក#3:16 ដោយទឹក―ឬ “ក្នុងទឹក”។មែន ប៉ុន្តែមានម្នាក់ដែលធំជាងខ្ញុំនឹងមក ដែលខ្ញុំមិនស័ក្ដិសមនឹងស្រាយខ្សែស្បែកជើងរបស់លោកផង។ លោកនឹងធ្វើពិធីជ្រមុជឲ្យអ្នករាល់គ្នាដោយព្រះវិញ្ញាណដ៏វិសុទ្ធ និងដោយភ្លើង#3:16 ដោយព្រះវិញ្ញាណដ៏វិសុទ្ធ និងដោយភ្លើង―ឬ “ក្នុងព្រះវិញ្ញាណដ៏វិសុទ្ធ និងក្នុងភ្លើង”។។ 17លោកកាន់ចង្ហាយក្នុងដៃ ដើម្បីសម្អាតលានបោកស្រូវរបស់លោក ហើយប្រមូលស្រូវដាក់ក្នុងជង្រុករបស់លោក រីឯអង្កាមវិញ លោកនឹងដុតក្នុងភ្លើងដែលពន្លត់មិនបាន”។ 18ដូច្នេះ យ៉ូហានបានប្រកាសដំណឹងល្អដល់ប្រជាជនដោយពាក្យដាស់តឿនផ្សេងទៀតជាច្រើន។ 19ប៉ុន្តែនៅពេលស្ដេចត្រាញ់ហេរ៉ូឌត្រូវយ៉ូហានស្ដីបន្ទោសអំពីហេរ៉ូឌាសមហេសីរបស់#3:19 ឯកសារបុរាណខ្លះបន្ថែម “ភីលីព”។អនុជទ្រង់ និងអំពីអស់ទាំងការអាក្រក់ដែលទ្រង់បានប្រព្រឹត្ត 20ទ្រង់បានបន្ថែមការនេះមួយទៀតលើការអាក្រក់ទាំងអស់ គឺទ្រង់បានឃុំឃាំងយ៉ូហានក្នុងគុក។
ព្រះយេស៊ូវទទួលពិធីជ្រមុជទឹក
21កាលមួយមានកើតឡើងដូច្នេះ: នៅពេលប្រជាជនទាំងអស់បានទទួលពិធីជ្រមុជទឹក ព្រះយេស៊ូវក៏បានទទួលពិធីជ្រមុជទឹកដែរ។ ពេលព្រះអង្គកំពុងអធិស្ឋាន ផ្ទៃមេឃត្រូវបានបើកចំហ 22ហើយព្រះវិញ្ញាណដ៏វិសុទ្ធយាងចុះក្នុងរូបសណ្ឋានដូចជាសត្វព្រាបមកលើព្រះអង្គ រួចមានសំឡេងមួយមកពីលើមេឃថា៖
“អ្នកជាបុត្រដ៏ជាទីស្រឡាញ់របស់យើង
យើងពេញចិត្តនឹងអ្នក”។
កំណត់ត្រាវង្សត្រកូលរបស់ព្រះយេស៊ូវគ្រីស្ទ
23នៅពេលព្រះយេស៊ូវទ្រង់ចាប់ផ្ដើមព័ន្ធកិច្ច#3:23 ព័ន្ធកិច្ច―ជាពាក្យជំនួយ។ ព្រះអង្គមានព្រះជន្មាយុប្រមាណសាមសិបព្រះវស្សា ហើយតាមដែលគេគិតស្មាន
ព្រះអង្គជាកូនរបស់យ៉ូសែប យ៉ូសែបជាកូនហេលី
24ហេលីជាកូនម៉ាត់ថាត់ ម៉ាត់ថាត់ជាកូនលេវី
លេវីជាកូនម៉ិលគី ម៉ិលគីជាកូនយ៉ាណាយ
យ៉ាណាយជាកូនយ៉ូសែប 25យ៉ូសែបជាកូនម៉ាតាធាស
ម៉ាតាធាសជាកូនអេម៉ុស អេម៉ុសជាកូនណាហ៊ូម
ណាហ៊ូមជាកូនអែសលី អែសលីជាកូនណាកាយ
26ណាកាយជាកូនម៉ាអាត ម៉ាអាតជាកូនម៉ាតាធាស
ម៉ាតាធាសជាកូនសេម៉ី សេម៉ីជាកូនយ៉ូសិក
យ៉ូសិកជាកូនយូដា 27យូដាជាកូនយ៉ូអាណាន់
យ៉ូអាណាន់ជាកូនរេសា រេសាជាកូនសូរ៉ូបាបិល
សូរ៉ូបាបិលជាកូនសាលធាល សាលធាលជាកូននេរី
28នេរីជាកូនម៉ិលគី ម៉ិលគីជាកូនអ័តឌី
អ័តឌីជាកូនកូសាម កូសាមជាកូនអែលម៉ូដាម
អែលម៉ូដាមជាកូនអ៊ើរ 29អ៊ើរជាកូនយ៉ូសេ
យ៉ូសេជាកូនអេលាស៊ើរ អេលាស៊ើរជាកូនយ៉ូរិម
យ៉ូរិមជាកូនម៉ាត់ថាត់ ម៉ាត់ថាត់ជាកូនលេវី
30លេវីជាកូនស៊ីម្មាន ស៊ីម្មានជាកូនយូដា
យូដាជាកូនយ៉ូសែប យ៉ូសែបជាកូនយ៉ូណាម
យ៉ូណាមជាកូនអេលាគីម 31អេលាគីមជាកូនម៉េលាស
ម៉េលាសជាកូនម៉ៃណាន ម៉ៃណានជាកូនម៉ាតាថា
ម៉ាតាថាជាកូនណាថាន់ ណាថាន់ជាកូនដាវីឌ
32ដាវីឌជាកូនអ៊ីសាយ អ៊ីសាយជាកូនអូបិឌ
អូបិឌជាកូនបូអូស បូអូសជាកូនសាលម៉ូន
សាលម៉ូនជាកូនណាសូន 33ណាសូនជាកូនអ័មីណាដាប់
អ័មីណាដាប់ជាកូនអាដមីន អាដមីន#3:33 ឯកសារបុរាណខ្លះគ្មាន “ជាកូនអាដមីន អាដមីន”។ជាកូនអើរ៉ាម#3:33 អើរ៉ាម―ឯកសារបុរាណខ្លះថា “អ័រនី”។
អើរ៉ាមជាកូនហេស្រុន ហេស្រុនជាកូនពេរេស
ពេរេសជាកូនយូដា 34យូដាជាកូនយ៉ាកុប
យ៉ាកុបជាកូនអ៊ីសាក អ៊ីសាកជាកូនអ័ប្រាហាំ
អ័ប្រាហាំជាកូនថេរ៉ា ថេរ៉ាជាកូនណាឃរ
35ណាឃរជាកូនសេរូក សេរូកជាកូនរេហ៊ូវ
រេហ៊ូវជាកូនផាលេក ផាលេកជាកូនហេប៊ើរ
ហេប៊ើរជាកូនសេឡា 36សេទ្បាជាកូនកៃណាន
កៃណានជាកូនអើប៉ាក់សាឌ អើប៉ាក់សាឌជាកូនសិម
សិមជាកូនណូអេ ណូអេជាកូនឡាមេក
37ទ្បាមេកជាកូនមធូសាទ្បា មធូសាទ្បាជាកូនហេណុក
ហេណុកជាកូនយ៉ារេឌ យ៉ារេឌជាកូនម៉ាលេលាល
ម៉ាលេលាលជាកូនកៃណាន 38កៃណានជាកូនអេណុស
អេណុសជាកូនសេថ សេថជាកូនអ័ដាម
ហើយអ័ដាមជាកូនរបស់ព្រះ៕
ទើបបានជ្រើសរើសហើយ៖
លូកា 3: GKHB
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
GLOBAL KHMER BIBLE©
Copyright © 2023 by Global Bible Initiative
