Fiiliffi Af furnaan
Af furnaan
Khadaaba, Baawulo urur Kiriistoki ilkerengeetti Fiiliffi, iche ichiire. Urura Fiiliffi, a ki oraate Baawulo ili Yuurob ka, boroofenhi Makedooniya ka sooumhe. Baawulo la maanti us khadaaba chiire jeela kijire. Geedda ka ꞌdooꞌdoo ururaas ka Baawulo tirrime a jira. Toro la jeenteti urura goyaka worassi beenaat enenyet liiabchuu, Baawulo mal gele. Eheetteey laka khadaaba ka wihi buurenye laargo, a hamaadi buure ichoow uurlammaassi us ikhabin ichoow roorroti us ikhabin. Wahanyeyyoha la wihi keeno a kakhuufnaanki us weyti Yeesso Kiriisto kakhuufo.
Wihi us khadaaba kachiire, urur Kiriistoki Fiiliffi kalaꞌd ilaabe gargaari icho usu maanti us sina khabe isooergeen ka. Toro la ꞌdooꞌda laka iꞌdiis u sina a lakawaariche jeenteti icho ꞌdooꞌd Kiriisto iyahiin u. ꞌDeerka us ꞌdooꞌdane uur miigoocha, ꞌdee iicho waꞌdwaaꞌd khabine, toro Waakh on a kakhuufeen. Us icho a hawwaasta, iisweynaanna mali Yeesso khabe khaba, isnuglaacha iche idowa. Wihi us icho kasooꞌhelcho, jiroti icho ichoow Kiriisto ba wohoo kalday yahiin, hugummeti Yaꞌhuude icho raahaan ma kiimaatane, a siinti haaggi Waakhe inno imunneynane icho jeenteti icho Kiriisto ikakhuufaan iꞌheleen. Wihi addane us chiiro, a hamaad ichoow nebeyti Waakh ꞌdooꞌdi icho ichoow Kiriisto ba wohoo kalday yahiin siicho.
Wihi weyti khadaaba ka laargo a waha, hamaad ichoow uurlammaassi liikhabin ichoow roorroti liikhabin ichoow saggi urur Kiriisto koo kalday iyahe ichoow kakhuufnaanki Waakh lakakhuufo ka lagarrahsati. Wihi addan la a ꞌdooninti buurenye Baawulo urur Kiriistoki Fiiliffi ikhabe.
Wihi khadaaba goya kijiro
Yeed ortiissa 1:1-11
Wihi fiddi Baawulo miinsan 1:12-26
Jiroti Kiriisto lakaꞌhelo 1:27-2:18
Mali Baawulo Timooti ichoow Ebaabara keergo 2:19-2:30
Waansihi worassi beenaat ichoow jiroti ꞌdooꞌd Kiriisto 3:1-4:9
Baawulo ꞌdooꞌdi Fiiliffi kalaꞌd ilaaba 4:10-4:20
Bariitoti ꞌdaꞌddaboot 4:21-4:23.
ទើបបានជ្រើសរើសហើយ៖
Fiiliffi Af furnaan: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.