Galaatiya 4
4
1Wihi an eldi, geeddi eti dahal leh weel yahe, usu ichoow bowꞌda ba yeerar mee. Eheetteey laka, walah tuumman a wihiissa on. 2Geeddi ibeenki aabbahiis igooche sooyateeh, weel ꞌdooꞌdi aabbahiis dahanohicho gesse ichoow ki wihiis yaakhicho iche ilicho kijira. 3Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte. 4Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse, 5ꞌdee ꞌdooꞌdi amurre anatti soogatta toro soofura, ꞌdee Waakh tuum inno khaatta nyaakhutiis nateeh. 6Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse. 7Kola geeddi atin bowꞌda keeheet a massatte, atin a nyaakhuti Waakh. Jeenteti atin nyaakhuti Waakh itahiin u la, wihi Waakh nyaakhutiis ikhabo tuumman atin laka a muꞌdantahiin.
Baawulo urur Kiriistoki Galaatiya ichohi yeedi rummaat ꞌhelo ꞌdoona
8Orey goorat atin Waakh ma garattaane, wahanyeyyohoo rumanka Waakh ieheynane bowꞌdaticho eheet. 9Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan? 10Atin daawohi Yaꞌhuude seerassoo ichoow hayohoo ichoow guꞌhassoo ka liinonnokhti lakhumummaacho raahtaan. 11An a atin ulooda, kolossoo hili goorat an atin ihile a ki ilmarhaatteet on. 12ꞌDooꞌd Kiriistokaaw a atin hawwaasdee, taba iꞌdeey u amurre Muusa iskafura. A mehe ani iꞌdi atinhi Yaꞌhuud ieheynan a itah. Atin walah khufenye atin iyeesseen mele.
13Saggi atin igarattaan u, jeenteti an iꞌdarsade iche kolooraat Wori Haaggan atin icheeke. 14Sarteeyti ꞌdaran kajmeti buurenye atin ititah. Eheetteey laka, atin ma iꞌdarraawin ommos ma iꞌdiiꞌdin. Saggi atin imartiisatteen, atte an a herti Waakh ommos a Yeesso Kiriisto rubeytiissa. 15Hamaadi goorat maantaas atin khabteen toolla meeke? Garti an laabo, chiꞌ kootte iche tateeh, indohiin laka a soobukkhissaane isiissaan! 16Toollaka runti an atin isoocheeko on ka chiiytankiin itah?
17ꞌDooꞌdaas amurreti Yaꞌhuud atin ihosso weyti ichohi ankicho atin ilaabo ꞌdoonaane, iꞌdaasenyi wihi icho yeelin ꞌdoonaan ma haaggan. Wihi icho ꞌdoonaan tuumman a seleyhi icho inno bahchaane, ꞌdee atin laka icho weyti raahin ꞌdoontaan. 18Weyti haaggantahe chirri wohoo laꞌdoono, chiꞌ wihi at ꞌdoonto on haagganyahiin. Toro la kol dakkhan waha a rum chaꞌan atin leejiro kalday on menye. 19Nyaakhuteeyki an weyti ꞌdoono, bolokkhi iꞌdi ki aranti chiisenye toro atin ikhaba, ma ikabaho la ichoowka Kiriisto ka iiꞌdowtaan. 20Kootte incheenka toolla a atin leejira, ꞌdee hol ka ma atin leeyyeedo. A mehe an a atin kamalala.
Iyookko yeele Aburaaham
21Atinhi amurre Muusati atin anatti ꞌdoontaan, bal isoocheeka, wihi amurre Muusa elatti ma dagansattaan a? 22A mehe wihi chiiran, Aburaaham inam lamma khabe, koo a ki aranti bowꞌdee desse, koo la a ki aranti furan desse. 23Inankiiski aranti bowꞌdee desse, jiti weeli enenyete kadesse. Iꞌdaasenyi ki addan ayyinti Waakh usu igooche kadesse.
24Wahanyeyyoha iꞌdi iyookko liikhaata. Oboorriha a iyookkoti ayyinti lammeenye Waakh rubeytiis on weeli enenyet igooche. Haagar ayyinti Waakh Hali Sinnaay ka gooche itolossa. Nyaakhuti ayyintaas raaho iche desse la a iꞌdi bowꞌda. 25Haagar Hali Sinnaaye ili Araabo kijiro iche itolossa, toro la ilkerengeetti weene Yeerusaleeme weyꞌdane itolossa. A mehe nyaakhutiche khabtaayi iche a bowꞌda. 26Iꞌdaasenyi ilkerengeetti weene Yeerusaleeme saraate Waakh a iꞌdi makhaabassi furane, iche la a abarteenna. 27A mehe wihi chiiran,
“Makhaabassa mahanenye nyaakhut idelin hamaad!
Riire, hamaad ka ooy,
atihi bolokkhi chiis igaran!
A mehe makhaabassi lakaguure,
dessi ittaawenye ꞌhessa,
wihi makhaabassi makhaabaliche leetaal kussane ꞌhessa.”
28ꞌDooꞌd Kiriistokaaw, atin toollaka a iꞌdi Isakhi ínam Saaree. A mehe atin a nyaakhuti ayyinti Waakh gooche. 29Maantaas inanki jiti weeli enenyet kadesse, inanki miigti Rubeyti Waakh kadesse sina omhiche. Uliba laka a iꞌdaas on. 30Iꞌdaasenyi Chiirnaanneti Waakh mehe tadeeh? “Nyaam aranta bowꞌdee ichoow inankiche ba rih! A mehe inanki aranti furan ayyinti Waakh a muꞌdanyahe, inanki aranti bowꞌdee ayyintaas jirtuu ma kakhabo.”#4:30 Uumaccho 21:10. 31Maantaka, ꞌdooꞌd Kiriistokaaw, inno nyaakhuti aranti bowꞌdee menye, a nyaakhuti aranti furan.
ទើបបានជ្រើសរើសហើយ៖
Galaatiya 4: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Galaatiya 4
4
1Wihi an eldi, geeddi eti dahal leh weel yahe, usu ichoow bowꞌda ba yeerar mee. Eheetteey laka, walah tuumman a wihiissa on. 2Geeddi ibeenki aabbahiis igooche sooyateeh, weel ꞌdooꞌdi aabbahiis dahanohicho gesse ichoow ki wihiis yaakhicho iche ilicho kijira. 3Inno laka a iꞌdaas on. Ichoowka maanti Kiriisto yimiy saggi nyaakhuti rurrucchule ijirre. Iꞌdi bowꞌdayyoot u miigti suujenye harratane iche inno anatte. 4Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse, 5ꞌdee ꞌdooꞌdi amurre anatti soogatta toro soofura, ꞌdee Waakh tuum inno khaatta nyaakhutiis nateeh. 6Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse. 7Kola geeddi atin bowꞌda keeheet a massatte, atin a nyaakhuti Waakh. Jeenteti atin nyaakhuti Waakh itahiin u la, wihi Waakh nyaakhutiis ikhabo tuumman atin laka a muꞌdantahiin.
Baawulo urur Kiriistoki Galaatiya ichohi yeedi rummaat ꞌhelo ꞌdoona
8Orey goorat atin Waakh ma garattaane, wahanyeyyohoo rumanka Waakh ieheynane bowꞌdaticho eheet. 9Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan? 10Atin daawohi Yaꞌhuude seerassoo ichoow hayohoo ichoow guꞌhassoo ka liinonnokhti lakhumummaacho raahtaan. 11An a atin ulooda, kolossoo hili goorat an atin ihile a ki ilmarhaatteet on. 12ꞌDooꞌd Kiriistokaaw a atin hawwaasdee, taba iꞌdeey u amurre Muusa iskafura. A mehe ani iꞌdi atinhi Yaꞌhuud ieheynan a itah. Atin walah khufenye atin iyeesseen mele.
13Saggi atin igarattaan u, jeenteti an iꞌdarsade iche kolooraat Wori Haaggan atin icheeke. 14Sarteeyti ꞌdaran kajmeti buurenye atin ititah. Eheetteey laka, atin ma iꞌdarraawin ommos ma iꞌdiiꞌdin. Saggi atin imartiisatteen, atte an a herti Waakh ommos a Yeesso Kiriisto rubeytiissa. 15Hamaadi goorat maantaas atin khabteen toolla meeke? Garti an laabo, chiꞌ kootte iche tateeh, indohiin laka a soobukkhissaane isiissaan! 16Toollaka runti an atin isoocheeko on ka chiiytankiin itah?
17ꞌDooꞌdaas amurreti Yaꞌhuud atin ihosso weyti ichohi ankicho atin ilaabo ꞌdoonaane, iꞌdaasenyi wihi icho yeelin ꞌdoonaan ma haaggan. Wihi icho ꞌdoonaan tuumman a seleyhi icho inno bahchaane, ꞌdee atin laka icho weyti raahin ꞌdoontaan. 18Weyti haaggantahe chirri wohoo laꞌdoono, chiꞌ wihi at ꞌdoonto on haagganyahiin. Toro la kol dakkhan waha a rum chaꞌan atin leejiro kalday on menye. 19Nyaakhuteeyki an weyti ꞌdoono, bolokkhi iꞌdi ki aranti chiisenye toro atin ikhaba, ma ikabaho la ichoowka Kiriisto ka iiꞌdowtaan. 20Kootte incheenka toolla a atin leejira, ꞌdee hol ka ma atin leeyyeedo. A mehe an a atin kamalala.
Iyookko yeele Aburaaham
21Atinhi amurre Muusati atin anatti ꞌdoontaan, bal isoocheeka, wihi amurre Muusa elatti ma dagansattaan a? 22A mehe wihi chiiran, Aburaaham inam lamma khabe, koo a ki aranti bowꞌdee desse, koo la a ki aranti furan desse. 23Inankiiski aranti bowꞌdee desse, jiti weeli enenyete kadesse. Iꞌdaasenyi ki addan ayyinti Waakh usu igooche kadesse.
24Wahanyeyyoha iꞌdi iyookko liikhaata. Oboorriha a iyookkoti ayyinti lammeenye Waakh rubeytiis on weeli enenyet igooche. Haagar ayyinti Waakh Hali Sinnaay ka gooche itolossa. Nyaakhuti ayyintaas raaho iche desse la a iꞌdi bowꞌda. 25Haagar Hali Sinnaaye ili Araabo kijiro iche itolossa, toro la ilkerengeetti weene Yeerusaleeme weyꞌdane itolossa. A mehe nyaakhutiche khabtaayi iche a bowꞌda. 26Iꞌdaasenyi ilkerengeetti weene Yeerusaleeme saraate Waakh a iꞌdi makhaabassi furane, iche la a abarteenna. 27A mehe wihi chiiran,
“Makhaabassa mahanenye nyaakhut idelin hamaad!
Riire, hamaad ka ooy,
atihi bolokkhi chiis igaran!
A mehe makhaabassi lakaguure,
dessi ittaawenye ꞌhessa,
wihi makhaabassi makhaabaliche leetaal kussane ꞌhessa.”
28ꞌDooꞌd Kiriistokaaw, atin toollaka a iꞌdi Isakhi ínam Saaree. A mehe atin a nyaakhuti ayyinti Waakh gooche. 29Maantaas inanki jiti weeli enenyet kadesse, inanki miigti Rubeyti Waakh kadesse sina omhiche. Uliba laka a iꞌdaas on. 30Iꞌdaasenyi Chiirnaanneti Waakh mehe tadeeh? “Nyaam aranta bowꞌdee ichoow inankiche ba rih! A mehe inanki aranti furan ayyinti Waakh a muꞌdanyahe, inanki aranti bowꞌdee ayyintaas jirtuu ma kakhabo.”#4:30 Uumaccho 21:10. 31Maantaka, ꞌdooꞌd Kiriistokaaw, inno nyaakhuti aranti bowꞌdee menye, a nyaakhuti aranti furan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.