Hilassi Ergaano 20
20
Baawulo toro ili Makedooniya ichoow ili ꞌHellas inokhta ꞌdooꞌd Kiriisto uur miigoocha
1Chirri kowdo goote ka, Baawulo abatti soowahe, inkoo us icho uur miigooche ka, “A Waakh atin bariisti,” iyidahye, ili Makedooniya ikahe. 2Ulla ilaas tuumman dah kagooche, ꞌdooꞌd Kiriisto wori ittaawe ka uur miigooche, ꞌdaꞌddaboka ili ꞌHellas gele, 3ilkerengeetti weene Koriinto hay seyyah fiddiye. Ulla kooban ka ili Siiriya ikahin leheet. Iꞌdaasenyi jeenteti ꞌdooꞌdi Yaꞌhuud mal igooche ꞌdee khaban iꞌdoonuu, saggi us ili Makedooniya itabo us inokhti gooche. 4ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche. 5Icho la kooban ka orey isohteene, ilkerengeetti Tuurowa ka nah sugeen. 6Nah la inkoo Daawti Makaateti Liikhasin kutte ka kooban ka ilkerengeetti Fiiliffi kakahne. Ibeen chan sohanne ꞌdooꞌd ilkerengeetti Tuurowa ka toro ikhayne. Teebatoo intaas fiddiine.
Baawulo Ewuutukos omoot kasookahcha
7Ibeenki oraate teebataas#20:7 1 Koriinto 16:2. ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa. 8Goonankaas saraate islakaꞌhelo ka taassi ittaawenye jira. 9Geedda Baawulo yeyyeedo la etoo nugule Ewuutukos layadeehe ꞌdohti min kafiddiyo urꞌdumme khaatte. Chirra urꞌdumme khaatte ka, minki seyyahnaatteete saraat kasoodihe ichoowka il guꞌdde. Chirri icho sookkhichaan, a yumuy. 10Baawulo la il ikhubte et isiꞌdiiche, dahano kayuubte, “Anahina, et a noolyahee,” yidah. 11Baawulo ꞌdeerka toro minki saraat ikore, makaate isleeyumheen. Inkoo us icho leeyyeede ichoowka orrahe sookorte ka, katabe. 12ꞌDooꞌd eta nugul usuhi nool khaate goob geecheen. Icho la weyti uur lakhobooche.
Baawulo ilkerengeetti Tuurowa kabaha ilkerengeetti Mileeto gela
13Intaas ka Baawulo katabne, kooban gelle, orey isohanne ichoowka ilkerengeetti ꞌdee Baawulo kooban kagelo Assos layadeeh iꞌdulle. Usu iꞌdaas gooche, iꞌdi tahe usu luhlo kasohta, il dah kagoocha ichoowka ꞌdee Assos ka isꞌhella. 14Chirri us ilkerengeetti Assos ka nah ꞌhele ka, kooban gelle, ilkerengeetti Miituleene ikahne. 15Intaas ka kahne kurti Kiiyos layadeehe bey goya kijirto kakunne, ibeenki lammaatteet ka kurti Saamos layadeehe bey goya kajirto iranne. Ibeenki kaas sooraaho ka ilkerengeetti Mileeto sooeleelle. 16Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.
Baawulo ewweenki Efeesso ꞌdaꞌddaboka waanicha
17Baawulo la ilkerengeetti Mileeto ka ewweenki urur Kiriistoki ilkerengeetti Efeesso woyo farniin iꞌdiiche, ꞌdee or a kasoodoween. 18Chirri icho sooeleeleen ka wihi us iyidah, “Atin rubeytiin saggi an uus maanti kolooraat an boroofenhi Aassiya soogele an atin ileejire a garattaan. 19Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile. 20Maanti an ꞌdow ka ichoow minassiin ka Yeedi Waakh atin icheeke, wihi indigir atin ikhabo tuumman uureey tuumman ka a atin abche. Iꞌdaasenyi saggi an kolba minkoo igele an Yeedi Waakh atin iabche a garattaan. 21Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.
22“Toolla la Rubeyti Munyee iche ilkerengeetti weene Yeerusaleem iwoyta, wihi intaas ka iyateeh la ma gardi. 23Wihi kaldaye an gardi, Rubeyti Munyee a itootoossa, ilkerengeetti ween tuumman ka sina ichoow hiinaan a isugaan. 24Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.
25“Wihi an gardi, atinhi an goytiin kasohde, wori dakhi Waakh miinsan atin icheeke, etiin toro yombuu iargo mele. 26Maantaka wihi an atin icheeko, chirri etiinkoo jit buje, ani ma liiworsati. 27Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan. 28Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde. 29A garda, chirri an atin katabe, ꞌdooꞌdi yeedi beenaat ꞌdooꞌd abcho iꞌdi yaayti weyti oore u goytiinna soogela, woy bakkicha. 30Berri goytiin ka laka ꞌdooꞌdoo wihi rummaat urgiyicho ꞌdee abatti ankicho ijiito a soobaha. 31ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.
32“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan. 33An chilimme ichoow ꞌdahab ichoow gaaddi etoo addan ma maanjeeran. 34Saggi an dahanoheey on ka isiwoywoye, toro an dahanoheey on ka ꞌdooꞌdi an khabe laka iwoywoye, a garattaan. 35Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”
36Chirri Baawulo yeyyeed massiche ka, icho tuumman khabaayi jilbo il kaguꞌdde Waakh wahte. 37Chirra icho usu sorboobtaane icho dongataan ka, icho tuumman ooyeen. 38Wihi weyti icho kooyiche, a chirri us, “Toro yombuu fooleey ma agartaan,” iyidah. ꞌDeerka raaheene, kooban eleelicheen.
ទើបបានជ្រើសរើសហើយ៖
Hilassi Ergaano 20: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 20
20
Baawulo toro ili Makedooniya ichoow ili ꞌHellas inokhta ꞌdooꞌd Kiriisto uur miigoocha
1Chirri kowdo goote ka, Baawulo abatti soowahe, inkoo us icho uur miigooche ka, “A Waakh atin bariisti,” iyidahye, ili Makedooniya ikahe. 2Ulla ilaas tuumman dah kagooche, ꞌdooꞌd Kiriisto wori ittaawe ka uur miigooche, ꞌdaꞌddaboka ili ꞌHellas gele, 3ilkerengeetti weene Koriinto hay seyyah fiddiye. Ulla kooban ka ili Siiriya ikahin leheet. Iꞌdaasenyi jeenteti ꞌdooꞌdi Yaꞌhuud mal igooche ꞌdee khaban iꞌdoonuu, saggi us ili Makedooniya itabo us inokhti gooche. 4ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche. 5Icho la kooban ka orey isohteene, ilkerengeetti Tuurowa ka nah sugeen. 6Nah la inkoo Daawti Makaateti Liikhasin kutte ka kooban ka ilkerengeetti Fiiliffi kakahne. Ibeen chan sohanne ꞌdooꞌd ilkerengeetti Tuurowa ka toro ikhayne. Teebatoo intaas fiddiine.
Baawulo Ewuutukos omoot kasookahcha
7Ibeenki oraate teebataas#20:7 1 Koriinto 16:2. ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa. 8Goonankaas saraate islakaꞌhelo ka taassi ittaawenye jira. 9Geedda Baawulo yeyyeedo la etoo nugule Ewuutukos layadeehe ꞌdohti min kafiddiyo urꞌdumme khaatte. Chirra urꞌdumme khaatte ka, minki seyyahnaatteete saraat kasoodihe ichoowka il guꞌdde. Chirri icho sookkhichaan, a yumuy. 10Baawulo la il ikhubte et isiꞌdiiche, dahano kayuubte, “Anahina, et a noolyahee,” yidah. 11Baawulo ꞌdeerka toro minki saraat ikore, makaate isleeyumheen. Inkoo us icho leeyyeede ichoowka orrahe sookorte ka, katabe. 12ꞌDooꞌd eta nugul usuhi nool khaate goob geecheen. Icho la weyti uur lakhobooche.
Baawulo ilkerengeetti Tuurowa kabaha ilkerengeetti Mileeto gela
13Intaas ka Baawulo katabne, kooban gelle, orey isohanne ichoowka ilkerengeetti ꞌdee Baawulo kooban kagelo Assos layadeeh iꞌdulle. Usu iꞌdaas gooche, iꞌdi tahe usu luhlo kasohta, il dah kagoocha ichoowka ꞌdee Assos ka isꞌhella. 14Chirri us ilkerengeetti Assos ka nah ꞌhele ka, kooban gelle, ilkerengeetti Miituleene ikahne. 15Intaas ka kahne kurti Kiiyos layadeehe bey goya kijirto kakunne, ibeenki lammaatteet ka kurti Saamos layadeehe bey goya kajirto iranne. Ibeenki kaas sooraaho ka ilkerengeetti Mileeto sooeleelle. 16Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.
Baawulo ewweenki Efeesso ꞌdaꞌddaboka waanicha
17Baawulo la ilkerengeetti Mileeto ka ewweenki urur Kiriistoki ilkerengeetti Efeesso woyo farniin iꞌdiiche, ꞌdee or a kasoodoween. 18Chirri icho sooeleeleen ka wihi us iyidah, “Atin rubeytiin saggi an uus maanti kolooraat an boroofenhi Aassiya soogele an atin ileejire a garattaan. 19Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile. 20Maanti an ꞌdow ka ichoow minassiin ka Yeedi Waakh atin icheeke, wihi indigir atin ikhabo tuumman uureey tuumman ka a atin abche. Iꞌdaasenyi saggi an kolba minkoo igele an Yeedi Waakh atin iabche a garattaan. 21Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.
22“Toolla la Rubeyti Munyee iche ilkerengeetti weene Yeerusaleem iwoyta, wihi intaas ka iyateeh la ma gardi. 23Wihi kaldaye an gardi, Rubeyti Munyee a itootoossa, ilkerengeetti ween tuumman ka sina ichoow hiinaan a isugaan. 24Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.
25“Wihi an gardi, atinhi an goytiin kasohde, wori dakhi Waakh miinsan atin icheeke, etiin toro yombuu iargo mele. 26Maantaka wihi an atin icheeko, chirri etiinkoo jit buje, ani ma liiworsati. 27Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan. 28Rubeyti Munyee iꞌdi ersimohi hoolaate atin kayeesse. Hoolaha la a ꞌdooꞌdi Waakh. Maantaka isyaakhicha toro la hoolahi Rubeyti Munyee dahantiin gelisse tuumman yaakhicha. Ururi Waakhe goorat Yeesso diiggiis ka Waakh igate, yaakhicha toro toorriba giꞌde. 29A garda, chirri an atin katabe, ꞌdooꞌdi yeedi beenaat ꞌdooꞌd abcho iꞌdi yaayti weyti oore u goytiinna soogela, woy bakkicha. 30Berri goytiin ka laka ꞌdooꞌdoo wihi rummaat urgiyicho ꞌdee abatti ankicho ijiito a soobaha. 31ꞌDooꞌdi iꞌdaase yuubsada. Toollaka saggi an guꞌh seyyah tuumman bolokh ka an ebba ibeen ichoow maalim ba iwaaniche kasooꞌhela.
32“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan. 33An chilimme ichoow ꞌdahab ichoow gaaddi etoo addan ma maanjeeran. 34Saggi an dahanoheey on ka isiwoywoye, toro an dahanoheey on ka ꞌdooꞌdi an khabe laka iwoywoye, a garattaan. 35Walah tuumman ka saggi inno hol idowno inno ꞌdooꞌdi ꞌdaꞌddaran igargaarro a atin tuse. Anna wihi goorat Yeessohi Kamure yidah iche kasooꞌhele. Kamur mehe yidah ya, ‘Eti walah diibo weyti hamaad khaba ki khaatti ka.’ ”
36Chirri Baawulo yeyyeed massiche ka, icho tuumman khabaayi jilbo il kaguꞌdde Waakh wahte. 37Chirra icho usu sorboobtaane icho dongataan ka, icho tuumman ooyeen. 38Wihi weyti icho kooyiche, a chirri us, “Toro yombuu fooleey ma agartaan,” iyidah. ꞌDeerka raaheene, kooban eleelicheen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.