Hilassi Ergaano 19
19
Baawulo ilkerengeetti Efeesso ka Wori Haaggan cheeka
1Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele. 2Ulla wihi us icho worsate, “Maanti atin Yeesso rummeysatteen Rubeyti Munyee a ꞌhesseen?”
Wihi icho ilaabeen, “Nah Rubeyti Munyeenye jirto laka ma daagin.”
3Baawulo ꞌdeerka wihi us worsate, “Maanti atin labaattissiye, soonnaankeyya raahteen?”
Wihi icho ilaabeen, “Soonnaan Yoohana.”
4Baawulo wihi us iyidah, “Wihi baattissiyo Yoohana enenyet tusso, a ꞌdooꞌdi uskeel kasoonokhte. Yoohana rubeytiis la wihi us ꞌdooꞌd iyidah, ‘Ki ꞌdubeey ka yamiit rummeesda,’ kaas la a Yeesso.” 5Chirri icho waha daageen ka magah Yeessohi Kamure ka labaattissiye. 6Chirri Baawulo icho dahano korche ka, Rubeyti Munyee isooyagte, icho la afassi icho idaagin kaayyeedeene toro wori Waakh kayimiy cheekeen. 7Ichohi labaattissiye la isgoya a geeddi et tomon ichoow lamma.
8Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa. 9Iꞌdaasenyi ꞌdooꞌd gaasiiskoo a ki matah miigenye, yeed rummeysan ꞌdiiꞌde, toro enenyet tuumman ortiis ka, jiti Kamur wihi noole sussuuje kacheekeen. Baawulo ꞌdeerka icho katabe. Abatti khaatte, maan tuumman min Turannoki buure ka ꞌdooꞌd Yeedi Waakh kaleehawwooche. 10Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.
11Waakh la Baawulo ka, wihi ittaawenye weeli enenyet yeelin iubaaꞌdane injire liiargin yeele. 12ꞌDeerka dafartoor fool lakahiyyaayti ichoow darfohiiski chaafo kalaabo sartiissa on ꞌdaare laka a lakhaata ꞌdooꞌdi khakkhannan liigeecha, samaataane ginnayyo laka enenyet goya lakariha.
13ꞌDooꞌdoo Yaꞌhuud a sossohta ꞌdooꞌdi ginnayyo dakhtaan ginnayyo kabahchaane, magah Yeessohi Kamurenye lawaho ka ginnayyo bihin leheet. Wihi icho ginnayyo iyadeehiin, “Antohi magah Yeessohi Baawulo woriis cheeko ka amure kibahcha, soobah.” 14Ínam teebati etoo kuhaanihi weene Yaꞌhuude Iskeefa layadeeh leeyahe iꞌdane yeessa. 15Maantooka ginna wihi iche icho ilaabte, “An Yeesso a garda, Baawulo laka wihiis a garda, iꞌdaasenyi atin a ayyo?” 16Eti kootte ginna dakhatte ꞌdeerka icho tuumman inyaame, icho tuumman kahataate. Icho weyti jahe ichohi murukkheenye toro nabarre diigto minkiis kafirdeen.
17Chirri ꞌdooꞌdi Yaꞌhuud ichoow ki Yaꞌhuud ieheynane ilkerengeetti Efeesso kajiro tuumman wahaas daage ka, weyti burꞌdowe. Magah Yeessohi Kamure la weyti liinkaanyite. 18ꞌDooꞌdi ittaawenye rummeeste, yimiyye, uskeeli icho yeelaan ꞌdow ka cheekeen. 19ꞌDooꞌdoo moroyyee laka khadaabbetichoti yuyyuuban sookhaate ꞌdooꞌd tuumman ortiis ka gubeen. Khadaabbeti yuyyuuban la chirri islakachibe gatoticho a chilim alif tomon chan. #19:19 Chilim alif tomon chan. Lahaagta koo kalday a chilimmeti eti orrahtoo kalday hil haaggiche laguto. 20Iꞌdaas ka la, ꞌdooꞌdi buurenye Yeedi Kamur daage, toro raahe.
Saggi Demmediroos ꞌdooꞌdi Efeesso Baawulo ikasootukkiche
21Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.” 22Baawulo geeddi us ibeennetoo boroofenhi Aassiya fiddiyo reeroo lammeenye kiisenye usu gargaaro ili Makedooniya iergate. Reera a Timooti ichoow Eraasta.
23Chirraase ilkerengeetti Efeesso ka jeenteti yeedi Jiti Kamur miinsan u, sinati buure isoobahte. 24Etoo tumaalenye Demmediroos layadeeh la minki waakkhi deyyahe Arteemis layadeeh lakawahti iche iyookkoyyohoo nunnucchule lahaagtoo dakhan lakahaaggiche ihaaggicha. Bacchaaratiis la ꞌdooꞌdi hiliis kajiro weyti chilimmeti buure ikeenta. 25ꞌDooꞌdaas ichoow ꞌdooꞌdoo addane hilicho iꞌdi kaas yahe wahe. Wihi us iyidah, “Era saggi kamurroonkeen bacchaarata ikayamiit a garattaan. 26Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche. 27Toollaka wihi soosohti ka bacchaarateenta magah a uskulaata. Wahaas kalday la menye, minki waakkheenki deyyahe weene Arteemis layadeeh laka magah a waaya. Waakkheenki Aassiya ichoow harra tuumman ka lawahti wohoo marahe yateeh.”
28ꞌDooꞌdi bacchaarti chirri us waha daage ka weyti hollowe, riire, “Arteemisti Efeesso a weentahe!” yidah. 29Chirraas on riirit ilkerengeet tuumman kataaꞌhe. Urur Gaayo ichoow Aristaarkoshi Baawulo walhicho ili Makedooniya ka sooraahe khabte. Leeoryeene, inti lakagirꞌdaamo geecheen. 30Baawulo rubeytiis usuhi urur ortiis irti ꞌdoone, iꞌdaasenyi abatti usu tiratte. 31Weynaanti boroofen gaasoo aalassiise laka Baawulo farniin isooꞌdiichene hawwaasteen uus minki lakagirꞌdaamo iran.
32Geeddaas ka la meel tuumman a riirit kalday on. ꞌDooꞌdoo riirit ka wohoo essa, koo la riirit ka wohoo addane essa. ꞌDooꞌd buurtiis la wihi icho intaas ka isikeene laka ma garti. 33ꞌDooꞌdi Yaꞌhuud la etoo Alekisaanda layadeeh urur isootakhe, wihi us yayyadeeh la icheeke. Ulla dahan ka ꞌdooꞌd leeyeede, wihi jiro icheekin ꞌdoonáa. 34Iꞌdaasenyi chiꞌicho saggi us Yaꞌhuud iyahe kaseen ka, hooyoo kalday ka geeddi sahaꞌd lamma tuumman riireene, “Arteemisti ilkerengeetti Efeesso a weentahe,” esseen.
35Eti ilkerengeet ka khadaabbe chiiro urur yaasiche, wihi us yidah, “ꞌDooꞌdi Efeesso, ꞌdooꞌdi harra tuumman saggi ilkerengeetti Efeesso minki weysiite Arteemisti ween ichoow dagahti lagane serey kasoodihte iyaakhisso ma garti? 36Maantaka et runta ꞌdiiꞌdo mele gone, wihi lakaaꞌdoono a atihi gammadisso, wohoo ꞌdalammoon la iyeelin. 37ꞌDooꞌda atin inta keenteen minassi weysiit ma hatine ommos waakkheenki deyyah ma igafin. 38Chirri Demmediroos ichoow tumaassi addan etoo wohoo kakhabto la, kootiin a jira. Weynaanti sirgaal laka a jirta, a irteene eti icho wohoo iskakhabaan a cheekti. 39Chirri atin wohoo addan keenin ꞌdoontaan la, toli amurre ꞌdoonto labahcha yeedaas lamassicha. 40Saggi walah ijiraan u, maalinka a geeddi inno lakhabti jeenteti ururi il baabuluu. ꞌDeerka riirita ka walah inno laabno mele, jeente il liibaabulo mele gon.” 41Inkoo us waha yidah ka urur seley kahche.
ទើបបានជ្រើសរើសហើយ៖
Hilassi Ergaano 19: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 19
19
Baawulo ilkerengeetti Efeesso ka Wori Haaggan cheeka
1Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele. 2Ulla wihi us icho worsate, “Maanti atin Yeesso rummeysatteen Rubeyti Munyee a ꞌhesseen?”
Wihi icho ilaabeen, “Nah Rubeyti Munyeenye jirto laka ma daagin.”
3Baawulo ꞌdeerka wihi us worsate, “Maanti atin labaattissiye, soonnaankeyya raahteen?”
Wihi icho ilaabeen, “Soonnaan Yoohana.”
4Baawulo wihi us iyidah, “Wihi baattissiyo Yoohana enenyet tusso, a ꞌdooꞌdi uskeel kasoonokhte. Yoohana rubeytiis la wihi us ꞌdooꞌd iyidah, ‘Ki ꞌdubeey ka yamiit rummeesda,’ kaas la a Yeesso.” 5Chirri icho waha daageen ka magah Yeessohi Kamure ka labaattissiye. 6Chirri Baawulo icho dahano korche ka, Rubeyti Munyee isooyagte, icho la afassi icho idaagin kaayyeedeene toro wori Waakh kayimiy cheekeen. 7Ichohi labaattissiye la isgoya a geeddi et tomon ichoow lamma.
8Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa. 9Iꞌdaasenyi ꞌdooꞌd gaasiiskoo a ki matah miigenye, yeed rummeysan ꞌdiiꞌde, toro enenyet tuumman ortiis ka, jiti Kamur wihi noole sussuuje kacheekeen. Baawulo ꞌdeerka icho katabe. Abatti khaatte, maan tuumman min Turannoki buure ka ꞌdooꞌd Yeedi Waakh kaleehawwooche. 10Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.
11Waakh la Baawulo ka, wihi ittaawenye weeli enenyet yeelin iubaaꞌdane injire liiargin yeele. 12ꞌDeerka dafartoor fool lakahiyyaayti ichoow darfohiiski chaafo kalaabo sartiissa on ꞌdaare laka a lakhaata ꞌdooꞌdi khakkhannan liigeecha, samaataane ginnayyo laka enenyet goya lakariha.
13ꞌDooꞌdoo Yaꞌhuud a sossohta ꞌdooꞌdi ginnayyo dakhtaan ginnayyo kabahchaane, magah Yeessohi Kamurenye lawaho ka ginnayyo bihin leheet. Wihi icho ginnayyo iyadeehiin, “Antohi magah Yeessohi Baawulo woriis cheeko ka amure kibahcha, soobah.” 14Ínam teebati etoo kuhaanihi weene Yaꞌhuude Iskeefa layadeeh leeyahe iꞌdane yeessa. 15Maantooka ginna wihi iche icho ilaabte, “An Yeesso a garda, Baawulo laka wihiis a garda, iꞌdaasenyi atin a ayyo?” 16Eti kootte ginna dakhatte ꞌdeerka icho tuumman inyaame, icho tuumman kahataate. Icho weyti jahe ichohi murukkheenye toro nabarre diigto minkiis kafirdeen.
17Chirri ꞌdooꞌdi Yaꞌhuud ichoow ki Yaꞌhuud ieheynane ilkerengeetti Efeesso kajiro tuumman wahaas daage ka, weyti burꞌdowe. Magah Yeessohi Kamure la weyti liinkaanyite. 18ꞌDooꞌdi ittaawenye rummeeste, yimiyye, uskeeli icho yeelaan ꞌdow ka cheekeen. 19ꞌDooꞌdoo moroyyee laka khadaabbetichoti yuyyuuban sookhaate ꞌdooꞌd tuumman ortiis ka gubeen. Khadaabbeti yuyyuuban la chirri islakachibe gatoticho a chilim alif tomon chan. #19:19 Chilim alif tomon chan. Lahaagta koo kalday a chilimmeti eti orrahtoo kalday hil haaggiche laguto. 20Iꞌdaas ka la, ꞌdooꞌdi buurenye Yeedi Kamur daage, toro raahe.
Saggi Demmediroos ꞌdooꞌdi Efeesso Baawulo ikasootukkiche
21Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.” 22Baawulo geeddi us ibeennetoo boroofenhi Aassiya fiddiyo reeroo lammeenye kiisenye usu gargaaro ili Makedooniya iergate. Reera a Timooti ichoow Eraasta.
23Chirraase ilkerengeetti Efeesso ka jeenteti yeedi Jiti Kamur miinsan u, sinati buure isoobahte. 24Etoo tumaalenye Demmediroos layadeeh la minki waakkhi deyyahe Arteemis layadeeh lakawahti iche iyookkoyyohoo nunnucchule lahaagtoo dakhan lakahaaggiche ihaaggicha. Bacchaaratiis la ꞌdooꞌdi hiliis kajiro weyti chilimmeti buure ikeenta. 25ꞌDooꞌdaas ichoow ꞌdooꞌdoo addane hilicho iꞌdi kaas yahe wahe. Wihi us iyidah, “Era saggi kamurroonkeen bacchaarata ikayamiit a garattaan. 26Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche. 27Toollaka wihi soosohti ka bacchaarateenta magah a uskulaata. Wahaas kalday la menye, minki waakkheenki deyyahe weene Arteemis layadeeh laka magah a waaya. Waakkheenki Aassiya ichoow harra tuumman ka lawahti wohoo marahe yateeh.”
28ꞌDooꞌdi bacchaarti chirri us waha daage ka weyti hollowe, riire, “Arteemisti Efeesso a weentahe!” yidah. 29Chirraas on riirit ilkerengeet tuumman kataaꞌhe. Urur Gaayo ichoow Aristaarkoshi Baawulo walhicho ili Makedooniya ka sooraahe khabte. Leeoryeene, inti lakagirꞌdaamo geecheen. 30Baawulo rubeytiis usuhi urur ortiis irti ꞌdoone, iꞌdaasenyi abatti usu tiratte. 31Weynaanti boroofen gaasoo aalassiise laka Baawulo farniin isooꞌdiichene hawwaasteen uus minki lakagirꞌdaamo iran.
32Geeddaas ka la meel tuumman a riirit kalday on. ꞌDooꞌdoo riirit ka wohoo essa, koo la riirit ka wohoo addane essa. ꞌDooꞌd buurtiis la wihi icho intaas ka isikeene laka ma garti. 33ꞌDooꞌdi Yaꞌhuud la etoo Alekisaanda layadeeh urur isootakhe, wihi us yayyadeeh la icheeke. Ulla dahan ka ꞌdooꞌd leeyeede, wihi jiro icheekin ꞌdoonáa. 34Iꞌdaasenyi chiꞌicho saggi us Yaꞌhuud iyahe kaseen ka, hooyoo kalday ka geeddi sahaꞌd lamma tuumman riireene, “Arteemisti ilkerengeetti Efeesso a weentahe,” esseen.
35Eti ilkerengeet ka khadaabbe chiiro urur yaasiche, wihi us yidah, “ꞌDooꞌdi Efeesso, ꞌdooꞌdi harra tuumman saggi ilkerengeetti Efeesso minki weysiite Arteemisti ween ichoow dagahti lagane serey kasoodihte iyaakhisso ma garti? 36Maantaka et runta ꞌdiiꞌdo mele gone, wihi lakaaꞌdoono a atihi gammadisso, wohoo ꞌdalammoon la iyeelin. 37ꞌDooꞌda atin inta keenteen minassi weysiit ma hatine ommos waakkheenki deyyah ma igafin. 38Chirri Demmediroos ichoow tumaassi addan etoo wohoo kakhabto la, kootiin a jira. Weynaanti sirgaal laka a jirta, a irteene eti icho wohoo iskakhabaan a cheekti. 39Chirri atin wohoo addan keenin ꞌdoontaan la, toli amurre ꞌdoonto labahcha yeedaas lamassicha. 40Saggi walah ijiraan u, maalinka a geeddi inno lakhabti jeenteti ururi il baabuluu. ꞌDeerka riirita ka walah inno laabno mele, jeente il liibaabulo mele gon.” 41Inkoo us waha yidah ka urur seley kahche.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.