Hilassi Ergaano 17
17
Baawulo ilkerengeetti ꞌDessaloonika ka jeenteti us Wori Haaggan icheekuu lajaha
1Baawulo ichoow Siila orey isohteene, ilkerengeetohi Amfifooli ichoow Aboolloniya dah kagoocheene, ilkerengeetti ꞌDessaloonika minki weysiite Yaꞌhuud kajiro geleen. 2Baawulo la iꞌdi orran us yeeluu irte, minki weysiit irte. Intaas ka teeba seyyah issoorahto Seeri Lanaso tuummamba leejire, wihi Chiirnaanneti Waakh tadeeh idowdowe, 3wihi massan, Ki Lasubhe sina lakawaaricha, toro omoot kasookaha. “Yeessoha an atin idowdowo iche Ki Lasubhee,” iyidah. 4ꞌDooꞌdoo Yaꞌhuud la yeedaas rummeeste, Baawulo ichoow Siila ikhayeen. ꞌDooꞌdoo ittaawenye Yaꞌhuud ieheynane Waakh karooro ichoow deyyehoti ittaawenye magah khabto laka Kamur rummeeste.
5Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa. 6Iꞌdaasenyi chirri icho waayeen ka, Yaason ichoow ꞌdooꞌdoo Kiriisto rummeeste khabteene, il kajiiteene, ꞌdooꞌdi ilkerengeet iwewween igeecheen. Riireene, “Reera harra tuumman sina a ikeene, toro toolla ilkerengeetteen laka a yimaateen,” yidaaheen. 7“Yaason la icho minkiis ka a martiiste. Icho tuumman la amurreti karnati ili Rooma jebchaane, karnatoo addane Yeesso layadeeh a jira, ꞌdooꞌd idowaan.” 8Chirri icho waha daageen ka, urur ichoow weynaanti ilkerengeeteet weyti wereereen. 9ꞌDooꞌdi wewween la inkoo us Yaason ichoow ꞌdooꞌdi usu leejire chilimme geeddi kootte lakaꞌdoono icho kaꞌheleen ka ꞌdiicheene, irteen.
Baawulo ichoow Siila ilkerengeetti Beeroya ifirdaan
10Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen. 11ꞌDooꞌdi ilkerengeetti Beeroya la iꞌdi ꞌdooꞌdi ꞌDessaloonika menye, a ꞌdooꞌdoo mujjum dogo khabo, weyti wihi liidowo dagansati, Chiirnaanneti Waakh soomo usu wihi Baawulo illeh idoween rum yahiin yeyo. 12ꞌDooꞌdi Yaꞌhuude ittaawe Kiriisto rummeeste. Deyyehoti ittaawenye magah khabto yaafohi Yaꞌhuud ieheynan ichoow mejeli yaafohi Yaꞌhuud ieheynane ittaawe laka Kiriisto rummeeste.
13Chirri ꞌdooꞌdi Yaꞌhuude ilkerengeetti ꞌDessaloonika kajiro saggi Baawulo ilkerengeetti Beeroya ka Yeedi Waakh icheeko abte ka, yimaateene, ꞌdooꞌd ururicheene, Baawulo isootukkicheen. 14ꞌDooꞌdi Kiriisto rummeeste chirraas on Baawulo khaate, beyti buure afiche eleeliche, iꞌdaasenyi Siila ichoow Timooti Beeroya fiddiyeen. 15ꞌDooꞌdi kootte Baawulo khaate la, Baawulo raahe ichoowka ilkerengeetti Aaꞌden eleelicheene intaas ka nokhteen. Baawulo Siila ichoow Timooti amur ibahche ꞌdee dowwa ilkerengeetti Aaꞌden ka usu a isookhayeen.
Baawulo ilkerengeetti Aaꞌden ka Wori Haaggan cheeka
16Baawulo la ilkerengeetti Aaꞌden ka Siila ichoow Timooti sugaayi, weyti uur suujowe jeenteti ilkerengeettaas iyookkoyyohi waakkhakh lakayeessi ibuuhaan u. 17ꞌDeerka minki weysiite Yaꞌhuud ka, ꞌdooꞌdi Yaꞌhuud ichoow ꞌdooꞌdi Yaꞌhuud ieheynane Waakh karooro laka leehawwooche. Maanti addan la sokko ka ꞌdooꞌdi us ꞌhele leehawwooche. 18ꞌDooꞌdoo wihi etoo Eebikur layadeeh ꞌdooꞌd abcho raaho ichoow ꞌdooꞌdoo wihi rabittoo Siitoyig #17:18 Eebikur ichoow Siitoyig. Rabitoha ili ꞌHellase Eebikur ichoow Siitoyig layadeeh, Waakh Aburaaham ichoow Yeesso ma kakhuufin. Toro la omootti lakasookaho toro jiroti husub laꞌhelo ma rummeysan. Icho Baawulo ichoow wihi Baawulo enenyet abcho a tirrimeen. layadeeh enenyet abisso raaho leehawwooche. Gaasichokoo mehe worsateen ya, “Waha immarah yeyyeedo mehe essaan?” Gaasichokoo la mehe essaan ya, “Waakkhassi ꞌdooꞌdi yeelane woricho cheeka.” Wihi icho iꞌdaas kayidaaheen la a jeenteti Baawulo Wori Haaggane Yeesso miinsan ichoow saggi Yeesso omoot ikasookahe ikayeyyeedo. 19Baawulo khaateene, kurteti Ariyobaag ka jaldaabti tossatti igeecheen. Wihi iche tidah, “Waha husube at ꞌdooꞌd abisso iche aban ꞌdoonna. 20Waha at nah icheekto, gaasoo a wihi nah injire idaagin, toollaka nahi wihi icho yahiin abanni iche ꞌdoonna.” 21ꞌDooꞌdi ilkerengeetti Aaꞌden kajiro ichoow ꞌdooꞌdi yeelane intaas fiddiyo tuumman ayti husube us dagansati toro us kahawwoocho on menye, walah addane us haaggicho mele.
22Baawulo ꞌdeerka ꞌdooꞌdi kootte Ariyobaag ka tossati ortiis tolossate, “Mejeli Aaꞌden!” yidah. “Saggi atin jitat tuumman ka ꞌdooꞌdi waakkhassi ittaawe wahti itahiin a arga. 23Wihi tahe, geedda an ilkerengeettiin goya dah kagooche, an wahanyeyyohi atin wahattaan mujjum fiiriche, chalagtoo hoola lakasoorriyoocho waha kachiiranyahiine ꞌhele, Waakkhi Liigaran. Kaas chirri atin igaran laka atin wahattaan, iche toolla atin isoocheeka.
24“Waakkhi harra ichoow wihi tuummane goya kajiro soouume, a Kamuri serey ichoow harra leh. Ulla minassi weysiite dahanohi weeli enenyet diseen goya ma fiddiyo. 25Ulla iꞌdoo us wohoo ꞌdoonuu, dahanohi weeli enenyet ma liikafalo. A mehe usu rubeytiissa weeli enenyet tuumman jiro ichoow neebsi ichoow walah tuumman siicha. 26Etoo kalday on ka yaafohi harra tuumman soouume ꞌdee harra tuumman furtaane, toro inti icho furtaan ichoow maanti icho furtaan a gooche. 27Ulla iꞌdaas a yeele ꞌdee icho laka usu yowtaan, ꞌdee kolossoo yowtaani kasooyegaan. Iꞌdaasenyi Waakh eteen us kadeeryahe mele. 28‘A mehe inno goytiissa kajirra, kasohanna, toro kanoolnahe.’ Iꞌdi mammahtiintoo tadeeh u, ‘Inno laka a delootiissa.’
29“Maantaka inno a nyaakhuti Waakh gone, kol Waakh iꞌdi iyookkoyyohi ꞌdahabyahe ommos iꞌdi lahaageetyahe ommos iꞌdi dagakki layeele yahe ommos iꞌdi iyookkoyyohi layeelo yahe uus inno koogeynan. 30Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan. 31A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”
32Chirri icho Baawulohi omootti lakasookaho kaayyeedo daageen ka, gaasoo kachaarteene, iꞌdaasenyi gaasoo “Atihi waha inokhatti kayeyyeeddo iche daagin ꞌdoonna,” iyidaaheen. 33Baawulo geeddaas ka Jaldaab katabe. 34ꞌDooꞌdoo rucchul la Baawulo raahe Kiriisto rummeeste. Goycho ka, koo a etoo jaldaabti toli Ariyobaagenye Diyoonissa layadeeh ichoow makhaabassoo Daamaris layadeeh ichoow ꞌdooꞌdoo addan.
ទើបបានជ្រើសរើសហើយ៖
Hilassi Ergaano 17: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 17
17
Baawulo ilkerengeetti ꞌDessaloonika ka jeenteti us Wori Haaggan icheekuu lajaha
1Baawulo ichoow Siila orey isohteene, ilkerengeetohi Amfifooli ichoow Aboolloniya dah kagoocheene, ilkerengeetti ꞌDessaloonika minki weysiite Yaꞌhuud kajiro geleen. 2Baawulo la iꞌdi orran us yeeluu irte, minki weysiit irte. Intaas ka teeba seyyah issoorahto Seeri Lanaso tuummamba leejire, wihi Chiirnaanneti Waakh tadeeh idowdowe, 3wihi massan, Ki Lasubhe sina lakawaaricha, toro omoot kasookaha. “Yeessoha an atin idowdowo iche Ki Lasubhee,” iyidah. 4ꞌDooꞌdoo Yaꞌhuud la yeedaas rummeeste, Baawulo ichoow Siila ikhayeen. ꞌDooꞌdoo ittaawenye Yaꞌhuud ieheynane Waakh karooro ichoow deyyehoti ittaawenye magah khabto laka Kamur rummeeste.
5Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa. 6Iꞌdaasenyi chirri icho waayeen ka, Yaason ichoow ꞌdooꞌdoo Kiriisto rummeeste khabteene, il kajiiteene, ꞌdooꞌdi ilkerengeet iwewween igeecheen. Riireene, “Reera harra tuumman sina a ikeene, toro toolla ilkerengeetteen laka a yimaateen,” yidaaheen. 7“Yaason la icho minkiis ka a martiiste. Icho tuumman la amurreti karnati ili Rooma jebchaane, karnatoo addane Yeesso layadeeh a jira, ꞌdooꞌd idowaan.” 8Chirri icho waha daageen ka, urur ichoow weynaanti ilkerengeeteet weyti wereereen. 9ꞌDooꞌdi wewween la inkoo us Yaason ichoow ꞌdooꞌdi usu leejire chilimme geeddi kootte lakaꞌdoono icho kaꞌheleen ka ꞌdiicheene, irteen.
Baawulo ichoow Siila ilkerengeetti Beeroya ifirdaan
10Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen. 11ꞌDooꞌdi ilkerengeetti Beeroya la iꞌdi ꞌdooꞌdi ꞌDessaloonika menye, a ꞌdooꞌdoo mujjum dogo khabo, weyti wihi liidowo dagansati, Chiirnaanneti Waakh soomo usu wihi Baawulo illeh idoween rum yahiin yeyo. 12ꞌDooꞌdi Yaꞌhuude ittaawe Kiriisto rummeeste. Deyyehoti ittaawenye magah khabto yaafohi Yaꞌhuud ieheynan ichoow mejeli yaafohi Yaꞌhuud ieheynane ittaawe laka Kiriisto rummeeste.
13Chirri ꞌdooꞌdi Yaꞌhuude ilkerengeetti ꞌDessaloonika kajiro saggi Baawulo ilkerengeetti Beeroya ka Yeedi Waakh icheeko abte ka, yimaateene, ꞌdooꞌd ururicheene, Baawulo isootukkicheen. 14ꞌDooꞌdi Kiriisto rummeeste chirraas on Baawulo khaate, beyti buure afiche eleeliche, iꞌdaasenyi Siila ichoow Timooti Beeroya fiddiyeen. 15ꞌDooꞌdi kootte Baawulo khaate la, Baawulo raahe ichoowka ilkerengeetti Aaꞌden eleelicheene intaas ka nokhteen. Baawulo Siila ichoow Timooti amur ibahche ꞌdee dowwa ilkerengeetti Aaꞌden ka usu a isookhayeen.
Baawulo ilkerengeetti Aaꞌden ka Wori Haaggan cheeka
16Baawulo la ilkerengeetti Aaꞌden ka Siila ichoow Timooti sugaayi, weyti uur suujowe jeenteti ilkerengeettaas iyookkoyyohi waakkhakh lakayeessi ibuuhaan u. 17ꞌDeerka minki weysiite Yaꞌhuud ka, ꞌdooꞌdi Yaꞌhuud ichoow ꞌdooꞌdi Yaꞌhuud ieheynane Waakh karooro laka leehawwooche. Maanti addan la sokko ka ꞌdooꞌdi us ꞌhele leehawwooche. 18ꞌDooꞌdoo wihi etoo Eebikur layadeeh ꞌdooꞌd abcho raaho ichoow ꞌdooꞌdoo wihi rabittoo Siitoyig #17:18 Eebikur ichoow Siitoyig. Rabitoha ili ꞌHellase Eebikur ichoow Siitoyig layadeeh, Waakh Aburaaham ichoow Yeesso ma kakhuufin. Toro la omootti lakasookaho toro jiroti husub laꞌhelo ma rummeysan. Icho Baawulo ichoow wihi Baawulo enenyet abcho a tirrimeen. layadeeh enenyet abisso raaho leehawwooche. Gaasichokoo mehe worsateen ya, “Waha immarah yeyyeedo mehe essaan?” Gaasichokoo la mehe essaan ya, “Waakkhassi ꞌdooꞌdi yeelane woricho cheeka.” Wihi icho iꞌdaas kayidaaheen la a jeenteti Baawulo Wori Haaggane Yeesso miinsan ichoow saggi Yeesso omoot ikasookahe ikayeyyeedo. 19Baawulo khaateene, kurteti Ariyobaag ka jaldaabti tossatti igeecheen. Wihi iche tidah, “Waha husube at ꞌdooꞌd abisso iche aban ꞌdoonna. 20Waha at nah icheekto, gaasoo a wihi nah injire idaagin, toollaka nahi wihi icho yahiin abanni iche ꞌdoonna.” 21ꞌDooꞌdi ilkerengeetti Aaꞌden kajiro ichoow ꞌdooꞌdi yeelane intaas fiddiyo tuumman ayti husube us dagansati toro us kahawwoocho on menye, walah addane us haaggicho mele.
22Baawulo ꞌdeerka ꞌdooꞌdi kootte Ariyobaag ka tossati ortiis tolossate, “Mejeli Aaꞌden!” yidah. “Saggi atin jitat tuumman ka ꞌdooꞌdi waakkhassi ittaawe wahti itahiin a arga. 23Wihi tahe, geedda an ilkerengeettiin goya dah kagooche, an wahanyeyyohi atin wahattaan mujjum fiiriche, chalagtoo hoola lakasoorriyoocho waha kachiiranyahiine ꞌhele, Waakkhi Liigaran. Kaas chirri atin igaran laka atin wahattaan, iche toolla atin isoocheeka.
24“Waakkhi harra ichoow wihi tuummane goya kajiro soouume, a Kamuri serey ichoow harra leh. Ulla minassi weysiite dahanohi weeli enenyet diseen goya ma fiddiyo. 25Ulla iꞌdoo us wohoo ꞌdoonuu, dahanohi weeli enenyet ma liikafalo. A mehe usu rubeytiissa weeli enenyet tuumman jiro ichoow neebsi ichoow walah tuumman siicha. 26Etoo kalday on ka yaafohi harra tuumman soouume ꞌdee harra tuumman furtaane, toro inti icho furtaan ichoow maanti icho furtaan a gooche. 27Ulla iꞌdaas a yeele ꞌdee icho laka usu yowtaan, ꞌdee kolossoo yowtaani kasooyegaan. Iꞌdaasenyi Waakh eteen us kadeeryahe mele. 28‘A mehe inno goytiissa kajirra, kasohanna, toro kanoolnahe.’ Iꞌdi mammahtiintoo tadeeh u, ‘Inno laka a delootiissa.’
29“Maantaka inno a nyaakhuti Waakh gone, kol Waakh iꞌdi iyookkoyyohi ꞌdahabyahe ommos iꞌdi lahaageetyahe ommos iꞌdi dagakki layeele yahe ommos iꞌdi iyookkoyyohi layeelo yahe uus inno koogeynan. 30Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan. 31A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”
32Chirri icho Baawulohi omootti lakasookaho kaayyeedo daageen ka, gaasoo kachaarteene, iꞌdaasenyi gaasoo “Atihi waha inokhatti kayeyyeeddo iche daagin ꞌdoonna,” iyidaaheen. 33Baawulo geeddaas ka Jaldaab katabe. 34ꞌDooꞌdoo rucchul la Baawulo raahe Kiriisto rummeeste. Goycho ka, koo a etoo jaldaabti toli Ariyobaagenye Diyoonissa layadeeh ichoow makhaabassoo Daamaris layadeeh ichoow ꞌdooꞌdoo addan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.