Hilassi Ergaano 16
16
Timooti Baawulo ichoow Siila ikhaya
1Baawulo ichoow Siila koloo ilkerengeetti Deerbe tabeene, saahka ilkerengeetti Luussira irteen. Etoo abatti Kiriisteenye Timooti layadeehe abartiis Kiriisto rummeysatte la intaas a kajire. Abartiis a inanti Yaꞌhuude, iꞌdaasenyi aabbahiis a yaaftoo Yaꞌhuud ieheynan. 2ꞌDooꞌdi Kiriisto rummeeste ilkerengeetti Luussira kajiro ichoow ki ilkerengeetti Ikooniyo kajiro la weyti haag Timooti cheeke. 3Baawulo usuhi Timooti khaatti leeirti ꞌdoona, ꞌdeerka khandiye. Waha a jeenteti ꞌdooꞌdi Yaꞌhuude intaas kajiro saggi aabba Timooti yaaftoo Yaꞌhuud ieheynan iyahe toro us ikhandiineynan igarti. 4Geedda icho kolba ilkerengeettoo irtaan la, ayti goorat ergaano ichoow ewweenki urur Kiriisto woyo ilkerengeetti weene Yeerusaleem ka goocheen iche ꞌdooꞌd Kiriisto icheekaane ꞌdee a raaheen. 5ꞌDeerka ururre Kiriisto kakhuufnaanki icho Kiriisto kakhuufaan ka uur lamiigooche toro il baryo ꞌdooꞌdi Kamur kakhuufo kasookhayme.
Fooltabchoti Baawulo ilkerengeetti Tuurowa ka arge
6Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen. 7Chirri icho baggati ilkerengeetti Miisiya eleeleen ka, boroofenhi Biꞌduuniya gelin leheete iꞌdaasenyi Rubey Yeesso icho tiratte. 8ꞌDeerka ilkerengeetti Miisiya dah kagoocheene ichoowka ilkerengeetti Tuurowa ikhubteen. 9Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge. 10Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.
Saggi Liidiya Kamur irummeysatte
11Kooban korre ilkerengeetti Tuurowa kakahne, kurti bicche dahcho kajirto Sammoꞌdaraake eleelle, ibeenki kaas sooraaho ka ilkerengeetti bicche aficho kajirto Neyyaboolis layadeeh gelle. 12Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.
13Seeri Lanaso ka aritti ilkerengeeteet kabahne, hawti ꞌdusso iranne. Kol nah intaas ka meessi Yaꞌhuud kaweesti ꞌhello koognahe. Orrommanne, oboorrihi intaas ka urure leeyyeene. 14Deyyehoti nah dagansatte goyaka too a makhaabassoo Liidiya layadeehe, ilkerengeetti weene ꞌDiyaaꞌdira katimiyye darfohoo mummuggeyyee ororisso. Iche la Waakhe wahatta, Kamur la uuriche fure, ꞌdee wihi Baawulo essi iyoꞌhatta. 15Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.
Baawulo ichoow Siila jeenteti icho ginna ibahcheen u lahida
16Maantooka, nahi inti lakaweesti isohanni, inantoo bowꞌdeenye ginna dakhatti, ginna la miigti iche wihi sooyateeh kacheekto siisso, nah ꞌhesse. Iche la ꞌdooꞌdi iche ifasso jeenteti iche wihi sooyateeh icheekto on u, a kamurroosse. 17Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte. 18Iche la ibeenneti ittaawe iꞌdaas yeesse ichoowka Baawulo weyti hollowe, iurgiye, ginna leeyeede wihi us iyidah, “Antohi magah Yeesso Kiriisto ka, amure kibahcha, inanta kasoobah!” Chirraas on ginna inám kabahte.
19Chirri ꞌdooꞌdi inanti bowꞌdee leh saggi icho kola khajjeeli icho chilimme kaꞌhelaan ikhabin kase ka, Baawulo ichoow Siila khabteene, khaateene, inti lakoororsati ka, ꞌdooꞌdi intaas ka ꞌdooꞌd hukkumo igeecheen. 20ꞌDooꞌdi Rooma intaas ka ꞌdooꞌd hukkumo igeecheene, “ꞌDooꞌda a Yaꞌhuude, toolla la ilkerengeettaanya sina ikeenaan,” iyidaaheen. 21“Icho hugummetoo amurreti sirgaali Rooma buusane nahi Rooma ikhaatanne iraahin iche enenyet abchaan.”
22Urur tuumman la jaakh ka leekahe, ꞌdooꞌdi wewween la amuri Baawulo illeh darfo lakabahcho lajaho bahche. 23Inkoo icho weyti jaheen ka, jeela ka hideene, eti jeela yaakhicho amur ibahcheene mujjum a latoorribo. 24Eti jeela yaakhicho la, chirri us yeedaas daage ka, khaate, jeela goyaka minki goyaatteet gesse, gurtunki buure luhlo gesse, kahide.
25Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on. 26Koloo kalday on harra weyti sesseehte ichoowka daddaabohi ilaate minassi jeela laka weyti korkokeen. Chirraas on afassi jeela tuumman furnameene, gaꞌdaarreti kootte ꞌdooꞌd lakahide la fuffuratte. 27Chirri eti jeela toorribo sookahe, us saggi afaf ifurayyihiin arge ka, kol ꞌdooꞌdi hihhidan firde koogyahee, birlabiis sooꞌhiire isigaasan leheet.
28Iꞌdaasenyi Baawulo weyti riire, “Iisigaasan, nah tuumman inta on kajirra,” iyidah. 29Eti jeela iween banay a lasookhaato yidahye, soonyaame, usuhi hamar ka seeho Baawulo ichoow Siila orcho ka jilbo il kaguꞌdde. 30ꞌDeerka Baawulo ichoow Siila khar isoobahche, “Era, mehe yeela ꞌdee Waakh iriba?” worsate.
31Wihi icho ilaabeen, “Yeessohi Kamure rummeyso, ꞌdee ati ichoow minkaah tuummamba a atin laribaa.” 32ꞌDeerka usu ichoow eti minkiis kajiro tuumman Yeedi Kamur icheekeen. 33Ibeenkaas goya on eti jeela iween icho khaate, jiissicho dikhe, ꞌdeerka chirraas on usu ichoow minkiis tuummamba labaattissiye. 34Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.
35Saahta chirdeer ka, ꞌdooꞌdi ꞌdooꞌd hukkumo iskarticho ergate, “ꞌDooꞌdaas soofura,” yidah. 36Eti jeela iween la wihi us Baawulo iyidah, “ꞌDooꞌdi ꞌdooꞌd hukkumo farniin a sooꞌdiiche, ‘Baawulo ichoow Siila a lafuro,’ yidaaheen. Toolla kaha, nebey leeirda.”
37Iꞌdaasenyi Baawulo wihi us iskar iyidah, “Chirri ꞌdooꞌdi Rooma nah liiekkaacho laka, icho ꞌdow on ka nah jaheene, toro jeela nah geecheen. Toollaka toro dagsi nah kabahchaan? Mele! Icho rubeycho a yimaateene, a nah bahcheen.”
38Iskare la yeeda khaatte, ꞌdooꞌdi ꞌdooꞌd hukkumo igeesse, ꞌdooꞌdi ꞌdooꞌd hukkumo la chirri us saggi ꞌdooꞌd ki ili Rooma iyahe daage ka roorro gesse. 39Iyimaateene, “Nah ikakuta,” iyidaaheene, jeela kabahcheene, hawwaasteene ꞌdee ilkerengeet a kabaheen. 40Inkoo Baawulo ichoow Siila jeela kabaheene, min Liidiya irteen ka ꞌdooꞌd Kiriisto ꞌheleene, uur miigoocheene, ꞌdeerka katabeen.
ទើបបានជ្រើសរើសហើយ៖
Hilassi Ergaano 16: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 16
16
Timooti Baawulo ichoow Siila ikhaya
1Baawulo ichoow Siila koloo ilkerengeetti Deerbe tabeene, saahka ilkerengeetti Luussira irteen. Etoo abatti Kiriisteenye Timooti layadeehe abartiis Kiriisto rummeysatte la intaas a kajire. Abartiis a inanti Yaꞌhuude, iꞌdaasenyi aabbahiis a yaaftoo Yaꞌhuud ieheynan. 2ꞌDooꞌdi Kiriisto rummeeste ilkerengeetti Luussira kajiro ichoow ki ilkerengeetti Ikooniyo kajiro la weyti haag Timooti cheeke. 3Baawulo usuhi Timooti khaatti leeirti ꞌdoona, ꞌdeerka khandiye. Waha a jeenteti ꞌdooꞌdi Yaꞌhuude intaas kajiro saggi aabba Timooti yaaftoo Yaꞌhuud ieheynan iyahe toro us ikhandiineynan igarti. 4Geedda icho kolba ilkerengeettoo irtaan la, ayti goorat ergaano ichoow ewweenki urur Kiriisto woyo ilkerengeetti weene Yeerusaleem ka goocheen iche ꞌdooꞌd Kiriisto icheekaane ꞌdee a raaheen. 5ꞌDeerka ururre Kiriisto kakhuufnaanki icho Kiriisto kakhuufaan ka uur lamiigooche toro il baryo ꞌdooꞌdi Kamur kakhuufo kasookhayme.
Fooltabchoti Baawulo ilkerengeetti Tuurowa ka arge
6Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen. 7Chirri icho baggati ilkerengeetti Miisiya eleeleen ka, boroofenhi Biꞌduuniya gelin leheete iꞌdaasenyi Rubey Yeesso icho tiratte. 8ꞌDeerka ilkerengeetti Miisiya dah kagoocheene ichoowka ilkerengeetti Tuurowa ikhubteen. 9Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge. 10Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.
Saggi Liidiya Kamur irummeysatte
11Kooban korre ilkerengeetti Tuurowa kakahne, kurti bicche dahcho kajirto Sammoꞌdaraake eleelle, ibeenki kaas sooraaho ka ilkerengeetti bicche aficho kajirto Neyyaboolis layadeeh gelle. 12Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.
13Seeri Lanaso ka aritti ilkerengeeteet kabahne, hawti ꞌdusso iranne. Kol nah intaas ka meessi Yaꞌhuud kaweesti ꞌhello koognahe. Orrommanne, oboorrihi intaas ka urure leeyyeene. 14Deyyehoti nah dagansatte goyaka too a makhaabassoo Liidiya layadeehe, ilkerengeetti weene ꞌDiyaaꞌdira katimiyye darfohoo mummuggeyyee ororisso. Iche la Waakhe wahatta, Kamur la uuriche fure, ꞌdee wihi Baawulo essi iyoꞌhatta. 15Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.
Baawulo ichoow Siila jeenteti icho ginna ibahcheen u lahida
16Maantooka, nahi inti lakaweesti isohanni, inantoo bowꞌdeenye ginna dakhatti, ginna la miigti iche wihi sooyateeh kacheekto siisso, nah ꞌhesse. Iche la ꞌdooꞌdi iche ifasso jeenteti iche wihi sooyateeh icheekto on u, a kamurroosse. 17Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte. 18Iche la ibeenneti ittaawe iꞌdaas yeesse ichoowka Baawulo weyti hollowe, iurgiye, ginna leeyeede wihi us iyidah, “Antohi magah Yeesso Kiriisto ka, amure kibahcha, inanta kasoobah!” Chirraas on ginna inám kabahte.
19Chirri ꞌdooꞌdi inanti bowꞌdee leh saggi icho kola khajjeeli icho chilimme kaꞌhelaan ikhabin kase ka, Baawulo ichoow Siila khabteene, khaateene, inti lakoororsati ka, ꞌdooꞌdi intaas ka ꞌdooꞌd hukkumo igeecheen. 20ꞌDooꞌdi Rooma intaas ka ꞌdooꞌd hukkumo igeecheene, “ꞌDooꞌda a Yaꞌhuude, toolla la ilkerengeettaanya sina ikeenaan,” iyidaaheen. 21“Icho hugummetoo amurreti sirgaali Rooma buusane nahi Rooma ikhaatanne iraahin iche enenyet abchaan.”
22Urur tuumman la jaakh ka leekahe, ꞌdooꞌdi wewween la amuri Baawulo illeh darfo lakabahcho lajaho bahche. 23Inkoo icho weyti jaheen ka, jeela ka hideene, eti jeela yaakhicho amur ibahcheene mujjum a latoorribo. 24Eti jeela yaakhicho la, chirri us yeedaas daage ka, khaate, jeela goyaka minki goyaatteet gesse, gurtunki buure luhlo gesse, kahide.
25Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on. 26Koloo kalday on harra weyti sesseehte ichoowka daddaabohi ilaate minassi jeela laka weyti korkokeen. Chirraas on afassi jeela tuumman furnameene, gaꞌdaarreti kootte ꞌdooꞌd lakahide la fuffuratte. 27Chirri eti jeela toorribo sookahe, us saggi afaf ifurayyihiin arge ka, kol ꞌdooꞌdi hihhidan firde koogyahee, birlabiis sooꞌhiire isigaasan leheet.
28Iꞌdaasenyi Baawulo weyti riire, “Iisigaasan, nah tuumman inta on kajirra,” iyidah. 29Eti jeela iween banay a lasookhaato yidahye, soonyaame, usuhi hamar ka seeho Baawulo ichoow Siila orcho ka jilbo il kaguꞌdde. 30ꞌDeerka Baawulo ichoow Siila khar isoobahche, “Era, mehe yeela ꞌdee Waakh iriba?” worsate.
31Wihi icho ilaabeen, “Yeessohi Kamure rummeyso, ꞌdee ati ichoow minkaah tuummamba a atin laribaa.” 32ꞌDeerka usu ichoow eti minkiis kajiro tuumman Yeedi Kamur icheekeen. 33Ibeenkaas goya on eti jeela iween icho khaate, jiissicho dikhe, ꞌdeerka chirraas on usu ichoow minkiis tuummamba labaattissiye. 34Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.
35Saahta chirdeer ka, ꞌdooꞌdi ꞌdooꞌd hukkumo iskarticho ergate, “ꞌDooꞌdaas soofura,” yidah. 36Eti jeela iween la wihi us Baawulo iyidah, “ꞌDooꞌdi ꞌdooꞌd hukkumo farniin a sooꞌdiiche, ‘Baawulo ichoow Siila a lafuro,’ yidaaheen. Toolla kaha, nebey leeirda.”
37Iꞌdaasenyi Baawulo wihi us iskar iyidah, “Chirri ꞌdooꞌdi Rooma nah liiekkaacho laka, icho ꞌdow on ka nah jaheene, toro jeela nah geecheen. Toollaka toro dagsi nah kabahchaan? Mele! Icho rubeycho a yimaateene, a nah bahcheen.”
38Iskare la yeeda khaatte, ꞌdooꞌdi ꞌdooꞌd hukkumo igeesse, ꞌdooꞌdi ꞌdooꞌd hukkumo la chirri us saggi ꞌdooꞌd ki ili Rooma iyahe daage ka roorro gesse. 39Iyimaateene, “Nah ikakuta,” iyidaaheene, jeela kabahcheene, hawwaasteene ꞌdee ilkerengeet a kabaheen. 40Inkoo Baawulo ichoow Siila jeela kabaheene, min Liidiya irteen ka ꞌdooꞌd Kiriisto ꞌheleene, uur miigoocheene, ꞌdeerka katabeen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.