1 Koriinto 8
8
Wori gololleti iyookkoyyohi waakkhakh lakayeessi liibahche miinsan
1An toolla wori gololi iyookkoyyohi waakkhakh lakayeessi liisoorriyooche miinsane kaayyeeda. Inno tuumman wihi wahaas miinsan a garanna. Kharateen rannyaate inno buuhissa, iꞌdaasenyi ꞌdooninti inno isꞌdoonno ꞌdooꞌdi addan a miigoossa. 2Chirri etoo kol us walah tuum garti iskoog, garanti rummaate usu lakaꞌdoono, a kaankhantahe. 3Iꞌdaasenyi eti Waakh ꞌdoono, Waakh usu a garta.
4Maantaka ayta gololi iyookkoyyohi waakkhakh lakayeessi liisoorriyooche layaham ka, saggi iyookkoyyoha harrata ka Waakh ieheynan a garanna. Saggi Waakkhi rummaate jiro la koo kalday on iyahe a garanna. 5A mehe ꞌdooꞌd gaasoo mehe essa ya waakkhassi ittaawe ichoow kamurreti ittaawenye ꞌdooꞌd wahti a jiraan. Iꞌdaasenyi waakkhassa beenaat harrata ommos serey kijireeneey ka ba, 6inno ka Waakkhoo kalday on jira, ulla a Aabbaheenna. Walah tuumman usu kayimaateene, inno la usu ijirra. Toro la Kamuroo kalday on jira, ulla a Yeesso Kiriisto. Usu on ka Waakh walah tuumman soouume, inno la usu on ka jiro ꞌhelle.
7Iꞌdaasenyi ꞌdooꞌd tuumman mee runta garti. ꞌDooꞌd gaasoo iyookkoyyoha a bare. Chiꞌicho gololi iyookkoyyoha liisoorriyooche yamhiin ka, jeenteti rubeyohichoki haag ichoow suujoon seley saaho ꞌdabakh iyahiin u, rubeyohichokaas biꞌdirroochaan. 8Iꞌdaasenyi golol koloo kalday laka Waakh ma inno idowwaacho. Chirri inno iumhan walah inno waayno mele, chirri inno nuhum laka walah inno ꞌhello ba mele.
9Iꞌdaasenyi atinhi wihi atin tamhiin seley bihin tabuuꞌdiin, yuubsada giꞌde ꞌdooꞌdi ꞌdabakhe daakki tarraantarricho iitaahana. 10Iyookkoka eemba etoo rubeytiisti haag ichoow suujoon seley saahto ꞌdabakh tahe atihi waha dakkhan garatti, gololi iyookkoyyo liibahche minki iyookkoyyo lakawahti ka taham kiagar? #8:10 Minki iyookkoyyo lakawahti. Waha a inti gololi iyookkoyyo liibahche lakakarcho toro la enenyet a yamiite gololaas yaham. Eta a faajjiya ꞌdee ullaka gololi iyookkoyyohi waakkhakh lakayeessi liisoorriyooche yaham menya? 11ꞌDeerka eta ꞌdabakhenye Kiriisto rummeeste Kiriisto usu iyumuy wihi at garatti ka a baabiisse gon. 12Chirra at iꞌda ka etaahki Kiriisto rummeeste uskeel iyeesso, toro rubeyohichoki haag ichoow suujoon seley saaho ꞌdabakhe gaameerto, at Kiriisto uskeel iyeessa. 13Maantaka chirri gololi an aham eteeykoo Kiriisto rummeeste uskeel kalugꞌdo, an yombuu toro jid ma aham uus an etaas koo Kiriistee kufinne.
ទើបបានជ្រើសរើសហើយ៖
1 Koriinto 8: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
1 Koriinto 8
8
Wori gololleti iyookkoyyohi waakkhakh lakayeessi liibahche miinsan
1An toolla wori gololi iyookkoyyohi waakkhakh lakayeessi liisoorriyooche miinsane kaayyeeda. Inno tuumman wihi wahaas miinsan a garanna. Kharateen rannyaate inno buuhissa, iꞌdaasenyi ꞌdooninti inno isꞌdoonno ꞌdooꞌdi addan a miigoossa. 2Chirri etoo kol us walah tuum garti iskoog, garanti rummaate usu lakaꞌdoono, a kaankhantahe. 3Iꞌdaasenyi eti Waakh ꞌdoono, Waakh usu a garta.
4Maantaka ayta gololi iyookkoyyohi waakkhakh lakayeessi liisoorriyooche layaham ka, saggi iyookkoyyoha harrata ka Waakh ieheynan a garanna. Saggi Waakkhi rummaate jiro la koo kalday on iyahe a garanna. 5A mehe ꞌdooꞌd gaasoo mehe essa ya waakkhassi ittaawe ichoow kamurreti ittaawenye ꞌdooꞌd wahti a jiraan. Iꞌdaasenyi waakkhassa beenaat harrata ommos serey kijireeneey ka ba, 6inno ka Waakkhoo kalday on jira, ulla a Aabbaheenna. Walah tuumman usu kayimaateene, inno la usu ijirra. Toro la Kamuroo kalday on jira, ulla a Yeesso Kiriisto. Usu on ka Waakh walah tuumman soouume, inno la usu on ka jiro ꞌhelle.
7Iꞌdaasenyi ꞌdooꞌd tuumman mee runta garti. ꞌDooꞌd gaasoo iyookkoyyoha a bare. Chiꞌicho gololi iyookkoyyoha liisoorriyooche yamhiin ka, jeenteti rubeyohichoki haag ichoow suujoon seley saaho ꞌdabakh iyahiin u, rubeyohichokaas biꞌdirroochaan. 8Iꞌdaasenyi golol koloo kalday laka Waakh ma inno idowwaacho. Chirri inno iumhan walah inno waayno mele, chirri inno nuhum laka walah inno ꞌhello ba mele.
9Iꞌdaasenyi atinhi wihi atin tamhiin seley bihin tabuuꞌdiin, yuubsada giꞌde ꞌdooꞌdi ꞌdabakhe daakki tarraantarricho iitaahana. 10Iyookkoka eemba etoo rubeytiisti haag ichoow suujoon seley saahto ꞌdabakh tahe atihi waha dakkhan garatti, gololi iyookkoyyo liibahche minki iyookkoyyo lakawahti ka taham kiagar? #8:10 Minki iyookkoyyo lakawahti. Waha a inti gololi iyookkoyyo liibahche lakakarcho toro la enenyet a yamiite gololaas yaham. Eta a faajjiya ꞌdee ullaka gololi iyookkoyyohi waakkhakh lakayeessi liisoorriyooche yaham menya? 11ꞌDeerka eta ꞌdabakhenye Kiriisto rummeeste Kiriisto usu iyumuy wihi at garatti ka a baabiisse gon. 12Chirra at iꞌda ka etaahki Kiriisto rummeeste uskeel iyeesso, toro rubeyohichoki haag ichoow suujoon seley saaho ꞌdabakhe gaameerto, at Kiriisto uskeel iyeessa. 13Maantaka chirri gololi an aham eteeykoo Kiriisto rummeeste uskeel kalugꞌdo, an yombuu toro jid ma aham uus an etaas koo Kiriistee kufinne.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.