1 Koriinto 7
7
Wori mindischo miinsan
1Toolla wihi goorat atin khadaabi atin isoochiirteen ka iworsatteene atin isoolaaba. Aa! A haaggantahe chiꞌ mejel min idisan. 2Iꞌdaasenyi ꞌdooꞌdi isidisanne isleeurꞌdo a buur gone, a deefta chirri aram ba arantiissa on khabo ommos arame ba arankicheeda on khabto. 3Makhaábal a hiliissa chuꞌus makhaabassiis leeurꞌdo, arame laka a hilicheeda chiꞌiche arankiche leeuꞌdurto. 4Makhaabale sartiche ma anatti iꞌdaasenyi arankicheeda anta, makhaabal laka sartiis ma anti iꞌdaasenyi makhaabassiissa anatta. 5Maantaka sammata atin koloo isikadaagin on menye, lammatiin isleeurꞌdin iistiranna. Chaꞌatin istirattaan la, geeddoo on istirda ꞌdee weysi kalday gela. Yomboka ꞌdeerka isisoonokhda, uus Seytaan jeenteti atin isjeyin iubaaꞌdan u kajmeti uskeel atin kaluguꞌddo atin ikeenine. 6Iꞌdaasenyi waha amuri an atin siicho menye, a atin leeꞌdiicha on. 7Incheenka atin tuumman iꞌdaaya tateehiine mindischo laan fiddiitaan. Iꞌdaasenyi ebba siintiissa Waakh kaꞌhele. Koo siintane khaba koo la siintoo addane khaba.
8Maantaka ꞌdooꞌdi minan idisan ichoow ki liidisin ichoow muunkhoyyo ba wihi icho ideefo, a ichohi iꞌdeey ifiddiyaan. 9Iꞌdaasenyi chirri icho isjeyin iubaaꞌdan, min a disteene ommos a ladiso. Iꞌdi tahe ichohi makhaabassi ommos makhaabali icho weyti leeurꞌdaan iildeerroti ka, ichohi minan disti ommos ladiso deefta.
10Toolla ꞌdooꞌdi isdiste amura an siicho keey menye, a ki Kamur kayimiyye, makhaabál iiche makhaabaliche katabin. 11Iꞌdaasenyi chiꞌiche makhaabaliche katabte, mindischo laan a fiddiito, ommos makhaabaliche a isineybeen. Makhaábal la uus makhaabassiis rihin.
12Atinhi addan la wihi an atin iadeeh, chiꞌ etoo koo Kiriistee makhaabassi Kiriisto irummeysan khabo iche la leefiddiyin ꞌdoonto, makhaabala uus makhaabassa rihin. Waha wihi Kamur essi menye a malaaya on. 13Toro la chirri makhaabassoo too Kiriistee makhaabaloo Kiriisto irummeysan khabto, ulla usuhi leefiddiyo ꞌdoono, makhaabassa iiche makhaabala katabin. 14Iꞌdi tahe makhaabalicheki Kiriisto irummeysan jeentetichuu Waakh a munyaache. Makhaabassi Kiriisto irummeysan, jeenteti makhaabali Kiriisto rummeestuu Waakh iche a munyaache. Chirri iche iꞌdaas ieheynan la, nyaakhutiin ki ꞌdooꞌd Kiriisto mee. Iꞌdaasenyi saggi iche ijirtuu, nyaakhutiin Waakh a munyaache.
15Iꞌdaasenyi chirri makhaabali Kiriisto irummeysan makhaabassiis rihe, ommos makhaabassi Kiriisto rummeysatte makhaabaliche katabte, seley a baheen on. Eti koo Kiriistee chirraas mindischo ka a lafure. A mehe Waakh a inno wahe ꞌdee nebey kafiddiina. 16Atihi makhaabassoowe, atihi makhaabalaah Kiriisto ikeento ꞌdee Kiriisto rummeesti ma garatti. Ommos atihi makhaabaloowe atihi makhaabassaah Kiriisto ikeento ꞌdee Kiriisto rummeysatti ma garatti.
Ebba saggi Waakh iwahe a ijiro
17Etiimba iꞌdi goorat Kamur igooche toro la Waakh iwahe, iꞌdaas on a eheetti. Amura a ki an ururre Kiriisto tuumman ka ꞌdooꞌd icheeko. 18Maanti Waakh atin wahe etoo a khandiineet? Etaas uus sumatti khandi bihin. Etoo maanti Waakh wahe ma khandiineynan a? Etaas uus lakikhandiyin laka. 19Anki Waakh ka, khandi ommos khandiwaayyo a walahba. Wihi khumman a atihi amurreti Waakh raahto. 20Ebba wihi maanti Waakh wahe us eheneet on a kafiddiyo. 21Maanti Waakh atin wahe gaasiinkoo bowꞌda eheet? Awaꞌdwaaꞌdina, iꞌdaasenyi chirri saggoo atin bowꞌda ikabahtaan jirto bowꞌda kabaha on. 22Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto. 23Waakh wihi buurenye gute atin gatte. Maantaka bowꞌdati wahanyeyyohi enenyet ꞌdoono iitaahana giꞌde. 24Maantaka ꞌdooꞌd Kiriistokaaw ebba iꞌdi maanti Waakh wahe us eheet on a ifiddiyo.
25Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha. 26Ani ka, jeenteti sinati buurenye inno kajirruu, a deefta chirri mejel ebba saggi us ijiro on ijiro. 27Min a disatte? ꞌDeerka seley bahnaan ayowan. Min ma disan a? ꞌDeerka makhaabál ayowan. 28Iꞌdaasenyi chirri at min disatte laka uskeel ma yeelin. Galtaanti ladise laka uskeel iche yeesse mele. Iꞌdaasenyi ꞌdooꞌdi isdiste jiroti harrata ka sinati buurenye khaba, anna sinayyohane atin kaholin ꞌdoona.
29ꞌDooꞌd Kiriistokaaw wihi an atin icheeko kallaayo, ibeenneti ankhan a gaabantahe. Uus toolla kakhabatti eti makhaabál khabo, iꞌdi eti makhaabál ikhabin a ijiro. 30ꞌDooꞌdi ooyo la, iꞌdi ꞌdooꞌdi iooyin a ijiro. ꞌDooꞌdi hamaado la iꞌdi ꞌdooꞌdi ihamaadin a ijiro. Ki walah gatti la iꞌdi ki meehaas kiis ieheynan a isiekkaacho. 31ꞌDooꞌdi wahanyeyyohi harrata on kaassohti la, iꞌdi ꞌdooꞌdi ikaassohan a ijiro. Iꞌdi tahe harrata saggi iche toolla ijirto ka, dowwanoha a kutta.
32Atinhi waꞌdwaaꞌd ikhabine ꞌdoona. Eti min idisan wihi us kamassi tuumman a wihi Kamur miinsane, ꞌdee saggi us Kamur ikahamaadicho iyowti. 33Iꞌdaasenyi eti min diste wihi us aw ikhabo a fiddihi goobiissa harrata ichoow makhaabassiisti us kahamaadicho on. 34Us sag lamma liijiita. Makhaabassi makhaabal ikhabin ommos inanti galtaame wahanyeyyohi Kamur on aw ikhabaan. Iꞌdi tahe wihi iche ꞌdoonto a sartiche ichoow rubeyticheti iche tuum Kamur ibihisso. Iꞌdaasenyi aranti disan wihi iche aw ikhabto, a fiddihi goobicheeda harrata ichoow makhaabalicheki iche kahamaadisso. 35Waha an atin idowo jeenteti an atin ijeycho menye, a iroonotiinna, ꞌdee fiddihi mujjume jirtaane, tuum Kamur isibihissaan.
36Iꞌdaasenyi chirri etoo galtaanti us alkume kol us mujjum iwoywoyin koogyahe, iche la geeddi lakadiso eleesse, wihi imale a yeelo, uskeel us yeele mele. A isdisteen on. 37Iꞌdaasenyi chirri et goorat masse, uuriis ka la gooche galtaam ma disdi yidahye ulla isjeyin yabuuꞌde, iꞌdaasenyi etoo ikaholin, a haaggiche chuꞌus mindischo laan fiddiye laka. 38Maantaka eti min diste a haaggiche, iꞌdaasenyi ki min idisan jiti weyti deefo tabe.
39Makhaabale geeddi makhaabaliche on jiro, makhaabaliche ma katabto. Iꞌdaasenyi chirri makhaabaliche buje, chiꞌiche ꞌdoonto a geeddi eti iche ꞌdoonto disti. Iꞌdaasenyi eta ki Kamur rummeeste on a eheetti. 40Ani ka chiꞌ liidisine iche saggaas ifiddiito, iche weyti hamaadda. Ani ka an mali Rubeyti Waakhe khaba.
ទើបបានជ្រើសរើសហើយ៖
1 Koriinto 7: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
1 Koriinto 7
7
Wori mindischo miinsan
1Toolla wihi goorat atin khadaabi atin isoochiirteen ka iworsatteene atin isoolaaba. Aa! A haaggantahe chiꞌ mejel min idisan. 2Iꞌdaasenyi ꞌdooꞌdi isidisanne isleeurꞌdo a buur gone, a deefta chirri aram ba arantiissa on khabo ommos arame ba arankicheeda on khabto. 3Makhaábal a hiliissa chuꞌus makhaabassiis leeurꞌdo, arame laka a hilicheeda chiꞌiche arankiche leeuꞌdurto. 4Makhaabale sartiche ma anatti iꞌdaasenyi arankicheeda anta, makhaabal laka sartiis ma anti iꞌdaasenyi makhaabassiissa anatta. 5Maantaka sammata atin koloo isikadaagin on menye, lammatiin isleeurꞌdin iistiranna. Chaꞌatin istirattaan la, geeddoo on istirda ꞌdee weysi kalday gela. Yomboka ꞌdeerka isisoonokhda, uus Seytaan jeenteti atin isjeyin iubaaꞌdan u kajmeti uskeel atin kaluguꞌddo atin ikeenine. 6Iꞌdaasenyi waha amuri an atin siicho menye, a atin leeꞌdiicha on. 7Incheenka atin tuumman iꞌdaaya tateehiine mindischo laan fiddiitaan. Iꞌdaasenyi ebba siintiissa Waakh kaꞌhele. Koo siintane khaba koo la siintoo addane khaba.
8Maantaka ꞌdooꞌdi minan idisan ichoow ki liidisin ichoow muunkhoyyo ba wihi icho ideefo, a ichohi iꞌdeey ifiddiyaan. 9Iꞌdaasenyi chirri icho isjeyin iubaaꞌdan, min a disteene ommos a ladiso. Iꞌdi tahe ichohi makhaabassi ommos makhaabali icho weyti leeurꞌdaan iildeerroti ka, ichohi minan disti ommos ladiso deefta.
10Toolla ꞌdooꞌdi isdiste amura an siicho keey menye, a ki Kamur kayimiyye, makhaabál iiche makhaabaliche katabin. 11Iꞌdaasenyi chiꞌiche makhaabaliche katabte, mindischo laan a fiddiito, ommos makhaabaliche a isineybeen. Makhaábal la uus makhaabassiis rihin.
12Atinhi addan la wihi an atin iadeeh, chiꞌ etoo koo Kiriistee makhaabassi Kiriisto irummeysan khabo iche la leefiddiyin ꞌdoonto, makhaabala uus makhaabassa rihin. Waha wihi Kamur essi menye a malaaya on. 13Toro la chirri makhaabassoo too Kiriistee makhaabaloo Kiriisto irummeysan khabto, ulla usuhi leefiddiyo ꞌdoono, makhaabassa iiche makhaabala katabin. 14Iꞌdi tahe makhaabalicheki Kiriisto irummeysan jeentetichuu Waakh a munyaache. Makhaabassi Kiriisto irummeysan, jeenteti makhaabali Kiriisto rummeestuu Waakh iche a munyaache. Chirri iche iꞌdaas ieheynan la, nyaakhutiin ki ꞌdooꞌd Kiriisto mee. Iꞌdaasenyi saggi iche ijirtuu, nyaakhutiin Waakh a munyaache.
15Iꞌdaasenyi chirri makhaabali Kiriisto irummeysan makhaabassiis rihe, ommos makhaabassi Kiriisto rummeysatte makhaabaliche katabte, seley a baheen on. Eti koo Kiriistee chirraas mindischo ka a lafure. A mehe Waakh a inno wahe ꞌdee nebey kafiddiina. 16Atihi makhaabassoowe, atihi makhaabalaah Kiriisto ikeento ꞌdee Kiriisto rummeesti ma garatti. Ommos atihi makhaabaloowe atihi makhaabassaah Kiriisto ikeento ꞌdee Kiriisto rummeysatti ma garatti.
Ebba saggi Waakh iwahe a ijiro
17Etiimba iꞌdi goorat Kamur igooche toro la Waakh iwahe, iꞌdaas on a eheetti. Amura a ki an ururre Kiriisto tuumman ka ꞌdooꞌd icheeko. 18Maanti Waakh atin wahe etoo a khandiineet? Etaas uus sumatti khandi bihin. Etoo maanti Waakh wahe ma khandiineynan a? Etaas uus lakikhandiyin laka. 19Anki Waakh ka, khandi ommos khandiwaayyo a walahba. Wihi khumman a atihi amurreti Waakh raahto. 20Ebba wihi maanti Waakh wahe us eheneet on a kafiddiyo. 21Maanti Waakh atin wahe gaasiinkoo bowꞌda eheet? Awaꞌdwaaꞌdina, iꞌdaasenyi chirri saggoo atin bowꞌda ikabahtaan jirto bowꞌda kabaha on. 22Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto. 23Waakh wihi buurenye gute atin gatte. Maantaka bowꞌdati wahanyeyyohi enenyet ꞌdoono iitaahana giꞌde. 24Maantaka ꞌdooꞌd Kiriistokaaw ebba iꞌdi maanti Waakh wahe us eheet on a ifiddiyo.
25Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha. 26Ani ka, jeenteti sinati buurenye inno kajirruu, a deefta chirri mejel ebba saggi us ijiro on ijiro. 27Min a disatte? ꞌDeerka seley bahnaan ayowan. Min ma disan a? ꞌDeerka makhaabál ayowan. 28Iꞌdaasenyi chirri at min disatte laka uskeel ma yeelin. Galtaanti ladise laka uskeel iche yeesse mele. Iꞌdaasenyi ꞌdooꞌdi isdiste jiroti harrata ka sinati buurenye khaba, anna sinayyohane atin kaholin ꞌdoona.
29ꞌDooꞌd Kiriistokaaw wihi an atin icheeko kallaayo, ibeenneti ankhan a gaabantahe. Uus toolla kakhabatti eti makhaabál khabo, iꞌdi eti makhaabál ikhabin a ijiro. 30ꞌDooꞌdi ooyo la, iꞌdi ꞌdooꞌdi iooyin a ijiro. ꞌDooꞌdi hamaado la iꞌdi ꞌdooꞌdi ihamaadin a ijiro. Ki walah gatti la iꞌdi ki meehaas kiis ieheynan a isiekkaacho. 31ꞌDooꞌdi wahanyeyyohi harrata on kaassohti la, iꞌdi ꞌdooꞌdi ikaassohan a ijiro. Iꞌdi tahe harrata saggi iche toolla ijirto ka, dowwanoha a kutta.
32Atinhi waꞌdwaaꞌd ikhabine ꞌdoona. Eti min idisan wihi us kamassi tuumman a wihi Kamur miinsane, ꞌdee saggi us Kamur ikahamaadicho iyowti. 33Iꞌdaasenyi eti min diste wihi us aw ikhabo a fiddihi goobiissa harrata ichoow makhaabassiisti us kahamaadicho on. 34Us sag lamma liijiita. Makhaabassi makhaabal ikhabin ommos inanti galtaame wahanyeyyohi Kamur on aw ikhabaan. Iꞌdi tahe wihi iche ꞌdoonto a sartiche ichoow rubeyticheti iche tuum Kamur ibihisso. Iꞌdaasenyi aranti disan wihi iche aw ikhabto, a fiddihi goobicheeda harrata ichoow makhaabalicheki iche kahamaadisso. 35Waha an atin idowo jeenteti an atin ijeycho menye, a iroonotiinna, ꞌdee fiddihi mujjume jirtaane, tuum Kamur isibihissaan.
36Iꞌdaasenyi chirri etoo galtaanti us alkume kol us mujjum iwoywoyin koogyahe, iche la geeddi lakadiso eleesse, wihi imale a yeelo, uskeel us yeele mele. A isdisteen on. 37Iꞌdaasenyi chirri et goorat masse, uuriis ka la gooche galtaam ma disdi yidahye ulla isjeyin yabuuꞌde, iꞌdaasenyi etoo ikaholin, a haaggiche chuꞌus mindischo laan fiddiye laka. 38Maantaka eti min diste a haaggiche, iꞌdaasenyi ki min idisan jiti weyti deefo tabe.
39Makhaabale geeddi makhaabaliche on jiro, makhaabaliche ma katabto. Iꞌdaasenyi chirri makhaabaliche buje, chiꞌiche ꞌdoonto a geeddi eti iche ꞌdoonto disti. Iꞌdaasenyi eta ki Kamur rummeeste on a eheetti. 40Ani ka chiꞌ liidisine iche saggaas ifiddiito, iche weyti hamaadda. Ani ka an mali Rubeyti Waakhe khaba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.