MARCOS 13
13
Jesusax Diosan utapan t'unjatäñap yatiyi
(Mt 24.1-2; Lc 21.5-6)
1Jesusax Tatitun utapat mistusinkän ukkhaw maynïr yatiqiripax juparux säna:
—¡Yatichiri, kunja sumas aka qalanakaxa, utanakasa! —sasa.#13.1 Herodes el Grande sat reyiw Tatitun utapa lurayatayna, wali suma jach'a utapunïnwa. Tunka llätunkani maraw Criston jutañapatak phuqhasiñapäskäna (19 a.C.) uka maraw uka uta lurañ qalltayäna, Jesusax sarnaqkäna uka urunakasti, janïraw tukuyatäkänti (Jn 2.20), Lc 21.5.
2Jesusasti juparux sänwa:
—¿Aka jach'a utanak uñjtati? Mä urux aka utanakax q'ala tinkuyataw uñjasini —sasa.#13.2 Lc 19.43-44. Jesusax profecía arunak Tatitun utapa t'unjatäñapat arsüna, ukasti Criston yuritapat paqallqu tunka mara saraqataruw phuqhasïna (70 d.C.).
Akapach janïr tukuskipan unañchanaka
(Mt 24.3-28; Lc 21.7-24; 17.22-24)
3Ukatsti Tatitun utap uñkatasinkki uka Olivos qulluruw sarapxäna. Jesusax ukkharuw qunt'asïna, ukatsti Pedrompi, Santiagompi, Juanampi, Andresampiw jiskt'apxäna:
4—Tatay, sapxita, ¿kunapachas ukanakax phuqhasxani? ¿Kuna unañchas utjani taqi ukanak janïr phuqhaskipanxa? —sasa.
5Jesusasti jupanakarux sänwa: “Wal amuyasipxam, janiw khitimpis sallqjayasipxätati. 6Waljaniw nayan sutixar jutapxani: ‘Nayätwa Cristox’ sasa. Jupanakasti waljaniruw sallqjapxani.
7“Kunapachatix ch'axwanakat ist'apxäta, nuwasiñanakan utjañap yatipxarakïta ukkhax janiw axsarapxätati. Ukham lurasiñapaw wakisi; ukampis ukkhax janïraw aka pachan tukusiñ urupäkaniti. 8Mä jach'a markax yaqha jach'a markampiw ch'axwantani, mä marka apnaqiristi yaqha marka apnaqirimpiw nuwasini, uraq khathatinakaw walja chiqan utjani; jaqix janiw kuna manq'añsa jikxatkxaniti. Taqi ukanakasti jach'a t'aqhisiñan qalltapakïskaniwa.#13.8 Is 19.2; Ap 6.3-8,12-17, Mt 24.8.
9“Ukampis jumanakax amuyasipxam; markan jilïrinakaparuw jumanakarux katuyapxätam, sinagoganakansti jawq'jataw uñjasipxäta. Jumanakarusti nayar arkapxatam laykux, jupanakar nayxat qhanañchapxañamatakiw jilïrinakampina, reyinakampin nayraqatapar irpapxätam.#13.9-11 Mt 10.17-20; Lc 12.11-12; 21.12-15; Hch 4.1-8. 10Akapach janïr tukuskipansti, wakisiw nayan qhispiyasiñaxan taqi jaqinakar yatiyatäñapa.#13.10 Mt 28.19; Col 1.23; 1 Ts 1.8. 11Kunapachatix jilïrinakar katuyapkätam ukkhaxa, janiw llakisipxätati kuntix sapxañamäki ukanakatxa. Jan ukasti kuntix Diosax sapkätam uk parlapxäta, janiw jumanakat parlapkäta, jan ukasti Qullan Ajayuw parlaskani. 12Mä jilax jilaparuw jiwayañatak aljantani, awkisti yuqaparuw aljantarakini; wawanakasti awkip taykapatakiw sayt'asipxani, ukatsti jiwayapxarakiniwa. 13Naya laykux taqinin uñisit sarnaqapxäta, ukampis khititix tukuykam sayt'kani, ukakiw qhispiyatäni.#13.12-13 Mt 10.21-22; Jn 15.18-25.
14“Kunapachatix jumanakax ukham ñanqha lurañanak jan wakiskir chiqan uñjapkät ukkhaxa,#13.14 Dn 9.27; 11.31; 12.11. (khititix ullarki ukax amuyt'pan), Judeankirinakax qullunakar jaltxapxpan; 15khititix uta patankaskani ukasti, jan saraqanpati, janirak kun apsuris utapar mantpati; 16pampankiristi janirak isip aptasiris utapar kuttanpati. 17¡Ay, kunakïkan uka urunakan usur jaqi warminakatakixa, ukhamarak jisk'a wawanakanitakisa!#13.17 Lc 23.29. 18Diosatay mayisipxam uka jan wali urunakax jan jallupachäñapataki,#13.18 Palestina markanxa, invierno sat pachax jallu pachawa, ukhamïpansti janiw kawkis sarañjamäkänti. 19ukürunakax sinti t'aqhisiñ urunakäniwa, Diosax akapach lurkäna ukkhat jichhürkamax ukham t'aqhisiñax janiw utjkänti, janirakiw uka qhipatsa ukham t'aqhisiñax utjkaniti.#13.19 Dn 12.1; Jl 2.1-2; Ap 7.14. 20Tatitutix uka urunak jan jisk'aptaykaspaxa, janiw khitis qhispiyaskaspati; ukampis ajllitanakapar munasin jupax ukürunak jisk'aptayani.
21“Maynitix jumanakar sapxätam: ‘Uñtapxam, akankiw Cristoxa, jan ukax, khayankiw jupaxa’ sasaxa, jan iyawsapxamti. 22K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani. 23¡Wal amuyasipxam! Ukanak janïr luraskipan taqi kun yatiyapxsma.
Jaqin Yuqapax wasitat akapachar jutani
(Mt 24.29-35,42-44; Lc 21.25-36)
24“Khä urunakansti uka t'aqhisiñanak qhipatxa, intix ch'amakt'aniwa, phaxsisti janiw qhankxaniti, 25warawaranakasti alaxpachat williqtanxaniwa, taqi kunanakatix alaxpachan utjki ukanakas khathatirakiniwa. 26Ukapachaw Jaqin Yuqaparux qinay taypin jutaskir uñjasini, jach'a ch'amampi, k'ajkir qhapaq kankañapampi.#13.26 Dn 7.13; Mt 16.27; 1 Ts 4.13-18; Ap 1.7. 27Jupasti angelanakaruw khithanini, taqi tuqit ajllitanakapar anthapipxañapataki, akapach thiyatpacha, alaxpach thiyakama.#13.27 Dt 30.3-4.
28“Higo quqat yatiqasipxam: Kunapachatix layminakapax ch'uxñatatki, laphinakapas uñstkaraki, ukapachaw jallupachan jak'ankxatap yatipxäta. 29Ukhamarakiw jumanakax taqi ukanak phuqhasir uñjasinxa, niya tukuy urunakan jak'ankatapa, punkunkxatap yatipxäta. 30Qhanak sapxsma, jichha pacha jakir jaqinakan janïr jiwarkipan taqi ukanakax phuqhasini. 31Alaxpachampi akapachampix tukusiniwa, arunakaxasti janiw tukuskaniti.
32“Ukampis uka urumpita, pachampitxa, janiw khitis yatkiti, alaxpachankir angelanakas janiw yatkiti, Diosan Yuqapas janiw yatkiti, jan ukasti, Dios Awki sapakiw yati.#13.32 Mt 24.36; Hch 1.6-7.
33“Ukhamasti jumanakax amuyasipxam, suyapxarakim, janiw yatipktati kuna pachas purinin ukxa.#13.33 Mt 24.42; 25.13; Lc 12.40. 34Ukax akhamar uñtatawa: Sañäni, mä jaqix jayar sarañ amti, janïr sarkasaw uywatanakapar uta uñjapxañapatak iwxt'i. Sapa mayniruw lurañanakap jaytawayi, uta uñjirirusti sum uñjañapatakiw jaytaraki.#13.34 Mt 25.14. 35Ukatsti jupanakax wali amuyumpiw sarnaqapxi, janiw yatipkiti utanin kunür puriniñapsa, inas arumarüchini, chika arumarüchini, wallpa art'arüchini, qhantatirüchini.#13.35 Judionakan jakäwipanxa mä arumax kimsar jaljtatänwa, romanonakan jakäwipansti pusir jaljtatarakïnwa. Ukhamarakiw jumanakax wali amuyumpi suyapxañamaxa, 36ukatarak akatjamat purinisin ikiskir katjasipkirisma. 37Jumanakar sapksma ukxa, taqiniruw sarakta, ¡amuyasipxapunim!” sasa.
ទើបបានជ្រើសរើសហើយ៖
MARCOS 13: AYOPD
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
MARCOS 13
13
Jesusax Diosan utapan t'unjatäñap yatiyi
(Mt 24.1-2; Lc 21.5-6)
1Jesusax Tatitun utapat mistusinkän ukkhaw maynïr yatiqiripax juparux säna:
—¡Yatichiri, kunja sumas aka qalanakaxa, utanakasa! —sasa.#13.1 Herodes el Grande sat reyiw Tatitun utapa lurayatayna, wali suma jach'a utapunïnwa. Tunka llätunkani maraw Criston jutañapatak phuqhasiñapäskäna (19 a.C.) uka maraw uka uta lurañ qalltayäna, Jesusax sarnaqkäna uka urunakasti, janïraw tukuyatäkänti (Jn 2.20), Lc 21.5.
2Jesusasti juparux sänwa:
—¿Aka jach'a utanak uñjtati? Mä urux aka utanakax q'ala tinkuyataw uñjasini —sasa.#13.2 Lc 19.43-44. Jesusax profecía arunak Tatitun utapa t'unjatäñapat arsüna, ukasti Criston yuritapat paqallqu tunka mara saraqataruw phuqhasïna (70 d.C.).
Akapach janïr tukuskipan unañchanaka
(Mt 24.3-28; Lc 21.7-24; 17.22-24)
3Ukatsti Tatitun utap uñkatasinkki uka Olivos qulluruw sarapxäna. Jesusax ukkharuw qunt'asïna, ukatsti Pedrompi, Santiagompi, Juanampi, Andresampiw jiskt'apxäna:
4—Tatay, sapxita, ¿kunapachas ukanakax phuqhasxani? ¿Kuna unañchas utjani taqi ukanak janïr phuqhaskipanxa? —sasa.
5Jesusasti jupanakarux sänwa: “Wal amuyasipxam, janiw khitimpis sallqjayasipxätati. 6Waljaniw nayan sutixar jutapxani: ‘Nayätwa Cristox’ sasa. Jupanakasti waljaniruw sallqjapxani.
7“Kunapachatix ch'axwanakat ist'apxäta, nuwasiñanakan utjañap yatipxarakïta ukkhax janiw axsarapxätati. Ukham lurasiñapaw wakisi; ukampis ukkhax janïraw aka pachan tukusiñ urupäkaniti. 8Mä jach'a markax yaqha jach'a markampiw ch'axwantani, mä marka apnaqiristi yaqha marka apnaqirimpiw nuwasini, uraq khathatinakaw walja chiqan utjani; jaqix janiw kuna manq'añsa jikxatkxaniti. Taqi ukanakasti jach'a t'aqhisiñan qalltapakïskaniwa.#13.8 Is 19.2; Ap 6.3-8,12-17, Mt 24.8.
9“Ukampis jumanakax amuyasipxam; markan jilïrinakaparuw jumanakarux katuyapxätam, sinagoganakansti jawq'jataw uñjasipxäta. Jumanakarusti nayar arkapxatam laykux, jupanakar nayxat qhanañchapxañamatakiw jilïrinakampina, reyinakampin nayraqatapar irpapxätam.#13.9-11 Mt 10.17-20; Lc 12.11-12; 21.12-15; Hch 4.1-8. 10Akapach janïr tukuskipansti, wakisiw nayan qhispiyasiñaxan taqi jaqinakar yatiyatäñapa.#13.10 Mt 28.19; Col 1.23; 1 Ts 1.8. 11Kunapachatix jilïrinakar katuyapkätam ukkhaxa, janiw llakisipxätati kuntix sapxañamäki ukanakatxa. Jan ukasti kuntix Diosax sapkätam uk parlapxäta, janiw jumanakat parlapkäta, jan ukasti Qullan Ajayuw parlaskani. 12Mä jilax jilaparuw jiwayañatak aljantani, awkisti yuqaparuw aljantarakini; wawanakasti awkip taykapatakiw sayt'asipxani, ukatsti jiwayapxarakiniwa. 13Naya laykux taqinin uñisit sarnaqapxäta, ukampis khititix tukuykam sayt'kani, ukakiw qhispiyatäni.#13.12-13 Mt 10.21-22; Jn 15.18-25.
14“Kunapachatix jumanakax ukham ñanqha lurañanak jan wakiskir chiqan uñjapkät ukkhaxa,#13.14 Dn 9.27; 11.31; 12.11. (khititix ullarki ukax amuyt'pan), Judeankirinakax qullunakar jaltxapxpan; 15khititix uta patankaskani ukasti, jan saraqanpati, janirak kun apsuris utapar mantpati; 16pampankiristi janirak isip aptasiris utapar kuttanpati. 17¡Ay, kunakïkan uka urunakan usur jaqi warminakatakixa, ukhamarak jisk'a wawanakanitakisa!#13.17 Lc 23.29. 18Diosatay mayisipxam uka jan wali urunakax jan jallupachäñapataki,#13.18 Palestina markanxa, invierno sat pachax jallu pachawa, ukhamïpansti janiw kawkis sarañjamäkänti. 19ukürunakax sinti t'aqhisiñ urunakäniwa, Diosax akapach lurkäna ukkhat jichhürkamax ukham t'aqhisiñax janiw utjkänti, janirakiw uka qhipatsa ukham t'aqhisiñax utjkaniti.#13.19 Dn 12.1; Jl 2.1-2; Ap 7.14. 20Tatitutix uka urunak jan jisk'aptaykaspaxa, janiw khitis qhispiyaskaspati; ukampis ajllitanakapar munasin jupax ukürunak jisk'aptayani.
21“Maynitix jumanakar sapxätam: ‘Uñtapxam, akankiw Cristoxa, jan ukax, khayankiw jupaxa’ sasaxa, jan iyawsapxamti. 22K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani. 23¡Wal amuyasipxam! Ukanak janïr luraskipan taqi kun yatiyapxsma.
Jaqin Yuqapax wasitat akapachar jutani
(Mt 24.29-35,42-44; Lc 21.25-36)
24“Khä urunakansti uka t'aqhisiñanak qhipatxa, intix ch'amakt'aniwa, phaxsisti janiw qhankxaniti, 25warawaranakasti alaxpachat williqtanxaniwa, taqi kunanakatix alaxpachan utjki ukanakas khathatirakiniwa. 26Ukapachaw Jaqin Yuqaparux qinay taypin jutaskir uñjasini, jach'a ch'amampi, k'ajkir qhapaq kankañapampi.#13.26 Dn 7.13; Mt 16.27; 1 Ts 4.13-18; Ap 1.7. 27Jupasti angelanakaruw khithanini, taqi tuqit ajllitanakapar anthapipxañapataki, akapach thiyatpacha, alaxpach thiyakama.#13.27 Dt 30.3-4.
28“Higo quqat yatiqasipxam: Kunapachatix layminakapax ch'uxñatatki, laphinakapas uñstkaraki, ukapachaw jallupachan jak'ankxatap yatipxäta. 29Ukhamarakiw jumanakax taqi ukanak phuqhasir uñjasinxa, niya tukuy urunakan jak'ankatapa, punkunkxatap yatipxäta. 30Qhanak sapxsma, jichha pacha jakir jaqinakan janïr jiwarkipan taqi ukanakax phuqhasini. 31Alaxpachampi akapachampix tukusiniwa, arunakaxasti janiw tukuskaniti.
32“Ukampis uka urumpita, pachampitxa, janiw khitis yatkiti, alaxpachankir angelanakas janiw yatkiti, Diosan Yuqapas janiw yatkiti, jan ukasti, Dios Awki sapakiw yati.#13.32 Mt 24.36; Hch 1.6-7.
33“Ukhamasti jumanakax amuyasipxam, suyapxarakim, janiw yatipktati kuna pachas purinin ukxa.#13.33 Mt 24.42; 25.13; Lc 12.40. 34Ukax akhamar uñtatawa: Sañäni, mä jaqix jayar sarañ amti, janïr sarkasaw uywatanakapar uta uñjapxañapatak iwxt'i. Sapa mayniruw lurañanakap jaytawayi, uta uñjirirusti sum uñjañapatakiw jaytaraki.#13.34 Mt 25.14. 35Ukatsti jupanakax wali amuyumpiw sarnaqapxi, janiw yatipkiti utanin kunür puriniñapsa, inas arumarüchini, chika arumarüchini, wallpa art'arüchini, qhantatirüchini.#13.35 Judionakan jakäwipanxa mä arumax kimsar jaljtatänwa, romanonakan jakäwipansti pusir jaljtatarakïnwa. Ukhamarakiw jumanakax wali amuyumpi suyapxañamaxa, 36ukatarak akatjamat purinisin ikiskir katjasipkirisma. 37Jumanakar sapksma ukxa, taqiniruw sarakta, ¡amuyasipxapunim!” sasa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996