ÉXODO 24
24
Moiseswan kurajkunawan Sinaí orqopi
1Moisesman Señorqa nerqa: Maypichus noqa kashani chayman wicharimuy Aaronwan, Nadabwan, Abiuwan, israelitasmanta qanchis chunka kurajkunapiwan, karumantapachataj qonqorikunkichej. 2Moisés, qanlla noqaman qayllamuwanki; paykunaqa karunejllapi kanqanku, nitaj runaspis qankunawan jamonqankuchu.
3Moisesqa chaymanta jamuytawan runasman willarqa, imaynatachus payman Señorqa parlasqanta, kamachisqantataj. Runastaj chay nisqanman jina uj similla kuticherqanku: Noqaykoqa Señorpa tukuy kamachisqasninta ruwasqayku, nispa.
4Chaymanta Moisesqa Señorpa tukuy palabrasninta qelqarqa. Tutamanta jatarispataj uj altarta orqo k'uchupi chunka iskayniyoj rumiswan ruwarqa, chay rumistaj Israel ayllusman jina karqa. 5Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj. 6Moisestaj chay uywaspa wakin yawarninta jap'erqa, jatuchaj vasospitaj jallch'arqa. Khuskan yawarwantaj chay altar ruwasqanta ch'ajchorqa. 7Jinaspataj chay trato ruwasqan libro qelqasqanta runasman leerqa. Chaypachataj runasqa nerqanku: Noqaykoqa Señorpa palabrasninta, kamachisqasninta ima ruwasqayku, nispa.
8Moisestaj yawarta jap'iytawan runaspa patasninman ch'ajchorqa, nispa: Kay yawarqa Señorwan uj tratota ruwasqaykichejmanta, qankuna kay palabrasta Señorman nisqaykichejrayku, nispa.
9Chaymantataj Moisesqa orqoman wicharerqa Aaronwan, Nadabwan, Abiuwan, israelitasmanta qanchis chunka kurajkunawan khuska. 10Chaypitaj Israelpa Diosninta rikorqanku, chakisnin urapitaj rikorqanku lliphipirishajta safiromantapis pampan ruwasqs kanman jinata, cielo jina sut'isituta. 11Chay ajllasqa israelitastaqa Diosqa mana imanarqachu, paykunaqa tukuy sonqo Diosta rikorqanku, chantaqa mikhorqanku, ujyarqankutaj.
Moisés Sinaí orqopi
12Señortaj Moisesman nerqa: Jamuy, orqoman wicharimuy, maypichus noqa kashani chayman, chaypi suyaway, jaqaypi uj p'alta rumita qosqayki. Chay rumipi uj ley qelqasqa kanqa, kamachiykuna ima qankunaman yachachinaypaj.
13Moisesqa sayariytawan Josué yanapajninwan khuska wicharerqa Diospa orqonman. 14Chay qanchis chunka kurajkunamantaj Moisesqa nerqa: Kayllapi suyashawayku kutimunaykukama. Qankunawan, Aarón, Hurwan qhepakushanku, paykunaman ima kajtapis willakunaykichejpaj, nispa.
15Chayta paykunaman willaytawan Moisesqa orqoman wicharerqa, phuyutaj chay ratopacha chay orqota pakaykorqa. 16Señorpa kusiy k'anchaynintaj chay Sinaí orqoman uraykamorqa. Chay phuyutaj chay orqopi sojta p'unchayta sayarqa. Qanchis kaj p'unchaypitaj Señorqa Moisesta wajyamorqa phuyu ukhumanta. 17Chay p'unchaypi Señorpa kusiy k'anchaynin israelitasman rikhurimorqa uj nina qanqey jina. 18Moisestaj chay phuyu ukhuman yaykuspa orqoman wicharerqa. Chaypitaj payqa kamorqa tawa chunka p'unchayta, tawa chunka tutatawan.
ទើបបានជ្រើសរើសហើយ៖
ÉXODO 24: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.
ÉXODO 24
24
Moiseswan kurajkunawan Sinaí orqopi
1Moisesman Señorqa nerqa: Maypichus noqa kashani chayman wicharimuy Aaronwan, Nadabwan, Abiuwan, israelitasmanta qanchis chunka kurajkunapiwan, karumantapachataj qonqorikunkichej. 2Moisés, qanlla noqaman qayllamuwanki; paykunaqa karunejllapi kanqanku, nitaj runaspis qankunawan jamonqankuchu.
3Moisesqa chaymanta jamuytawan runasman willarqa, imaynatachus payman Señorqa parlasqanta, kamachisqantataj. Runastaj chay nisqanman jina uj similla kuticherqanku: Noqaykoqa Señorpa tukuy kamachisqasninta ruwasqayku, nispa.
4Chaymanta Moisesqa Señorpa tukuy palabrasninta qelqarqa. Tutamanta jatarispataj uj altarta orqo k'uchupi chunka iskayniyoj rumiswan ruwarqa, chay rumistaj Israel ayllusman jina karqa. 5Moisesqa israelita waynasta kacharqa waka uñasta ruphachina rikuchikunas jina, allinyakuy rikuchikus jinata, Señorman jaywamunankupaj. 6Moisestaj chay uywaspa wakin yawarninta jap'erqa, jatuchaj vasospitaj jallch'arqa. Khuskan yawarwantaj chay altar ruwasqanta ch'ajchorqa. 7Jinaspataj chay trato ruwasqan libro qelqasqanta runasman leerqa. Chaypachataj runasqa nerqanku: Noqaykoqa Señorpa palabrasninta, kamachisqasninta ima ruwasqayku, nispa.
8Moisestaj yawarta jap'iytawan runaspa patasninman ch'ajchorqa, nispa: Kay yawarqa Señorwan uj tratota ruwasqaykichejmanta, qankuna kay palabrasta Señorman nisqaykichejrayku, nispa.
9Chaymantataj Moisesqa orqoman wicharerqa Aaronwan, Nadabwan, Abiuwan, israelitasmanta qanchis chunka kurajkunawan khuska. 10Chaypitaj Israelpa Diosninta rikorqanku, chakisnin urapitaj rikorqanku lliphipirishajta safiromantapis pampan ruwasqs kanman jinata, cielo jina sut'isituta. 11Chay ajllasqa israelitastaqa Diosqa mana imanarqachu, paykunaqa tukuy sonqo Diosta rikorqanku, chantaqa mikhorqanku, ujyarqankutaj.
Moisés Sinaí orqopi
12Señortaj Moisesman nerqa: Jamuy, orqoman wicharimuy, maypichus noqa kashani chayman, chaypi suyaway, jaqaypi uj p'alta rumita qosqayki. Chay rumipi uj ley qelqasqa kanqa, kamachiykuna ima qankunaman yachachinaypaj.
13Moisesqa sayariytawan Josué yanapajninwan khuska wicharerqa Diospa orqonman. 14Chay qanchis chunka kurajkunamantaj Moisesqa nerqa: Kayllapi suyashawayku kutimunaykukama. Qankunawan, Aarón, Hurwan qhepakushanku, paykunaman ima kajtapis willakunaykichejpaj, nispa.
15Chayta paykunaman willaytawan Moisesqa orqoman wicharerqa, phuyutaj chay ratopacha chay orqota pakaykorqa. 16Señorpa kusiy k'anchaynintaj chay Sinaí orqoman uraykamorqa. Chay phuyutaj chay orqopi sojta p'unchayta sayarqa. Qanchis kaj p'unchaypitaj Señorqa Moisesta wajyamorqa phuyu ukhumanta. 17Chay p'unchaypi Señorpa kusiy k'anchaynin israelitasman rikhurimorqa uj nina qanqey jina. 18Moisestaj chay phuyu ukhuman yaykuspa orqoman wicharerqa. Chaypitaj payqa kamorqa tawa chunka p'unchayta, tawa chunka tutatawan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.