ÉXODO 23
23
Imastachus enemigospaj ruwanamanta
1Ama llullakuspa imatapis willankichu sajra runata yanapaychu qhasi mana kajta juraspa.
2Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa. 3Jinapeqa manchachikuspa ni wajchaspajpis mana allin kajtaqa, cheqan kasqanta ninkichu.
4Sichus enemigoykej chinkasqa wakanta, chayri burronta tarinki chayqa, paypaman qhaterqapuy. 5Sichus enemigoykej burron cargawan sayk'uspa wijch'ukushan chayqa, qhawallawajchu jinapi wijch'ukojta? Mana. Astawan qanqa aysariysinayki tiyan chay burronta.
6Imachus cheqan kajtaqa, wajcha runa imaynachus kasqantaqa ama q'ewichinkichu qhasi mana kajmanta.
7Llulla parlaykunamanta t'aqakuy, amataj wañuchinkichu mana juchayojta, cheqan kaj runata; noqa juchasapataqa mana qhawasajchu mana juchayojpaj.
8Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.
9Waj llajtayojta ama llakichinkichu; qankunapis Egiptopi waj llajtayojllataj tiyakorqankichej. Chayrayku yachallankichej runaj llajtampi imaynachus tiyakuna kasqantaqa.
Samarikunapuni tiyan
10-11Sojta watata jallp'aykita llank'anki, chaymantataj poqoyninta oqharinki. Qanchis kaj watapitaj ama llank'ankichu; saqey samarikojta, llajtaykimanta kaj wajcha runas mikhunankupaj; chantapis chaymanta qhepakojta monte animales mikhunankupaj. Ajinallatataj ruwanki uvas chajraykiwan, olivo chajraykiwan ima.
12Sojta diata llank'anki, qanchis kaj diapitaj samarikunki, wakasniyki, burrosniyki samarikunankupaj; jinallataj warmi kamachiykej wawan kallpachakunampaj, jinallataj waj llajtayoj kajpis.
13Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.
Kinsa jatuchaj fiestas
14Kinsa kutita watapeqa jatuchaj fiestata ruwankichej noqata jatunchawaspa. 15Mana levadurayoj t'anta fiestata waqaychanki; qanchis día junt'atataj mana levadurayoj t'antata mikhunki, imaynatachus nisusqanman jina. Chaytaqa mikhunki Abib killapi, imaraykuchus chay killapi Egiptomanta llojsimorqanki. Ni pipis noqaman jamuwanqachu makisnin ch'usajlla.
16Cosechasniykimantapis fiestata ruwallaytaj, tarpusqasniykimanta ñaupajta poqojkunamanta; jinallataj wata tukukuyta poqochisqasniykimanta, tukuy campopi watantinta poqochisqaykimanta.
17Tukuy qharis watapi kinsa kutita Señorman qayllakonqanku.
18Uywasta rikuchikuta qoshawaspa, yawarnintaqa ama mana levadurayoj t'antatawan khuska qowankichu, nitaj chay uywaj wiranta q'ayantinkama puchuchinkichu.
19Jallp'aykej ñaupaj kaj poqoyninta Señor Diosniykej wasinman apamunki. Ñuñushaj cabra uñastaqa ama mamampa lechempi wayk'unkichu.
Señorpa angelnin israelitasta pusaj jamun
20Noqa angelniyta kachamusaj qampa ñaupaqeykita rispa pusasunampaj, ñampitaj waqaychasunampaj, chayachisunampajtaj, ima jallp'atachus qampaj wakicherqani chayman. 21Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu. 22Sichus cheqamanta paypa nisqasninta kasunki, ruwankitaj tukuy nisqasniyta chayqa, enemigosniykita jasut'isaj, llakichisajtaj qanta llakichisunki chaykunata. 23Angelniy qampa ñaupaqeykita renqa, chayachisonqataj amorreoj jallp'anman, heteojpaman, ferezeojpaman, cananeojpaman, heveojpaman, jebuseojpaman ima, mayqenkunatachus noqa chinkachisaj mana ujniyojta. 24Ama chay runas jina imatachus ruwayta yachasqankutapis ruwankichu, ama dioskunasninkuman qonqorikunkichu yupaychanaykipaj, manachayqa tukuyninta chinkachinki mana ujniyojta, jinamanta chay lantisninkuta chay yupaychana rumisninkutapis t'unaranki. 25Señor Diosniykita yupaychanki. Pay bendicenqa t'antaykita, yakuykitawan. Noqa tukuy onqoykunata qankuna ukhumanta orqhosaj. 26Manaraj wañunayki kashajtenqa mana wañojta saqesqaykichu. Llajtaykipeqa ni pi warmi sullonqachu, nitaj wawata mana rejsiyta atejkunapis kanqankuchu.
27Noqa astawan manchachiyta jatunchasaj, mayta llakiyta qhapariytawan, qampa ñaupaqeykipi may llajtatachá pasaspa manchachinaykipaj. Enemigosniykitaj qanmanta ayqekusonqanku. 28Ñaupaqeykita wayronqosta kachasaj, chaytaj manchachispa ñaupaqeykimanta qharqonqa heveosta, cananeosta, hititastawan. 29Chay runastaqa ñaupaqeykimanta mana uj watallapichu qharqosaj, chay jallp'a ch'umiyanampaj, nitaj chaypi ima monte sajra animalespis chaypi miranankupaj, jinamanta qankunata manchachinasuykichejpaj. 30Pisimanta pisi ñaupaqeykimanta qharqosaj, ashkhata miranaykikama, jinamanta pisimanta pisi chay jallp'asta jap'ikapunaykikama. 31Mojonesniykita ruwapusqayki Puka Mar qochamantapacha filisteospa marninkama, ch'in pampamanta Eufrates mayukama. Chay jallp'aspi tiyakojkunataqa makisniykiman jaywasqayki, qantaj paykunata wijch'unki. 32Ama paykunawanqa ni ima tratota ruwankichu, nitaj dioskunasninkuwampis. 33Chantaqa ama chay jallp'aykipi kakojta saqenkichu, ama chaykuna juchallichisunankupaj noqaj contrayta dioskunasninkuta yupaychaspa, chaytaj qampajqa mana allinchu kanqa.
ទើបបានជ្រើសរើសហើយ៖
ÉXODO 23: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.
ÉXODO 23
23
Imastachus enemigospaj ruwanamanta
1Ama llullakuspa imatapis willankichu sajra runata yanapaychu qhasi mana kajta juraspa.
2Ama ashkha kasqankurayku sajra juchankuta ruwaysinkichu, ama ashkha kasqankurayku millay juchankuta qhatinkichu paykunata manchachikuspa, mana allin kajta allin ninaykipajqa. 3Jinapeqa manchachikuspa ni wajchaspajpis mana allin kajtaqa, cheqan kasqanta ninkichu.
4Sichus enemigoykej chinkasqa wakanta, chayri burronta tarinki chayqa, paypaman qhaterqapuy. 5Sichus enemigoykej burron cargawan sayk'uspa wijch'ukushan chayqa, qhawallawajchu jinapi wijch'ukojta? Mana. Astawan qanqa aysariysinayki tiyan chay burronta.
6Imachus cheqan kajtaqa, wajcha runa imaynachus kasqantaqa ama q'ewichinkichu qhasi mana kajmanta.
7Llulla parlaykunamanta t'aqakuy, amataj wañuchinkichu mana juchayojta, cheqan kaj runata; noqa juchasapataqa mana qhawasajchu mana juchayojpaj.
8Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.
9Waj llajtayojta ama llakichinkichu; qankunapis Egiptopi waj llajtayojllataj tiyakorqankichej. Chayrayku yachallankichej runaj llajtampi imaynachus tiyakuna kasqantaqa.
Samarikunapuni tiyan
10-11Sojta watata jallp'aykita llank'anki, chaymantataj poqoyninta oqharinki. Qanchis kaj watapitaj ama llank'ankichu; saqey samarikojta, llajtaykimanta kaj wajcha runas mikhunankupaj; chantapis chaymanta qhepakojta monte animales mikhunankupaj. Ajinallatataj ruwanki uvas chajraykiwan, olivo chajraykiwan ima.
12Sojta diata llank'anki, qanchis kaj diapitaj samarikunki, wakasniyki, burrosniyki samarikunankupaj; jinallataj warmi kamachiykej wawan kallpachakunampaj, jinallataj waj llajtayoj kajpis.
13Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.
Kinsa jatuchaj fiestas
14Kinsa kutita watapeqa jatuchaj fiestata ruwankichej noqata jatunchawaspa. 15Mana levadurayoj t'anta fiestata waqaychanki; qanchis día junt'atataj mana levadurayoj t'antata mikhunki, imaynatachus nisusqanman jina. Chaytaqa mikhunki Abib killapi, imaraykuchus chay killapi Egiptomanta llojsimorqanki. Ni pipis noqaman jamuwanqachu makisnin ch'usajlla.
16Cosechasniykimantapis fiestata ruwallaytaj, tarpusqasniykimanta ñaupajta poqojkunamanta; jinallataj wata tukukuyta poqochisqasniykimanta, tukuy campopi watantinta poqochisqaykimanta.
17Tukuy qharis watapi kinsa kutita Señorman qayllakonqanku.
18Uywasta rikuchikuta qoshawaspa, yawarnintaqa ama mana levadurayoj t'antatawan khuska qowankichu, nitaj chay uywaj wiranta q'ayantinkama puchuchinkichu.
19Jallp'aykej ñaupaj kaj poqoyninta Señor Diosniykej wasinman apamunki. Ñuñushaj cabra uñastaqa ama mamampa lechempi wayk'unkichu.
Señorpa angelnin israelitasta pusaj jamun
20Noqa angelniyta kachamusaj qampa ñaupaqeykita rispa pusasunampaj, ñampitaj waqaychasunampaj, chayachisunampajtaj, ima jallp'atachus qampaj wakicherqani chayman. 21Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu. 22Sichus cheqamanta paypa nisqasninta kasunki, ruwankitaj tukuy nisqasniyta chayqa, enemigosniykita jasut'isaj, llakichisajtaj qanta llakichisunki chaykunata. 23Angelniy qampa ñaupaqeykita renqa, chayachisonqataj amorreoj jallp'anman, heteojpaman, ferezeojpaman, cananeojpaman, heveojpaman, jebuseojpaman ima, mayqenkunatachus noqa chinkachisaj mana ujniyojta. 24Ama chay runas jina imatachus ruwayta yachasqankutapis ruwankichu, ama dioskunasninkuman qonqorikunkichu yupaychanaykipaj, manachayqa tukuyninta chinkachinki mana ujniyojta, jinamanta chay lantisninkuta chay yupaychana rumisninkutapis t'unaranki. 25Señor Diosniykita yupaychanki. Pay bendicenqa t'antaykita, yakuykitawan. Noqa tukuy onqoykunata qankuna ukhumanta orqhosaj. 26Manaraj wañunayki kashajtenqa mana wañojta saqesqaykichu. Llajtaykipeqa ni pi warmi sullonqachu, nitaj wawata mana rejsiyta atejkunapis kanqankuchu.
27Noqa astawan manchachiyta jatunchasaj, mayta llakiyta qhapariytawan, qampa ñaupaqeykipi may llajtatachá pasaspa manchachinaykipaj. Enemigosniykitaj qanmanta ayqekusonqanku. 28Ñaupaqeykita wayronqosta kachasaj, chaytaj manchachispa ñaupaqeykimanta qharqonqa heveosta, cananeosta, hititastawan. 29Chay runastaqa ñaupaqeykimanta mana uj watallapichu qharqosaj, chay jallp'a ch'umiyanampaj, nitaj chaypi ima monte sajra animalespis chaypi miranankupaj, jinamanta qankunata manchachinasuykichejpaj. 30Pisimanta pisi ñaupaqeykimanta qharqosaj, ashkhata miranaykikama, jinamanta pisimanta pisi chay jallp'asta jap'ikapunaykikama. 31Mojonesniykita ruwapusqayki Puka Mar qochamantapacha filisteospa marninkama, ch'in pampamanta Eufrates mayukama. Chay jallp'aspi tiyakojkunataqa makisniykiman jaywasqayki, qantaj paykunata wijch'unki. 32Ama paykunawanqa ni ima tratota ruwankichu, nitaj dioskunasninkuwampis. 33Chantaqa ama chay jallp'aykipi kakojta saqenkichu, ama chaykuna juchallichisunankupaj noqaj contrayta dioskunasninkuta yupaychaspa, chaytaj qampajqa mana allinchu kanqa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.