Marc 4
4
Uwambooyaanli bɔŋmantikaati
(Kpèè Maat 13.1-9, Luuki 8.4-8)
1Yeesu tí kíĺ ki bíi dàkà Unimbɔti bɔti Galiilee mɔɔl caŋin, ní kunipaau kóoǹní ki kpáfì u-cee. Bi-wíiŋŋu puee, ní u jɔ́m̀ ki kāl̀ buŋalimbun nnyim pu, ní kunipaauee kɔkɔ sí dimɔɔgbandi ki pìlīǹ-u. 2U nìn cáá tibɔŋmantikaal tikpil ki sòoǹ nì bi tibɔti ní ki dàkà-bi ki bí-bi yii: 3«Pīlifìmaan! Uwaŋyaanli ubɔ nyáń kí yàaǹ u-wamboolii. 4U bíi yàantée ní iba lítì nsan pu, ní ilunlukuti dɔ́miń ki dūu jíń. 5Iba mun lítì kuteeu pu, laakin kitiŋ kaa nyóòyee ní ki pūtì kpáàa nyáń. 6Ŋwìiń píĺee ní i kpíì kun puee kitiŋ kaa nyóò inyaan ń kɔ́. 7Iba mun lítì ikuŋkumin ki nyáń, ní ikuŋkum wíiǹ ki múkuǹ i-pu, ní iaa ŋúń ki lòon̄. 8In kíǹee mun lítì laakin kitiŋ ŋān̄ee, ki nyáń ki wíiǹ ki cáá apoo, ní ki lòon̄ ifin. Iba cáá abil mmuŋku nì saalaa, iba mun imuŋku ita, in kíǹee mun dilaataal.» 9Ní u gíti kútì ki lī yii: «Sii un yaa cáá ditafalee ń gbìl̄!»
Kun pu Yeesu cáá tibɔti ki ŋmàntēe
(Kpèè Maat 13.10-17, Luuki 8.9-10)
10Ŋyunti ŋun u kíǹ u-babee ní bin nìn cēentí-uee nì u-boonnooliibi saalaa nì bilee bālifì-u tibɔŋmantikaalee taapu. 11Ní u kíí-bi yii: «Unimbɔti yāntì nimbi béè u-Beel bɔti tin nìn bí dibalinee taapu. An yaa kíǹ bifantantiibee, an sá tibɔti ní bí nīn cáa ŋmàntī-bi, 12án nín làá ŋá pu ní:
<Bi-nimbiliŋ ń nīn kpítì bí taa nín̄ wāĺ,
bí nīn pílifí mun tikpil kí taa nín̄ gbìl̀ee.
An yaa yíì,
bi yaa kpēē ki wál̀, ki yaa pílifì mun ki gbìl̄ee,
bi féeń bi-saŋkpitii, Unimbɔti ń dū bi-kpitii kí pɔ̄-bi#4.12 Yees 6.9-10.!>»
Uwaŋyaanli bɔŋmantikaati taapu
(Kpèè Maat 13.18-23, Luuki 8.11-15)
13Míǹ boonee ní Yeesu gíti lī-bi yii: «Naa gbìl̀ tibɔŋmantikaal nee taapuɔɔ! Kin ni làá dāá ŋá mana kí gbìl̄ tin kíǹee taapu? 14An sá Unimbɔti nyɔɔbundi ní uwaŋyaanlee bí ki yàantí. 15Binib biba náań nì iwambool in lítì nsan puee ní. Binibee yaa gbìl̄ dinyɔɔbundee, Sitaan dòoń ki lèekī dicilpu tibɔti tin bi búĺ bi-pɔbiliŋinee. 16Míǹ mbaantiim ní binib biba náań nì kuteeu, laakin iwambool lítèe. Binibee yaa gbìl̄ dinyɔɔbundee, bi fòol̄-dì nì dipɔɔpindi. 17Nì min kɔkɔ bi fòol̄ mimmee, baa cáá inyaan kí sīĺ kí báań. Bi nín fōō dinyɔɔbundee puee, an yaa sá digìńdi kii disàandi di yaa jéetì bi-puee ní bí dū dimákal din bi cáá Unimbɔti puee kí fá malaa. 18Biba mun náań nì iwambool in lítì ikuŋkuminee ní. Bíǹ di sá bin gbìl̀ dinyɔɔbundee, 19ní duulinya landɔkɔi páb́-bi, tigaajati ŋmàtíǹ-bi, ní nnimbitaataam mun cáá-bi. An wantee kɔkɔ mūkuntí ki bìintí dinyɔɔbundee pu, ní dàa ŋūǹ kí lòoǹ abil. 20Biba mun tí náań nì laakin kitiŋ ŋān̄ iwamboolee lítèe ní. Bíǹ di sá bin gbìl̄ dinyɔɔbundee ki fōō-dì, ní ki lòoǹ abil. Ŋfin ŋubɔ pu lòon̄ mmuŋku nì saalaa, ŋubɔ imuŋku ita, ŋubɔ mun dilaataal.»
Fitila bɔŋmantikaati
(Kpèè Luuki 8.16-18)
21Ní u gíti bí-bi yii: «Baa tùutī fitila kí dūú tàkan̄ kulɔŋŋun, kaa tí dù-u kí síiń kilambaŋ taapu. Bi dù fitila kí tɔ́kɔń kifaŋkɔlii pu ní#4.21 Dūú ŋmàntī nì Maat 5.15, Luuki 11.33.. 22Míǹ ní tin kɔkɔ pu binib bìintée làá dāá bìitī. Tiba kaa bí dibalin kaa làá nyā mpaampiin pu. 23Sii un cáá ditafalee ń gbìl̄!» 24Ní u tí bí-bi yii: «Ní nīn pílifí tibɔti nee tiŋan. Ni nín ŋmāntì pu ki tīīyee, Unimbɔti dāa ŋmàntī míǹ ní kí tīī-ni, kí gbéeǹ-ni gba án yàaǹ. 25Di sá yii Unimbɔti dāa kútí un cááyee ní kí fōō un kaa cááyee cee fiii un u bàà cááyee.»
Ŋwambool nín dì pu kí nyēe
26U gíti lī yii: «Unimbɔti Beel náań nì kii unil nín yàantí iwambool kitiŋ puee ní. 27U yaa gèeǹeeee, u yaa wāĺeeee, kunyeeueeee, ŋwiimpueeee, iwamboolee nyēē ki wīintí, waa kpāantí kí béé an nín dì pu ní kí dāá ŋá mimmee. 28Kitiŋ ki-ba càntī iwambool ń nyā kí cáá apoo kí màtī, ní kí lòoǹ abil ifinni. 29Abil yaa bīń ki dóòyee, mimmee, kudiceeu bāań dee ní bí yòon̄ kijiki kí kɔ́ kí cā#4.29 Dūú ŋmàntī nì Joow 4.13..»
Kiwamboolii bɔŋmantikaati
(Maat 13.31-32, Luuki 13.18-19)
30Yeesu gíti lī yii: «Ti làá dū Unimbɔti Beel kí nántíǹ ba? Àá tibɔŋmantikaal tilati ní ti làá dūú ŋmàntī kí dàkà Dibeelee nín bí puee? 31Dì náań nì kii tikuŋfaal subiki kin bi yíì muutaadee bil ní. Bi yaa búĺ-dèe díǹ di sá kiwaai kitiŋ pu subiliŋ kɔkɔ kansikin. 32Ama bi nín búĺ-dèe ní dí nyā kí wíiǹ kí tɔ̄ apan kí kpántí busukpaambu kí jītíǹ tikuŋfaal tin kɔ kíǹee subiyaamu, áli nnɔmbiyaamu gba ŋūǹ kí dāá páań mu-diiŋŋi kí báĺ busubuee faatin.»
33Tibɔŋmantikaal nee jutiibi tikpil ní Yeesu nìn cáa sòoǹ nì bi u-bɔti, min ní bi nìn ŋūǹ kí gbìl̄ taapuee. 34Waa nìn sòoǹ nì bi fám an yaa kaa sá nì tibɔŋmantikaal. Boonee, u nì u-boonnooliibi yaa kíǹ bi-ŋmaniŋmee ní u cántí tibɔŋmantikaalee taapu ki tùkù-bi.
Yeesu yāntì kubuŋu ŋmíl̀
(Kpèè Maat 8.23-27, Luuki 8.22-25)
35Ŋwimbaanti gbanti jookuee, Yeesu bí u-boonnooliibi yii: «Tí dùtīmaan lapu buŋgbandi!» 36U-boonnooliibi yāntì kunipaau yàl̄ee, ní bi kɔ́ buŋalimbu bun ni u nìn kēe ki kpáaǹ-u ki búntì. Iŋaliŋfi iba mun nìn táá-u. 37Bi cée ní kubuŋkpaaŋŋu kubɔ kíĺ ki bíi jītí ki yòontí nnyim ki tòó buŋalimbun, ki yāntì buŋalimbuee bíi gbéè nnyim kpalaa. 38Ama Yeesu úǹ nìn dɔ̄ buŋalimbu boon pú ki kúĺ diyikuŋkul ki gèeǹ, ní u-boonnooliibi fīntì-u, ní ki bí-u yii: «Ukpil, ti nín làá kpúee, an kaa ká-saaa?» 39U fīntèe, ní ki kpātì kubuŋu pu ní ki tùkū dimɔɔl yii: «Ŋmīĺ kí dòon̄ soooo!» Niinee ní kubuŋu kpáàa gbēeǹ, ní an ŋmíl̀ fɔ́ŋfɔŋ díkí diki. 40Míǹ boonee ní Yeesu bālifì u-boonnooliibi yii: «Ba ŋá ní ni fāŋkì mimmee? Ba pu ní naa máká m-pu?» 41Tifaandi nìn baasii kɔ́-bi tikpil, ní bi bàlifī tɔb yii: «Kijapaai nee nín baasii sá ŋma dee, ní ki sòoǹ kubuŋu nì dimɔɔl gbìliǹ-u míǹ nan dee#4.41 Dūú ŋmàntī nì Ilan 65.8, 89.10, 107.23-32.?»
ទើបបានជ្រើសរើសហើយ៖
Marc 4: BASSARDC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE EN N'TCHAM (Bassar) © Alliance Biblique du Togo, 2013.
Marc 4
4
Uwambooyaanli bɔŋmantikaati
(Kpèè Maat 13.1-9, Luuki 8.4-8)
1Yeesu tí kíĺ ki bíi dàkà Unimbɔti bɔti Galiilee mɔɔl caŋin, ní kunipaau kóoǹní ki kpáfì u-cee. Bi-wíiŋŋu puee, ní u jɔ́m̀ ki kāl̀ buŋalimbun nnyim pu, ní kunipaauee kɔkɔ sí dimɔɔgbandi ki pìlīǹ-u. 2U nìn cáá tibɔŋmantikaal tikpil ki sòoǹ nì bi tibɔti ní ki dàkà-bi ki bí-bi yii: 3«Pīlifìmaan! Uwaŋyaanli ubɔ nyáń kí yàaǹ u-wamboolii. 4U bíi yàantée ní iba lítì nsan pu, ní ilunlukuti dɔ́miń ki dūu jíń. 5Iba mun lítì kuteeu pu, laakin kitiŋ kaa nyóòyee ní ki pūtì kpáàa nyáń. 6Ŋwìiń píĺee ní i kpíì kun puee kitiŋ kaa nyóò inyaan ń kɔ́. 7Iba mun lítì ikuŋkumin ki nyáń, ní ikuŋkum wíiǹ ki múkuǹ i-pu, ní iaa ŋúń ki lòon̄. 8In kíǹee mun lítì laakin kitiŋ ŋān̄ee, ki nyáń ki wíiǹ ki cáá apoo, ní ki lòon̄ ifin. Iba cáá abil mmuŋku nì saalaa, iba mun imuŋku ita, in kíǹee mun dilaataal.» 9Ní u gíti kútì ki lī yii: «Sii un yaa cáá ditafalee ń gbìl̄!»
Kun pu Yeesu cáá tibɔti ki ŋmàntēe
(Kpèè Maat 13.10-17, Luuki 8.9-10)
10Ŋyunti ŋun u kíǹ u-babee ní bin nìn cēentí-uee nì u-boonnooliibi saalaa nì bilee bālifì-u tibɔŋmantikaalee taapu. 11Ní u kíí-bi yii: «Unimbɔti yāntì nimbi béè u-Beel bɔti tin nìn bí dibalinee taapu. An yaa kíǹ bifantantiibee, an sá tibɔti ní bí nīn cáa ŋmàntī-bi, 12án nín làá ŋá pu ní:
<Bi-nimbiliŋ ń nīn kpítì bí taa nín̄ wāĺ,
bí nīn pílifí mun tikpil kí taa nín̄ gbìl̀ee.
An yaa yíì,
bi yaa kpēē ki wál̀, ki yaa pílifì mun ki gbìl̄ee,
bi féeń bi-saŋkpitii, Unimbɔti ń dū bi-kpitii kí pɔ̄-bi#4.12 Yees 6.9-10.!>»
Uwaŋyaanli bɔŋmantikaati taapu
(Kpèè Maat 13.18-23, Luuki 8.11-15)
13Míǹ boonee ní Yeesu gíti lī-bi yii: «Naa gbìl̀ tibɔŋmantikaal nee taapuɔɔ! Kin ni làá dāá ŋá mana kí gbìl̄ tin kíǹee taapu? 14An sá Unimbɔti nyɔɔbundi ní uwaŋyaanlee bí ki yàantí. 15Binib biba náań nì iwambool in lítì nsan puee ní. Binibee yaa gbìl̄ dinyɔɔbundee, Sitaan dòoń ki lèekī dicilpu tibɔti tin bi búĺ bi-pɔbiliŋinee. 16Míǹ mbaantiim ní binib biba náań nì kuteeu, laakin iwambool lítèe. Binibee yaa gbìl̄ dinyɔɔbundee, bi fòol̄-dì nì dipɔɔpindi. 17Nì min kɔkɔ bi fòol̄ mimmee, baa cáá inyaan kí sīĺ kí báań. Bi nín fōō dinyɔɔbundee puee, an yaa sá digìńdi kii disàandi di yaa jéetì bi-puee ní bí dū dimákal din bi cáá Unimbɔti puee kí fá malaa. 18Biba mun náań nì iwambool in lítì ikuŋkuminee ní. Bíǹ di sá bin gbìl̀ dinyɔɔbundee, 19ní duulinya landɔkɔi páb́-bi, tigaajati ŋmàtíǹ-bi, ní nnimbitaataam mun cáá-bi. An wantee kɔkɔ mūkuntí ki bìintí dinyɔɔbundee pu, ní dàa ŋūǹ kí lòoǹ abil. 20Biba mun tí náań nì laakin kitiŋ ŋān̄ iwamboolee lítèe ní. Bíǹ di sá bin gbìl̄ dinyɔɔbundee ki fōō-dì, ní ki lòoǹ abil. Ŋfin ŋubɔ pu lòon̄ mmuŋku nì saalaa, ŋubɔ imuŋku ita, ŋubɔ mun dilaataal.»
Fitila bɔŋmantikaati
(Kpèè Luuki 8.16-18)
21Ní u gíti bí-bi yii: «Baa tùutī fitila kí dūú tàkan̄ kulɔŋŋun, kaa tí dù-u kí síiń kilambaŋ taapu. Bi dù fitila kí tɔ́kɔń kifaŋkɔlii pu ní#4.21 Dūú ŋmàntī nì Maat 5.15, Luuki 11.33.. 22Míǹ ní tin kɔkɔ pu binib bìintée làá dāá bìitī. Tiba kaa bí dibalin kaa làá nyā mpaampiin pu. 23Sii un cáá ditafalee ń gbìl̄!» 24Ní u tí bí-bi yii: «Ní nīn pílifí tibɔti nee tiŋan. Ni nín ŋmāntì pu ki tīīyee, Unimbɔti dāa ŋmàntī míǹ ní kí tīī-ni, kí gbéeǹ-ni gba án yàaǹ. 25Di sá yii Unimbɔti dāa kútí un cááyee ní kí fōō un kaa cááyee cee fiii un u bàà cááyee.»
Ŋwambool nín dì pu kí nyēe
26U gíti lī yii: «Unimbɔti Beel náań nì kii unil nín yàantí iwambool kitiŋ puee ní. 27U yaa gèeǹeeee, u yaa wāĺeeee, kunyeeueeee, ŋwiimpueeee, iwamboolee nyēē ki wīintí, waa kpāantí kí béé an nín dì pu ní kí dāá ŋá mimmee. 28Kitiŋ ki-ba càntī iwambool ń nyā kí cáá apoo kí màtī, ní kí lòoǹ abil ifinni. 29Abil yaa bīń ki dóòyee, mimmee, kudiceeu bāań dee ní bí yòon̄ kijiki kí kɔ́ kí cā#4.29 Dūú ŋmàntī nì Joow 4.13..»
Kiwamboolii bɔŋmantikaati
(Maat 13.31-32, Luuki 13.18-19)
30Yeesu gíti lī yii: «Ti làá dū Unimbɔti Beel kí nántíǹ ba? Àá tibɔŋmantikaal tilati ní ti làá dūú ŋmàntī kí dàkà Dibeelee nín bí puee? 31Dì náań nì kii tikuŋfaal subiki kin bi yíì muutaadee bil ní. Bi yaa búĺ-dèe díǹ di sá kiwaai kitiŋ pu subiliŋ kɔkɔ kansikin. 32Ama bi nín búĺ-dèe ní dí nyā kí wíiǹ kí tɔ̄ apan kí kpántí busukpaambu kí jītíǹ tikuŋfaal tin kɔ kíǹee subiyaamu, áli nnɔmbiyaamu gba ŋūǹ kí dāá páań mu-diiŋŋi kí báĺ busubuee faatin.»
33Tibɔŋmantikaal nee jutiibi tikpil ní Yeesu nìn cáa sòoǹ nì bi u-bɔti, min ní bi nìn ŋūǹ kí gbìl̄ taapuee. 34Waa nìn sòoǹ nì bi fám an yaa kaa sá nì tibɔŋmantikaal. Boonee, u nì u-boonnooliibi yaa kíǹ bi-ŋmaniŋmee ní u cántí tibɔŋmantikaalee taapu ki tùkù-bi.
Yeesu yāntì kubuŋu ŋmíl̀
(Kpèè Maat 8.23-27, Luuki 8.22-25)
35Ŋwimbaanti gbanti jookuee, Yeesu bí u-boonnooliibi yii: «Tí dùtīmaan lapu buŋgbandi!» 36U-boonnooliibi yāntì kunipaau yàl̄ee, ní bi kɔ́ buŋalimbu bun ni u nìn kēe ki kpáaǹ-u ki búntì. Iŋaliŋfi iba mun nìn táá-u. 37Bi cée ní kubuŋkpaaŋŋu kubɔ kíĺ ki bíi jītí ki yòontí nnyim ki tòó buŋalimbun, ki yāntì buŋalimbuee bíi gbéè nnyim kpalaa. 38Ama Yeesu úǹ nìn dɔ̄ buŋalimbu boon pú ki kúĺ diyikuŋkul ki gèeǹ, ní u-boonnooliibi fīntì-u, ní ki bí-u yii: «Ukpil, ti nín làá kpúee, an kaa ká-saaa?» 39U fīntèe, ní ki kpātì kubuŋu pu ní ki tùkū dimɔɔl yii: «Ŋmīĺ kí dòon̄ soooo!» Niinee ní kubuŋu kpáàa gbēeǹ, ní an ŋmíl̀ fɔ́ŋfɔŋ díkí diki. 40Míǹ boonee ní Yeesu bālifì u-boonnooliibi yii: «Ba ŋá ní ni fāŋkì mimmee? Ba pu ní naa máká m-pu?» 41Tifaandi nìn baasii kɔ́-bi tikpil, ní bi bàlifī tɔb yii: «Kijapaai nee nín baasii sá ŋma dee, ní ki sòoǹ kubuŋu nì dimɔɔl gbìliǹ-u míǹ nan dee#4.41 Dūú ŋmàntī nì Ilan 65.8, 89.10, 107.23-32.?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE EN N'TCHAM (Bassar) © Alliance Biblique du Togo, 2013.