Marc 3
3
Yeesu cáaǹ unil un ŋal fákée ubɔ
(Kpèè Maat 12.9-14, Luuki 6.6-11)
1Yeesu nìn fātìi kɔ́ kukpafidiin. Uninja ubɔ nìn bí niin u-ŋal fáká. 2Fariisab nìn bíi cɔ́ŋkí Yeesu kí kpèè u yaa làá cáaǹ-u ŋwiŋŋuŋfikaa dal, bí ŋmā kí ká nnaakpal kí lì yii u yīntì. 3Ní Yeesu bí unil un ŋal fákée yii: «Yīkì kí sīĺ ti-kansikin báà ŋma nimbiin.» 4Ní u bālifì-bi yii: «Ti-marau pú nsan tí ŋá tiŋan ŋwiŋŋuŋfikaa dalaaa, tí ŋá tikpitil ní? An pú nsan yii tí fīī unil naaa, tí kpɔ̀-u ní?» Ní bi ŋmí. 5U nìn kpēē-bi dinimbil ki māntì, ki fōō bi-pu diŋuul, ama ní bi-pɔɔgbifiŋŋu mun nìn kɔ́ǹ-u kunimbaau. Ní u bí un ŋal fákée yii: «Tàntī a-ŋal!» Ní u tāntì-ŋu, ní u-ŋal ŋáŋkì. 6Niin niin ní Fariisab nyáń ki nyàab̄ ubɔti Eeroodi naacimbi bí kpāfì kí nyàab̀ nsan ŋun bi làá dī kí kpɔ̀ Yeesuee.
Kunipaau dɔ́miń Yeesu cee dimɔɔl caŋin
7Niinee ní Yeesu nì u-boonnooliibi nyáń ki cūtì dimɔɔl caŋin. Kunipaau nìn táá-u ki nyánní Galiilee nì Juudee, 8nì Jeerusaleem nì Idumee, nì Jɔɔdan buŋgbandi lapu pu, nì Tiir nì Siidɔn tiŋgbammun. Kunipaauee kɔkɔ nìn gbìl̄ tin kɔkɔ u ŋáańee ní ki dɔ́miń u-cee. 9Ní u bí u-boonnooliibi yii bí bɔ́ntí-u kiŋaliŋwaai kiba nnyim pu ú kɔ́ kunipaauee ń taa láa nyīī kí mátí-u. 10Di sá yii u nìn cáaǹ binib tikpil, an yāntì bibunliibi kɔkɔ kpákà kí gbēē-u. 11Arasiniibi bin kā biwaatiibi puee yaa nìn ká-uee, bi nìn gbàantí u-nimbiin, ní bi kūuntí ki lì yii: «Sii di sá Unimbɔti Jipɔɔn!» 12U nìn kpàtī bi-pu ki lì-bi yii bí taa yàntī bí béé-u.
Yeesu lútì akpambal saalaa nì ali
(Kpèè Maat 10.1-4, Luuki 6.12-16)
13Boonee Yeesu jɔ́m̀ kigbantaŋ pu ní ki yíiń bin u lèe ní bi dɔ́miń u-cee. 14Niinee ní u lútì saalaa nì bili bí nīn sá u-kpambaliŋ u nì bi ń nīn kíǹ ki bí, ú nīn tūǹ-bi bí nīn sòoǹ u-bɔti, 15kí nīn cáá mpɔn ki jì arasiniibi. 16Binib saalaa nì bili bin u lútèe yiŋŋi sèé: Siimɔn - un u nìn páaǹ diyindi yii Peetrooyee#3.16 diyindi yii Peetrooyee: dūú ŋmàntī nì Maat 16.16-18, Yoow 1.42. -, 17nì Seebeedee jipɔmbi Yakubu nì Yoowaneesi - bin u pú diyindi yii Bɔwaneegeesee an taapu sá yii «Binib bin náań nì ataadunee#3.17 Dūú ŋmàntī nì Luuki 9.54.» -. 18Bin kíǹee di sá Andree nì Fiiliipi nì Baateeleemii nì Maatiiu nì Toomasi, nì Yakubu Alfee jipɔɔn, nì Tadee nì Siimɔn un nìn là kí já nì Room yabee, 19nì Juudasi Isikaariyɔti, un dāa dū Yeesu ki tīī u-nannanliibee.
Ikpiti in kaa cáá dipɔlee
20Míǹ boonee, ní bi nín gítí mmɔŋki, ní kunipaau tí kóoǹní ki múkuǹ. An yāntì Yeesu nì u-boonnooliibi kaa ti kpáàa cáá mpaan kí jī tijin. 21Yeesu yab gbìl̄ tin kɔkɔ jītée, ní bi yíkìi kíliń nsan kí dāá cúú-u, kun puee biba nìn lì yii: «U-yil lábitì ní.»
Yeesu kíí bin túǹ-u dibɔgabilee
(Kpèè Maat 12.22-32, Luuki 11.14-23, 12.10)
22Bimaradakaliibi biba nìn nyánní Jeerusaleem ki lì yii: «Arasiniibi kpiliu Beelseebuul#3.22 Beelseebuul : kpèè Maat 10.25. di kā u-pu. Úǹ pɔŋŋu ní u cáa jì arasiniibi.» 23Ní Yeesu yíiń-bi u-cee, ki gāā-bi dilaŋkpandi ki lī yii: «Mana ní Sitaan ŋūǹ kí jà Sitaan? 24Dibeel din nib yaa cúú di-ba ki yākatì mili ki jáaǹ tɔbee kaa ŋūǹ kí nīn bí kí cù ndan. 25Míǹ mun ní kudicaŋu kun di yaa cúú ku-ba ki yākatì mili ki jáaǹ tɔbee kaa tí ŋūǹ kí nīn bí ki cá. 26An yaa sá yii Sitaan yíkìi jáaǹ u-ba ki cúú u-ba ki yākatèe, mimmee, waa ŋūǹ kí nīn bí ki cá, u-pɔŋŋu kúntí ní.
27«Bi yaa kaa bóob́ upɔɔl ŋŋmii ki wāatì, ŋma di ŋūǹ kí kɔ́ u-dumpu kí kóoǹ u-wanti? See bí bóob́-u kí wàatī ní kí nín ŋmā kí kɔ́ kí kóoǹ u-wanti.
28«M sòoǹ nì ni ibaamɔn ní, nnibiyaamu ŋūǹ kí ká bi-kpitii kɔkɔ pɔ̄tam ki kpáaǹ tibɔfan tin bi sòon̄ Unimbɔtee. 29Ama un yaa sòon̄ Unimbɔti Fam tibɔfanee, úǹ kpá kí ká u-kpitii pɔ̄tam jaanjaan, di sá yii u kɔ́ diyìntil din kaa cáá dikúntilee ni!» 30Yeesu nìn lī míǹ, kun puee bi nìn lì yii: «U cáá arasinii u-ni!»
Yeesu na nì u-nabiyaamu
(Kpèè Maat 12.46-50, Luuki 8.19-21)
31Yeesu na nì u-nabiyaamu bāań ki sí mmɔŋki ki tú bí yíiń-u. 32Binib tikpil nìn kā ki gɔ́ń-u ní bi tùkū-u yii: «A-na nì a-nabiyaamu sí mmɔŋki ki nyàab̀-si.» 33Ní u kíí-bi yii: «Ŋma di sá m-na nì m-nabiyaamu?» 34U kpēē ki māntì ki tú bin nìn kā ki gɔ́ń-uee, ní ki lī yii: «Kpèèmaan, m-na nì m-nabiyaamu sèé nee! 35Un kamaa yaa ŋáań Unimbɔti nín là puee, udaan gbanti di sá m-naal, m-niisal nì m-na.»
ទើបបានជ្រើសរើសហើយ៖
Marc 3: BASSARDC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE EN N'TCHAM (Bassar) © Alliance Biblique du Togo, 2013.
Marc 3
3
Yeesu cáaǹ unil un ŋal fákée ubɔ
(Kpèè Maat 12.9-14, Luuki 6.6-11)
1Yeesu nìn fātìi kɔ́ kukpafidiin. Uninja ubɔ nìn bí niin u-ŋal fáká. 2Fariisab nìn bíi cɔ́ŋkí Yeesu kí kpèè u yaa làá cáaǹ-u ŋwiŋŋuŋfikaa dal, bí ŋmā kí ká nnaakpal kí lì yii u yīntì. 3Ní Yeesu bí unil un ŋal fákée yii: «Yīkì kí sīĺ ti-kansikin báà ŋma nimbiin.» 4Ní u bālifì-bi yii: «Ti-marau pú nsan tí ŋá tiŋan ŋwiŋŋuŋfikaa dalaaa, tí ŋá tikpitil ní? An pú nsan yii tí fīī unil naaa, tí kpɔ̀-u ní?» Ní bi ŋmí. 5U nìn kpēē-bi dinimbil ki māntì, ki fōō bi-pu diŋuul, ama ní bi-pɔɔgbifiŋŋu mun nìn kɔ́ǹ-u kunimbaau. Ní u bí un ŋal fákée yii: «Tàntī a-ŋal!» Ní u tāntì-ŋu, ní u-ŋal ŋáŋkì. 6Niin niin ní Fariisab nyáń ki nyàab̄ ubɔti Eeroodi naacimbi bí kpāfì kí nyàab̀ nsan ŋun bi làá dī kí kpɔ̀ Yeesuee.
Kunipaau dɔ́miń Yeesu cee dimɔɔl caŋin
7Niinee ní Yeesu nì u-boonnooliibi nyáń ki cūtì dimɔɔl caŋin. Kunipaau nìn táá-u ki nyánní Galiilee nì Juudee, 8nì Jeerusaleem nì Idumee, nì Jɔɔdan buŋgbandi lapu pu, nì Tiir nì Siidɔn tiŋgbammun. Kunipaauee kɔkɔ nìn gbìl̄ tin kɔkɔ u ŋáańee ní ki dɔ́miń u-cee. 9Ní u bí u-boonnooliibi yii bí bɔ́ntí-u kiŋaliŋwaai kiba nnyim pu ú kɔ́ kunipaauee ń taa láa nyīī kí mátí-u. 10Di sá yii u nìn cáaǹ binib tikpil, an yāntì bibunliibi kɔkɔ kpákà kí gbēē-u. 11Arasiniibi bin kā biwaatiibi puee yaa nìn ká-uee, bi nìn gbàantí u-nimbiin, ní bi kūuntí ki lì yii: «Sii di sá Unimbɔti Jipɔɔn!» 12U nìn kpàtī bi-pu ki lì-bi yii bí taa yàntī bí béé-u.
Yeesu lútì akpambal saalaa nì ali
(Kpèè Maat 10.1-4, Luuki 6.12-16)
13Boonee Yeesu jɔ́m̀ kigbantaŋ pu ní ki yíiń bin u lèe ní bi dɔ́miń u-cee. 14Niinee ní u lútì saalaa nì bili bí nīn sá u-kpambaliŋ u nì bi ń nīn kíǹ ki bí, ú nīn tūǹ-bi bí nīn sòoǹ u-bɔti, 15kí nīn cáá mpɔn ki jì arasiniibi. 16Binib saalaa nì bili bin u lútèe yiŋŋi sèé: Siimɔn - un u nìn páaǹ diyindi yii Peetrooyee#3.16 diyindi yii Peetrooyee: dūú ŋmàntī nì Maat 16.16-18, Yoow 1.42. -, 17nì Seebeedee jipɔmbi Yakubu nì Yoowaneesi - bin u pú diyindi yii Bɔwaneegeesee an taapu sá yii «Binib bin náań nì ataadunee#3.17 Dūú ŋmàntī nì Luuki 9.54.» -. 18Bin kíǹee di sá Andree nì Fiiliipi nì Baateeleemii nì Maatiiu nì Toomasi, nì Yakubu Alfee jipɔɔn, nì Tadee nì Siimɔn un nìn là kí já nì Room yabee, 19nì Juudasi Isikaariyɔti, un dāa dū Yeesu ki tīī u-nannanliibee.
Ikpiti in kaa cáá dipɔlee
20Míǹ boonee, ní bi nín gítí mmɔŋki, ní kunipaau tí kóoǹní ki múkuǹ. An yāntì Yeesu nì u-boonnooliibi kaa ti kpáàa cáá mpaan kí jī tijin. 21Yeesu yab gbìl̄ tin kɔkɔ jītée, ní bi yíkìi kíliń nsan kí dāá cúú-u, kun puee biba nìn lì yii: «U-yil lábitì ní.»
Yeesu kíí bin túǹ-u dibɔgabilee
(Kpèè Maat 12.22-32, Luuki 11.14-23, 12.10)
22Bimaradakaliibi biba nìn nyánní Jeerusaleem ki lì yii: «Arasiniibi kpiliu Beelseebuul#3.22 Beelseebuul : kpèè Maat 10.25. di kā u-pu. Úǹ pɔŋŋu ní u cáa jì arasiniibi.» 23Ní Yeesu yíiń-bi u-cee, ki gāā-bi dilaŋkpandi ki lī yii: «Mana ní Sitaan ŋūǹ kí jà Sitaan? 24Dibeel din nib yaa cúú di-ba ki yākatì mili ki jáaǹ tɔbee kaa ŋūǹ kí nīn bí kí cù ndan. 25Míǹ mun ní kudicaŋu kun di yaa cúú ku-ba ki yākatì mili ki jáaǹ tɔbee kaa tí ŋūǹ kí nīn bí ki cá. 26An yaa sá yii Sitaan yíkìi jáaǹ u-ba ki cúú u-ba ki yākatèe, mimmee, waa ŋūǹ kí nīn bí ki cá, u-pɔŋŋu kúntí ní.
27«Bi yaa kaa bóob́ upɔɔl ŋŋmii ki wāatì, ŋma di ŋūǹ kí kɔ́ u-dumpu kí kóoǹ u-wanti? See bí bóob́-u kí wàatī ní kí nín ŋmā kí kɔ́ kí kóoǹ u-wanti.
28«M sòoǹ nì ni ibaamɔn ní, nnibiyaamu ŋūǹ kí ká bi-kpitii kɔkɔ pɔ̄tam ki kpáaǹ tibɔfan tin bi sòon̄ Unimbɔtee. 29Ama un yaa sòon̄ Unimbɔti Fam tibɔfanee, úǹ kpá kí ká u-kpitii pɔ̄tam jaanjaan, di sá yii u kɔ́ diyìntil din kaa cáá dikúntilee ni!» 30Yeesu nìn lī míǹ, kun puee bi nìn lì yii: «U cáá arasinii u-ni!»
Yeesu na nì u-nabiyaamu
(Kpèè Maat 12.46-50, Luuki 8.19-21)
31Yeesu na nì u-nabiyaamu bāań ki sí mmɔŋki ki tú bí yíiń-u. 32Binib tikpil nìn kā ki gɔ́ń-u ní bi tùkū-u yii: «A-na nì a-nabiyaamu sí mmɔŋki ki nyàab̀-si.» 33Ní u kíí-bi yii: «Ŋma di sá m-na nì m-nabiyaamu?» 34U kpēē ki māntì ki tú bin nìn kā ki gɔ́ń-uee, ní ki lī yii: «Kpèèmaan, m-na nì m-nabiyaamu sèé nee! 35Un kamaa yaa ŋáań Unimbɔti nín là puee, udaan gbanti di sá m-naal, m-niisal nì m-na.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE EN N'TCHAM (Bassar) © Alliance Biblique du Togo, 2013.