ZEFANIA 3
3
Kaung'a na wukomboli ghwa Jerusalemu
1Ni bugha kwa Jerusalemu, muzi ghunonekie ghuleghagha kumsikira Mlungu na kukoronga wandu wake weni. 2Ndeghumsikiragha BWANA hata kurumiria makosa ghake. Ndeghumrumiriagha BWANA hata kulola wutesia ghwake. 3Wabaa wake weeka sa shimba irurumagha na watanyi wake sa vikwau viko njala, vijagha kwa lwafuo visedimagha kusighara hata indi nakesho. 4Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo. 5Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.
6BWANA waghamba, “Nameria kuritotesha mbari zima rose; namerie kuinona mizi yawo, mawurigha gharo na minara yawo. Chia rawo reesighwa nduu, ndekuwadie mndungi aho. 7Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.
8“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.
9“Niko nicharighalua mbari ra wandu wipate kunitasa ini niekeri, hata si milungu mizima anduangi. Wandu wose wichanisikira. 10Kufuma kimonu cha meda ya Kushi, wandu wapo wisasarikie wichacha na kuniredia mafunyo ghapo. 11Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli. 12Nichasigha wandu wikuserie na wa mboa aho, awo wilolagha wulindiri ghwapo. 13Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”#Wuf. 14.5
Lumbo lwa maboilo
14Borenyi mkeme kwa kuboilwa inyo wandu wa Israeli!
Boilonyi na kuzuma kwa ngolo renyu rose
inyo wandu wa Jerusalemu!
15BWANA wamerie kuinja ikabo jenyu,
wamerie kuwiwinga wamaiza wenyu wose;
BWANA, uo mzuri wa Israeli oko andwamweri nenyo,
ndemuwuyaaobua mawiwi ghangi sena anduangi.
16Ngelo iyo wichaizera Jerusalemu:
“Kusakeobua ee muzi ghwa Sioni!
Mikonu yako isaketeweleka.
17BWANA, uo Mlungu wako oko andwamweri na oho;
kudima kwake kuchakuredia wusimi.
BWANA uchaboilwa ni oho,
nao uchakuneka irangi iwishi kwa lukundo lwake.
Uchaboilwa na kuzuma aighu yako kwa kubora,
18sa wandu wiko ndimenyi.”
BWANA waghamba,
“Wowa ghwako ghooboa iro bugha naghumeria,
na kuinja agho masholio kuduesholelwa.
19Ngelo yaawuyacha;
nichawikaba wakorongi wako.
Nichawivuvua watighini wose,
na kuwighalisha wose weredwaloghe wunyika.
Waya ghwaro ghuchaghaluswa kunekwa ishima
na wurumwengu ghose ghuchawikuma.
20Ngelo iyo nichawiwunja mzinyi awo weresaghisiroghe;
nicham'bonya mmboneke wa ishima wurumwengunyi kose,
nicham'bonya mkaie nicha sena.” Ini BWANA naghamba.
ទើបបានជ្រើសរើសហើយ៖
ZEFANIA 3: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
ZEFANIA 3
3
Kaung'a na wukomboli ghwa Jerusalemu
1Ni bugha kwa Jerusalemu, muzi ghunonekie ghuleghagha kumsikira Mlungu na kukoronga wandu wake weni. 2Ndeghumsikiragha BWANA hata kurumiria makosa ghake. Ndeghumrumiriagha BWANA hata kulola wutesia ghwake. 3Wabaa wake weeka sa shimba irurumagha na watanyi wake sa vikwau viko njala, vijagha kwa lwafuo visedimagha kusighara hata indi nakesho. 4Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo. 5Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.
6BWANA waghamba, “Nameria kuritotesha mbari zima rose; namerie kuinona mizi yawo, mawurigha gharo na minara yawo. Chia rawo reesighwa nduu, ndekuwadie mndungi aho. 7Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.
8“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.
9“Niko nicharighalua mbari ra wandu wipate kunitasa ini niekeri, hata si milungu mizima anduangi. Wandu wose wichanisikira. 10Kufuma kimonu cha meda ya Kushi, wandu wapo wisasarikie wichacha na kuniredia mafunyo ghapo. 11Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli. 12Nichasigha wandu wikuserie na wa mboa aho, awo wilolagha wulindiri ghwapo. 13Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”#Wuf. 14.5
Lumbo lwa maboilo
14Borenyi mkeme kwa kuboilwa inyo wandu wa Israeli!
Boilonyi na kuzuma kwa ngolo renyu rose
inyo wandu wa Jerusalemu!
15BWANA wamerie kuinja ikabo jenyu,
wamerie kuwiwinga wamaiza wenyu wose;
BWANA, uo mzuri wa Israeli oko andwamweri nenyo,
ndemuwuyaaobua mawiwi ghangi sena anduangi.
16Ngelo iyo wichaizera Jerusalemu:
“Kusakeobua ee muzi ghwa Sioni!
Mikonu yako isaketeweleka.
17BWANA, uo Mlungu wako oko andwamweri na oho;
kudima kwake kuchakuredia wusimi.
BWANA uchaboilwa ni oho,
nao uchakuneka irangi iwishi kwa lukundo lwake.
Uchaboilwa na kuzuma aighu yako kwa kubora,
18sa wandu wiko ndimenyi.”
BWANA waghamba,
“Wowa ghwako ghooboa iro bugha naghumeria,
na kuinja agho masholio kuduesholelwa.
19Ngelo yaawuyacha;
nichawikaba wakorongi wako.
Nichawivuvua watighini wose,
na kuwighalisha wose weredwaloghe wunyika.
Waya ghwaro ghuchaghaluswa kunekwa ishima
na wurumwengu ghose ghuchawikuma.
20Ngelo iyo nichawiwunja mzinyi awo weresaghisiroghe;
nicham'bonya mmboneke wa ishima wurumwengunyi kose,
nicham'bonya mkaie nicha sena.” Ini BWANA naghamba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.