ZEFANIA 2
2
Kuvoya kwa kuhea
1Inyo mbari isewadie waya, kwanyikenyi mmbose m'bonye ikwanyiko 2imbiri mseinjiro sa mafozi ghadukwa ni mbeo, imbiri msechelo ni machu ghibirie gha BWANA, imbiri ijo ituku ja lubio jisechee aighu yenyu. 3Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.
Kutoteshwa kwa iro mbari riko mbai mbai ya Israeli
4Mndungi ndechaasigharika muzi ghwa Gaza. Ashkeloni ichakimbilwa ni wandu. Wandu wa Ashdodi wichafunywa kwa nusu ituku, na wandu wa Ekroni wichafunywa mzinyi kwawo.#Isa. 14.29-31; Jer. 47.1-7; Eze. 25.15-17; Joe. 3.4-8; Amo. 1.6-8; Zek. 9.5-7 5Ni bugha konyu inyo mkaiagha kaavui na bahari, inyo mbari ya Wakerethi. Ilagho ja Mlungu jaawuyaghora aighu yenyu ee wandu wa Kanaani isanga ja Wafilisti. BWANA uchamtotesha hata mndungi onyu ndechaasigharika. 6Inyo wandu wa pwani ya baharinyi, isanga jenyu jichawuya andu kolishira mfugho; kuchakaia na viwanda va walisha, na maranu gha ng'ondi. 7Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.
8BWANA Uwadie-Ndighi-Rose waghamba, “Nasikire madukano gha Moabu na masholio gha Waamoni, seji wiwidukanire wandu wapo, na kukukasa aighu ya isanga jawo.#Isa. 15.1–16.14; 25.10-12; Jer. 48.1–49.6; Eze. 21.28-32; 25.1-11; Amo. 1.13-15 9Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”#Kuz. 19.24
10Huwo niko wandu wa Moabu na Amoni wichaakabwa kwa wundu ghwa lukaso na kukuduka kwawo, na kwa kuwidukana wandu wa BWANA Uwadie-Ndighi-Rose. 11BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.
12Wokoni BWANA uchawibwagha Wakushi.#Isa. 18.1-7
13BWANA uchamtotesha Ashuru kwa ndighi rake. Muzi ghwa Nineve ghuchakimbilwa ghuwuye kireti chisena machi.#Isa. 10.5-34; 14.24-27; Nah. 1.1–3.19 14Kuchawuya andu kolishira, na nyamandu rose ra kula kichuku richakaia aho. Mkungi ghuchakaia a maghachonyi ghukibora aidirishenyi, na ngorusa avizingitinyi va mnyango; kazi yose ya mudi ghwa sida ibonyero ichainjwa. 15Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.
ទើបបានជ្រើសរើសហើយ៖
ZEFANIA 2: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
ZEFANIA 2
2
Kuvoya kwa kuhea
1Inyo mbari isewadie waya, kwanyikenyi mmbose m'bonye ikwanyiko 2imbiri mseinjiro sa mafozi ghadukwa ni mbeo, imbiri msechelo ni machu ghibirie gha BWANA, imbiri ijo ituku ja lubio jisechee aighu yenyu. 3Mghalukienyi BWANA inyo mmbose wandu wa isanga mkuserie, inyo m'bonyagha agho umlaghiragha. Bonyenyi ijo jiko ja hachi, mkusere mmbeni; kewada mwadima kufuilwa wughoma ijo ituku ja lubio lwa BWANA.
Kutoteshwa kwa iro mbari riko mbai mbai ya Israeli
4Mndungi ndechaasigharika muzi ghwa Gaza. Ashkeloni ichakimbilwa ni wandu. Wandu wa Ashdodi wichafunywa kwa nusu ituku, na wandu wa Ekroni wichafunywa mzinyi kwawo.#Isa. 14.29-31; Jer. 47.1-7; Eze. 25.15-17; Joe. 3.4-8; Amo. 1.6-8; Zek. 9.5-7 5Ni bugha konyu inyo mkaiagha kaavui na bahari, inyo mbari ya Wakerethi. Ilagho ja Mlungu jaawuyaghora aighu yenyu ee wandu wa Kanaani isanga ja Wafilisti. BWANA uchamtotesha hata mndungi onyu ndechaasigharika. 6Inyo wandu wa pwani ya baharinyi, isanga jenyu jichawuya andu kolishira mfugho; kuchakaia na viwanda va walisha, na maranu gha ng'ondi. 7Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.
8BWANA Uwadie-Ndighi-Rose waghamba, “Nasikire madukano gha Moabu na masholio gha Waamoni, seji wiwidukanire wandu wapo, na kukukasa aighu ya isanga jawo.#Isa. 15.1–16.14; 25.10-12; Jer. 48.1–49.6; Eze. 21.28-32; 25.1-11; Amo. 1.13-15 9Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”#Kuz. 19.24
10Huwo niko wandu wa Moabu na Amoni wichaakabwa kwa wundu ghwa lukaso na kukuduka kwawo, na kwa kuwidukana wandu wa BWANA Uwadie-Ndighi-Rose. 11BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.
12Wokoni BWANA uchawibwagha Wakushi.#Isa. 18.1-7
13BWANA uchamtotesha Ashuru kwa ndighi rake. Muzi ghwa Nineve ghuchakimbilwa ghuwuye kireti chisena machi.#Isa. 10.5-34; 14.24-27; Nah. 1.1–3.19 14Kuchawuya andu kolishira, na nyamandu rose ra kula kichuku richakaia aho. Mkungi ghuchakaia a maghachonyi ghukibora aidirishenyi, na ngorusa avizingitinyi va mnyango; kazi yose ya mudi ghwa sida ibonyero ichainjwa. 15Agho nigho ghichaaghupata muzi ghukukasire kwa ndighi rake, na wandu waro kughamba niwo wabaa wurumwengunyi. Ghuchasighwa mduu, na nyamandu richakaia aho. Kula mundu uidagha aho uchashinika na kusughusa chongo chake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.