ZEKARIA 7
7
BWANA kutanya kufunga tumu kuseko kwa loli
1Ituku ja kana ja mori ghwa ikenda ghuwangwagha Kislevu, mwaka ghwa kana ghwa kubonya nguma kwa Mzuri Dario, BWANA oreghorieghe na ini Zekaria.
2Wandu wa Betheli weredumieghe Shareza na Regem-meleki na wandu wawo Hekalunyi kwa BWANA Uwadie-Ndighi-Rose wilombe irasimio ja BWANA, 3na kukotia wakohani na walodi ikoto iji: “Welee, dichurie kulila na kufunga tumu kwa wundu ghwa kunonwa kwa Hekalu mori ghwa kasanu, seji diduebonya kwa miaka mingi?”
4BWANA ukanizera huwu, 5“Zera wakohani na waisanga wose kukaia, iji werekoghe wikifunga na kulila mori ghwa kasanu na ghwa mfungade kwa miaka iyo mirongo mfungade, ndewerebonyereghe huwo kwa ishima japo kungi. 6Na iji werejagha na kunywa, wadaaja kwa kukughudisha weni.” 7Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.
Kulegha kusikira niyo shekeria ya wandu kubarishwa
8BWANA ukaghora na Zekaria ukighamba, 9“Kala nerewinekieghe wandu wapo sharia iri: ‘Mlindie kubonya hachi, mkaie na wughoma mmbeni na mmbeni. 10Msewikoronge waka wakiwa, wana wakiwa, waghenyi wiko aghadi konyu, angu mndungi usowagha. Msekaie na njama em'bonyera mndungi kiwiwi chingi.’
11“Ela wandu wapo wereleghieghe kusikira, wikaghilika, wikafindika madu ghawo wisesikire. 12Wikakurisha ngolo rawo sa igho wisesikire sharia, na malagho ghapo agho nereghidumieghe kwa Roho wapo kwa chia ya walodi wa imbiri. Kwa huwo ngajokwa ni machu mabaa. 13Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe. 14Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”
ទើបបានជ្រើសរើសហើយ៖
ZEKARIA 7: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
ZEKARIA 7
7
BWANA kutanya kufunga tumu kuseko kwa loli
1Ituku ja kana ja mori ghwa ikenda ghuwangwagha Kislevu, mwaka ghwa kana ghwa kubonya nguma kwa Mzuri Dario, BWANA oreghorieghe na ini Zekaria.
2Wandu wa Betheli weredumieghe Shareza na Regem-meleki na wandu wawo Hekalunyi kwa BWANA Uwadie-Ndighi-Rose wilombe irasimio ja BWANA, 3na kukotia wakohani na walodi ikoto iji: “Welee, dichurie kulila na kufunga tumu kwa wundu ghwa kunonwa kwa Hekalu mori ghwa kasanu, seji diduebonya kwa miaka mingi?”
4BWANA ukanizera huwu, 5“Zera wakohani na waisanga wose kukaia, iji werekoghe wikifunga na kulila mori ghwa kasanu na ghwa mfungade kwa miaka iyo mirongo mfungade, ndewerebonyereghe huwo kwa ishima japo kungi. 6Na iji werejagha na kunywa, wadaaja kwa kukughudisha weni.” 7Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.
Kulegha kusikira niyo shekeria ya wandu kubarishwa
8BWANA ukaghora na Zekaria ukighamba, 9“Kala nerewinekieghe wandu wapo sharia iri: ‘Mlindie kubonya hachi, mkaie na wughoma mmbeni na mmbeni. 10Msewikoronge waka wakiwa, wana wakiwa, waghenyi wiko aghadi konyu, angu mndungi usowagha. Msekaie na njama em'bonyera mndungi kiwiwi chingi.’
11“Ela wandu wapo wereleghieghe kusikira, wikaghilika, wikafindika madu ghawo wisesikire. 12Wikakurisha ngolo rawo sa igho wisesikire sharia, na malagho ghapo agho nereghidumieghe kwa Roho wapo kwa chia ya walodi wa imbiri. Kwa huwo ngajokwa ni machu mabaa. 13Na angu wereleghieghe kusikira iji nereghorieghe nawo, nanimoni ngalegha kusikira iji werelombieghe. 14Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.