ZEKARIA 6
6
Mawono gha magare ana
1Nao ngazighana ngawona magare ana ghafuma ghadi na ghadi ya mighondi iwi erekoghe ya shaba. 2Igare ja imbiri jerekokoteroghe ni farasi ra ngundu, ja kawi jerekokoteroghe ni farasi ra chilu,#Wuf. 6.4,5 3ja kadadu jerekokoteroghe ni farasi ra chokwa, na ja kana jerekokoteroghe ni farasi ra maboli gha fusifusi.#Wuf. 6.2 4Niko ngamkotia uo malaika, “Agha magare kutambua kwaro niki bwana wapo?” 5Ukanitumbulia, “Iri ni mbeo inya ra mlungunyi rafuma kummbona Bwana wa ndoenyi kose.”#Wuf. 7.1
6Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi. 7Nao iji farasi riwadie ndighi rafuma, ndererekundeghe kuwesera, rikakunda kughenda kuizighana ndoe! Niko malaika ukaghamba, “Ghendenyi muizighane ndoe.” Rikaghenda na kuizighana ndoe. 8Malaika ukanizera kwa lwaka lubaa, “Ola iri righendagha cha Babuloni ijo isanga ja kaskazinyi, rahoresha machu gha BWANA.”
BWANA kulaghira Joshua ungiro kirumbu
9BWANA ukaghora nani ukighamba, 10“Wada agha manosi kufuma kwa Heldai, Tobija na Jedaia, awo wandu wifumie wubarishonyi Babuloni, kughende shwa-shwa nyumbenyi kwa Josia mwana wa Zefania. 11Kubonye kirumbu cha feza na dhahabu kwariwusa kwawo, nao kumrushe Mkohani M'baa Joshua mwana wa Jehosadaki chongonyi kwake. 12Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.#Jer. 23.5; 33.15; Zek. 3.8 13Uo nuo uchaaiagha Hekalu ya BWANA, nao uchanekwa ishima jewuya mzuri na kuwibonyera nguma wandu wake. Mkohani uchakaia kaavui nao ukikaia kifumbinyi cha kiwuzuri, nawo wichabonya kazi chiaimweri kwa wumboa na sere.’ 14Icho kirumbu chichakaia lukumbuso andenyi ya Hekalu ya BWANA kuwikumbuka Heldai, Tibija, Jedaia, na Josia mwana wa Zefania.”
15Wandu wa kula wichacha kutesia kuiagha Hekalu ya BWANA, nenyo mchamanya kukaia ni BWANA Uwadie-Ndighi-Rose unidumie konyu. Maza iri rose richabonyeka kasikira mwafunga ndighi kumsikira BWANA Mlungu onyu.
ទើបបានជ្រើសរើសហើយ៖
ZEKARIA 6: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
ZEKARIA 6
6
Mawono gha magare ana
1Nao ngazighana ngawona magare ana ghafuma ghadi na ghadi ya mighondi iwi erekoghe ya shaba. 2Igare ja imbiri jerekokoteroghe ni farasi ra ngundu, ja kawi jerekokoteroghe ni farasi ra chilu,#Wuf. 6.4,5 3ja kadadu jerekokoteroghe ni farasi ra chokwa, na ja kana jerekokoteroghe ni farasi ra maboli gha fusifusi.#Wuf. 6.2 4Niko ngamkotia uo malaika, “Agha magare kutambua kwaro niki bwana wapo?” 5Ukanitumbulia, “Iri ni mbeo inya ra mlungunyi rafuma kummbona Bwana wa ndoenyi kose.”#Wuf. 7.1
6Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi. 7Nao iji farasi riwadie ndighi rafuma, ndererekundeghe kuwesera, rikakunda kughenda kuizighana ndoe! Niko malaika ukaghamba, “Ghendenyi muizighane ndoe.” Rikaghenda na kuizighana ndoe. 8Malaika ukanizera kwa lwaka lubaa, “Ola iri righendagha cha Babuloni ijo isanga ja kaskazinyi, rahoresha machu gha BWANA.”
BWANA kulaghira Joshua ungiro kirumbu
9BWANA ukaghora nani ukighamba, 10“Wada agha manosi kufuma kwa Heldai, Tobija na Jedaia, awo wandu wifumie wubarishonyi Babuloni, kughende shwa-shwa nyumbenyi kwa Josia mwana wa Zefania. 11Kubonye kirumbu cha feza na dhahabu kwariwusa kwawo, nao kumrushe Mkohani M'baa Joshua mwana wa Jehosadaki chongonyi kwake. 12Kumzere, BWANA Uwadie-Ndighi-Rose waghamba, ‘Mundu uwangwaghwa Lumbashu uchakuboisa andu kukaiagha, nao uchaiagha Hekalu ya BWANA.#Jer. 23.5; 33.15; Zek. 3.8 13Uo nuo uchaaiagha Hekalu ya BWANA, nao uchanekwa ishima jewuya mzuri na kuwibonyera nguma wandu wake. Mkohani uchakaia kaavui nao ukikaia kifumbinyi cha kiwuzuri, nawo wichabonya kazi chiaimweri kwa wumboa na sere.’ 14Icho kirumbu chichakaia lukumbuso andenyi ya Hekalu ya BWANA kuwikumbuka Heldai, Tibija, Jedaia, na Josia mwana wa Zefania.”
15Wandu wa kula wichacha kutesia kuiagha Hekalu ya BWANA, nenyo mchamanya kukaia ni BWANA Uwadie-Ndighi-Rose unidumie konyu. Maza iri rose richabonyeka kasikira mwafunga ndighi kumsikira BWANA Mlungu onyu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.