ZEKARIA 2
2
Mawono gha kamba epima
1Nerezighanireghe andenyi ya mawono ghamu ngawona mundu wawadia kamba epima! 2Ngamkotia, “Kwendao?” Ukanitumbulia, “Niaendapima Jerusalemu niwone ngera wushapa ghwaro na wulacha ghwaro ghwang'ane wada.”
3Niko ngawona uo malaika oreghoragha nani ukicha imbiri, na malaika mzima ukacha kukwana nao. 4Ukamzera mmbao, “Kimbia kumzere uja mdawana uwadie kamba epima kukaia kuchakaia na wandu wengi na mfugho nyingi andenyi ya Jerusalemu risedimagha kuaghilwa wurigha. 5Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”
Wandu werebarishiroghe kuwangwa mzawo
6BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.” 7BWANA waghamba sena, “Choonyi inyo wandu wa Sioni, fumenyi inyo morekaiagha muzi ghwa Babuloni. 8Kwa kukaia BWANA Uwadie-Ndighi-Rose waghamba huwu aighu ya awo werewusagha vilambo venyu kukaia, uo umuadadagha inyo, uaadada mundu wa iriso japo. 9BWANA moni uchalwa nenyo, nenyo mchasokwa vilambo ni awo morewibonyereghe wadumiki wenyu.” Niko mchaamanya kukaia BWANA Uwadie-Ndighi-Rose wanidumie.
10BWANA waghamba, “Borenyi na kuzuma ee wandu wa Jerusalemu, angu nichacha kukaia aghadi konyu.” 11Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie. 12Juda uchawuya ifungu ja BWANA aighu ya mghondi ghwake ghwa wueli, na Jerusalemu ichakaia muzi ghwake ghukundikie na andu kwake kokaia.
13Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.
ទើបបានជ្រើសរើសហើយ៖
ZEKARIA 2: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
ZEKARIA 2
2
Mawono gha kamba epima
1Nerezighanireghe andenyi ya mawono ghamu ngawona mundu wawadia kamba epima! 2Ngamkotia, “Kwendao?” Ukanitumbulia, “Niaendapima Jerusalemu niwone ngera wushapa ghwaro na wulacha ghwaro ghwang'ane wada.”
3Niko ngawona uo malaika oreghoragha nani ukicha imbiri, na malaika mzima ukacha kukwana nao. 4Ukamzera mmbao, “Kimbia kumzere uja mdawana uwadie kamba epima kukaia kuchakaia na wandu wengi na mfugho nyingi andenyi ya Jerusalemu risedimagha kuaghilwa wurigha. 5Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”
Wandu werebarishiroghe kuwangwa mzawo
6BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.” 7BWANA waghamba sena, “Choonyi inyo wandu wa Sioni, fumenyi inyo morekaiagha muzi ghwa Babuloni. 8Kwa kukaia BWANA Uwadie-Ndighi-Rose waghamba huwu aighu ya awo werewusagha vilambo venyu kukaia, uo umuadadagha inyo, uaadada mundu wa iriso japo. 9BWANA moni uchalwa nenyo, nenyo mchasokwa vilambo ni awo morewibonyereghe wadumiki wenyu.” Niko mchaamanya kukaia BWANA Uwadie-Ndighi-Rose wanidumie.
10BWANA waghamba, “Borenyi na kuzuma ee wandu wa Jerusalemu, angu nichacha kukaia aghadi konyu.” 11Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie. 12Juda uchawuya ifungu ja BWANA aighu ya mghondi ghwake ghwa wueli, na Jerusalemu ichakaia muzi ghwake ghukundikie na andu kwake kokaia.
13Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.