ZEKARIA 1
1
BWANA kuwanga wandu wake wimmburie
1Mori ghwa wunyanya, mwaka ghwa kawi ghwa kubonya nguma kwa Dario, mzuri wa Pashia, BWANA oremnekieghe mlodi Zekaria mwana wa Berekia, wawae Ido malagho gha wulodi.#Ezr. 4.24–5.1; 6.14 2BWANA Uwadie-Ndighi-Rose ukamzera Zekaria uwighorie wandu, “Ini BWANA nazamilo ni weke ndeyo nandighi, 3ela idana namzera, ‘Niwurienyi ini nani nichammburia. 4Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe. 5Weke ndeyo na walodi waro ndewiduagha. 6Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”
Mlodi kuwona mawono gha farasi
7Ituku ja mirongo iwi na inya ja mori ghwa ikumi na imweri ghuwangwagha Shebati, mwaka ghwa kawi ghwa kubonya nguma kwa Mzuri Dario, BWANA oreghorieghe na ini mlodi Zekaria kwa mawono nakio. 8Ngawona malaika wa BWANA ukijoka farasi ya ngundu! Orekoghe wakaia kimusi aghadi ya midi ya mhadasi a ivongonyi na nyuma yake korekoghe na farasi rimu; ra ngundu, ra mshashu na ra chokwa.#Wuf. 6.2-4 9Niko ngamkotia, “Kutambua kwaro iri farasi niki BWANA wapo?” Ukatumbulia, “Nichakuwonyera kutambua kwaro. 10BWANA ooriduma rilawuo ndoenyi.” 11Nao iro farasi rikamzera uja malaika, “Damara-mara wurumwengunyi kose dikawona ghooka kima ghusewadie wutesia ghungi.”
12Malaika wa BWANA ukaghamba, “Ee BWANA Kuwadie-Ndighi-Rose, kwakaia na machu aighu ya Jerusalemu na mizi ya Juda kwa miaka mirongo mfungade. Kuchawifuyali wughoma?” 13BWANA ukamtumbulia uo malaika kwa malagho gha mvono ghehoresha ngolo. 14Niko uo malaika orekoghe ukidedanya nani ukanizera nighore kukaia BWANA Uwadie-Ndighi-Rose waghamba, “Neko na lukundo na msigo m'baa aighu ya Jerusalemu muzi ghwapo ghwa wueli; 15nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga. 16Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”
17Nao uo malaika ukanizera nighambe kukaia BWANA Uwadie-Ndighi-Rose waghamba, “Mizi yapo ichakaia nicha sena, na ini BWANA nichaghuhoresha Sioni na kughusaghua Jerusalemu sena ghukaie ghwapo.”
Mawono gha mbembe
18Sena ngawona kwa mawono mbembe ra ng'ombe inya. 19Ngamkotia uo malaika oreghoragha nani, “Iri mbembe kutambua kwaro niki?” Nao ukanitumbulia, “Uku ni kuja kudima kuko wurumwengunyi kusaghisire wandu wa Juda na Israeli na Jerusalemu.” 20Niko BWANA ukaniwonyera wachani vuma bana. 21Ngakotia, “Awandu wachabonyaki?” Ukatumbulia, “Waacha kughukambira chongo wurumwengu, na kurikumba noko iro mbari ra wandu werejifashagha isanga ja Juda na kuwisaghisa wandu wake.”
ទើបបានជ្រើសរើសហើយ៖
ZEKARIA 1: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
ZEKARIA 1
1
BWANA kuwanga wandu wake wimmburie
1Mori ghwa wunyanya, mwaka ghwa kawi ghwa kubonya nguma kwa Dario, mzuri wa Pashia, BWANA oremnekieghe mlodi Zekaria mwana wa Berekia, wawae Ido malagho gha wulodi.#Ezr. 4.24–5.1; 6.14 2BWANA Uwadie-Ndighi-Rose ukamzera Zekaria uwighorie wandu, “Ini BWANA nazamilo ni weke ndeyo nandighi, 3ela idana namzera, ‘Niwurienyi ini nani nichammburia. 4Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe. 5Weke ndeyo na walodi waro ndewiduagha. 6Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”
Mlodi kuwona mawono gha farasi
7Ituku ja mirongo iwi na inya ja mori ghwa ikumi na imweri ghuwangwagha Shebati, mwaka ghwa kawi ghwa kubonya nguma kwa Mzuri Dario, BWANA oreghorieghe na ini mlodi Zekaria kwa mawono nakio. 8Ngawona malaika wa BWANA ukijoka farasi ya ngundu! Orekoghe wakaia kimusi aghadi ya midi ya mhadasi a ivongonyi na nyuma yake korekoghe na farasi rimu; ra ngundu, ra mshashu na ra chokwa.#Wuf. 6.2-4 9Niko ngamkotia, “Kutambua kwaro iri farasi niki BWANA wapo?” Ukatumbulia, “Nichakuwonyera kutambua kwaro. 10BWANA ooriduma rilawuo ndoenyi.” 11Nao iro farasi rikamzera uja malaika, “Damara-mara wurumwengunyi kose dikawona ghooka kima ghusewadie wutesia ghungi.”
12Malaika wa BWANA ukaghamba, “Ee BWANA Kuwadie-Ndighi-Rose, kwakaia na machu aighu ya Jerusalemu na mizi ya Juda kwa miaka mirongo mfungade. Kuchawifuyali wughoma?” 13BWANA ukamtumbulia uo malaika kwa malagho gha mvono ghehoresha ngolo. 14Niko uo malaika orekoghe ukidedanya nani ukanizera nighore kukaia BWANA Uwadie-Ndighi-Rose waghamba, “Neko na lukundo na msigo m'baa aighu ya Jerusalemu muzi ghwapo ghwa wueli; 15nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga. 16Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”
17Nao uo malaika ukanizera nighambe kukaia BWANA Uwadie-Ndighi-Rose waghamba, “Mizi yapo ichakaia nicha sena, na ini BWANA nichaghuhoresha Sioni na kughusaghua Jerusalemu sena ghukaie ghwapo.”
Mawono gha mbembe
18Sena ngawona kwa mawono mbembe ra ng'ombe inya. 19Ngamkotia uo malaika oreghoragha nani, “Iri mbembe kutambua kwaro niki?” Nao ukanitumbulia, “Uku ni kuja kudima kuko wurumwengunyi kusaghisire wandu wa Juda na Israeli na Jerusalemu.” 20Niko BWANA ukaniwonyera wachani vuma bana. 21Ngakotia, “Awandu wachabonyaki?” Ukatumbulia, “Waacha kughukambira chongo wurumwengu, na kurikumba noko iro mbari ra wandu werejifashagha isanga ja Juda na kuwisaghisa wandu wake.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.