ZEKARIA 13
13
1BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo. 2Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu. 3Mndungi ukawoneka ukifunya wulodi sena, ndee na mae wimvae wichamzera, ni suti kufo angu kwawuyaghora tee kwa irina ja BWANA; ukafunya wulodi ndee na mae wimvae wichamdunga na ndagha. 4Ngelo iyo ikavika, kula mlodi uchafushwa waya ni mawono ghake. Ndechaarwa ikoti ja mafuri, eri ukalie wandu, 5ela uchaghamba, ‘Ini se mlodi ungi, ne mlimi; mbuwa niyo mali yapo kufuma wanake ghwapo.’ 6Mndungi ukamkotia, ‘Ivo vilema kuko navo mumbinyi ni va indoki?’ Uchatumbulia, ‘Neevipata nyumbenyi kwa mghenyi wapo.’”
Momu ghom'bwagha Mlisha wa Mlungu
7BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;#Mat. 26.31; Mk. 14.27 8na mafungu awi gha kadadu ghichafwa isangenyi kose, ifungu jimweri jichasigharika moyo. 9Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”
ទើបបានជ្រើសរើសហើយ៖
ZEKARIA 13: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.