MARKO 11
11
Jesu kungia Jerusalemu ukizumilwa
(Mat. 21.1-11; Lk. 19.28-40; Joh. 12.12-19)
1Hata iji werekoghe kaavui na Jerusalemu, wikavika Bethfage na Bethania, kaavui na Mghondi ghwa Mizeituni. Jesu ukaduma wanughi wake wawi, 2ukawizera, “Ghendenyi ghuja muzi ghuko imbiri konyu, nao ahoeni mkingia mzinyi, mchawona mwana wa punda ufungilo, jingi usejokelo ni mndungi anduangi. Mfunguonyi mumrede. 3Ngera mndungi wamkotia, ‘Welee, kwaki m'bonyagha huwu?’ Mzerenyi, ‘Bwana wamkunda, nao uchammbunja shwa wori.’”
4Wikaghenda, wikammbona mwana wa punda chienyi ufungilo mnyangonyi ghwa nyumba, wikamfungua. 5Wandu wamu werekoghe kimusi ahoeni, wikawikotia, “Kwaki mumfunguagha mwana wa punda?” 6Wikawitumbulia sa iji koni Jesu orewizerieghe; nawo wikawisigha. 7Wikamredia Jesu uo mwana wa punda, wikaala nguwo rawo aighu yake, na Jesu ukasea kidombo aighu kwake. 8Wandu wengi wikariala nguwo rawo chienyi, na wazima wikaala masawi wereghidemieghe mbuwenyi. 9Na wandu awa werekirieghe na imbiri andwamweri na awa werekoghe wikinugha na nyuma, wikaghora kwa lwaka lubaa, “Hosana! Nderasimilo uo uchagha kwa irina ja Bwana!#Zab. 118.25-26 10Ndeghurasimilo ughu wuzuri ghuchagha ghwa aba odu Daudi. Hosana Uo-Uko-Aighu-Nandighi.”
11Jesu ukangia Jerusalemu, ukaghenda hata Hekalunyi, ukazighana vilambo vose chia rose. Ela kwa kukaia erekoghe luma lwa kenyi, ukafuma, ukaghenda Bethania, andwamweri na waja ikumi na wawi.
Mafundisho aighu ya mtini
(Mat. 21.18-19)
12Niko nakesho yaro, iji wafuma Bethania, Jesu ukazughwa ni njala. 13Nao iji wawona mtini kula koni, ghuko na malemba mengi, ukaghusughudia eri upate itunda jingi aho. Hata iji wabusa, nderewonieghe itunda jingi, ela malemba maduu; angu ndeerekoghe ngelo ya matini anduangi. 14Aho ukaghuzera, “Jingi mndungi usakeja itunda jingi kwako.” Na wanughi wake wikamsikira ukighora.
Jesu kughenda Hekalunyi
(Mat. 21.12-17; Lk. 19.45-48; Joh. 2.13-22)
15Nao wikabusa Jerusalemu. Jesu ukangia Hekalunyi, ukazoya kuwiwinga awa werekoghe wikiuza na kughua andenyi ya Hekalu. Ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo. 16Hata nderemrumirieghe mndungi uidirie Hekalunyi na kindo chingi anduangi. 17Nao ukawifundisha, “Welee, ndeiandikilo, ‘Nyumba yapo ichawangwa nyumba ya malombi kwa mbari rose’, anguwada? Ela inyo mwaibonya mbanga ya viting'a!”#Isa. 56.7; Jer. 7.11 18Wakohani wabaa na walimu wa Sharia wiendasikira huwo, wikalola chia emtotesha, ela weremuobueghe kwa kukaia izungu jose ja wandu jereshinuloghe ni mafundisho ghake. 19Hata iji lwavika luma lwa kenyi, Jesu na wanughi wake wikafuma shighadi ya muzi.
Mafundisho aighu ya kunyaya kwa mtini
(Mat. 21.20-22)
20Hata nakesho yaro wikiida, wikaghuwona ghuja mtini ghunyarie putu, chiaimweri na miri yaro. 21Petro ukakumbuka, ukamzera Jesu, “Mwalimu, zighana ghuja mtini koreghuwasireghe njowe, ghwanyarie.”
22Jesu ukawizera, “Kaienyi na irumirio kwa Mlungu. 23Namghoria loli, uo ose uchaaghuzera mghondi ughu, ‘Kuka kukukumbe baharinyi’, nao ndekaiagha na ngera ingi ngolonyi kwake, ela warumiria angu agho ughoragha ghichakaia wokoni, loli uchabonyerwa.#Mat. 17.20; 1 Wakor. 13.2 24Niko namzera, vilambo vose muvilombagha, rumirienyi angu mwavipata, nenyo mchanekwa. 25Nenyo iji mwakaia kimusi mkilomba, fuenyi wughoma ikakaia mkosane ilagho jingi na mndungi, niko na Ndeyo onyu uko mlungunyi uchamleka inyo makosa ghenyu.#Mat. 6.14-15 [ 26Ela mkalegha kufuya wughoma, hata na Ndeyo onyu uko mlungunyi ndechaamfunya wughoma inyo wori.”]
Ikoto aighu ya nguma ya Jesu
(Mat. 21.23-27; Lk. 20.1-8)
27Nao wikabusa sena Jerusalemu. Hata iji Jesu orekoghe ukisela andenyi Hekalunyi wakohani wabaa, walimu wa Sharia na waghosi wikamchea, 28wikamkotia, “Welee, ni kwa ngumaki kubonyagha maza iri? Angu nani orekunekieghe nguma ebonya maza iri?”
29Jesu ukawizera, “Na ini nichamkotia ilagho jimu munitumbulie, niko na ini nichaamtumbulia ni kwa ngumaki nibonyagha maza iri. 30Welee, nguma ya Johane ebaputiza edefuma mlungunyi angu kwa wadamu? Nitumbulienyi.”
31Wikazoya kutumbuliana weni na weni wikighamba, “Dikaghamba, ‘Edefuma mlungunyi’, uchadikotia, ‘Kwaki sena mseremrumirieghe?’ 32Na dikaghamba, ‘Edefuma kwa wadamu.’” (Werewiobueghe wandu, angu wandu wose weremrumirieghe Johane kukaia mlodi wa loli.) 33Wikamtumbulia Jesu, “Ndedimanyire.” Jesu ukawizera, “Hata na ini simghoriagha ni kwa nguma iao nibonyagha maza iri anduangi.”
ទើបបានជ្រើសរើសហើយ៖
MARKO 11: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MARKO 11
11
Jesu kungia Jerusalemu ukizumilwa
(Mat. 21.1-11; Lk. 19.28-40; Joh. 12.12-19)
1Hata iji werekoghe kaavui na Jerusalemu, wikavika Bethfage na Bethania, kaavui na Mghondi ghwa Mizeituni. Jesu ukaduma wanughi wake wawi, 2ukawizera, “Ghendenyi ghuja muzi ghuko imbiri konyu, nao ahoeni mkingia mzinyi, mchawona mwana wa punda ufungilo, jingi usejokelo ni mndungi anduangi. Mfunguonyi mumrede. 3Ngera mndungi wamkotia, ‘Welee, kwaki m'bonyagha huwu?’ Mzerenyi, ‘Bwana wamkunda, nao uchammbunja shwa wori.’”
4Wikaghenda, wikammbona mwana wa punda chienyi ufungilo mnyangonyi ghwa nyumba, wikamfungua. 5Wandu wamu werekoghe kimusi ahoeni, wikawikotia, “Kwaki mumfunguagha mwana wa punda?” 6Wikawitumbulia sa iji koni Jesu orewizerieghe; nawo wikawisigha. 7Wikamredia Jesu uo mwana wa punda, wikaala nguwo rawo aighu yake, na Jesu ukasea kidombo aighu kwake. 8Wandu wengi wikariala nguwo rawo chienyi, na wazima wikaala masawi wereghidemieghe mbuwenyi. 9Na wandu awa werekirieghe na imbiri andwamweri na awa werekoghe wikinugha na nyuma, wikaghora kwa lwaka lubaa, “Hosana! Nderasimilo uo uchagha kwa irina ja Bwana!#Zab. 118.25-26 10Ndeghurasimilo ughu wuzuri ghuchagha ghwa aba odu Daudi. Hosana Uo-Uko-Aighu-Nandighi.”
11Jesu ukangia Jerusalemu, ukaghenda hata Hekalunyi, ukazighana vilambo vose chia rose. Ela kwa kukaia erekoghe luma lwa kenyi, ukafuma, ukaghenda Bethania, andwamweri na waja ikumi na wawi.
Mafundisho aighu ya mtini
(Mat. 21.18-19)
12Niko nakesho yaro, iji wafuma Bethania, Jesu ukazughwa ni njala. 13Nao iji wawona mtini kula koni, ghuko na malemba mengi, ukaghusughudia eri upate itunda jingi aho. Hata iji wabusa, nderewonieghe itunda jingi, ela malemba maduu; angu ndeerekoghe ngelo ya matini anduangi. 14Aho ukaghuzera, “Jingi mndungi usakeja itunda jingi kwako.” Na wanughi wake wikamsikira ukighora.
Jesu kughenda Hekalunyi
(Mat. 21.12-17; Lk. 19.45-48; Joh. 2.13-22)
15Nao wikabusa Jerusalemu. Jesu ukangia Hekalunyi, ukazoya kuwiwinga awa werekoghe wikiuza na kughua andenyi ya Hekalu. Ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo. 16Hata nderemrumirieghe mndungi uidirie Hekalunyi na kindo chingi anduangi. 17Nao ukawifundisha, “Welee, ndeiandikilo, ‘Nyumba yapo ichawangwa nyumba ya malombi kwa mbari rose’, anguwada? Ela inyo mwaibonya mbanga ya viting'a!”#Isa. 56.7; Jer. 7.11 18Wakohani wabaa na walimu wa Sharia wiendasikira huwo, wikalola chia emtotesha, ela weremuobueghe kwa kukaia izungu jose ja wandu jereshinuloghe ni mafundisho ghake. 19Hata iji lwavika luma lwa kenyi, Jesu na wanughi wake wikafuma shighadi ya muzi.
Mafundisho aighu ya kunyaya kwa mtini
(Mat. 21.20-22)
20Hata nakesho yaro wikiida, wikaghuwona ghuja mtini ghunyarie putu, chiaimweri na miri yaro. 21Petro ukakumbuka, ukamzera Jesu, “Mwalimu, zighana ghuja mtini koreghuwasireghe njowe, ghwanyarie.”
22Jesu ukawizera, “Kaienyi na irumirio kwa Mlungu. 23Namghoria loli, uo ose uchaaghuzera mghondi ughu, ‘Kuka kukukumbe baharinyi’, nao ndekaiagha na ngera ingi ngolonyi kwake, ela warumiria angu agho ughoragha ghichakaia wokoni, loli uchabonyerwa.#Mat. 17.20; 1 Wakor. 13.2 24Niko namzera, vilambo vose muvilombagha, rumirienyi angu mwavipata, nenyo mchanekwa. 25Nenyo iji mwakaia kimusi mkilomba, fuenyi wughoma ikakaia mkosane ilagho jingi na mndungi, niko na Ndeyo onyu uko mlungunyi uchamleka inyo makosa ghenyu.#Mat. 6.14-15 [ 26Ela mkalegha kufuya wughoma, hata na Ndeyo onyu uko mlungunyi ndechaamfunya wughoma inyo wori.”]
Ikoto aighu ya nguma ya Jesu
(Mat. 21.23-27; Lk. 20.1-8)
27Nao wikabusa sena Jerusalemu. Hata iji Jesu orekoghe ukisela andenyi Hekalunyi wakohani wabaa, walimu wa Sharia na waghosi wikamchea, 28wikamkotia, “Welee, ni kwa ngumaki kubonyagha maza iri? Angu nani orekunekieghe nguma ebonya maza iri?”
29Jesu ukawizera, “Na ini nichamkotia ilagho jimu munitumbulie, niko na ini nichaamtumbulia ni kwa ngumaki nibonyagha maza iri. 30Welee, nguma ya Johane ebaputiza edefuma mlungunyi angu kwa wadamu? Nitumbulienyi.”
31Wikazoya kutumbuliana weni na weni wikighamba, “Dikaghamba, ‘Edefuma mlungunyi’, uchadikotia, ‘Kwaki sena mseremrumirieghe?’ 32Na dikaghamba, ‘Edefuma kwa wadamu.’” (Werewiobueghe wandu, angu wandu wose weremrumirieghe Johane kukaia mlodi wa loli.) 33Wikamtumbulia Jesu, “Ndedimanyire.” Jesu ukawizera, “Hata na ini simghoriagha ni kwa nguma iao nibonyagha maza iri anduangi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.