MIKA 4
4
BWANA kubonya nguma ndoenyi kwa sere
(Isa. 2.1-4)
1Matuku ghichagha, mghondi andu Hekalu ya BWANA ikaiagha,
ghuchakaia ighu kuchumba yose,
ghukikaia ighu kuchumba yose na wandu
wa mbari rose wichacha wikighughendia.
2Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA,
Hekalunyi kwa Mlungu wa Israeli.
Uchadifundisha agho ukunde dighibonye;
nesi dichaghenda na chia uisaghue.
Kwa kukaia sharia ichafuma Sioni,
na ilagho ja BWANA jichafuma Jerusalemu.”
3Uchatanya aghadi ya wandu wa mbari nyingi
na aghadi ya wandu wiwadie ndighi kula na kaavui.
Wichachana chufu rawo riwuye maghembe,
na mafumu ghawo ghiwuye mindu.
Mbari nderichaalwa reni na reni,
hata nderichaakufundisha kulwa wuda sena anduangi.#Joe. 3.10
4Kula mundu uchakaia na sere aisi ya mzabibu na mtini ghwake,
hata ndekuwadie mndungi uchaamuobosha;
angu BWANA Uwadie-Ndighi-Rose walaghira.#Zek. 3.10
5Kula mbari yadatasa na kusikira mlungu ghwawo, ela isi dichamtasa BWANA Mlungu odu kwa kala na kala.
Waisraeli kuwuya kufuma wubarishonyi
6BWANA waghamba, “Ngelo ichacha, nani nichawitumbanya chiaimweri wandu nerewikabieghe; awo wandu wijie wasi aho wubarishonyi. 7Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”
8Na oho, ee Jerusalemu, andu Mlungu orekoghe ukichereshera wandu wake sa mlisha uko mnarenyi, nichakubonya kukaie muzi m'baa ghwa wuzuri ghonyu sa kala. 9Idana kuliliaki nandighi huwu? Kwaki kujagha wasi sa muka ukumbagha lufu lova? Ni angu kusewadie mzuri? Mnjama wako oofwa? 10Kung'arishenyi msirimike inyo wandu wa Jerusalemu sa muka uvagha; kwa kukaia idana kuchasigha muzi kughende isanga ja kula. Kuchaghenda Babuloni, ela BWANA uchakukira ahoeni kufuma kwa wamaiza wako. 11Mbari ra wandu wengi rakwanyika kulwa na oho. Waghamba, “Ni suti Jerusalemu itotesho! Dichawona muzi ughu ghukinonwa.” 12Ela mbari iri nderimanyagha maghesho gha BWANA. Ndewiwuetambukilwa wei weetumbanywa chiaimweri wipate kukabwa, seji viro viredwagha vipate kusheghwa.
13BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”
ទើបបានជ្រើសរើសហើយ៖
MIKA 4: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MIKA 4
4
BWANA kubonya nguma ndoenyi kwa sere
(Isa. 2.1-4)
1Matuku ghichagha, mghondi andu Hekalu ya BWANA ikaiagha,
ghuchakaia ighu kuchumba yose,
ghukikaia ighu kuchumba yose na wandu
wa mbari rose wichacha wikighughendia.
2Mbari ra wandu wengi wichacha na kughora, “Nndokonyi dijoke aighu ya mghondi ghwa BWANA,
Hekalunyi kwa Mlungu wa Israeli.
Uchadifundisha agho ukunde dighibonye;
nesi dichaghenda na chia uisaghue.
Kwa kukaia sharia ichafuma Sioni,
na ilagho ja BWANA jichafuma Jerusalemu.”
3Uchatanya aghadi ya wandu wa mbari nyingi
na aghadi ya wandu wiwadie ndighi kula na kaavui.
Wichachana chufu rawo riwuye maghembe,
na mafumu ghawo ghiwuye mindu.
Mbari nderichaalwa reni na reni,
hata nderichaakufundisha kulwa wuda sena anduangi.#Joe. 3.10
4Kula mundu uchakaia na sere aisi ya mzabibu na mtini ghwake,
hata ndekuwadie mndungi uchaamuobosha;
angu BWANA Uwadie-Ndighi-Rose walaghira.#Zek. 3.10
5Kula mbari yadatasa na kusikira mlungu ghwawo, ela isi dichamtasa BWANA Mlungu odu kwa kala na kala.
Waisraeli kuwuya kufuma wubarishonyi
6BWANA waghamba, “Ngelo ichacha, nani nichawitumbanya chiaimweri wandu nerewikabieghe; awo wandu wijie wasi aho wubarishonyi. 7Wakelemeshero na kuwikwa kula na mzawo, ela nichabonya masighariko ghawo wizoe kwa wuwishi, ela wichawuya mbari mbaa. Kufuma ngelo iyo, nichawibonyera nguma aighu ya Mghondi ghwa Sioni kwa kala na kala.”
8Na oho, ee Jerusalemu, andu Mlungu orekoghe ukichereshera wandu wake sa mlisha uko mnarenyi, nichakubonya kukaie muzi m'baa ghwa wuzuri ghonyu sa kala. 9Idana kuliliaki nandighi huwu? Kwaki kujagha wasi sa muka ukumbagha lufu lova? Ni angu kusewadie mzuri? Mnjama wako oofwa? 10Kung'arishenyi msirimike inyo wandu wa Jerusalemu sa muka uvagha; kwa kukaia idana kuchasigha muzi kughende isanga ja kula. Kuchaghenda Babuloni, ela BWANA uchakukira ahoeni kufuma kwa wamaiza wako. 11Mbari ra wandu wengi rakwanyika kulwa na oho. Waghamba, “Ni suti Jerusalemu itotesho! Dichawona muzi ughu ghukinonwa.” 12Ela mbari iri nderimanyagha maghesho gha BWANA. Ndewiwuetambukilwa wei weetumbanywa chiaimweri wipate kukabwa, seji viro viredwagha vipate kusheghwa.
13BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.