MIKA 3
3
Mika kutanya vilongozi va Israeli
1Sikirenyi inyo wabaa wa Israeli! Welee, si inyo msuwirilwagha kuitala hachi? 2Ela inyo mwadazamilwa ni ijo jiko icha, na kuchikunda icho chiko kiwiwi. Mwawisicha wandu wapo wiko wimoo sa mchinji na kukonua nyama maindinyi kwawo. 3Mwakonua mrongo na kuja nyama ya wandu wapo sa nyamandu ya isakenyi, na kuchikanya maindi ghawo, mkighidumbua sa nyama sufurienyi, angu nyungunyi. 4Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.
5Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi, 6“Ituku jenyu jasia inyo walodi; iruwa janeng'ena konyu. Ndemchaaloda ilagho jingi.” 7Wandu wilodagha malagho ghichagha wichafwa waya iji ghakaia ghisekatie. Wichaserwa angu Mlungu usewitumbuliagha.
8Ela ini neechulwa ni Roho na kudima kwa BWANA, nao wadanineka maghesho gha hachi, na ndighi rewighoria wandu wa Israeli kaung'a rawo. 9Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee. 10Mwaawuyaagha Jerusalemu muzi ghwa Mlungu aighu ya msingi ghobwagha na kusowa hachi. 11Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.” 12Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.#Jer. 26.18
ទើបបានជ្រើសរើសហើយ៖
MIKA 3: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MIKA 3
3
Mika kutanya vilongozi va Israeli
1Sikirenyi inyo wabaa wa Israeli! Welee, si inyo msuwirilwagha kuitala hachi? 2Ela inyo mwadazamilwa ni ijo jiko icha, na kuchikunda icho chiko kiwiwi. Mwawisicha wandu wapo wiko wimoo sa mchinji na kukonua nyama maindinyi kwawo. 3Mwakonua mrongo na kuja nyama ya wandu wapo sa nyamandu ya isakenyi, na kuchikanya maindi ghawo, mkighidumbua sa nyama sufurienyi, angu nyungunyi. 4Ngelo yaawuyacha; nenyo mchamkemia BWANA ela ndechaamtumbulia. Ndechaasikira malombi ghenyu angu m'bonyere kiwiwi.
5Wandu wapo waawuyalaghashwa ni walodi wiwilaghiragha sere ingelo walipwa kindo chimu, na kuwiredia wuda awo wisewinekie kindo chingi. BWANA waghora huwu kwa awo walodi, 6“Ituku jenyu jasia inyo walodi; iruwa janeng'ena konyu. Ndemchaaloda ilagho jingi.” 7Wandu wilodagha malagho ghichagha wichafwa waya iji ghakaia ghisekatie. Wichaserwa angu Mlungu usewitumbuliagha.
8Ela ini neechulwa ni Roho na kudima kwa BWANA, nao wadanineka maghesho gha hachi, na ndighi rewighoria wandu wa Israeli kaung'a rawo. 9Nisikirenyi inyo wabonyi nguma wa Israeli, mzamilwagha ni kubonya hachi na kughalua loli iwuye tee. 10Mwaawuyaagha Jerusalemu muzi ghwa Mlungu aighu ya msingi ghobwagha na kusowa hachi. 11Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.” 12Kwa huwo Sioni ichalimwa sa mbuwa, na Jerusalemu ichawuya kitungasi, na mghondi ghwa Hekalu ghuwuye msidu.#Jer. 26.18
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.