MATHAYO 5
5
Ichilo ja mghondinyi
1Jesu uendajiwona jija izungu ja wandu, ukajoka mghondinyi, ukasea kidombo; na wanughi wake wikamghendia; 2nao ukazoya kuwifundisha ukighamba:
Kuboilwa kwa loli
(Lk. 6.20-23)
3“Warasimilwa awa wimanyagha weko wakiwa rohonyi;
angu wuzuri ghwa mlungunyi ni ghwawo.
4Warasimilwa awo wiko na wasi,
angu awo wichahoreshwa.#Isa. 61.2
5Warasimilwa awa wiko wa mboa,
angu awo wichapata isanga.#Zab. 37.11
6Warasimilwa awa wiko na njala na kau ekunda kubonya hachi,
angu awo wichakatwa.#Isa. 55.1-2
7Warasimilwa awa wiko na wughoma,
angu awo wichafuilwa wughoma.
8Warasimilwa awa wielie ngolonyi kwawo,
angu awo wichammbona Mlungu.#Zab. 24.3-4
9Warasimilwa awa wipatanishagha wandu,
angu awo wichawangwa wana wa Mlungu.
10Warasimilwa awo witirirwagha kwa wundu ghobonya hachi,
angu wuzuri gha Mlungu ni ghwawo.#1 Pet. 3.14
11“Mwarasimilwa inyo iji wandu wamsholia, na kumtirira, na kumzighiria kwa tee rose kwa wundu ghwapo.#1 Pet. 4.14 12Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.#2 Mal. 36.16; Mab. 7.52
Kiserere na mwengere
(Mk. 9.50; Lk. 14.34-35)
13“Inyo moko kiserere wurumwengunyi. Ela kiserere chikafumwa ni kusinga kwaro mchachilunga na kindoki? Ndechifwane kindo chingi sena, ela chichadeghwa cha shighadi chiwadilo ni wandu.#Mk. 9.50; Lk. 14.34-35
14“Inyo moko mwengere wurumwengunyi; muzi ghuko mghondinyi ndeghudimagha kuvisika anduangi.#Joh. 8.12; 9.5 15Hata wandu ndewikoragha taa na kuifinikira pishi, ela wadaiwika aighu ya kilambo charo iwilangalishire mwengere wandu wose wiko nyumbenyi.#Mk. 4.21; Lk. 8.16; 11.33 16Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.#1 Pet. 2.12
Mafundisho aighu ya Sharia
17“Msakeririkanya wei necha kuiinja Sharia ya Musa na mafundisho gha walodi, sichee kughiinja anduangi, ela necha kughikatisha. 18Nani namghoria loli, hata mlungunyi na ndoenyi kwaida, kalagho kangi angu ifungu itini nandighi ja Sharia ndejichaainjwa hata ghose ghikatisho.#Lk. 16.17 19Niko huwu, uo ose uchaaghuchikanya momu mtini ghwa Sharia ukifundisha wandu wibonye huwo, uchakaia mtini putu kwa Wuzuri ghwa mlungunyi. Ela uo uiwadagha memu na kuwifundisha wazima, nuo moni uchaakaia m'baa kwa Wuzuri ghwa Mlungu. 20Nani namzera, ngera hachi yenyu isechumbagha iyo ya walimu wa Sharia na Mafarisayo, ndemchaadima jingi kungia kwa Wuzuri ghwa Mlungu anduangi.
Mafundisho aighu ya machu
(Lk. 12.57-59)
21“Mwamerie kusikira angu wandu wa kala werezereloghe, ‘Kusakebwagha; na uo ose uchaabwagha uchatanywa.’#Kuf. 20.13; Wuk. 5.17 22Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu. 23Na oho iji kwakafunya kizongona chako madhabahunyi, nao anyaho kukumbuke kukaia mwachumbane na mwanyinyu, 24kuchisighe kizongona chako ahoeni madhabahunyi, kughende kupatane na mwanyinyu kande, ima kuchefunya icho kizongona chako. 25Patana na mshitaki wako ngelo mkighenda kotinyi. Isechekaia ukughenje kwa mtanyi, na mtanyi ukufunye mikonunyi kwa asikari, na aho kungiro kifungonyi. 26Loli nakuzera, ndekuchaafuma aho anduangi hata kwameria kulipa senti ya kutua.
Mafundisho aighu ya wulaki
27“Mwasikire angu ereghoreloghe ‘Kusakelaka.’#Kuf. 20.14; Wuk. 5.18 28Ela ini namzera, uo ose umzighanagha muka ukikaia na bea nao, wameria kulaka nao ngolonyi kwake. 29Idana ngera iriso jako ja kiwomi jiakushekeria kungie kaung'enyi kujikuo kujide noko. Ni nicha kulaghasha kia chimu chako kuchumba mumbi ghwako ghose kukumbwa jehanamunyi.#Mat. 18.9; Mk. 9.47 30Ikakaia mkonu ghwako ghwa kiwomi ghuakushekeria kungie kaung'enyi, kughudumbuo kughude noko; ni nicha kulaghasha kia chimu chako kuchumba mumbi ghwako ghose kukumbwa jehanamunyi.#Mat. 18.8; Mk. 9.43
Mafundisho aighu ya kutana kwa mndwawomi na mkake
(Mat. 19.9; Mk. 10.11-12; Lk. 16.18)
31“Sena ereghoreloghe, ‘Uo utanagha na mkake, umneke barua etana nao.’#Wuk. 24.1-4; Mat. 19.7; Mk. 10.4 32Ela ini namzera, uo utanagha na mkake, isaakaia ni kwa wundu ghwa wulaki, uam'bonya ungie kulakenyi, na uo umlowuagha muka utane na mumi walaka.#Mat. 19.9; Mk. 10.11-12; Lk. 16.18; 1 Wakor. 7.10-11
Mafundisho aighu ya kughema
33“Sena mwasikire angu wandu wa kala werezereloghe, ‘Kusewike ighemi ja tee, ela kumkatishire Bwana seji kughemie.’#Wal. 19.12; Mit. 30.2; Wuk. 23.21 34Ela ini namzera, msakeghema jingi; kwa mlungunyi, angu ni kifumbi cha nguma cha Mlungu;#Jak. 5.12; Isa. 66.1; Mat. 23.22 35hata kwa ndoenyi, angu ni kifumbi chewikiria maghu ghake; hata kwa Jerusalemu, angu ni muzi ghwa Mzuri m'baa.#Isa. 66.1; Zab. 48.2 36Hata kusakeghema kwa chongo chako, angu ndekudimagha kughalua iridia jimweri jiwuye ja chokwa angu ja chilu anduangi. 37Ela kukaghora ‘Ee’ angu ‘Hata,’ ikaie wokoni. Angu ijo jose jichumbagha agho jadafuma kwa uja Mmbiwi.
Mafundisho aighu ya kulipia isasi
(Lk. 6.29-30)
38“Mwasikire angu ereghoreloghe, ‘Iriso kwa iriso, na ighegho kwa ighegho.’#Kuf. 21.24; Wal. 24.20; Wuk. 19.21 39Ela ini namzera, kusakemlipia uo mundu ukukoseragha. Mundu ukakukaba na lui idumbu jako ja kiwomi, kumghalusire ijo ja kawi wori. 40Na ngera mndungi wakughenja kotinyi ukikunda kuwusa ishati jako, kumsighie na ikoti jako wori. 41Mundu ukakulazimisha kumdukie msigo ghwake kilometa imweri, mdukie kilometa iwi. 42Uo ukulombagha kumneke, na uo ukunde kukukopa kusakemleghia.
Kuwikunda wamaiza
(Lk. 6.27-28, 32-36)
43“Mwasikire angu ereghoreloghe, ‘Kumkunde mmbenyu, ela kuzamilo ni m'maiza wako.’#Wal. 19.18 44Ela ini namzera, muwikunde wamaiza wenyu, sena muwilombie awo wimtiriragha; 45eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori. 46Welee, mchapata inosi jiao kwa kuwikunda awo wimkundagha inyo, ikakaia hata na wawadi wushuru wadabonya wokoni? 47Sena mkawiroghua wanyinyu wiekeri, mwabonya ilaghoki ja kighenyi? Angu hata na wandu wisemwichi Mlungu wadabonya wokoni. 48Kwa huwu mkaie wandu wikatie seji Ndeyo onyu uko mlungunyi, ukatie.#Wal. 19.2; Wuk. 18.13
ទើបបានជ្រើសរើសហើយ៖
MATHAYO 5: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 5
5
Ichilo ja mghondinyi
1Jesu uendajiwona jija izungu ja wandu, ukajoka mghondinyi, ukasea kidombo; na wanughi wake wikamghendia; 2nao ukazoya kuwifundisha ukighamba:
Kuboilwa kwa loli
(Lk. 6.20-23)
3“Warasimilwa awa wimanyagha weko wakiwa rohonyi;
angu wuzuri ghwa mlungunyi ni ghwawo.
4Warasimilwa awo wiko na wasi,
angu awo wichahoreshwa.#Isa. 61.2
5Warasimilwa awa wiko wa mboa,
angu awo wichapata isanga.#Zab. 37.11
6Warasimilwa awa wiko na njala na kau ekunda kubonya hachi,
angu awo wichakatwa.#Isa. 55.1-2
7Warasimilwa awa wiko na wughoma,
angu awo wichafuilwa wughoma.
8Warasimilwa awa wielie ngolonyi kwawo,
angu awo wichammbona Mlungu.#Zab. 24.3-4
9Warasimilwa awa wipatanishagha wandu,
angu awo wichawangwa wana wa Mlungu.
10Warasimilwa awo witirirwagha kwa wundu ghobonya hachi,
angu wuzuri gha Mlungu ni ghwawo.#1 Pet. 3.14
11“Mwarasimilwa inyo iji wandu wamsholia, na kumtirira, na kumzighiria kwa tee rose kwa wundu ghwapo.#1 Pet. 4.14 12Boilonyi, mkaie na iseko ibaa; angu mafungu ghenyu ni mabaa aho mlungunyi; angu huwo niko werewitiririeghe walodi werekoghe imbiri konyu.#2 Mal. 36.16; Mab. 7.52
Kiserere na mwengere
(Mk. 9.50; Lk. 14.34-35)
13“Inyo moko kiserere wurumwengunyi. Ela kiserere chikafumwa ni kusinga kwaro mchachilunga na kindoki? Ndechifwane kindo chingi sena, ela chichadeghwa cha shighadi chiwadilo ni wandu.#Mk. 9.50; Lk. 14.34-35
14“Inyo moko mwengere wurumwengunyi; muzi ghuko mghondinyi ndeghudimagha kuvisika anduangi.#Joh. 8.12; 9.5 15Hata wandu ndewikoragha taa na kuifinikira pishi, ela wadaiwika aighu ya kilambo charo iwilangalishire mwengere wandu wose wiko nyumbenyi.#Mk. 4.21; Lk. 8.16; 11.33 16Huwo koni suti mwengere ghonyu ghulangale imbiri ya wandu, eri wikiwona mabonyo ghenyu, wimkase Ndeyo onyu uko mlungunyi.#1 Pet. 2.12
Mafundisho aighu ya Sharia
17“Msakeririkanya wei necha kuiinja Sharia ya Musa na mafundisho gha walodi, sichee kughiinja anduangi, ela necha kughikatisha. 18Nani namghoria loli, hata mlungunyi na ndoenyi kwaida, kalagho kangi angu ifungu itini nandighi ja Sharia ndejichaainjwa hata ghose ghikatisho.#Lk. 16.17 19Niko huwu, uo ose uchaaghuchikanya momu mtini ghwa Sharia ukifundisha wandu wibonye huwo, uchakaia mtini putu kwa Wuzuri ghwa mlungunyi. Ela uo uiwadagha memu na kuwifundisha wazima, nuo moni uchaakaia m'baa kwa Wuzuri ghwa Mlungu. 20Nani namzera, ngera hachi yenyu isechumbagha iyo ya walimu wa Sharia na Mafarisayo, ndemchaadima jingi kungia kwa Wuzuri ghwa Mlungu anduangi.
Mafundisho aighu ya machu
(Lk. 12.57-59)
21“Mwamerie kusikira angu wandu wa kala werezereloghe, ‘Kusakebwagha; na uo ose uchaabwagha uchatanywa.’#Kuf. 20.13; Wuk. 5.17 22Ela ini namzera, kula mundu ucham'bonyera mruna machu uchatanywa, na uo ummenyagha mruna uchaghenjwa mwandunyi. Uo ummbangagha mruna ‘Mkelu’ ichafwana ukumbo modonyi ghwa jehanamu. 23Na oho iji kwakafunya kizongona chako madhabahunyi, nao anyaho kukumbuke kukaia mwachumbane na mwanyinyu, 24kuchisighe kizongona chako ahoeni madhabahunyi, kughende kupatane na mwanyinyu kande, ima kuchefunya icho kizongona chako. 25Patana na mshitaki wako ngelo mkighenda kotinyi. Isechekaia ukughenje kwa mtanyi, na mtanyi ukufunye mikonunyi kwa asikari, na aho kungiro kifungonyi. 26Loli nakuzera, ndekuchaafuma aho anduangi hata kwameria kulipa senti ya kutua.
Mafundisho aighu ya wulaki
27“Mwasikire angu ereghoreloghe ‘Kusakelaka.’#Kuf. 20.14; Wuk. 5.18 28Ela ini namzera, uo ose umzighanagha muka ukikaia na bea nao, wameria kulaka nao ngolonyi kwake. 29Idana ngera iriso jako ja kiwomi jiakushekeria kungie kaung'enyi kujikuo kujide noko. Ni nicha kulaghasha kia chimu chako kuchumba mumbi ghwako ghose kukumbwa jehanamunyi.#Mat. 18.9; Mk. 9.47 30Ikakaia mkonu ghwako ghwa kiwomi ghuakushekeria kungie kaung'enyi, kughudumbuo kughude noko; ni nicha kulaghasha kia chimu chako kuchumba mumbi ghwako ghose kukumbwa jehanamunyi.#Mat. 18.8; Mk. 9.43
Mafundisho aighu ya kutana kwa mndwawomi na mkake
(Mat. 19.9; Mk. 10.11-12; Lk. 16.18)
31“Sena ereghoreloghe, ‘Uo utanagha na mkake, umneke barua etana nao.’#Wuk. 24.1-4; Mat. 19.7; Mk. 10.4 32Ela ini namzera, uo utanagha na mkake, isaakaia ni kwa wundu ghwa wulaki, uam'bonya ungie kulakenyi, na uo umlowuagha muka utane na mumi walaka.#Mat. 19.9; Mk. 10.11-12; Lk. 16.18; 1 Wakor. 7.10-11
Mafundisho aighu ya kughema
33“Sena mwasikire angu wandu wa kala werezereloghe, ‘Kusewike ighemi ja tee, ela kumkatishire Bwana seji kughemie.’#Wal. 19.12; Mit. 30.2; Wuk. 23.21 34Ela ini namzera, msakeghema jingi; kwa mlungunyi, angu ni kifumbi cha nguma cha Mlungu;#Jak. 5.12; Isa. 66.1; Mat. 23.22 35hata kwa ndoenyi, angu ni kifumbi chewikiria maghu ghake; hata kwa Jerusalemu, angu ni muzi ghwa Mzuri m'baa.#Isa. 66.1; Zab. 48.2 36Hata kusakeghema kwa chongo chako, angu ndekudimagha kughalua iridia jimweri jiwuye ja chokwa angu ja chilu anduangi. 37Ela kukaghora ‘Ee’ angu ‘Hata,’ ikaie wokoni. Angu ijo jose jichumbagha agho jadafuma kwa uja Mmbiwi.
Mafundisho aighu ya kulipia isasi
(Lk. 6.29-30)
38“Mwasikire angu ereghoreloghe, ‘Iriso kwa iriso, na ighegho kwa ighegho.’#Kuf. 21.24; Wal. 24.20; Wuk. 19.21 39Ela ini namzera, kusakemlipia uo mundu ukukoseragha. Mundu ukakukaba na lui idumbu jako ja kiwomi, kumghalusire ijo ja kawi wori. 40Na ngera mndungi wakughenja kotinyi ukikunda kuwusa ishati jako, kumsighie na ikoti jako wori. 41Mundu ukakulazimisha kumdukie msigo ghwake kilometa imweri, mdukie kilometa iwi. 42Uo ukulombagha kumneke, na uo ukunde kukukopa kusakemleghia.
Kuwikunda wamaiza
(Lk. 6.27-28, 32-36)
43“Mwasikire angu ereghoreloghe, ‘Kumkunde mmbenyu, ela kuzamilo ni m'maiza wako.’#Wal. 19.18 44Ela ini namzera, muwikunde wamaiza wenyu, sena muwilombie awo wimtiriragha; 45eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori. 46Welee, mchapata inosi jiao kwa kuwikunda awo wimkundagha inyo, ikakaia hata na wawadi wushuru wadabonya wokoni? 47Sena mkawiroghua wanyinyu wiekeri, mwabonya ilaghoki ja kighenyi? Angu hata na wandu wisemwichi Mlungu wadabonya wokoni. 48Kwa huwu mkaie wandu wikatie seji Ndeyo onyu uko mlungunyi, ukatie.#Wal. 19.2; Wuk. 18.13
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.