MATHAYO 4
4
Matimo gha Jesu
(Mk. 1.12-13; Lk. 4.1-13)
1Nao Roho ukamghenja Jesu cha kireti, upate kutimwa ni Ibilisi.#Waeb. 2.18; 4.15 2Ukafunga tumu matuku mirongo ina na vio varo, na kutua kwaro ukasikira njala. 3Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.” 4Jesu ukamtumbulia, “Yaandikilo andenyi ya Maandiko Ghielie, ‘Mdamu ndechakaia moyo kwa mkate ghoni anduangi, ela ni kwa kula ilagho jighorwagha ni Mlungu.’”#Wuk. 8.3
5Nao Ibilisi ukamdwa Jesu hata Jerusalemu ghuja muzi ghwa wueli; ukammbika koighu hekalunyi, 6ukamzera, “Ikakaia oho ko Mwana wa Mlungu, kuchunuo kondonyi, angu yaandikilo,
‘Mlungu uchawilaghira weke malaika wake kwa wundu ghwako,
nawo wichakuwada mikonunyi kwawo,
kusechekuwa kughu kwako ighonyi.’”#Zab. 91.11-12
7Jesu ukamzera, “Sena yaandikilo,
‘Kusakemtima Bwana Mlungu wako.’”#Wuk. 6.16
8Niko Ibilisi ukamjosa mghondinyi m'baa, ukammbonyera mawuzuri ghose gha wurumwengunyi na wubaa ghwaro, 9ukamzera, “Nichakuneka ivi vose iji kwanidungia ngokoro na kunitasa.” 10Niko Jesu ukamzera, “Ghenda noko Shetani! Yaandikilo,
‘Kumtase Bwana Mlungu wako, na kumdumikia uo moni uekeri.’”#Wuk. 6.13
11Nao Ibilisi ukamsigha, na weke malaika wikacha kumdumikia.
Kuzoya kwa wudumiki ghwa Jesu isanga ja Galilaya
(Mk. 1.14-15; Lk. 4.14-15)
12Jesu uendasikira angu Johane wameria kungirwa kifungonyi, ukaghenda cha Galilaya.#Mat. 14.3; Mk. 6.17; Lk. 3.19-20 13Nao nderekaieghe Nazareti anduangi, ela ukaghenda Kafarnaumu, muzi ghuko mbai na mbai ya ndiwa ya Galilaya, mwanonyi ghwa isanga ja Zebluni na Naftali; ukakaia aho.#Joh. 2.12 14Madedo ghereghoreloghe ni mlodi Isaya ghipate kukatia ghighambagha,
15“Isanga ja Zebluni na isanga ja Naftali,
kulangaya baharinyi, kimonu cha Jordani, Galilaya ya mbari zima!#Isa. 9.1-2
16Wandu awo werekoghe kirenyi,
waghuwona mwengere m'baa.
Na kwa awo werekoghe isangenyi na kiju cha kifwa,
mwengere ghwalangala kwawo.”
17Nao kufuma aho Jesu ukazoya kuchila ukighamba, “Heenyi, angu Wuzuri ghwa Mlungu ghwavika kaavui.”#Mat. 3.2
Jesu kuwiwanga wawadi samaki bana
(Mk. 1.16-20; Lk. 5.1-11)
18Nao iji Jesu orekoghe ukisela mbai na mbai ya ndiwa ya Galilaya, ukawiwona wawadi samaki wawi, mundu na mruna; Simoni (uwangwagha Petro), na mruna Andrea; werekoghe wikiwada samaki kwa nyavu ndiwenyi. 19Jesu ukawizera, “Ninughenyi; nani nicham'bonya mkaie wawadi wandu.” 20Nao shwa wikarisigha nyavu rawo wikamnugha.
21Ukaghenda imbiri katini ukawiwona wandu wawi sena mundu na mruna, Jakobo na Johane wana wa Zebedayo, wikiriboisa nyavu rawo. Jesu ukawiwanga, 22nao shwa wikajisigha ishua na ndee wawo, wikamnugha.
Jesu kufundisha, kuchila, na kuboisa
(Lk. 6.17-19)
23Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.#Mat. 9.35; Mk. 1.39 24Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose. 25Izungu ibaa ja wandu wikamnugha wifumie Galilaya, Dekapoli, Jerusalemu, Judea, na kimonu cha Jordani.
ទើបបានជ្រើសរើសហើយ៖
MATHAYO 4: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 4
4
Matimo gha Jesu
(Mk. 1.12-13; Lk. 4.1-13)
1Nao Roho ukamghenja Jesu cha kireti, upate kutimwa ni Ibilisi.#Waeb. 2.18; 4.15 2Ukafunga tumu matuku mirongo ina na vio varo, na kutua kwaro ukasikira njala. 3Niko Mtimi ukamchea ukamzera, “Ikakaia oho ko Mwana wa Mlungu, ghizere magho agha ghiwuye mikate.” 4Jesu ukamtumbulia, “Yaandikilo andenyi ya Maandiko Ghielie, ‘Mdamu ndechakaia moyo kwa mkate ghoni anduangi, ela ni kwa kula ilagho jighorwagha ni Mlungu.’”#Wuk. 8.3
5Nao Ibilisi ukamdwa Jesu hata Jerusalemu ghuja muzi ghwa wueli; ukammbika koighu hekalunyi, 6ukamzera, “Ikakaia oho ko Mwana wa Mlungu, kuchunuo kondonyi, angu yaandikilo,
‘Mlungu uchawilaghira weke malaika wake kwa wundu ghwako,
nawo wichakuwada mikonunyi kwawo,
kusechekuwa kughu kwako ighonyi.’”#Zab. 91.11-12
7Jesu ukamzera, “Sena yaandikilo,
‘Kusakemtima Bwana Mlungu wako.’”#Wuk. 6.16
8Niko Ibilisi ukamjosa mghondinyi m'baa, ukammbonyera mawuzuri ghose gha wurumwengunyi na wubaa ghwaro, 9ukamzera, “Nichakuneka ivi vose iji kwanidungia ngokoro na kunitasa.” 10Niko Jesu ukamzera, “Ghenda noko Shetani! Yaandikilo,
‘Kumtase Bwana Mlungu wako, na kumdumikia uo moni uekeri.’”#Wuk. 6.13
11Nao Ibilisi ukamsigha, na weke malaika wikacha kumdumikia.
Kuzoya kwa wudumiki ghwa Jesu isanga ja Galilaya
(Mk. 1.14-15; Lk. 4.14-15)
12Jesu uendasikira angu Johane wameria kungirwa kifungonyi, ukaghenda cha Galilaya.#Mat. 14.3; Mk. 6.17; Lk. 3.19-20 13Nao nderekaieghe Nazareti anduangi, ela ukaghenda Kafarnaumu, muzi ghuko mbai na mbai ya ndiwa ya Galilaya, mwanonyi ghwa isanga ja Zebluni na Naftali; ukakaia aho.#Joh. 2.12 14Madedo ghereghoreloghe ni mlodi Isaya ghipate kukatia ghighambagha,
15“Isanga ja Zebluni na isanga ja Naftali,
kulangaya baharinyi, kimonu cha Jordani, Galilaya ya mbari zima!#Isa. 9.1-2
16Wandu awo werekoghe kirenyi,
waghuwona mwengere m'baa.
Na kwa awo werekoghe isangenyi na kiju cha kifwa,
mwengere ghwalangala kwawo.”
17Nao kufuma aho Jesu ukazoya kuchila ukighamba, “Heenyi, angu Wuzuri ghwa Mlungu ghwavika kaavui.”#Mat. 3.2
Jesu kuwiwanga wawadi samaki bana
(Mk. 1.16-20; Lk. 5.1-11)
18Nao iji Jesu orekoghe ukisela mbai na mbai ya ndiwa ya Galilaya, ukawiwona wawadi samaki wawi, mundu na mruna; Simoni (uwangwagha Petro), na mruna Andrea; werekoghe wikiwada samaki kwa nyavu ndiwenyi. 19Jesu ukawizera, “Ninughenyi; nani nicham'bonya mkaie wawadi wandu.” 20Nao shwa wikarisigha nyavu rawo wikamnugha.
21Ukaghenda imbiri katini ukawiwona wandu wawi sena mundu na mruna, Jakobo na Johane wana wa Zebedayo, wikiriboisa nyavu rawo. Jesu ukawiwanga, 22nao shwa wikajisigha ishua na ndee wawo, wikamnugha.
Jesu kufundisha, kuchila, na kuboisa
(Lk. 6.17-19)
23Nao Jesu ukaghenda Galilaya kose ukifundisha andenyi ya sunagogi rawo, ukichila Ilagho Jiboie ja Wuzuri ghwa Mlungu. Ukaboisa kula mbari ya makongo na saka rerekoghe kwa wandu.#Mat. 9.35; Mk. 1.39 24Na sare yake ikaera isanga jose ja Siria, wandu wikamredia wakongo wa mbari rose werekoghe wikisirimika kwa pepo na kuzimia, andwamweri na wakelemeri. Jesu ukawiboisa wose. 25Izungu ibaa ja wandu wikamnugha wifumie Galilaya, Dekapoli, Jerusalemu, Judea, na kimonu cha Jordani.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.