MATHAYO 12
12
Ikoto aighu ya Sabato
(Mk. 2.23-28; Lk. 6.1-5)
1Ngelo iyo Jesu orekoghe ukighenda ghadi na ghadi ya mbuwa ya ngano ituku ja Sabato. Wanughi wake wikazughwa ni njala, na kuzoya kudema vanga va ngano na kuja.#Wuk. 23.25 2Mafarisayo wiendawona agho, wikamzera Jesu, “Zighana wanughi wako seji wibonyagha maza risebonywagha ituku ja Sabato.” 3Jesu ukawitumbulia, “Wele jingi ndemshomie seji Daudi na wambao werebnyereghe iji weresikireghe njala?#1 Sam. 21.1-7 4Uo na wambao werengirieghe andenyi ya nyumba ya Mlungu, wikaija mikate erefunyiroghe kwa Mlungu, nawo ndewerekoghe na rusa eja iyo mikate, angu yadajighwa ni Wakohani wiekeri.#Wal. 24.9 5Angu welee, ndemshomie Sharienyi seji Wakohani wiichukanyagha Sabato Hekalunyi kula ituku ja Sabato, nawo ndewitalwagha kukaia na ikosa jingi?#Mit. 28.9-10 6Nani namzera, aha koko kilambo kibaa kuchumba Hekalu. 7Na ngera modemanya kutambua kwaro malagho agha: Neekunda wughoma ela si kizongona kungi; ndamwawitanyagha wandu wiseko na makosa anduangi.#Mat. 9.13; Hos. 6.6 8Angu Mwana wa Mdamu nuo Bwana wa Sabato.”
Mundu uko na mkonu ghukelemere
(Mk. 3.1-6; Lk. 6.6-11)
9Nao Jesu ukafuma aho ukaghenda kwa sunagogi yawo, 10Na aho korekoghe na mndumu uko na mkonu ghukelemere. Wandu wikamkotia Jesu, “Welee, ni hachi kum'boisa mundu ituku ja Sabato?” Weremkotereghe agho eri wipate shekeria emshitakia. 11Ela Jesu ukawizera, “Welee, mndungi ukakaia na ng'ondi yake yachunukia ivongonyi ituku ja Sabato, ndechaiwada uifunye anguwada?#Lk. 14.5 12Idana mundu wachumba ng'ondi saki? Kwa huwo ni hachi kubonya ilagho icha ituku ja Sabato.” 13Niko ukamzera uja mundu, “Ghorua mkonu ghwako.” Nao ukaghughorua nagho ghukaboa na kukaia karakara na ghuja ghumu. 14Ela Mafarisayo wikafuma shighadi wikabonya njama seji wichaadima kumtotesha Jesu.
Mdumiki wa Mlungu usaghulo
15Jesu ukimanya ilagho ijo, ukafuma aja. Wandu wengi wikamnugha, ukawiboisa makongo ghawo ghose; 16ukawilaghira angu wisakewighoria wandu malagho ghake, 17eri agha ghighorelo ni mlodi ghikatisho:
18“Wonenyi mdumiki wapo uo nimsaghue wangolo wapo,
uo uniboiagha ngolonyi.
Nichaiwika Roho yapo aighu kwake,
nao uchawighoria mbari rose matanyo ghapo gha hachi.#Isa. 42.1-3
19Ndechaasimana na mndungi hata kudeda na ndighi,
hata lwaka lwake ndeluchaasikirika chienyi.
20Mrangi ghufashikie ndechaaghuchikanya,
na mtambi ghuakagha ndechaaghurimisha
hata wameria kubonya hachi isime,
21na mbari rose wipate kusuwiria kwake.”
Jesu na Beelizebuli
(Mk. 3.20-30; Lk. 11.14-23)
22Nao ahoeni wandu wikamredia Jesu mndumu kitungure sena uko kituri, angu orekoghe na pepo izamie. Jesu ukam'boisa hata ukawona na kudeda wori. 23Izungu jose ja wandu wikashinika na kughamba, “Kewada uhu suo Mwana wa Daudi?” 24Ela iji Mafarisayo wasikira agho wikaghamba, “Mundu uhu wadariwinga pepo tu kwa ndighi ra Beelizebuli m'baa wa pepo.”#Mat. 9.34; 10.25 25Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi. 26Shetani ukammbinga Shetani uakuwaghanya moni. Idana wuzuri ghwake-lee ghumanga wada? 27Inyo mwaghamba angu nadawinga pepo kwa ndighi ra Beelizebuli; idana wana wenyu awo wiriwinga kwa ndighi rani? Kwa wundu ughu, awo wichamtanya inyo. 28Ela ikakaia nadariwinga pepo kwa ndighi ra Roho wa Mlungu, huwo mmanye angu wuzuri ghwa Mlungu ghwameria kumchea.
29“Angu idimika wada mundu kuingia nyumba ya mundu uko nandighi umsoke mali rake, usemfungie kande uja mundu uko na ndighi? Niko uchadima kumsoka mali rake. 30Uo useko andwamweri nani wadalwa nani; na uo usekwanyagha andwamweri nani wadasaghisa.#Mk. 9.40 31Kwa wundu ughu namzera, wandu wichalekelwa kaung'a na masholio ghawo ghose, ela kuja kumsholia Roho ndekuchaalekelwa putu. 32Sena uo uchaaghora ilagho ja kumtangala Mwana wa Mdamu uchalekelwa, ela uo uchaaghora ilagho ja kumtangala Roho Mweli, ndechaalekelwa kwa wurumwengu ughu hata kwa wurumwengu ghuchagha wori.#Lk. 12.10
Mudi na matunda ghake
(Lk. 6.43-45)
33“Mudi ghukakaia ghuboie na matunda ghake ghichakaia ghiboie, ela ghukakaia ghuzamie na matunda ghake ghichakaia ghizamie wokoni. Angu mudi ghwadamanyika kwa matunda gharo.#Mat. 7.20; Lk. 6.44 34Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.#Mat. 3.7; 23.33; 15.18; Lk. 3.7; 6.45 35Mundu mucha wadafunya malagho mecha kufumanya na ghaja mecha uko nagho, na wokoni mundu mmbiwi kufumanya na ghuja wuwiwi uko nagho wadafunya maza rizamie. 36Namghoria, Ituku ja Kutanywa, wandu wichafunya mtalo ghwa kula ilagho ja duu werejidedieghe. 37Angu kwa madedo ghako kuchanekwa hachi, na kwa madedo ghako kuchatanywa.”
Kukunda mwakilimbiti
(Mk. 8.11-12; Lk. 11.29-32)
38Niko walimu wamu wa Sharia na Mafarisayo wikamzera, “Mwalimu, dakunde kuwona mwakilimbiti kwako.”#Mat. 16.1; Mk. 8.11; Lk. 11.16 39Nao ukawitumbulia, “Kivalwa cha wuwiwi na kulaka chialola mwakilimbiti, ela ndechichaanekwa mwakilimbiti kuchumba uo wa mlodi Jona.#Mat. 16.4; Mk. 8.12 40Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.#Joh. 1.17 41Wandu wa Nineve wichawuka aighu ya kivalwa ichi kutanyonyi, nawo wichachitanya kivalwa ichi kukaia chakosere, angu Wanineve wereherieghe kwa wundu ghwa machilo gha Jona; na aha jeko ilagho ibaa kuchumba Jona.#Jon. 3.5
42“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.#1 Waz. 10.1-10; 2 Mal. 9.1-12
Kuwuya kwa pepo ya makakala
(Lk. 11.24-26)
43“Ija pepo ya makakala iji yamfuma mundu, yadasela-sela andu kuomie ikilola andu kohora, nayo yadasowa. 44Niko yadaghora, ‘Nichaghuwuria wulalo ghwapo andu nerefumieghe.’ Hata iji yawuya na kukua ugho wulalo ghuko mduu, ghufwagirilo na kuwikwa nicha, 45niko yadaghenda na kureda pepo zima mfungade rizamie kuchumba iyo cheni, naro rose radacha na kumngia uja mundu na kukaia aho. Kutua kwake mundu uo, wadazama kuchumba imbiri. Huwo niko ichaakaia kwa kivalwa ichi cha wuwiwi.”
Mae Jesu na waruna
(Mk. 3.31-35; Lk. 8.19-21)
46Hata iji orekoghe ukidedanya na wandu, mae na waruna wikakaia kimusi shighadi wikikunda kummbona. 47Mndumu ukaghenda ukamzera, “Mayo na wanyinyu weko shighadi wikunde mdedanye.” 48Ela Jesu ukamtumbulia uo mundu, “Mao nani? Na wanidu ni weke ani?” 49Niko ukaghughorua mkonu ghwake cha kwa wanughi wake ukaghamba, “Awa niwo mao na wanidu! 50Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”
ទើបបានជ្រើសរើសហើយ៖
MATHAYO 12: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 12
12
Ikoto aighu ya Sabato
(Mk. 2.23-28; Lk. 6.1-5)
1Ngelo iyo Jesu orekoghe ukighenda ghadi na ghadi ya mbuwa ya ngano ituku ja Sabato. Wanughi wake wikazughwa ni njala, na kuzoya kudema vanga va ngano na kuja.#Wuk. 23.25 2Mafarisayo wiendawona agho, wikamzera Jesu, “Zighana wanughi wako seji wibonyagha maza risebonywagha ituku ja Sabato.” 3Jesu ukawitumbulia, “Wele jingi ndemshomie seji Daudi na wambao werebnyereghe iji weresikireghe njala?#1 Sam. 21.1-7 4Uo na wambao werengirieghe andenyi ya nyumba ya Mlungu, wikaija mikate erefunyiroghe kwa Mlungu, nawo ndewerekoghe na rusa eja iyo mikate, angu yadajighwa ni Wakohani wiekeri.#Wal. 24.9 5Angu welee, ndemshomie Sharienyi seji Wakohani wiichukanyagha Sabato Hekalunyi kula ituku ja Sabato, nawo ndewitalwagha kukaia na ikosa jingi?#Mit. 28.9-10 6Nani namzera, aha koko kilambo kibaa kuchumba Hekalu. 7Na ngera modemanya kutambua kwaro malagho agha: Neekunda wughoma ela si kizongona kungi; ndamwawitanyagha wandu wiseko na makosa anduangi.#Mat. 9.13; Hos. 6.6 8Angu Mwana wa Mdamu nuo Bwana wa Sabato.”
Mundu uko na mkonu ghukelemere
(Mk. 3.1-6; Lk. 6.6-11)
9Nao Jesu ukafuma aho ukaghenda kwa sunagogi yawo, 10Na aho korekoghe na mndumu uko na mkonu ghukelemere. Wandu wikamkotia Jesu, “Welee, ni hachi kum'boisa mundu ituku ja Sabato?” Weremkotereghe agho eri wipate shekeria emshitakia. 11Ela Jesu ukawizera, “Welee, mndungi ukakaia na ng'ondi yake yachunukia ivongonyi ituku ja Sabato, ndechaiwada uifunye anguwada?#Lk. 14.5 12Idana mundu wachumba ng'ondi saki? Kwa huwo ni hachi kubonya ilagho icha ituku ja Sabato.” 13Niko ukamzera uja mundu, “Ghorua mkonu ghwako.” Nao ukaghughorua nagho ghukaboa na kukaia karakara na ghuja ghumu. 14Ela Mafarisayo wikafuma shighadi wikabonya njama seji wichaadima kumtotesha Jesu.
Mdumiki wa Mlungu usaghulo
15Jesu ukimanya ilagho ijo, ukafuma aja. Wandu wengi wikamnugha, ukawiboisa makongo ghawo ghose; 16ukawilaghira angu wisakewighoria wandu malagho ghake, 17eri agha ghighorelo ni mlodi ghikatisho:
18“Wonenyi mdumiki wapo uo nimsaghue wangolo wapo,
uo uniboiagha ngolonyi.
Nichaiwika Roho yapo aighu kwake,
nao uchawighoria mbari rose matanyo ghapo gha hachi.#Isa. 42.1-3
19Ndechaasimana na mndungi hata kudeda na ndighi,
hata lwaka lwake ndeluchaasikirika chienyi.
20Mrangi ghufashikie ndechaaghuchikanya,
na mtambi ghuakagha ndechaaghurimisha
hata wameria kubonya hachi isime,
21na mbari rose wipate kusuwiria kwake.”
Jesu na Beelizebuli
(Mk. 3.20-30; Lk. 11.14-23)
22Nao ahoeni wandu wikamredia Jesu mndumu kitungure sena uko kituri, angu orekoghe na pepo izamie. Jesu ukam'boisa hata ukawona na kudeda wori. 23Izungu jose ja wandu wikashinika na kughamba, “Kewada uhu suo Mwana wa Daudi?” 24Ela iji Mafarisayo wasikira agho wikaghamba, “Mundu uhu wadariwinga pepo tu kwa ndighi ra Beelizebuli m'baa wa pepo.”#Mat. 9.34; 10.25 25Nao Jesu ukimanya maghesho ghawo ukawizera, “Wuzuri ugho ghose ghuwaghanyikagha mafungu mafungu, ndeghudimagha kumanga anduangi; hata ndekuwadie muzi angu nyumba iwaghanyikagha cheni idimagha kumanga anduangi. 26Shetani ukammbinga Shetani uakuwaghanya moni. Idana wuzuri ghwake-lee ghumanga wada? 27Inyo mwaghamba angu nadawinga pepo kwa ndighi ra Beelizebuli; idana wana wenyu awo wiriwinga kwa ndighi rani? Kwa wundu ughu, awo wichamtanya inyo. 28Ela ikakaia nadariwinga pepo kwa ndighi ra Roho wa Mlungu, huwo mmanye angu wuzuri ghwa Mlungu ghwameria kumchea.
29“Angu idimika wada mundu kuingia nyumba ya mundu uko nandighi umsoke mali rake, usemfungie kande uja mundu uko na ndighi? Niko uchadima kumsoka mali rake. 30Uo useko andwamweri nani wadalwa nani; na uo usekwanyagha andwamweri nani wadasaghisa.#Mk. 9.40 31Kwa wundu ughu namzera, wandu wichalekelwa kaung'a na masholio ghawo ghose, ela kuja kumsholia Roho ndekuchaalekelwa putu. 32Sena uo uchaaghora ilagho ja kumtangala Mwana wa Mdamu uchalekelwa, ela uo uchaaghora ilagho ja kumtangala Roho Mweli, ndechaalekelwa kwa wurumwengu ughu hata kwa wurumwengu ghuchagha wori.#Lk. 12.10
Mudi na matunda ghake
(Lk. 6.43-45)
33“Mudi ghukakaia ghuboie na matunda ghake ghichakaia ghiboie, ela ghukakaia ghuzamie na matunda ghake ghichakaia ghizamie wokoni. Angu mudi ghwadamanyika kwa matunda gharo.#Mat. 7.20; Lk. 6.44 34Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.#Mat. 3.7; 23.33; 15.18; Lk. 3.7; 6.45 35Mundu mucha wadafunya malagho mecha kufumanya na ghaja mecha uko nagho, na wokoni mundu mmbiwi kufumanya na ghuja wuwiwi uko nagho wadafunya maza rizamie. 36Namghoria, Ituku ja Kutanywa, wandu wichafunya mtalo ghwa kula ilagho ja duu werejidedieghe. 37Angu kwa madedo ghako kuchanekwa hachi, na kwa madedo ghako kuchatanywa.”
Kukunda mwakilimbiti
(Mk. 8.11-12; Lk. 11.29-32)
38Niko walimu wamu wa Sharia na Mafarisayo wikamzera, “Mwalimu, dakunde kuwona mwakilimbiti kwako.”#Mat. 16.1; Mk. 8.11; Lk. 11.16 39Nao ukawitumbulia, “Kivalwa cha wuwiwi na kulaka chialola mwakilimbiti, ela ndechichaanekwa mwakilimbiti kuchumba uo wa mlodi Jona.#Mat. 16.4; Mk. 8.12 40Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.#Joh. 1.17 41Wandu wa Nineve wichawuka aighu ya kivalwa ichi kutanyonyi, nawo wichachitanya kivalwa ichi kukaia chakosere, angu Wanineve wereherieghe kwa wundu ghwa machilo gha Jona; na aha jeko ilagho ibaa kuchumba Jona.#Jon. 3.5
42“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.#1 Waz. 10.1-10; 2 Mal. 9.1-12
Kuwuya kwa pepo ya makakala
(Lk. 11.24-26)
43“Ija pepo ya makakala iji yamfuma mundu, yadasela-sela andu kuomie ikilola andu kohora, nayo yadasowa. 44Niko yadaghora, ‘Nichaghuwuria wulalo ghwapo andu nerefumieghe.’ Hata iji yawuya na kukua ugho wulalo ghuko mduu, ghufwagirilo na kuwikwa nicha, 45niko yadaghenda na kureda pepo zima mfungade rizamie kuchumba iyo cheni, naro rose radacha na kumngia uja mundu na kukaia aho. Kutua kwake mundu uo, wadazama kuchumba imbiri. Huwo niko ichaakaia kwa kivalwa ichi cha wuwiwi.”
Mae Jesu na waruna
(Mk. 3.31-35; Lk. 8.19-21)
46Hata iji orekoghe ukidedanya na wandu, mae na waruna wikakaia kimusi shighadi wikikunda kummbona. 47Mndumu ukaghenda ukamzera, “Mayo na wanyinyu weko shighadi wikunde mdedanye.” 48Ela Jesu ukamtumbulia uo mundu, “Mao nani? Na wanidu ni weke ani?” 49Niko ukaghughorua mkonu ghwake cha kwa wanughi wake ukaghamba, “Awa niwo mao na wanidu! 50Angu uo ose uchaabonya lukundo lwa Aba uko mlungunyi nuo mwanidu wa womi, mwanidu wa waka, na mao.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.