MATHAYO 11
11
Wadumwa wifumie kwa Johane M'baputizi
(Lk. 7.18-35)
1Nao iji Jesu wameria kuwilaghira wanughi wake ikumi na wawi, ukafuma aho ukaghenda kufundisha na kuchila kwa mizi yawo. 2Johane uko kifungonyi, uendasikira malagho gha mabonyo gha Jesu, ukawiduma wamu wa wanughi wake kwa Jesu wimkotie, 3“Welee, oho nuo uja uchagha angu dimmbesere mzima?” 4Jesu ukawitumbulia, “Ghendenyi mumghorie Johane malagho mwaghisikira na kughiwona: 5Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.#Isa. 35.5-6; 61.1 6Warasimilwa uo mundu useko na ngera nani.”
7Hata iji wanughi wa Johane werekoghe wikighenda, Jesu ukazoya kujizera izungu ja wandu malagho gha Johane, “Morefumieghe kwendazighana kii aja kireti? Modekunda kuwona mrangi ghukinyavurishwa ni mbeo? 8Angu morefumieghe kwendazighana kii? Ni kumzighana mundu urwae nicha? Olenyi awo wirwae nguwo ndicha weko nyumbenyi kwa wazuri. 9Idana moreghendieghe kuwona kii? Ni mlodi? Ee, kwa loli ni kuchumba mlodi. 10Uhu nuo moni ughorelo kwa Maandiko Ghielie.
‘Ola namduma mdumi wapo ukukirie, waghora Bwana,
uo uchaakuboisira chia yako.’#Mlk. 3.1
11Namghoria loli, kwa awo wose wivalo ni waka, ndewonekie mndungi uko m'baa kumchumba Johane M'baputizi anduangi. Elaima, uo uko mtini putu kwa wuzuri ghwa Mlungu, ni m'baa kumchumba uo. 12Kufuma matuku gha Johane M'baputizi hata idime, wuzuri ghwa Mlungu ghwaawuyatangalwa kwa ndighi, na awo wiko nandighi wiaghuwada kwa ndighi.#Lk. 16.16 13Walodi wose na Sharia ra Musa, wereghorieghe malagho gha ngelo iri. 14Ngera mwakunda kughirumiria, ola uo nuo Elija uchagha.#Mlk. 4.5; Mat. 17.10-13; Mk. 9.11-13 15Uo uko na madu ghesikira ndesikire.
16“Ela nichifwananisha naki kivalwa ichi? Chafwanana na wanake wiko kidombo sokonyi wikiwangana na wambao, 17wikighamba, ‘Deremkabieghe misherembe mkalegha kuvina, dereborieghe chumbo ra wasi mkalegha kulila.’ 18Angu Johane orechieghe ukifunga usejagha hata usenywagha, nawo wikaghamba, ‘Ooka na pepo.’ 19Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”
Mizi iserumirie
(Lk. 10.13-15)
20Niko Jesu ukazoya kuirasha ija mizi weke mwakilimbiti wengi wibonyero kwawo, angu wandu waro wereleghieghe kuhea. 21“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.#Isa. 23.1-18; Eze. 26.1–28.26; Joe. 3.4-8; Amo. 1.9-10; Zek. 9.2-4 22Ela namghoria loli, Ituku ja Kutanywa, kukabwa kwa Tiro na Sidoni kukaia baa kuchumba inyo. 23Na oho Kafarnaumu, kookunda kujoswa kuvike mlungunyi? Kuchaserwa hata jehanamunyi. Angu ngera weke mwakilimbiti werebonyeroghe kwako, wedebonyerwa Sodoma, kumangu muzi ugho ghwaduagha hata linu.#Isa. 14.13-15; Kuz. 19.24-28 24Ela namghoria, Ituku ja Kutanywa, ikabo ja Sodoma jikaia baa kuchumba jako.”#Mat. 10.15; Lk. 10.12
Choonyi kwapo mhore
(Lk. 10.21-22)
25Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini. 26Ee Aba, angu niko korekundieghe ikaie huwo. 27Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.#Joh. 3.35; 1.18; 10.15 28Choonyi kwapo inyo mmbose msumbukagha na kulemerelwa ni misigo, nani nichamhoresha. 29Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.#Jer. 6.16 30Angu ghongolo yapo yaboie na msigo ghwapo ghwaangue.”
ទើបបានជ្រើសរើសហើយ៖
MATHAYO 11: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 11
11
Wadumwa wifumie kwa Johane M'baputizi
(Lk. 7.18-35)
1Nao iji Jesu wameria kuwilaghira wanughi wake ikumi na wawi, ukafuma aho ukaghenda kufundisha na kuchila kwa mizi yawo. 2Johane uko kifungonyi, uendasikira malagho gha mabonyo gha Jesu, ukawiduma wamu wa wanughi wake kwa Jesu wimkotie, 3“Welee, oho nuo uja uchagha angu dimmbesere mzima?” 4Jesu ukawitumbulia, “Ghendenyi mumghorie Johane malagho mwaghisikira na kughiwona: 5Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.#Isa. 35.5-6; 61.1 6Warasimilwa uo mundu useko na ngera nani.”
7Hata iji wanughi wa Johane werekoghe wikighenda, Jesu ukazoya kujizera izungu ja wandu malagho gha Johane, “Morefumieghe kwendazighana kii aja kireti? Modekunda kuwona mrangi ghukinyavurishwa ni mbeo? 8Angu morefumieghe kwendazighana kii? Ni kumzighana mundu urwae nicha? Olenyi awo wirwae nguwo ndicha weko nyumbenyi kwa wazuri. 9Idana moreghendieghe kuwona kii? Ni mlodi? Ee, kwa loli ni kuchumba mlodi. 10Uhu nuo moni ughorelo kwa Maandiko Ghielie.
‘Ola namduma mdumi wapo ukukirie, waghora Bwana,
uo uchaakuboisira chia yako.’#Mlk. 3.1
11Namghoria loli, kwa awo wose wivalo ni waka, ndewonekie mndungi uko m'baa kumchumba Johane M'baputizi anduangi. Elaima, uo uko mtini putu kwa wuzuri ghwa Mlungu, ni m'baa kumchumba uo. 12Kufuma matuku gha Johane M'baputizi hata idime, wuzuri ghwa Mlungu ghwaawuyatangalwa kwa ndighi, na awo wiko nandighi wiaghuwada kwa ndighi.#Lk. 16.16 13Walodi wose na Sharia ra Musa, wereghorieghe malagho gha ngelo iri. 14Ngera mwakunda kughirumiria, ola uo nuo Elija uchagha.#Mlk. 4.5; Mat. 17.10-13; Mk. 9.11-13 15Uo uko na madu ghesikira ndesikire.
16“Ela nichifwananisha naki kivalwa ichi? Chafwanana na wanake wiko kidombo sokonyi wikiwangana na wambao, 17wikighamba, ‘Deremkabieghe misherembe mkalegha kuvina, dereborieghe chumbo ra wasi mkalegha kulila.’ 18Angu Johane orechieghe ukifunga usejagha hata usenywagha, nawo wikaghamba, ‘Ooka na pepo.’ 19Mwana wa Mdamu orechieghe ukija ukinywa, nawo waghamba, ‘Mzighanenyi mundu wa lwafuo, mmbongeri na mghenyi wa wawadi wushuru na wakaung'a.’ Elaima sena ija hekima yanekwa hachi ni kazi raro.”
Mizi iserumirie
(Lk. 10.13-15)
20Niko Jesu ukazoya kuirasha ija mizi weke mwakilimbiti wengi wibonyero kwawo, angu wandu waro wereleghieghe kuhea. 21“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.#Isa. 23.1-18; Eze. 26.1–28.26; Joe. 3.4-8; Amo. 1.9-10; Zek. 9.2-4 22Ela namghoria loli, Ituku ja Kutanywa, kukabwa kwa Tiro na Sidoni kukaia baa kuchumba inyo. 23Na oho Kafarnaumu, kookunda kujoswa kuvike mlungunyi? Kuchaserwa hata jehanamunyi. Angu ngera weke mwakilimbiti werebonyeroghe kwako, wedebonyerwa Sodoma, kumangu muzi ugho ghwaduagha hata linu.#Isa. 14.13-15; Kuz. 19.24-28 24Ela namghoria, Ituku ja Kutanywa, ikabo ja Sodoma jikaia baa kuchumba jako.”#Mat. 10.15; Lk. 10.12
Choonyi kwapo mhore
(Lk. 10.21-22)
25Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini. 26Ee Aba, angu niko korekundieghe ikaie huwo. 27Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.#Joh. 3.35; 1.18; 10.15 28Choonyi kwapo inyo mmbose msumbukagha na kulemerelwa ni misigo, nani nichamhoresha. 29Mkungire ghongolo yapo, mkufundishe kwapo, angu ne mundu wa wumboa ini, na wa ngolo ekusera, nenyo mchasikira kuhoa rohonyi konyu.#Jer. 6.16 30Angu ghongolo yapo yaboie na msigo ghwapo ghwaangue.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.