MALAKI 4
4
Ituku ja kucha kwa BWANA
1BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho. 2Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi. 3Ituku nichaakatisha agho, mchawifasha-fasha wawiwi aisi ya maghu ghenyu.
4“Kumbukenyi mafundisho gha mdumiki wapo Musa; sharia na memu neremnekieghe aja Mghondi ghwa Sinai kwa wundu ghwa wandu wose wa Israeli wipate kusikira.
5“Olenyi nichamduma mlodi Elija imbiri ijo ituku ibaa ja BWANA jeobosha jisechee.#Mat. 11.14; 17.10-13; Mk. 9.11-13; Lk. 1.17; Joh. 1.21 6Uchawipatanisha weke aba na wana, eri nisecheikaba ndoe na kuitotesha.”
ទើបបានជ្រើសរើសហើយ៖
MALAKI 4: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.